Morgunblaðið - 26.03.2019, Qupperneq 10

10 FRÉTTIRInnlent
MORGUNBLAÐIÐ ÞRIÐJUDAGUR 26. MARS 2019
Ársfundur Lífeyrissjóðs verzlunarmanna verður haldinn í dag,
þriðjudaginn 26. mars, kl. 18:00 á Grand Hótel Reykjavík.
Dagskrá fundarins
• Venjuleg ársfundarstörf
• Kynning á samþykktabreytingum
• Önnur mál
Sjóðfélagar eiga rétt til setu á ársfundinum.
Fundargögn verða afhent á fundarstað.
Reykjavík, 24. janúar 2019
Stjórn Lífeyrissjóðs verzlunarmanna
Ársfundur 2019
Lífeyrissjóður
verzlunarmanna
—
live.is
Líney Sigurðardóttir
Ágúst Ingi Jónsson
Grásleppuvertíðin hófst með hvelli
en fyrsti dagur vertíðar var miðviku-
dagurinn 20. mars. Veður var skap-
legt þann dag svo að Halldór Stef-
ánsson á Hólma ÞH fór fyrstur grá-
sleppukarla á Þórshöfn og lagði allar
trossur. Á föstudag skall óveðrið á en
foráttubrim og mikil kvika var einnig
á laugardag og ekkert sjóveður.
Á sunnudag gaf loks á sjó og dró
áhöfnin á Hólma þá fyrstu sjö tross-
urnar á vertíðinni og fékk þar um 200
kg af grásleppu. „Það er ekki mikið
að hafa í svona brimi,“ sagði Halldór.
Hann sagði að netin hefðu sloppið
furðanlega vel miðað við hafrótið
undanfarna daga. „Ég var búinn
undir slæma útreið á netunum og hef
séð það verra en þetta,“ sagði Hall-
dór. Hann leggur aflann upp hjá Ís-
félaginu á Þórshöfn.
Verðið nokkru hærra
Grásleppuverð í ár er nokkru
hærra en í fyrra, um 260-270 krónur
á kíló, segja fyrstu tölur, og ætti ver-
tíðin að verða þokkaleg ef gæftir
verða á þessu veiðitímabili. Líklega
munu fjórir bátar gera út frá Þórs-
höfn á grásleppu þetta vorið.
Hafrannsóknastofnun og BioPol
ehf. á Skagaströnd hafa um langt
árabil átt í samstarfi varðandi merk-
ingar á hrognkelsum. Árið 2018 voru
annars vegar um 200 fiskar merktir
á hefðbundinni veiðislóð á Húnaflóa
og hins vegar um 290 ungfiskar í al-
þjóðlegum makrílleiðangri norður og
suður af Íslandi og við austurströnd
Grænlands. Ekki er vitað til þess að
ungviði hafi áður verið merkt með
þessum hætti, segir á heimasíðu
Hafrannsóknastofnunar, en endur-
heimtur geta gefið mjög mikilvægar
upplýsingar um vöxt hrognkelsa og
hvert þau ganga til hrygningar.
Greiddar verða fimm þúsund krónur
fyrir hvern fisk sem berst í heilu lagi
til BioPol á Skagaströnd með merk-
inu í. Einnig fær sendandi upplýs-
ingar um hvar og hvenær fiskurinn
var merktur.
Veiddust á stóru hafsvæði
Í makrílleiðangrinum 2018 veidd-
ust hrognkelsi sem meðafli í efstu
lögum sjávar á hafsvæði sem nær frá
Austur-Grænlandi, allt í kringum Ís-
land og norður með Noregi. Ekki er
ljóst hvar þessi fiskur mun hrygna
og hversu mörgum árum hann eyðir
á þessum slóðum áður en hann kem-
ur til hrygningar.
Morgunblaðið/Líney Sigurðardóttir
Þórshöfn Áhöfnin á Hólma ÞH nýkomin í land með um 200 kíló af grásleppu úr fyrstu trossunum sem hún dró á
vertíðinni, frá vinstri: Ólafur A. Sigurðsson, Kristbjörn Hallgrímsson og Halldór Stefánsson.
Byrjaði með hvelli
 Fjórir bátar á grásleppu frá Þórshöfn  Netin sluppu
furðu vel miðað við hafrótið  Safna merktum grásleppum
Helgi Bjarnason
helgi@mbl.is
Fiskeldi Austfjarða hefur fengið
rekstrar- og starfsleyfi til stækk-
unar fiskeldis síns í Berufirði og Fá-
skrúðsfirði. Gefur það fyrirtækinu
möguleika á að auka laxeldi sitt.
