Morgunblaðið - Sunnudagur - 09.02.2019, Blaðsíða 4

INNLENT
4 MORGUNBLAÐIÐ SUNNUDAGUR 10.2. 2019
Fimmtán mínútur af forritun
UTmessan er haldin í níundasinn í um helgina og sé tekiðmið af aðsóknartölum síð-
ustu ára má gera ráð fyrir að allt að
fimmtán þúsund manns leggi leið
sína í Hörpu á laugardag og kynni
sér það nýjasta í tölvu- og tækni-
heimum.
Arnheiður Guð-
mundsdóttir, fram-
kvæmdastjóri UT-
messunnar og Ský,
sem er fagfélag
tölvufólks á Ís-
landi, segir mark-
mið viðburðarins
vera fyrst og
fremst að brúa bil-
ið milli tæknigeirans og almennings
og skapa vettvang fyrir fyrirtæki til
að sýna það nýjasta í tölvum og
tækni. Ráðstefnan dregur nafn sitt af
orðinu upplýsingatækni sem gjarnan
er stytt niður í skammstöfunina UT.
UTmessan stóð fyrir stórri ráð-
stefnu á föstudag en laugardagurinn
er sýningardagur og þá er opið öll-
um.
„Það er opið allan daginn frá 10 til
17 og yfirleitt hefur verið frekar jafn
straumur inn allan daginn. Nú er
spáð góðu veðri þannig að við eigum
von á miklum fjölda fólks,“ segir
Arnheiður.
Svipta dulúðinni af forritun
Margt er í boði á sjálfan sýning-
ardaginn og ættu börn jafnt og full-
orðnir að finna eitthvað við sitt hæfi.
Stærðarinnar risaeðluvélmenni hafa
komið sér fyrir í Hörpu og einnig er
þar stórt tungl. Stjörnufræðin verð-
ur stúderuð og Bjarni Tryggvason,
íslenskættaði geimfarinn, verður
með fræðslufyrirlestra fyrir almenn-
ing. Þá verður hægt að reyna sýnd-
arveruleika og kynnast þannig vík-
ingatímum, spjalla við vélmenni,
reyna að skora hjá vélmennamark-
verði í handbolta og margt fleira. Og
er þá aðeins lítill hluti af viðburðum
dagsins talinn upp, en heildar-
dagskrá má finna á vefnum www.ut-
messan.is.
Arnheiður bendir á að það sé
mikilvægt að tölvugeirinn og það
nýjasta í upplýsingatækni sé sýni-
legt, enda sé rík ástæða til að hvetja
fólk til að sækja sér menntun á þessu
sviði. „Tilgangurinn með UTmess-
unni að reyna að tengja saman al-
menning og tæknifólk. Við viljum
reyna að brúa þetta bil og ástæðan
er sú að það vantar fleira tölvu-
menntað fólk Það vantar forritara,
kerfisstjóra, hönnuði og svo mætti
lengi telja. Það er mikil breidd í
þessum geira og það þarf að passa
upp á að við séum að mennta fólk í
öllum þessum greinum.“
Hún segir marga veigra sér við því
að læra forritun, enda sé forritun
gjarnan sveipuð ákveðinni dulúð og
fólk tengi hana við dulmál og óskilj-
anlega kóða. Fyrir þá sem þora verð-
ur hægt að fá stutta forritunar-
kennslu á UTmessunni. „Við ætlum
að reyna að svipta dulúðinni af for-
ritun. Fólk á öllum aldri eða jafnvel
heilu fjölskyldurnar saman geta
komið og prófað að forrita í 15 mín-
útur. Við viljum eftir fremsta megni
reyna að tengja tölvuheiminn við
fólk. Forritun er bara rökhugsun og
ekkert annað, en hún er alls ekki eitt-
hvað óskiljanlegt.“
Um 50 fyrirtæki eru með bás á
UTmessunni sem almenningi býðst
að skoða á laugardag. Arnheiður seg-
ir áhuga erlendra aðila hafa aukist
undanfarin ár og nú séu erlend fyr-
irtæki í bland við innlend sem sýni
nýjustu tækni á sýningunni. Einnig
hefur fjöldi erlendra gesta á ráð-
stefnunni aukist þannig að viðburð-
urinn verður sífellt alþjóðlegri.
Á föstudag var ráðstefnu-
dagur UTmessunnar. Á laug-
ardag er almenningi boðið
frá kl.10-17 í Hörpu.
Morgunblaðið/Golli
Vélmennamarkvörður og víkingatíminn í sýndarveruleika er meðal þess sem hægt verður að skoða í Hörpu á laugardag þegar
UTmessan opnar dyr sínar fyrir almenningi. Viðburðurinn stækkar ár frá ári og nýtur aukinna vinsælda hjá erlendum gestum.
