Morgunblaðið - 18.05.2019, Qupperneq 22

BAKSVIÐ
Sigtryggur Sigtryggsson
sisi@mbl.is
Fyrirséð er að breytingar á skipu-
lagi og umhverfismat framkvæmda
valda um 8-12 mánaða töf frá því
sem ætlað var á flutningi á starfsemi
Björgunar ehf. á nýja lóð á Álfsnesi.
Þetta segir Lárus Dagur Pálsson,
framkvæmdastjóri fyrirtækisins.
Björgun kemur ekki til með að
starfa með sama hætti á núverandi
athafnasvæði í Sævarhöfða. Að
óbreyttu stöðvast því starfsemin þar
í lok mánaðarins samkvæmt gildandi
starfsleyfi. Hjá Björgun starfa að
jafnaði um 30
manns. Fyrir-
tækið dælir efni
af hafsbotni með
skipum og rekur
einnig útgerðar
starfsemi á sviði
hafnardýpkana
og uppdælinga úr
sjó víða um land.
„Um leið er
fyrirtækið von-
gott um að mik-
ilvægi starfseminnar fyrir uppbygg-
ingu í höfuðborginni mæti áfram
skilningi hjá borgaryfirvöldum,“
segir Lárus Dagur.
Ljóst sé að tímabundið verði hægt
að halda áfram takmarkaðri starf-
semi á smærra og afmarkaðra svæði
en verið hefur þar til að flutningi
kemur. Slíkt fyrirkomulag tefji ekki
nýbyggingu á íbúðum hjá þeim
byggingaraðilum sem hafa fengið út-
hlutað lóðum næst svæðinu í
Bryggjuhverfinu.
„Við munum á næstu vikum
kynna borgaryfirvöldum og íbúum
Bryggjuhverfisins mótvæg-
isaðgerðir til þess að draga úr áhrif-
um framkvæmdanna á lóðinni og
starfseminnar á nærliggjandi byggð,
auk framkvæmda sem geta gert
Bryggjuhverfið enn eftirsókn-
arverðara,“ segir Lárus Dagur.
Framkvæmdir á lóðinni og land-
fylling í sjó fram, þ.e. mótun um 2,5
hektara nýs lands fyrir stækkun
Bryggjuhverfisins, hefur gengið
mjög vel og er á áætlun en þar
seinkaði framkvæmdaleyfi um 12
mánuði. Björgun hóf verkefnið
haustið 2017 og er það mjög um-
fangsmikið. Ásýnd núverandi at-
hafnasvæðis og lóðarinnar hefur
tekið mjög miklum breytingum og
svo verður áfram á næstu vikum.
Verið er að stækka landfyllingu
fyrir Bryggjuhverfið til norðvesturs
og um leið grafinn stór skurður við
jaðar landfyllingarinnar í norðri, en í
hann fer gróft jarðefni sem safnað
hefur verið á svæðið, meðal annars
úr grunni Landspítalalóðarinnar.
Tilgangurinn er að styrkja jaðar
landfyllingarinnar og vernda land og
fyrirhuguð mannvirki fyrir ágangi
sjávar. Stór og mikil sandþvottastöð
Björgunar, sem stendur næst núver-
andi byggð Bryggjuhverfisins, verð-
ur tekin úr notkun og hún fjarlægð,
auk þess sem fjarlægt verður haug-
að efni sem næst hverfinu stendur
og er ekki ætlað í landfyllinguna.
Þannig myndast autt svæði tilbúið
um næstu mánaðamót til nýbygg-
ingar íbúða við hús Bryggjuhverf-
isins sem standa næst lóð Björg-
unar.
Takmörkuð starfsemi áfram?
„Á skika vestan þess svæðis, nær
höfninni og löndunaraðstöðu, mun-
um við sækjast eftir starfsleyfi til
áframhaldandi takmarkaðrar starf-
semi þar til að flutningum getur orð-
ið á nýtt starfssvæði á Álfsnesi. Með
því móti gæti fyrirtækið áfram sinnt
framkvæmdum við landfyllinguna
sem það sinnir nú fyrir Faxaflóa-
hafnir f.h. borgarinnar og haldið lífi
og rekstrarhæfi fram að flutningum.
Við hjá Björgun erum meðvituð
um að íbúar svæðisins eru lang-
þreyttir á nábýli við starfsemina og
viljum koma til móts við þá með
margvíslegum aðgerðum til þess að
draga úr áhrifum okkar veru á svæð-
inu,“ segir Lárus Dagur.
