Morgunblaðið - 02.04.2019, Blaðsíða 14
14 FRÉTTIRInnlent
MORGUNBLAÐIÐ ÞRIÐJUDAGUR 2. APRÍL 2019
Ferming
Veislulist sér um veitingar fyrir fermingar af öllum
stærðum, hvort sem er í veislusal eða heimahús
Í yfir 40 ár hefur Veislulist lagt áherslu á góða þjónustu og framúrskarand matreiðslu.
FERMINGAVEIsluR
Verð er fyrir 30-50 manna veislu án leigu á veislusal.
Bættu við marsipan fermingartertu með 20% afsl.
3ja rétta sTEIKARhlaðborð
Verð er fyrir 30-50 manna veislu án leigu á veislusal.
Bættu við marsipan fermingartertu með 20% afsl.
PINNAMatur
Verð er fyrir 30-50 manna veislu án leigu á veislusal.
Bættu við kransaköku 30 manna á kr. 16.500
kaffihlaðborð
Hólshraun 3, 220 Hafnarjörður · Símar 555 1810, 565 1810 · veislulist@veislulist.is · www.veislulist.is
SKÚTAN
Ágúst Ingi Jónsson
aij@mbl.is
30 umsagnir og athugasemdir höfðu í
gær borist atvinnuveganefnd Alþing-
is vegna frumvarps sjávarútvegs- og
landbúnaðarráðherra um fiskeldi.
Meðal annars höfðu nokkur sveitar-
félög sent nefndinni athugasemdir og
koma ýmis sjónarmið þar fram.
Í umsögn sveitarstjórnar Þingeyj-
arsveitar er lýst andstöðu við frum-
varpið og segir þar að ljóst sé að verði
fyrirliggjandi frumvarp samþykkt
óbreytt sem lög frá Alþingi „er efnt
til stórfelldra átaka um fiskeldi um
ókomna framtíð. Með frumvarpinu er
rofin sú sátt sem undirrituð var um
meðferð áhættumats í lögum af öllum
nefndarmönnum í starfshópi um
stefnumörkun í fiskeldi“.
Ennfremur segir í umsögn sveitar-
stjórnar Þingeyjarsveitar að sjókvía-
eldi muni hafa verulega neikvæð áhrif
á veiðihlunnindi landeigenda og verð-
mæti jarða og valda þannig stórkost-
legu tjóni. Í umsögn frá Húnaþingi
vestra er bent á að þar hafi tekjur
íbúa af laxveiði og tengdri þjónustu
aukist á liðnum árum og sé um tekjur
að ræða sem skipti verulegu máli fyr-
ir eigendur margra jarða. Byggð-
arráð Borgarbyggðar hvetur Alþingi
til að gera nauðsynlegar endurbætur
á frumvarpinu svo tryggt verði að
lífsafkomu íbúa á þeim svæðum
landsins, þar sem virði laxveiðiáa
skiptir verulegu máli í viðhaldi búsetu
og afkomu almennings, verði ekki
ógnað.
Samræmist stjórnarsáttmála
Sveitarstjórn Húnaþings vestra
telur að uppbygging fiskeldis á Ís-
landi þurfi að vera fyrirsjáanleg og
byggjast á bæði sérfræðiþekkingu úr
nærsamfélagi viðkomandi sveitarfé-
laga og ráðgjöf stofnana ríkisins, svo
unnt sé að ná meiri sátt um atvinnu-
greinina. Sveitarstjórnin telur nauð-
synlegt að Alþingi geri nauðsynlegar
endurbætur á frumvarpinu þannig að
það samræmist stjórnarsáttmála rík-
isstjórnarinnar um að gætt skuli var-
úðar við uppbyggingu fiskeldis á Ís-
landi og stuðlað að sjálfbærni með
vernd lífríkisins að leiðarljósi. Byggð-
arráð Sveitarfélagsins Skagafjarðar
tekur í sama streng varðandi stjórn-
arsáttmálann.
Tryggi betri stöðuleika
Bæjarstjórn Vesturbyggðar sendi
atvinnuveganefnd bókun bæjar-
stjórnar frá 27. mars. Þar er þeim
markmiðum fagnað sem frumvarpinu
sé ætlað að ná fram, að tryggja betri
stöðuleika í rekstrarskilyrðum fyr-
irtækja í fiskeldi og auka gegnsæi.
