Morgunblaðið - 02.04.2019, Blaðsíða 33

MENNING 33
MORGUNBLAÐIÐ ÞRIÐJUDAGUR 2. APRÍL 2019
ÍSLANDSMÓTIÐ
í Pepsí Max-deild karla og kvenna í knattspyrnu
sumarið 2019
PÖNTUN AUGLÝSINGA:
Fyrir miðvikudaginn 17. apríl.
NÁNARI UPPLÝSINGAR: Katrín Theódórsdóttir
kata@mbl.is | Sími: 569 1105
–– Meira fyrir lesendur
26. apríl gefurMorgunblaðið út glæsilegt sérblað um
SÉRBLAÐ
Árni Matthíasson
arnim@mbl.is
Í kvöld lýkur undankeppni Músík-
tilrauna þegar síðustu átta hljómsveit-
irnar keppa um lokasætin í úrslitum.
Þegar hafa sex hljómsveitir komist í
úrslitin og í kvöld bætast tvær við. Til-
raunirnar eru haldnar í Norður-
ljósasal Hörpu og hefjast kl. 19.30.
Verðlaun á Músíktilraunum eru
veitt fyrir 1., 2. og 3. sæti, en einnig
eru veitt verðlaun fyrir hljóðfæraslátt,
söng og íslenska texta og fyrir rafheila
Músíktilrauna. Hljómsveit fólksins er
valin í símakosningu. Þeim hljóm-
sveitum sem komast í úrslit er boðið
að taka þátt í svonefndum Hitakassa,
nýliðanámskeiði Útflutningsskriftofu
íslenskrar tónlistar og Tónlistarborg-
arinnar Reykjavíkur í hljómsveita-
mennsku.
Í kvöld velur salur eina hljómsveit
áfram í úrslit og dómnefnd eina, en
síðan getur dómnefnd bætt við í úrslit
hljómsveitum úr undankeppninni. Á
úrslitakvöldi velur dómnefnd vinn-
ingssveitir. Dómnefndina 2019 skipa
ofanritaður og Arnar Eggert Thor-
oddsen, Hildur Guðný Þórhallsdóttir,
Kristján Kristjánsson, Lovísa Rut
Kristjánsdóttir, Ragnheiður Eiríks-
dóttir og Steinunn Sigþrúðardóttir
Jónsdóttir.
Síðasta
tilraunakvöldið
 Undankeppni Músíktilrauna lýkur
í kvöld í Norðurljósasal Hörpu
Remony’s Voice
Remony’s Voice er tríó þeirra Maríu Carmela Torrini, sem
syngur og leikur á kassagítar, Guðmundar Elí Jóhannssonar,
sem leikur á hljómborð og bassa, og Þorsteins Steinberg All-
anssonar, sem leikur á gítar. María og Guðmundur eru 19 ára,
Þorsteinn 25 ára. Þau segjast gefa ævintýrum og þjóðsögum
nýjan búning með leikandi og ljúfum tónum með þjóðlaga-
rokkbrag.
Global
Á síðasta ári tók tríó frá Hvolsvelli
þátt í Músíktilraunum sem mætir nú
sem kvartett undir nýju nafni, Glob-
al. Sveitina skipa Jón Ágústsson gít-
arleikari, Karel Örn Tryggvason
bassaleikari söngkonurnar Freyja
og Oddný Benónýsdætur og Bjarni
Sigurðsson trommuleikari. Þau eru
14 til 16 ára gömul.
Boiling Snakes
Grafarhyltingarnir Ómar Smári Sigurgeirsson, Óttarr Daði
Garðarsson Proppé, Haukur Ingi Tómasson og Árni Jökull
Guðbjartsson nefna hljómsveit sína Boiling Snakes. Ómar og
Óttarr, sem báðir eru sautján ára, spila í gítara, Haukur á
bassa og Árni á trommur, en þeir eru báðir sextán ára. Ómar
syngur líka. Á sviði gegna þeir nöfnunum Lúsi, Eagle, Hawk
og Noname og flytja lög á ensku fyrir alla svala unglinga.
Dread Lightly
Arnaldur Ingi
Jónsson kallar
sig Dread Lig-
htly. Hann er
22 ára og leik-
ur á gítar og
skælifetlabretti
og syngur um
sorgir, ást og
tilgangsleysi
allra hluta.
Þess má geta
að hann var í
Lucy in Blue
sem hreppti
önnur verðlaun
í Músíktil-
raunum 2014.