Byrjað verði á að kynna þær hug-
myndir fyrir borgaryfirvöldum, von-
andi á næstu dögum. Lárus Dagur
tekur fram að Reykjavíkurborg hafi
lagt mikinn kraft í undirbúnings-
vinnu við breytingu á skipulagi í
Álfsnesi og unnið náið með forráða-
mönnum Björgunar í verkefninu.
Umhverfismatið og skipulagsferl-
arnir taki langan tíma en m.a. þarf
að breyta svæðis- og aðalskipulagi.
Þar hafi svæðisskipulagsnefnd höf-
uðborgarsvæðisins einnig komið að
málum.
„Við finnum fyrir auknum skiln-
ingi á mikilvægi starfsemi Björg-
unar og vonumst til þess að geta
unnið að flutningi fyrirtækisins í
eins góðri sátt og hægt er við bæði
íbúa og borgaryfirvöld þrátt fyrir
þær tafir sem orðið hafa á að nýtt at-
hafnasvæði við Álfsnes verði tilbúið.
Við vonumst til þess að staða okkar
skýrist enn frekar á allra næstu dög-
um og vikum. En að óbreyttu stöðv-
ast starfsemi fyrirtækisins um
næstu mánaðarmót til skemmri eða
lengri tíma sem veldur okkur veru-
legum áhyggjum og fleirum sem
stóla á efnisöflun til mannvirkja-
gerðar á efni frá Björgun,“ segir
Lárus Dagur að lokum.
Lóðarvilyrði á Álfsnesi
Borgarráð samþykkti á fundi sín-
um í fyrradag að veita Björgun ehf.
lóðarvilyrði fyrir allt að 7,5 hektara
lóð við Álfsnesvík á Álfsnesi í
Reykjavík ásamt byggingarrétti fyr-
ir um 1.200 fermetra atvinnu-
húsnæði. Er samþykktin gerð með
fyrirvara um að deiliskipulag, sem
afmarki lóðina og byggingarrétt,
taki gildi.
Tímamót að verða hjá Björgun
 Að öllu óbreyttu á fyrirtækið að hætta starfsemi á Sævarhöfða í lok þessa mánaðar  Hefur óskað
eftir framlengdu starfsleyfi tímabundið  Tafir hafa orðið á flutningi Björgunar á lóð við Álfsnesvík
Drónamynd/Hnit
Sævarhöfði Björgun hefur óskað eftir að fá að halda starfsemi áfram vestast á svæðinu uns fyrirtækið getur flutt í Álfsnes. Sanddæluskipið Sóley í höfn.Lárus Dagur Pálsson
22 FRÉTTIRInnlent
MORGUNBLAÐIÐ LAUGARDAGUR 18. MAÍ 2019
Stefnt er að því að TF-EIR, hin
nýja þyrla Landshelgisgæslunnar,
verði tekin í notkun í lok þessa
mánaðar, að sögn Ásgríms L. Ás-
grímssonar, framkvæmdastjóra að-
gerðasviðs LHG. Vélin kom til
landsins í mars s.l. og síðan hafa
flugmenn Gæslunnar flogið henni í
þjálfunarflugi.
Sem kunnugt verður þyrlufloti
Gæslunnar endurnýjaður með
tveimur leiguþyrlum sem bera ein-
kennisstafina TF-EIR og TF-
GRO. Þær munu leysa eldri þyrlur,
TF-GNA og TF-SYN, af hólmi.
Verður Gæslan áfram með þrjár
þyrlur á sínum snærum þar sem
TF-LIF er enn í eigu hennar.
Áætlað að TF-GRO komi til lands-
ins um eða upp úr mánaðamótum
maí/júní.
TF-GNA fór úr landi í janúar.
Það var komið að viðamikilli skoð-
un á henni og því var valið að skila
henni áður en til hennar kom, að
sögn Ásgríms. TF-SYN er ennþá á
Íslandi. Hún fór í viðamikla skoðun
um mánaðamótin apríl/maí, sem
flugvirkjar Landhelgisgæslunnar
framkvæma. Áætlað er að henni
verði skilað í framhaldinu.
sisi@mbl.is
Morgunblaðið/Árni Sæberg
TF-EIR Nýja þyrlan kom til landsins um miðjan mars sl. Nýju þyrlurnar auka
björgunargetu Landhelgisgæslunnar þegar þær eru komnar í notkun.
Styttist í TF-EIR
 Flugmenn Gæslunnar í þjálfun á nýju
þyrlurnar  Von er á TF-GRO fljótlega
HEELYS
SUMARDAGAR 18.-21. MAÍ
13.995
VERÐ FRÁ
15%