Stór hluti leyfanna er bundinn því að
alinn verði ófrjór lax. Er það í fyrsta
skipti sem slíkt skilyrði er bundið í
starfs- og rekstrarleyfi fiskeldis-
fyrirtækis hér á landi. Eldi á ófrjó-
um laxi hefst í vor.
Fiskeldi Austfjarða er nú með
6.000 tonna laxeldi í Berufirði og
hefur lengi viljað breyta regnboga-
silungsleyfum sem það hefur haft í
Berufirði og Fáskrúðsfirði í laxeldis-
leyfi. Eftir stækkun verður heimilt
að ala 20.900 tonn af frjóum og ófrjó-
um laxi í þessum tveimur fjörðum.
Stækkun í sumar
Hafrannsóknastofnun hefur metið
að Berufjörður beri 10 þúsund tonna
eldi, Fáskrúðsfjörður 15 þúsund
tonn og Reyðarfjörður 20 þúsund
tonn. Annað fyrirtæki, Laxar - fisk-
eldi, er einnig með starfsemi í
Reyðarfirði og Fáskrúðsfirði. Vænt-
anlegt áhættumat Hafró takmarkar
möguleika á eldi á frjóum laxi á
Austfjörðum.
Guðmundur Gíslason, stjórnar-
formaður Fiskeldis Austfjarða, segir
að leyfi til tvöföldunar á eldi á frjó-
um laxi geri fyrirtækinu kleift að
þróast áfram. „Við erum með kyn-
slóðaskipt eldi og þurfum að vera
með aðgreind svæði og hvíld á milli.
Vel hefur gengið með eldið og allar
umhverfisrannsóknir sýnt jákvæða
niðurstöðu. Við verðum til dæmis
ekki varir við lús,“ segir Guð-
mundur. Hann segir að laxaseiðin
verði klár til útsetningar í vor og nú
er verið að setja saman kvíar.
Mun nýta leyfin
Eldi á 8.900 tonnum af laxi í Beru-
firði og Fáskrúðsfirði er bundið skil-
yrðum um að notaður verði ófrjór
lax. Fyrstu seiðin verða sett út í vor,
um 120 þúsund ófrjó seiði í eina
sjókví.
Hann segir að ófrjór lax hafi verið
alinn í Noregi í nokkur ár og komin
sé góð þekking á eldinu. Það sé á
réttri leið. Þannig komi fram í
skýrslu NRS í Norður-Noregi að ár-
angur við eldi á síðustu kynslóð hafi
verið álíka og við eldi á frjóum laxi.
Eldið sem hefst í vor er unnið í
samvinnu við Hafrannsóknastofnun
og Stofnfisk sem framleiðir seiðin.
Guðmundur segir stefnt að því að
nýta leyfin til fulls þegar fram líða
stundir. „Í ljósi aflabrests í loðnu og
hræringa í ferðaþjónustu veitir ekki
af fleiri stoðum í atvinnureksturinn,“
segir hann.
Morgunblaðið/Helgi Bjarnason
Berufjörður Laxaseiði sett út í sjókvíar hjá Fiskeldi Austfjarða.
Eldi á ófrjóum laxi
hefst á Austfjörðum
Alls voru 1.469 tonn af hvala-
afurðum flutt út á síðasta ári. Árið
2017 voru flutt úr 1.407 tonn og 1529
tonn árið 2016, en tvö síðartöldu árin
voru veiðar á stórhvelum ekki
stundaðar við landið. Útflutnings-
verðmætið í fyrra nam rúmlega 940
milljónum, en 995 milljónum árið
2017 og tæplega 1,6 milljörðum
2016, samkvæmt upplýsingum á vef
Hafstofunnar.
Þar kemur fram að í fyrra hafi 145
langreyðar verið veiddar við landið,
en í Morgunblaðinu hefur áður verið
greint frá því að dýrin hafi verið 146,
þar af tveir blendingar langreyðar
og steypireyðar. Fram kom í blaðinu
í haust að Hvalur hf. hefði sent tæp-
lega 1.500 tonn af hvalaafurðum með
frystiskipi frá Hafnarfirði til Japans
13. október. Haft var eftir Kristjáni
Loftssyni, framkvæmdastjóra Hvals
hf., að flutningaskipið sigldi norð-
austurleiðina um Norður-Íshafið
sem er mikið styttri leið en ef siglt
væri suður og austur um Indlands-
haf. Skipið var fulllestað, en ein-
hverjar birgðir eftir að sögn Krist-
jáns. Um 150 manns unnu við veiðar
og verkun hjá Hval hf. í Hvalfirði og
Hafnarfirði á vertíðinni sem stóð í 98
daga frá 19. júní. aij@mbl.is
Morgunblaðið/Ómar
Í Hvalfirði Sama fólkið hefur unnið við hvalveiðar og hvalskurð ár eftir ár.
Hvalaafurðir fluttar
út fyrir 940 milljónir