Eyrún Magnúsdóttir eyrun@mbl.is
Arnheiður
Guðmundsdóttir
Geðstirð 4 metra há risaeðla er meðal fyrirbæra sem hægt verður að virða
fyrir sér á UTmessunni á laugardag en auk þess býðst gestum og gangandi að
prófa sýndarveruleika, reyna sig í golfhermi og leika við vélmenni.
Morgunblaðið/Eggert
’
Þetta er vondur samningur, óhagstæður og hættu-
legur okkur Íslendingum. Við afsölum okkur frum-
burðarrétti okkar Íslendinga til landsins og auðlinda
þess til lands og sjávar. Þessi samningur kemur til með
að færa okkur ósjálfstæði, atvinnuleysi, fátækt og
auðnuleysi.“
’
Ég er viss um að bjórinn verður ákaflega mikill
peningaþjófur því að þegar hann verður leyfður
eða ef hann verður leyfður verður keppst við að hafa
hann í ísskápnum. Þá verður boðinn bjór í staðinn fyrir
kaffi. Við erum orðin allt of fínt fólk til að vera að bjóða
þennan gamla þjóðardrykk okkar.“
’
Ég held því að fjölgun útvarpsstöðva muni ekki
verða til þess að auka tjáningarfrelsi, a.m.k. ekki
að neinu ráði, og allra síst með því fyrirkomulagi sem
mér virðist að mjög sterk öfl í samfélaginu, a.m.k. há-
vær öfl, hafi haldið fram.“
Þetta eru brot úr umræðum á Alþingi þegar tekist
var á um þrjú stórmál: Inngöngu í EES, lögleiðingu
bjórsins og afnám einokunar Ríkisútvarpsins. Það
skiptir í sjálfu sér ekki máli hverjir sögðu þetta og til-
gangslaust að vera að gera lítið úr þeim sem létu þessi
orð falla. Þetta eru samt sem áður dæmi um viðhorf
sem við eigum erfitt með að skilja í dag. Í ljósi sög-
unnar eru þau eiginlega bæði fyndin og dapurleg en við
megum ekki gleyma því að þetta voru raunveruleg við-
horf sett fram á heiðarlegan hátt af skynsömu fólki sem
meinti vel.
Íhaldssemi er ekki óeðlilegt ástand, og það er mjög
mannlegt að óttast breytingar. Við vitum hvað við höf-
um en kannski ekki alveg hvað við fáum. En ætti það
ekki að vera einhverskonar þumalputtaregla að frelsi
er betra en einokun?
Víða um heim hafa leigubílstjórar mótmælt svoköll-
uðum farveitum á borð við Uber og Cabify, en hefur
orðið miságengt. Þannig gáfust þeir í vikunni upp í Ma-
drid eftir hálfsmánaðar mótmæli, en borgaryfirvöld í
Barcelona hafa komið til móts við verkföll leigubílstjóra
með því að breyta reglum á þann hátt að farveiturnar
mega ekki veita þjónustu nema fimmtán mínútum eftir
að far er pantað. Það segir sig sjálft að aukabið er ekki
að gera neitt fyrir neinn, enda brugðust þessar farveit-
ur við með því að afturkalla þjónustu sína í Barcelona.
Uppgangur Uber og annarra slíkra fyrirtækja bygg-
ist á eftirspurn viðskiptavina. Það er eitthvað sem þessi
fyrirtæki gera sem fellur viðskiptavinum í geð og
mögulega þurfa þeir sem fyrir voru á markaðnum að
laga sig að því í stað þess að brjálast yfir samkeppni og
minnkandi viðskiptum. Þetta er soltið eins og ef plötu-
snúðar færu í verkfall og lokuðu götum til að krefjast
þess að Spotify yrði
bannað á Íslandi.
En niðurstaðan í
Barcelona varð sem-
sagt lægsti samnefn-
arinn. „Við höfum
það ömurlegt og för-
um fram á að aðrir
hafi það að minnsta kosti jafn ömurlegt, ef ekki öm-
urlegra.“
Við þurfum ekki að hafa áhyggjur af þessu, enda er
ekki útlit fyrir að við leyfum farveitur hér í bráð. Rökin
sem hafa heyrst gegn þeim eru margvísleg, allt frá því
að glæpatíðni aukist yfir í hversu stórhættulegt það er
að setjast uppí bíl með ökumanni sem er ekki með
meirapróf.
Kannski getum við brosað að þessu eftir nokkur ár.
Á meðan reynum við bara að muna að vera vel klædd í
endalausu leigubílaröðinni.
Brosum í röðinni
’Þetta er soltið eins og ef plötu-snúðar færu í verkfall og lok-uðu götum til að krefjast þess aðSpotify yrði bannað á Íslandi.
Á meðan ég man
Logi Bergmann Eiðsson
logi@mbl.is