Morgunblaðið - 07.02.2019, Síða 64

64 MENNING
MORGUNBLAÐIÐ FIMMTUDAGUR 7. FEBRÚAR 2019
30-60%
afsláttur
af öllum
útsöluvörum
Bláu húsin v/Faxafen
Sími 553 7355 • www.selena.is • Selena
undirfataverslun • Næg bílastæði
Útsölulok
Undirföt • Sundföt
Náttföt • Sloppar
laugardaginn 9. febrúar
15% aukaafsláttur
Það er alltaf kærkomið þegarút koma nýjar plötur meðíslenskum tónlistarkonum.Ekki það að ég haldi eitt-
hvað meira upp á tónlist kvenna en
karla, en það hefur bara verið mun
minna framboð af íslenskum tónlist-
arkonum en karlkyns kollegum
þeirra í gegnum tíðina. Það var því
með mikilli til-
hlökkun sem ég
hóf hlustun á
fyrstu plötu
GDRN sem nefn-
ist Hvað ef. Sú
breiðskífa hefur
hlotið heilmikla
athygli og var til að mynda ein af sex
plötum sem hlutu Kraums-
verðlaunin í lok síðasta árs.
Inngangsstef, rúmlega 40 sek-
úndna forleikur sem nefnist „Intro“,
er það fyrsta sem maður heyrir á
plötunni, og gefur sannarlega tóninn
fyrir það sem koma skal. Það er til-
finning í intróinu og svo í hverju ein-
asta lagi sem kemur á eftir. Þar er
þó alls ekki alltaf leitað í sömu til-
finningu.
Við erum svo sannarlega með ást,
bæði platónska og líkamlega, svo er-
um við með daður og leikgleði, jafn-
vel þrá eða óendurgoldna ást. Við
tekur traust og jafnvægi um miðbik
plötunnar, þegar allt virðist leika í
lyndi, en svo tekur við eftirsjá og
depurð þegar sígur á seinni hluta
plötunnar, og í laginu „Ein“ er svo
lokauppgjör við allar tilfinningarnar.
Það má vera að ég sé að tengja text-
ana óþarflega mikið saman og búa til
eins konar söguþráð, en þeir gætu
náttúrlega túlkast á aðra vegu.
Þarna er að minnsta kosti allt mor-
andi í tilfinningum, um það efast
enginn.
Rödd Guðrúnar er það sem þessi
tónlist snýst um og það er sjálf rödd-
in sem er svo tilfinninga- og blæ-
brigðarík að hún kallar einfaldlega á
slíka texta og lagasmíðar fullar af
bláum nótum. Því jú, þarna er um
einhvers konar djasspopp eða sálar-
fullt r og b-popp að ræða. Lögin eru
auðvitað mis-poppuð; allt frá hinu
næstum því klúbbvæna og daðrandi
„Komdu yfir“ til hins bjarta og
hreina „Án mín“, sem er eitt af betri
lögum plötunnar. Þar minnir söng-
lína ögn á hljómsveitir á borð við
Moses Hightower: Laumulega flókin
og djössuð en samt svo einföld, ber-
strípuð og brotin.
Þá á ég eftir að minnast á lög þar
sem djössuð og heit tónlist frá ní-
unda áratugnum kemur upp í kollinn
sem áhrifavaldur, en mér datt til
dæmis í hug tónlist hinnar stórkost-
legu bresk-nígerísku Sade Adu.
Þannig eru bæði titillagið, „Hvað
ef“, og „Þarf þig“ og hið síðarnefnda
er eiginlega allt of stutt miðað við
hvað raddirnar þar eru flottar, en
það er stysta lag plötunnar, einungis
um tvær og hálf mínúta.
Plötunni lýkur með ábreiðu af
Frikka Dór-laginu „Hlið við hlið“ en
það finnst mér mun verri endir en ef
platan hefði bara endað á hinu fyrr-
nefnda lagi „Ein“, en það er einmitt
fyrsta lagið sem heyrðist frá GDRN,
og hefði verið sniðugt sem lokalag,
auk þess sem síðasta hálfa mínútan í
því er einfaldlega eins og gerð til að
vera endir á plötu. Þar brotnar allt
niður og hægist og berstrípast og
eftir stendur auðnin ein.
Heildarstemning plötunnar er þó
firnafín og þarf ekki að efast um að
GDRN eigi erindi á íslenskan popp-
markað, jafnvel að hún sé að fylla
þar upp í ákveðið skarð íslenskra
poppkvenna sem staðið hefur autt
um tíma. Það eru þó djössuðustu
hliðar hennar sem mér finnst áhuga-
verðastar og gaman væri að heyra
hana taka eitt skref í átt frá hinu út-
varpsvæna og yfir í flóknara flæði.
TLFNGR með GDRN
Morgunblaðið/Hari
Tilfinningagnótt „Þarna er að minnsta kosti allt morandi í tilfinningum, um það efast enginn,“ segir meðal annars
í jákvæðri gagnrýni um fyrstu breiðskífu GDRN, Hvað ef. Rýnir segir heildarstemningu plötunnar firnafína.
