Morgunblaðið - 02.04.2019, Blaðsíða 16

BAKSVIÐ
Pétur Hreinsson
peturhreins@mbl.is
Seðlabanki Íslands greip tvívegis inn
í á gjaldeyrismarkaði í síðustu viku.
Fyrst á þriðjudaginn þar sem bank-
inn seldi erlendan gjaldeyri fyrir að
jafnvirði 1,2 milljarða króna og síðast
á fimmtudag fyrir um 828 milljónir í
kjölfar gjaldþrots flugfélagsins
WOW air. Gjaldeyrisforði Seðla-
bankans nemur
rúmum 700 millj-
örðum króna.
Að sögn Jóns
Bjarka Bentsson-
ar, aðalhagfræð-
ings Íslands-
banka, voru
inngripin á þriðju-
dag líklega tengd
útflæði aflands-
króna en höft á
þær voru losuð í
upphafi síðasta mánaðar. Jón Bjarki
segir inngripin í takti við stefnu pen-
ingastefnunefndar Seðlabankans
sem ítrekað hefur sagst hafa þann
vilja og þau tæki til þess að halda
verðbólgu og verðbólgumarkmiðum
við markmið til lengri tíma. Til
skemmri tíma gæti það birst í lægra
atvinnustigi, að sögn Jóns Bjarka, en
peningastefnunefndin hefur gefið út
að hið lægra atvinnustig geti orðið
fórnarkostnaðurinn vegna harðara
taumhalds peningastefnunnar.
Jón Bjarki segir að á meðan að
tíðni inngripa bankans sé ekki of há
og ekki sé verið að halda aftur af
markaðnum í stórum stíl, séu inngrip
Seðlabankans af hinu góða. „Á meðan
að Seðlabankinn fer ekki að streitast
við að halda genginu hærra en efni
standa til, með tilliti til jafnvægis í ut-
anríkisviðskiptum, eða áframhald-
andi sterkri, erlendri stöðu, er þetta í
lagi,“ segir Jón Bjarki. Hann segir
inngripin enn sem komið er mjög hóf-
leg, en gengi krónunnar hefur veikst
um 1% á rúmri viku.
Nóg til að róa markaðinn
Skömmu eftir gjaldþrot WOW air
veiktist krónan töluvert að sögn Jóns
Bjarka. „Fyrstu viðbrögð er hugsan-
lega þau að minni gjaldeyristekjur
komi til landsins og eitthvað sé að
fara að harðna á dalnum. En sem bet-
ur fer voru það aðeins þessi einu inn-
grip og þau virðast hafa dugað til
þess að róa markaðinn,“ segir Jón
Bjarki.
Spurður hvort það þekkist önnur
dæmi þess að Seðlabankinn bregðist
á gjaldeyrismarkaði vegna gjald-
þrots eins fyrirtækis segir Jón Bjarki
svo ekki vera.
„Við höfum svo stutta sögu af nú-
verandi fyrirkomulagi. Seðlabankinn
vinnur með verðbólgumarkmið og
hefur þá stefnu að lágmarka skamm-
tímasveiflur með inngripi á markaði.
Þessi saga byrjaði að taka á sig mynd
vorið 2013 og síðan þá hefur ekki orð-
ið skellur af neinu líku lagi og var með
þessu gjaldþroti WOW air á fimmtu-
dag,“ segir Jón Bjarki en bendir aft-
ur á móti á að Seðlabankinn hafi
brugðist við fréttum af fjárhagsstöðu
WOW air í haust sem ollu óróa á
gjaldeyrismarkaði.
Tveggja milljarða inngrip
Seðlabankans í liðinni viku
Morgunblaðið/Samsett mynd
Gjaldeyrir Seðlabankinn þurfti að grípa inn í á gjaldeyrismarkaði í kjölfar gjaldþrots flugfélagsins WOW air
Inngrip Seðlabankans
» Seðlabankinn greip tvívegis
inn í á gjaldeyrismarkað í síð-
ustu viku.
» Inngripin á þriðjudag má
rekja til losunar aflandskróna.
» Bankinn seldi gjaldeyri fyrir
828 milljónir í kjölfar gjald-
þrots flugfélagsins WOW air á
fimmtudag.
» Samtals námu inngripin um
tveimur milljörðum króna í síð-
ustu viku.
 Inngrip Seðlabankans eru enn sem komið er hófleg að sögn sérfræðings
Jón Bjarki
Bentsson
16 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 2. APRÍL 2019
Tónastöðin • Skipholti 50d • Reykjavík • sími 552 1185 • www.tonastodin.is
Landsins mesta
úrval af trommum
í öllum verð�lokkum.
Hjá okkur færðu
faglega þjónustu,
byggða á þekkingu
og áratuga reynslu.
