Morgunblaðið - 22.01.2019, Qupperneq 10

10 FRÉTTIRInnlent
MORGUNBLAÐIÐ ÞRIÐJUDAGUR 22. JANÚAR 2019
Sigtryggur Sigtryggsson
sisi@mbl.is
Árið 2019 verður tvímælalaust það
stærsta hvað varðar skipakomur
farþegaskipa og farþegafjölda
hingað til lands. Þetta segir Erna
Kristjánsdóttir, markaðsstjóri
Faxaflóahafna. Skipakomum hefur
fjölgað árlega undanfarin ár.
Alls eru áætlaðar 184 skipa-
komur farþegaskipa til Faxaflóa-
hafna á árinu og með þeim koma
189.908 farþegar. Áætluð fjölgun
á skipakomum er því rúmlega
17% milli ára og fjölgun farþega
rúmlega 24%. Árið 2018 voru
skipakomur 166 talsins og far-
þegafjöldi nálægt 150 þúsund.
Mögulega mun skráningum skipa
fjölga þegar líður á árið.
Sögulegur viðburður verður 19.
júlí. Þá kemur til Reykjavíkur far-
þegaskipið Queen Mary 2. Drottn-
ingin er 345 metrar að lengd og
lengsta farþegaskip sem hingað
hefur komið. Nokkur önnur risa-
skip munu hafa viðkomu hér á
landi í sumar.
Þau farþegaskip sem eru með
flestar skipakomur á árinu eru
svokölluð leiðangursskip og taka
þau í kringum 250 farþega hvert.
Fimm slík skip sigla kringum
landið í sumar. Farþegar koma yf-
irleitt til landsins með flugi og
gista á hótelum, áður en farið er í
siglingu um landið. Ocean Dia-
mond fer flestar ferðir, 16 talsins.
Fyrsta farþegaskip ársins kem-
ur til landsins föstudaginn 15.
mars. Um er að ræða farþegaskip-
ið Astoria sem siglir til Reykjavík-
ur og hefur viðdvöl í höfuðborg-
inni yfir nótt. Með skipinu er
áætlað að komi í kringum 550 far-
þegar og áætluð áhöfn eru 280
manns. Aðalástæða þess að far-
þegaskip eru að koma á þessum
tíma til Íslands er aukin áhugi á
norðurljósasiglingum, að sögn
Ernu. „Með norðurljósasiglingum
opnast ný tækifæri fyrir innviði
landsins og mikilvægt er að nýta
þá á skynsaman hátt.“
Metfjöldi skemmtiferðaskipa
 Faxaflóahafnir hafa bókað 184 skipakomur á þessu ári  Með þessum skipum
koma tæplega 190 þúsund farþegar  Farþegum fjölgar um 24% frá í fyrra
Morgunblaðið/RAX
Við Skarfabakka Á háannatíma yfir sumarið liggja stundum sex skemmtiferðaskip samtímis í Sundahöfn.
Guðrún Erlingsdóttir
ge@mbl.is
Samkvæmt tölum frá Samgöngu-
stofu voru 8,6% af öllum slysum ár-
ið 2018 af völdum ökumanna 70 ára
og eldri. Desember er undanskil-
inn í þeim tölum. Engin lög gilda
um það hér á landi hvenær öku-
menn skuli hætta akstri vegna ald-
urs.
Að sögn Þórhildar Elínardóttur,
samskiptastjóra Samgöngustofu,
geta einstaklingar sem standast
ökupróf fengið ökuskírteini frá 17
ára aldri og fullnaðarskírteini
þremur árum síðar, sem gildir til
70 ára aldurs. Þegar þeim aldri er
náð þarf að endurnýja skírteini eft-
ir fjögur ár, svo tvö og loks þarf að
endurnýja ökuskírteini árlega eftir
80 ára aldur.