Popp
GDRN – Hvað efbbbbn
Fyrsta breiðskífa Guðrúnar Ýrar Eyfjörð,
sem kallar sig GDRN.
Alda Music gefur út. 2018.
RAGNHEIÐUR
EIRÍKSDÓTTIR
TÓNLIST
Enski söngvarinn og rokkarinn Ro-
bert Plant, fyrrverandi forsprakki
rokksveitarinnar Led Zeppelin,
mun halda tónleika á tónlistar-
hátíðinni Secret Solstice í Laugar-
dal í sumar. Hátíðin verður haldin
21.-23. júní og mun Plant koma
fram með hljómsveitinni Sensatio-
nal Spaceshifters. Í fyrra var hálf
öld liðin frá því Plant og félagar í
Led Zeppelin gáfu út sína fyrstu
breiðskífu og er Plant orðinn sjö-
tugur en slær þó ekki slöku við. Í
fyrra gaf hann út elleftu sólóplötu
sína, Carry Fire, og hlaut hún lof-
samlega dóma. Af öðrum flytj-
endum sem koma fram á hátíðinni
má nefna Ritu Ora, Morcheeba,
Pussy Riot, Foreign Beggars og
Martin Garrix.
Morgunblaðið/Sverrir
Íslandsvinur Plant á tónleikum með
sveit sinni í Laugardalshöll árið 2005.
Robert Plant á
Secret Solstice
Í hinu nýja sýningarrými Midpunkt
í Hamraborg 22 í Kópavogi verður
ástinni fagnað í nýrri sýningu sem
listakonurnar Eilíf Ragnheiður og
Rakel Blom standa að og verður
opnuð kl. 17 í dag, fimmtudag.
Á sýningunni Í þinni eigin ást
verður ástin skoðuð frá ýmsum
hliðum og horft til ýmissa afbrigða
hennar, þrárinnar, söknuðarins og
gleðinnar.
Eilíf Ragnheiður er lærður dans-
ari sem sérhæfði sig í list í almenn-
ingsrýmum við háskólann í Gauta-
borg. Hún hefur unnið bæði með
myndlist og dans síðustu ár. Rakel
Blom lærði textíl og fatahönnun
við Otago Polytechnic á Nýja-
Sjálandi. hún hefur unnið til ým-
issa viðurkenninga m.a. Overall
Excellence- og Directioanl Design-
verðlaunin hjá iD-alþjóðasam-
keppninni.
Menningarrýmið Midpunkt var
opnað í haust og er sérhæft í al-
þjóðlegri og nýlegri samtímalist.
Sýningar Midpunkts eru styrktar
af Kópavogsbæ.
Tákn Ástin er skoðuð frá ýmsum hliðum.
Ástinni fagnað á sýningu í Midpunkt
Guðmundur Pét-
ursson gítarleik-
ari og lagahöf-
undur er þessa
vikuna gestur
tónleikaraðar
Borgarbóka-
safns, Jazz í há-
deginu. Guð-
mundur kemur
fram á þrennum
tónleikum með
Leifi Gunnarssyni á bassa og
trymblinum Matthíasi Hemstock, í
Borgarbókasafninu í Grófinni í dag
kl. 12.15, á morgun föstudag í
Gerðubergi, einnig kl. 12.15, og á
laugardag kl. 13.15 í menningar-
húsinu í Spönginni.
Guðmundur leikur
hádegisdjass
Guðmundur
Pétursson
Þeim sem hafa áhuga á að kynna sér samtímamyndlist
en vita ekki hvar þeir eiga að byrja er ráðlagt að sækja
leiðsögn í Listasafni Reykjavíkur, Hafnarhúsi, í kvöld
klukkan 20. Leiðsögn udir yfirskriftinni „Án titils – sam-
tímalist fyrir byrjendur“ er í boði mánaðarlega.
Gestir fá innsýn í heim myndlistar í dag – hvað lista-
menn eru að spá, hvernig listasafn virkar og hvað að-
greinir það frá öðrum sýningarstöðum. Farið verður yf-
ir meginatriði samtímalistar frá 1973 til dagsins í dag og
notuð valin verk úr safneign Listasafns Reykjavíkur til
glöggvunar. Gestir fá fræðslu um yfirstandandi sýn-
ingar. Í tilkynningu segir að þessi kynning sé kjörið
tækifæri til að ræða í góðu tómi um allt sem fólki dettur í
hug og leita svara við því sem vekur furðu eða forvitni. Þeir sem skilja hvorki
upp né niður í samtímalist eða hafa jafnvel aldrei komið á listasafn eru sér-
staklega velkomnir, þátttökugjald er innifalið í aðgöngumiða að safninu.
Leiðsögn um listina fyrir byrjendur
Frá sýningu Leifs
Ýmis Eyjólfssonar
í Hafnarhúsinu.