2. apríl 2019
Gengi Kaup Sala Mið
Dollari 122.28 122.86 122.57
Sterlingspund 159.33 160.11 159.72
Kanadadalur 90.98 91.52 91.25
Dönsk króna 18.365 18.473 18.419
Norsk króna 14.146 14.23 14.188
Sænsk króna 13.179 13.257 13.218
Svissn. franki 122.71 123.39 123.05
Japanskt jen 1.1034 1.1098 1.1066
SDR 169.53 170.55 170.04
Evra 137.12 137.88 137.5
Meðalgengi/Viðskiptavog þröng 168.07
Hrávöruverð
Gull 1291.15 ($/únsa)
Ál 1899.5 ($/tonn) LME
Hráolía 68.01 ($/fatið) Brent
Skannaðu kóð-
ann til að sjá
gengið eins og
það er núna á
● Icelandair Group hefur tekið tvær
Boeing 767-200-breiðþotur á leigu í
því skyni að koma í veg fyrir að kyrr-
setning nýrra Boeing 737-MAX 8-véla
hafi áhrif á flugáætlun félagsins. Félagið
er fyrir með fjórar vélar af þessu tagi í
flota sínum en þær voru teknar í notkun
2016 og 2017.
Boeing 767-breiðþoturnar eru 262
sæta og eru búnar tveimur farrýmum.
Þær verða í rekstri út septembermán-
uð. Félagið hefur einnig greint frá því að
það vinni að því að fá þriðju vélina
leigða sömu tegundar og að stefnt sé
að því að hún bætist einnig við flota
þess í sumar.
Þá hefur félagið einnig tilkynnt að
það vinni að endurskoðun flugáætl-
unar sinnar í sumar vegna mikilla
breytinga á samkeppnisumhverfi fé-
lagsins. Bendir Icelandair á að þegar
MAX-vélarnar, sem nú hafa verið kyrr-
settar, verði aftur komnar í loftið verði
hægt að auka framboð í háönn frá því
sem áður var áætlað.
Icelandair bætir við
breiðþotuflota sinn
STUTT
Sala á fólksbílum heldur áfram að
dragast verulega saman í ár. Í mars í
ár voru 1.079 bílar seldir samanborið
við 1.833 í sama mánuði í fyrra. Er
það um 41% lækkun á milli ára. Séu
fyrstu þrír mánuðir ársins bornir
saman við árið í fyrra hefur 2.721 bíll
verið seldur í ár samanborið við 4.615
bíla í fyrra. Nemur samdrátturinn
um 41%. Þetta kemur fram í nýjum
tölum frá Bílagreinasambandinu.
„Þetta hefur að sjálfsögðu áhrif og
bílaumboðin eru að stilla sína starf-
semi í takt við þennan markað sem
er til staðar. En það þarf að hafa í
huga að ýmsir óvissuþættir hafa ver-
ið til staðar,“ segir Jón Trausti Ólafs-
son, formaður Bílgreinasambands-
ins, og nefnir kjarasamningagerð og
málin í kringum flugfélögin. Hann
nefnir einnig að bílasala hafi verið
róleg í haust vegna vörugjaldabreyt-
inga og mengunarmælinga sem nú
er búið að leysa.
Mikil endurnýjunarþörf
„Við teljum að það sé mikil end-
urnýjunarþörf til staðar á markaðn-
um. Flotinn hefur elst á síðustu ár-
um,“ segir Jón Trausti. Hann telur
forsendu fyrir því að bílasala fari af
stað þegar óviss-
an minnkar enn
frekar.
„Vonandi leys-
ast kjarasamn-
ingar á næstu
dögum og ljóst er
að vörugjöld voru
ekki hækkuð sem
þýðir að nýir bílar
eru jafnvel hag-
stæðari en áður.
Að þessu gefnu tel ég allar forsendur
fyrir því bílasala fari af stað svo
framarlega sem það verða einhverj-
ar sterkar mótvægisaðgerðir af
hálfu ríkisstjórnarinnar gagnvart
öðru í atvinnulífinu.“ Jón Trausti tel-
ur að svigrúm til hagræðingar-
aðgerða í bílgreininni sé ekki mikið
en að atvinnurekendur hugi eðlilega
að enn frekari hagræðingu líkt og
aðrir en nokkur þúsund manns
starfa í bílgreininni. Að sögn Jóns
Trausta hefur gjaldþrot WOW air
áhrif á innkaup bílaleiganna en það
sem af er ári eru innkaup þeirra 38%
niður frá því í fyrra. Gerir hann enn
fremur ráð fyrir því að kaup þeirra
muni dragast saman um 30-40% á
árinu.
Bílasala dregst
saman um 41%
 Lítið svigrúm til hagræðingaraðgerða
Jón Trausti
Ólafsson