Morgunblaðið - 04.02.2019, Síða 9

FRÉTTIR 9Innlent
MORGUNBLAÐIÐ MÁNUDAGUR 4. FEBRÚAR 2019
VANTAR ÞIG STARFSFÓLK?
Traust og fagleg
starfsmannaveita
sem þjónað hefur íslenskum
fyrirtækjum í áraraðir
Við útvegum hæfa
starfskrafta í flestar
greinar atvinnulífsins
Suðurlandsbraut 6, Rvk | S. 419 9000 info@handafl.is | handafl.is
Tveimur blaðamönnum á ritstjórn
DV var sagt upp um mánaða-
mótin, þeim Bjartmari Oddi Þey
Alexanderssyni og Birni Þorfinns-
syni.
Þetta staðfesti Kristjón Kor-
mákur Guðjónsson, ritstjóri DV, í
samtali við mbl.is í gær.
Sá síðarnefndi er fréttastjóri
fjölmiðilsins. Spurður um hvort
þessum uppsögnum fylgi ein-
hverjar breytingar á fréttaflutn-
ingi DV sagðist Kristjón ekki bú-
ast við því. „Menn spýta bara í
lófana, en það er alltaf vont að
missa gott fólk,“ sagði Kristjón.
Fréttastjóra og blaðamanni sagt upp hjá DV
Seltjörn, nýtt hjúkrunarheimili á
Seltjarnarnesi, var formlega
vígt á laugardaginn. Seltjörn
samanstendur af fjórum tíu her-
bergja heimilum sem í eru alls
40 hjúkrunarrými og miðlægum
kjarna fyrir dagdvöl, sjúkra-
þjálfun, iðjuþjálfun og þjónustu
fyrir allt að 25 manns.
Í fréttatilkynningu frá
Seltjarnarnesbæ segir að bygg-
ing Seltjarnar hafi markað tíma-
mót í byggingasögu stofnana
fyrir aldraða þar í bæ. Heimilið
hafi verið skipulagt og hannað
frá grunni með það fyrir augum
að vera raunverulegt heimili
fólks sem heilsu sinnar vegna
hafi ekki færni til að búa á eig-
in vegum.
Fyrsta skóflustungan að Sel-
tjörn var tekin í júní 2014 eftir
að bærinn úthlutaði ríkinu lóð-
ina með það fyrir augum að
opna þar heimili fyrir aldraða.
Velferðarráðuneytið og Sel-
tjarnarnesbær byggðu heimilið í
sameiningu og greiðir ríkið 85%
af heildarkostnaði húsnæðisins
og bærinn 15%, auk þess að
greiða fyrir aðstöðu undir dag-
dvölina.
Fjölmenni var við vígsluna, að
því er segir í tilkynningunni.
Þar héldu Ásgerður Halldórs-
dóttir bæjarstjóri og Svandís
Svavarsdóttir heilbrigðisráð-
herra ávörp og sr. Bjarni Þór
Bjarnason blessaði heimilið.
Heilbrigðisráðuneytið hefur
falið Vigdísarholti, sem er einka-
hlutafélag í eigu ríkisins, að
annast reksturinn. Gert er ráð
fyrir að starfsemi hefjist þar í
kringum 20. mars.
40 hjúkrunarrými bætast við þegar
hjúkrunarheimilið Seltjörn verður opnað
Morgunblaðið/Árni Sæberg
Seltjörn Ásgerður Halldórsdóttir bæjarstjóri og Svandís Svavarsdóttir
heilbrigðisráðherra klipptu á borða við vígslu hjúkrunarheimilisins.
Helgi Bjarnason
helgi@mbl.is
„Við höfum áhyggjur af því að lag-
færingar á veginum um Kjalarnes
dragist. Þessi vegur skiptir miklu
máli fyrir okkur,“ segir Gunnlaugur
A. Júlíusson, sveitarstjóri Borgar-
byggðar. Byggðaráð sendi frá sér
yfirlýsingu í gær þar sem alvarlegar
athugasemdir eru gerðar við það að
flytja eigi fjárveitingar frá fyrirhug-
aðri uppbyggingu vegarins á Kjal-
arnesi til annarra verkefna.