THOR
Úr Dalvíkurbyggð kemur hljómsveitin THOR
skipuð þeim Þormari Erni Guðmundssyni söngv-
ara og Þorsteini Jakob Klemenzsyni píanó- og
gítarleikara. Þeir eru í 9. bekk í Dalvíkurskóla,
verða báðir 15 ára á árinu, og hafa þeir verið í
hljómsveit á vegum Tónlistarskólans á Trölla-
skaga, komið fram á úrslitum Söngkeppni Sam-
fés tvö ár í röð, 2018 og 2019. Undanfarin tvö ár
hafa þeir unnið að eigin tónsmíðum.
Hákon Hjaltalín
Hljómsveitina Há-
kon Hjaltalín skipa
Hákon Magnús
Hjaltalín gítarleik-
ari og söngvari, Al-
bert Arason bassa-
leikari og Haukur
Snær Gunnarsson
trommuleikari. Þeir
eru 18 til 22 ára.
Hákon Magnús
Hjaltalín er uppal-
inn í Skagafirði og
býr nú í Reykjavík.
Hann hefur spilað á
hljóðfæri frá fjög-
urra ára aldri og
vinnur nú að útgáfu
á plötu.
Karma Brigade
Karma Brigade tók þátt í síðustu Músíktilraunum og var þá
valin hljómsveit fólksins. Hún snýr nú aftur aðeins breytt.
Liðsmenn hennar eru 16 til 17 ára úr Reykjavík og Garðabæ.
Agla Bríet Einarsdóttir syngur, Kári Hlynsson leikur á hljóm-
borð, Hlynur Sævarsson leikur á bassa, Jóhann Egill Jóh-
ansson leikur á trommur, Steinunn Hildur Ólafsdóttir leikur á
hljómborð og syngur og Killian Briansson leikur á gítar.
Ásta
Ásta Kristín
Pjetursdóttir
er fædd og
uppalin í
Reykjavík en býr um þessar mundir á Flateyri. Hún er klass-
ískt menntaður lágfiðluleikari en segist hafa leiðst alveg óvart
út í að syngja og spila á gítar nú í ársbyrjun.
Kamilla Ein-
arsdóttir hlaut
Rauðu hrafnsfjöðr-
ina, verðlaun fyrir
forvitnilegustu
kynlífslýsingu árs-
ins 2018 í íslensk-
um bókmenntum.
Viðurkenningin var
veitt á aðalfundi
Lestrarfélagsins
Krumma, en þetta
er í 14. sinn sem
hún er veitt.
Lýsing Kamillu
birtist í bókinni
Kópavogskrónika –
til dóttur minnar
með ást og steikt-
um og hljóðar svo: „Við skutluðum
ljóðavini okkar heim og lögðum
svo bílnum og ég saug á honum
typpið. Það gekk vel en eftir á
fékk ég smá móral. Fannst þetta
skyndilega eitthvað svo smáborg-
aralegt. Að sjúga svona typpið á
kapítalista í smábíl í Grafarvogi.
En svo sá ég að smá brundur hafi
klínst í pilsið mitt og það minnti
mig á Með ský í buxum eftir Ma-
yakovskí svo mér leið aðeins bet-
ur.“
Fyrri hrafnsfjaðrarhafar eru
Eiríkur Örn Norðdahl fyrir Eitur
fyrir byrjendur 2006, Elísabet Jök-
ulsdóttir fyrir Heilræði lásasmiðs-
ins 2007, Hermann Stefánsson fyr-
ir Algleymi 2008, Steinar Bragi
fyrir Himininn yfir Þingvöllum,
2009, Þórunn Erlu-Valdimarsdóttir
og Magnús Þór Jónsson, Megas,
fyrir Dag kvennanna – ástarsögu
2010, Sigríður Jónsdóttir fyrir
Kanil 2011, Auður Ava Ólafsdóttir
fyrir Undantekninguna 2012, Sjón
fyrir Mánastein 2013, Soffía
Bjarnadóttir fyrir Segulskekkju
2014, Bergsveinn Birgisson fyrir
Geirmundar sögu heljarskinns
2015, Sigurbjörg Þrastardóttir fyr-
ir Óttaslegna trompetleikarann og
aðrar sögur 2016 og Þórarinn
Leifsson fyrir Kaldakol 2017.
Glöð Lárus Blöndal afhendir Kamillu Einarsdóttur
verðlaunin Rauðu hrafnsfjöðrina fyrir 2018.
Kamilla hlaut Rauðu
hrafnsfjöðrina 2018