Það vakti nefnilega athygli
heimspressunnar og fjölmiðla á Ís-
landi þegar Filippus prins, eigin-
maður Elísabetar Englandsdrottn-
ingar og hertoginn af Edinborg,
lenti í árekstri sl. fimmtudag. Her-
togann sakaði ekki en farþegi í hin-
um bílnum úlnliðsbrotnaði. Fillip-
pus er 97 ára og enn með bílpróf.
Þórhildur segir að hér á landi sé
strangara eftirlit með útgáfu öku-
skírteina eftir 70 ára aldur. Auk
skoðunar á sjón og heyrn þurfi að
meta hreyfigetu og annað sem
áhrif getur haft á getu til aksturs
bifreiðar. Þórhildur segir það hvíla
á herðum heimilislækna að meta
aksturshæfni eldri ökumanna.
Að sögn Árna E. Albertssonar,
aðstoðaryfirlögregluþjóns í upplýs-
ingatæknideild Ríkislögreglu-
stjóra, er hægt með stjórnsýslu-
ákvörðun að afturkalla ökuréttindi
eldri ökumanna. Á tíu árum hafið
verið gripið til þess ráðs í 34 skipti.
Alls eru 264.039 einstaklingar
með gilt ökuskírteini. Þar af 23.706
17 til 20 ára og 33.772 yfir 70 ára
en ökumenn á þeim aldri eru tæp
12,8% allra ökumanna.
Slys og óhöpp sem ökumenn 70 ára og eldri valda
600
500
400
300
200
100
0
12%
10%
8%
6%
4%
2%
0%
Heimild: Samgöngustofa
Fjöldi óhappa án meiðsla Slys með litlum meiðslum Alvarleg slys Banaslys
Hlutfall slysa og óhappa sem 70 ára og eldri ökumenn valda
’02 ’03 ’04 ’05 ’06 ’07 ’08 ’09 ’10 ’11 ’12 ’13 ’14 ’15 ’16 ’17 ’18
Fjöldi Hlutfall
6,0%
8,6%
8,6% slysa af völd-
um eldri ökumanna
 Enginn hámarksaldur ökumanns
Fari allt að óskum verður hægt að
opna skíðasvæðið í Bláfjöllum á
morgun eða hinn. Þetta sagði Einar
Bjarnason, rekstrarstjóri í Bláfjöll-
um, í samtali við mbl.is í gær. Á vef-
síðu skíðasvæðanna í gær var fólk
hvatt til að fara að gera skíði sín og
bretti klár.
„Þetta er allt að koma. Það er
ótrúlega fallegt hérna hjá okkur.
Það snjóaði nóg um helgina og svo
kom veruleg gusa í nótt [fyrrinótt],“
sagði Einar.
Spáð er áframhaldandi snjókomu
og í ljósi þess segir Einar að stefnt
sé að opnun á hluta svæðisins. Mikill
lausasnjór var í brekkunum í síðustu
viku og sagði Einar að snjókoman á
föstudagskvöld og aðfaranótt
laugardags hefði bleytt mikið upp í
snjónum sem fyrir var. „Það hjálp-
aði okkur gríðarlega við að fá þéttari
snjó,“ sagði Einar. „Við erum með
bjartsýnni mönnum eins og venju-
lega, það þýðir ekki annað í þessu
starfi,“ bætti hann við.
Morgunblaðið/Árni Sæberg
Í Bláfjöllum Margir bíða þess með
óþreyju að skíðasvæðin verði opnuð.
Fólk geri
skíðin klár
Hádegisfundur
meðBjarna
Bjarni Benediktsson á hádegisfundi
Samtaka eldri sjálfstæðismanna
Bjarni Benediktsson, formaður Sjálfstæðis-
flokksins og fjármála- og efnahagsráðherra,
verður gestur á opnum hádegisfundi Samtaka
eldri sjálfstæðismanna ámorgun,miðviku-
daginn 23. janúar, kl. 12.00 á hádegi í Valhöll.
Húsið verður opnað kl. 11:30 og súpa í boði við
vægu gjaldi, 1.000 kr.Allir velkomnir!
SAMTÖK ELDRI
SJÁLFSTÆÐISMANNA