Sérstaklega er fagnað markmiðum
frumvarpsins um að efla stjórnsýslu
og auka eftirlit með fiskeldi þannig að
vernd og sjálfbærni í nýtingu auð-
linda og náttúrugæða verði betur
tryggð. Þrátt fyrir áherslur í frum-
varpinu um innra eftirlit þá sé ljóst af
efni þess að aukin eftirlitsskylda sé
lögð á opinberar stofnanir sem hafi
eftirlit með fiskeldi, þ.e. Mat-
vælastofnun, Umhverfisstofnun og
Hafrannsóknastofnun.
Bent er á uppbyggingu í laxeldi á
sunnanverðum Vestfjörðum og ítrek-
ar bæjarstjórnin kröfu sína um að
störf þeirra sem sinna eftirliti með
fiskeldi verði staðsett þar sem fisk-
eldið fer fram.
Sömu kröfu um staðsetningu eftir-
litsstarfa í sveitarfélaginu er að finna
í umsögn frá Fjarðabyggð. Þá er þar
m.a. lagt til að Hafrannsóknastofnun
verði gert skylt að leita álits hjá stað-
bundnum stjórnvöldum og að við
úthlutun eldissvæða verði tekið
mið af stöðu einstakra byggða í at-
vinnulegu tilliti.
Fiskeldið nái að dafna
Í umsögn frá Sambandi íslenskra
sveitarfélaga er farið yfir nokkur at-
riði í frumvarpinu, en síðan segir í
lokaorðum: Atvinnulífið og sam-
félagið allt, að frumkvæði löggjafans
með þessari fyrirhuguðu lagasetn-
ingu, verða því að ýta undir að fisk-
eldið nái að dafna sem sterk og öflug
atvinnugrein með vernd lífríkisins að
leiðarljósi. Löggjafinn geti ekki að
loknu afgreiðslu á byggðaáætlun sem
samþykkt var með öllum greiddum
atkvæðum, lagt stein í götu einstaka
atvinnugreina sem hafa reynst mikill
drifkraftur í annars einhæfu atvinnu-
lífi í hinum dreifðari byggðum.
Uppbygging fiskeldis þarf að vera
fyrirsjáanleg og byggjast á ráðgjöf
sérfræðinga stofnana hins opinbera
og sérfræðiþekkingar úr nærsam-
félagi viðkomandi sveitarfélaga. Með
því móti gefst tækifæri til að auka
enn frekar á sátt um atvinnugrein-
ina.“
Eftirlitið verði í heimabyggð
Þingeyjarsveit vill breytingar á frumvarpi um fiskeldi til að forðast stórfelld
átök Tekjur íbúa af laxveiði skipta verulegu máli fyrir eigendur margra jarða
Morgunblaðið/Helgi Bjarnason
Í Berufirði Atvinnuveganefnd Alþingis fjallar nú um frumvarp um breytingar á lögum um fiskeldi.
Í fyrsta skipti er kveðið á um lofts-
lagsráð, í frumvarpi til laga um
breytingu á lögum um loftslagsmál
sem Guðmundur Ingi Guðbrandsson
umhverfisráðherra mælti fyrir á Al-
þingi í gær. Tekið er fram að ráðið sé
sjálfstætt og óhlutdrægt í störfum
sínum. Markmið frumvarpsins er að
styrkja umgjörð og stjórnsýslu lofts-
lagsmála hér á landi.
Mælt er fyrir um loftslagsstefnu
ríkisins og lögð sú skylda á Stjórn-
arráð Íslands, stofnanir ríkisins og
fyrirtæki í meirihlutaeigu ríkisins að
setja sér loftslagsstefnu. Setja skal
fram skilgreind markmið um sam-
drátt í losun gróðurhúsalofttegunda
og kolefnisjöfnun starfseminnar
ásamt aðgerðum svo þeim markmið-
um verði náð.
