Morgunblaðið - 22.01.2019, Síða 33

MENNING 33
MORGUNBLAÐIÐ ÞRIÐJUDAGUR 22. JANÚAR 2019
Hljómsveitin Reptilicus erlöngu komin á þann staðí íslensku tónlistarsög-unni að þykja „sígild“
sveit enda var hún stofnuð árið
1988 og má því kalla braut-
ryðjendur í íslenskri tilrauna-
-raftónlist. Sveitin hefur lítið feng-
ist við dansvænni útgáfur raf-
tónlistar heldur haldið sig í gras-
rótinni eða jafnvel einhvers staðar
lengst ofaní
moldinni, svo
framsækið og til-
raunakennt hefur
efni hennar ver-
ið.
Það má segja
að sveitin hafi
látið á sér kræla í fyrsta sinn í lang-
an tíma árið 2015 þegar platan Mu-
sic for Tectonics kom út en þá hafði
Reptilicus ekki gefið út breiðskífu í
tæp 20 ár. Meðlimir sveitarinnar
höfðu þó langt frá því setið auðum
höndum, og meðal annars má nefna
að hljómsveitin Gjöll sem Jóhann
Eiríksson er í ásamt Sigurði Harð-
arsyni hafði gefið út 6 plötur á
tímabilinu.
Nýja platan, Unison, er merkileg
fyrir þær sakir að hún var tekin
upp eina helgi í nóvember árið 2011
í hljóðveri í Kanada þar sem ekki
ómerkilegri menn en Brian Eno
hafa heilmikið unnið. Platan hljóm-
ar þó ekkert eins og hið fágaða yf-
irbragð og ambient-sveimur sem oft
má finna á Eno-plötum. Hún hljóm-
ar eiginlega ekki heldur eins og
nein áður útgefin Reptilicus-plata.
Hún inniheldur vissulega öll þau
hráu og dularfullu hljóð og óvenju-
lega samsettu hljóðmyndir sem ein-
kenna Reptilicus, en á sama tíma er
fókusinn og þéttleikinn gífurlegur.
Senking setur greinilega sinn
svip á þessa hljóðmynd með grófum
og djúpum bassatónum og eins og
lesa má í bæklingi með plötunni var
Rúnar Magnússon virkur í stúdíó-
inu að áframvinna hljóðmyndina og
hljóminn. Það er þessi samvinna öll,
Reptilicus, Rúnar og Senking, sem
skilar alveg frábærri plötu, og
hreinlega einni þeirri allra bestu
rafplötu sem ég hef hlustað á í
mörg ár. Upp í hugann koma bæði
Einstürzende Neubauten og Kraft-
werk, tvær óneitanlega mikilvægar
hljómsveitir í þýskri rafeindatónlist,
svo ef til vill hefur Senking „þýsk-
að“ þetta aðeins upp.
Hluti plötunnar var tekinn upp
lifandi og nú veit ég ekki hvaða lög
voru unnin á þann hátt, en eins og
uppröðunin er á plötunni er mikil
stígandi í lögum og stemmningu og
þegar lokalögin tvö, Shiver og In-
dependent access to white noise,
hljóma er hlustandi sem hefur lagt
við hlustirnar gjörsamlega sokkinn
á bólakaf í dýpið. Þetta er ekkert
venjuleg plata, heldur frekar eins
og sögubók þar sem sögurnar eru
sagðar með tónum og hljóðum og
ímyndunarafl þitt þarf að skapa
söguþráðinn. Það kæmi mér ekki á
óvart að þessi plata gerði mann ein-
faldlega gáfaðri með einhverjum
töfra-hljóðbylgjum, svo gott er að
hlusta á hana. Ég vona innilega að
Reptilicus haldi áfram skapandi
samstarfi við aðra raftónlistarmenn
því það er í samtali sem þessu sem
galdrarnir gerast.
Sögur sagðar með hljóðum
Raftónlist
Reptilicus/Senking –
Unison bbbbb
Samvinnuverkefni íslenska dúósins
Reptilicus og þýsku einmenningssveit-
arinnar Senking. Í Reptilicus eru Jó-
hann Eiríksson og Guðmundur Ingi
Markússon, og Rúnar Magnússon er
aukameðlimur á plötunni. Í Senking er
Jens Massel. Platan kom út í október
2018 hjá Artoffact records í Kanada og
inniheldur 7 lög.
RAGNHEIÐUR
EIRÍKSDÓTTIR
TÓNLIST
Töfrahljóðbylgjur „Það kæmi mér ekki á
óvart að þessi plata gerði mann einfald-
lega gáfaðri með einhverjum töfra-hljóð-
bylgjum, svo gott er að hlusta á hana,“
segir rýnir meðal annars um plötuna.
Hér má sjá Reptilicus á tónleikum.
Bandaríska kvikmyndin Green
Book hlaut á laugardaginn var
verðlaun samtaka kvikmynda-
framleiðenda (PGA) í Bandaríkj-
unum og þykir hún fyrir vikið lík-
leg til að ná góðum árangri á
Óskarsverðlaununum í næsta mán-
uði og jafnvel hreppa verðlaun sem
besta kvikmyndin. Af öllum þeim
kvikmyndum sem hlotið hafa PGA-
verðlaunin hafa aðeins tvær ekki
hlotið Óskarinn sem besta kvik-
mynd, árin 2016 og 2017.
Mörgum kom á óvart að Green
Book yrði fyrir valinu frekar en A
Star Is Born eða Roma. Peter
Farrelly, leikstjóri Green Book,
sagði í þakkarræðu að hann hefði
ekki áður verið á verðlaunahátíð-
inni og hreinlega ekki vitað að
verðlaunin væru til yfirleitt. Var
þar auðvitað um grín að ræða.
Kvikmyndin er sannsöguleg og
segir frá tónleikaferðalagi og vin-
áttu þeldökka djasspíanistans Dons
Shirley og bílstjóra hans og líf-
varðar Tonys Lip um suðurríki
Bandaríkjanna árið 1964. Ferðalag-
inu fylgdi mikil áhætta fyrir Shirley
vegna kynþáttahaturs.
Verðlaunamynd Green Book hreppir hver verðlaunin af öðrum þessa dag-
ana. Með aðalhlutverk í henni fara Viggo Mortensen og Mahershala Ali.
Green Book hlaut verðlaun
bandarískra framleiðenda
ICQC 2018-20
SAMSTARFSAÐILI
Hringdu í 580 7000
eða farðu á
heimavorn.is
HVAR SEM ÞÚ ERT