Morgunblaðið - 15.03.2019, Blaðsíða 50

50 MORGUNBLAÐIÐ FÖSTUDAGUR 15. MARS 2019
Hvað er í tísku tengt fermingum í ár?
„Ég myndi segja að bjartir litir væru áber-
andi um þessar mundir. Fallegt er að velja
einn þemalit sem verður mest áberandi í
skreytingunum, t.d. í servíettum, kertum og
blómum þó svo það sé fallegt að blanda öðrum
tónum með í blómavalið. Mér finnst alltaf fal-
legast að vera með látlausan dúk en leyfa
skreytingunum að njóta sín.“
Hvaða blóm munu gera
gæfumuninn á borðið?
„Afskorin blóm í mismunandi björtum litum
eða fallegar greinar gera veisluborð falleg að
mínu mati. Blandaðir vendir af ýmsum gerð-
um myndi ég halda að yrðu mjög vinsælir, en
það eru síðan kannski ekki öll börn sem vilja
blóm. Þá er mjög fallegt að blanda saman
ýmsum gerðum af afskornum greinum og
skreyta með þeim.“
Hvernig skreytir þú fyrir stórar veislur?
„Mér finnst sjálfri alveg ómissandi að hafa
nóg af fallegum afskornum blómum, kerta-
ljósum í ýmsum stærðum og það setur líka al-
veg punktinn yfir i-ið að bera veitingarnar
fram á mismunandi kökudiskum og bökkum.
Þetta gerir borðið alveg ótrúlega girnilegt og
glæsilegt og setur svo skemmtilega dýpt í það
þegar veitingarnar eru sumar hækkaðar vel
upp á kökudiskum meðan aðrar eru á fallegum
bökkum.“
Að hverju ættu fermingarforeldrar að huga?
„Ég myndi mæla með að barnið fengi að
taka þátt í undirbúningi og vera með í að velja
hvaða litaþema, blóm og skreytingar eru
notuð. Það er nokkuð sem ég man sjálf eftir að
hafa þótt ótrúlega skemmtilegt og vera partur
af skipulagi á minni fyrstu stóru veislu.“
Hvernig nýtist námið þitt í svona vinnu?
„Í raun má segja að þetta tengist ekki beint
starfi mínu sem innanhússarkitekt, en ætli það
sé ekki frekar áhuginn sem ég hef á því að
skreyta og skipuleggja.
Áhugi minn er m.a. ein af ástæðum þess að
við hjónin ákváðum að opna HAF STORE;
þar fæ ég að njóta áhuga míns á að skreyta og
taka á móti pöntunum á vöndum og skreyt-
ingum.“
Áttu góða nýja hugmynd sem gæti gert
gæfumuninn í fermingarveislunni?
„Það er vinsælt í dag að finna góðan stað,
þar sem veislan er haldin, fyrir skreyttan
myndavegg. Þar er hægt að taka fjölskyldu-
myndir sem lifa um ókomna tíð. Ég veit til
þess að það sé hægt að leigja alls kyns tæki og
tól fyrir slíkar myndatökur, en einnig er mjög
skemmtilegt að útbúa og skreyta sinn eigin
myndavegg og notast við síma og/eða mynda-
vél.“
Hvað klikkar aldrei að gera í veislum?
„Ég myndi segja að þiggja aðstoð frá þeim sem
bjóða. Það geta verið þó nokkur handtökin við
svona veisluhöld, hvort sem hún er haldin heima
eða í sal. Einnig er það bara að muna að njóta
samveru og stundar með fólkinu sem maður
elskar.“
Hvað ætti maður að forðast?
„Ég tel mikilvægt að vera í tíma með alla hluti
og forðast með því stress og óþarfa áhyggjur.“
Að forðast stress og áhyggjur
Karitas Sveinsdóttir innanhússhönnuður og eigandi HAF STORE og HAF STUDIO segir bjarta liti vinsæla um
þessar mundir. Hún segir alltaf í tísku að þiggja aðstoð fyrir fermingar og fólk ætti að sama skapi að forðast stress.
Elínrós Líndal | elinros@mbl.is
Ljósmynd/Baldur Kristjánsson
„Ég myndi mæla með að barnið fengi að taka þátt í
undirbúningi og vera með í að velja hvaða litaþema,
blóm og skreytingar eru notuð. Það er nokkuð sem ég
man sjálf eftir að hafa þótt ótrúlega skemmtilegt og
vera partur af skipulagi á minni fyrstu stóru veislu.“
Karítas Sveinsdóttir er á því að
mikilvægt sé að þiggja aðstoð frá
góðum félögum fyrir fermingar.
Karítas mælir með að hafa matinn á einum stað og
falleg umgjörð er búin til í kringum veisluborðið.
Naktar kökur með ferskum blómum eru alltaf vin-
sælar. Karítas er hrifin af svona uppsetningum.