Áætlun um aðlögun
Lagt er til að sett verði nýtt
ákvæði sem fjallar um aðlögun ís-
lensks samfélags að loftslagsbreyt-
ingum. Verði frumvarpið að lögum
verður fest í lög sú skylda ráðherra
að láta vinna áætlun um aðlögun ís-
lensks samfélags að loftslagsbreyt-
ingum, á grundvelli bestu vísinda-
legu þekkingar.
„Frá því að lög um loftslagsmál
voru sett fyrir sjö árum hefur lofts-
lagsvandinn vaxið og meðvitund um
hann stóraukist. Margt hefur breyst
og rík þörf er á að uppfæra lögin.
Ríkisstjórnin hefur sett loftslags-
málin á oddinn og mikil vinna á sér
nú stað varðandi þennan málaflokk.
Loksins hafa loftslagsmálin fengið
þann sess sem þeim ber,“ er haft eft-
ir umhverfisráðherra í fréttatilkynn-
ingu.
Sett verði lofts-
lagsstefna ríkisins
Ráðherra mælir
fyrir frumvarpi um
loftslagsmál
Morgunblaðið/Kristinn Magnússon
Loftslag Umhverfisráðherra kynnti
aðgerðaáætlun ríkisins í haust.
Í umsögn frá samtökunum Vakandi, sem vilja stuðla að vitundarvakningu
um sóun matvæla og bættri velferð dýra við matvælaframleiðslu, segir
að gríðarlegur laxadauði sé vandamál í sjókvíaeldi við Ísland.
Í umsögn frá Vakanda segir m.a.: „Kröfurnar um meðferð fiska eru
skýrar og skal þeim hlíft við sársauka sem hægt er að komast hjá. Rík
ástæða er til að huga rækilega að dýravelferð í laxeldi. Það er óviðunandi
að fyrirtæki búi svo að skepnum sínum að gert sé ráð fyrir að 20 prósent
þeirra lifi ekki ræktunina af, eins og komið hefur fram að gert er í rekstr-
aráætlunum sjókvíaeldisfyrirtækjanna. Mjög mikilvægt er að breytingar
á lögum um fiskeldi taki á þessum þætti.“
Hugað sé að dýravelferð
SAMTÖKIN VAKANDI
Í byrjun síðasta mánaðar dvöldu 76
aldraðir á Landspítalanum og biðu
eftir dvöl á hjúkrunarheimili eða
öðru úrræði. Þetta eru 18% af virk-
um legurýmum á spítalanum. Kostn-
aður vegna þessa nemur rúmlega 5
milljónum króna á dag.
Þetta kemur fram í svari heil-
brigðisráðherra á Alþingi við fyr-
irspurn frá Ingu Sæland um aldraða
sem dveljast á Landspítalanum.
Fram kemur að 4. mars sl. biðu 45
aldraðir með gilt færni- og heilsumat
á spítalanum eftir dvöl á hjúkr-
unarheimilum, 31 aldraður án slíks
mats beið á spítalanum eftir end-
urhæfingu á Landakoti eða Eir.
Til viðbótar þessum fjölda eru 64
biðrými á nokkrum heilbrigðisstofn-
unum, svo sem Vífilsstöðum, Höfða á
Akranesi og Brákarhlíð í Borg-
arnesi, fyrir aldraða sem bíða eftir
varanlegri dvöl í hjúkrunarrými en
geta ekki beðið heima eftir slíku úr-
ræði.
Daglegur kostnaður ríkissjóðs af
að hýsa og annast um eldri borgara
sem dveljast á hjúkrunarheimili er
um 35 þúsund krónur að meðaltali.
Sambærilegur kostnaður á Land-
spítalanum er á bilinu 64 til 140 þús-
und. Er þar ekki meðtalinn mögu-
legur kostnaður vegna aðgerða,
rannsókna eða annarra meðferða.
Biðtími aldraðra á spítalanum kost-
ar því heilbrigðiskerfið háar fjár-
hæðir. gudmundur@mbl.is
18% legu-
rýma vegna
biðstöðu
76 aldraðir bíða
á Landspítalanum
Morgunblaðið/Eggert
Bið Nærri fimmtungur legurýmis
er upptekinn vegna fólks í biðstöðu.