Í tillögum að samgönguáætlun
sem liggur fyrir Alþingi er gert ráð
fyrir 3,2 milljarða króna fjárveitingu
til lagningar 9 kílómetra kafla á
Kjalarnesi á fyrsta tímabili, árin
2019 til 2023. Ætlunin er að hefjast
handa í ár. Í breytingartillögum
meirihluta samgöngunefndar eru
fjárveitingar þessa árs og næsta
lækkaðar um 600 milljónir og fluttar
á síðustu tvö ár tímabilsins. Helm-
ingur fjárveitingar í ár, 200 millj-
ónir, er fluttur til Grindavíkurvegar
vegna aukins kostnaðar við fram-
kvæmdir þar. Verði þetta samþykkt
seinkar framkvæmdum á Kjalarnesi
um eitt til tvö ár.
Meirihlutinn rökstyður breyt-
inguna með því að segja að verk-
hönnun og samningum við landeig-
endur á Kjalarnesi sé ekki lokið.
Jafnframt er vísað til stefnumótunar
um að veggjöld verði innheimt til að
standa undir þessari framkvæmd.
Gunnlaugur minnir á að ef samn-
ingar við landeigendur væru vanda-
málið hefðu stjórnvöld heimild til
eignarnáms við undirbúning slíkra
verkefna í þágu almannaheilla. „Þeir
hljóta að hafa verið farnir að skoða
þetta miklu fyrr,“ segir hann.
Hamlar uppbyggingu
Viðurkennt er að vegurinn um
Kjalarnes er hættulegur og þar hafa
orðið alvarleg slys á undanförnum
árum. Þar er mikil og sívaxandi um-
ferð en viðhaldi hefur ekki verið
sinnt nægjanlega. Til stendur að
breikka veginn og skilja að aksturs-
stefnur með svokölluðum 1 + 2 vegi
með hringtorgum.
Gunnlaugur bendir á að vaxandi
hópur fólks úr Borgarbyggð og víðar
að af Vesturlandi sæki vinnu á
höfuðborgarsvæðið og öfugt. Því séu
það hagsmunir sveitarfélagsins að fá
almennilegar samgöngur. Í yfirlýs-
ingu byggðarráðs kemur fram að
ástand vegarins sé orðið veruleg
hindrun við uppbyggingu atvinnulífs
og samfélaga á Vesturlandi, þegar
það sé borið saman við gæði annarra
samgönguæða út frá höfuðborgar-
svæðinu.
Stendur Vestur-
landi fyrir þrifum
 Gagnrýna frestun vegaframkvæmda
Kjalarnes Vegurinn er fjölfarinn en
mjór og öryggi ekki nægilegt.
Betur fór en á horfðist þegar
kona féll 7-8 metra fram af háum
klettum og niður í fjöru við Þor-
lákshöfn um hádegisleytið í gær.
Konan var með meðvitund, en
nokkuð slösuð, þegar björgunar-
sveitir og aðrir viðbragðsaðilar
komu á vettvang. Þeir komust
niður í fjöruna með því að nota
fjallabjörgunarbúnað og síðan
þurfti að hífa konuna um borð í
þyrlu Landhelgisgæslunnar sem
fór með hana á Landspítalann í
Fossvogi.
Hún var komin undir læknis-
hendur um það bil einni og hálfri
klukkustund eftir slysið. Líklegt
er talið að hún hafi hlotið stoð-
grindarbrot af einhverju tagi.
Það tafði nokkuð för viðbragðs-
aðila að forvitið fólk dreif að til
að fylgjast með og komu margir á
bílum sínum til að sjá þegar þyrl-
an sótti konuna. Björgunarsveitin
Mannbjörg í Þorlákshöfn skrifaði
um þetta á Facebook-síðu sinni og
bað þar almenning um að halda
aftur af forvitni sinni eftir megni.
Kona féll niður kletta við Þorlákshöfn