Morgunblaðið - 25.05.2019, Side 7

FRÉTTIR 7Innlent
MORGUNBLAÐIÐ LAUGARDAGUR 25. MAÍ 2019
upp aðra innviði, eins og öflugar al-
menningssamgöngur. Hver einasta
króna nýtist þar gríðarlega vel, á
sama tíma og þetta hefur jákvæð
áhrif á umferðina, með því að
minnka hana.“
Hún segir aðspurð slík tafagjöld
til skoðunar í Reykjavík.
„Sveitarfélögin á höfuðborgar-
svæðinu eru að skoða þessa leið. Það
hefur þó engin ákvörðun verið tek-
in,“ segir Sigurborg Ósk.
Hún segir aðspurð óvíst að rafbíl-
ar verði undanþegnir slíkum gjöld-
um til frambúðar. Á umbreytingar-
skeiðinu fram undan, á næstu 10-15
árum, muni umferðarmenningin
breytast. Meðal annars kalli unga
fólkið eftir aðgerðum í loftslagsmál-
um.
Rauður þráður á ráðstefnunni
Sigurborg Ósk segir ræðumenn á
ráðstefnunni í Ósló hafa lagt mikla
áherslu á þéttingu byggðar.
„Umræðuefnin hafa spannað vítt
svið; allt frá lýðheilsu og lífsgæðum
til loftslagsmála. Þetta tengist allt
við það sem þau eru að gera í Ósló í
skipulagi og hönnun. Meðal annars
með göngugötum og notkun ólíkra
fararmáta. Við erum að hluta til á
sömu vegferð í Reykjavík. Við erum
að þétta byggð og til dæmis að
byggja við höfnina. Svo eru tvö önn-
ur verkefni, stækkun Bryggjuhverf-
is og nýi Skerjafjörðurinn, sem eru
sambærileg við það sem Norðmenn
hafa gert við höfnina í Ósló en þau
verkefni þykja hafa tekist vel. Það
má segja að þetta sé ákveðin stað-
festing á því að við séum á réttri leið.
Raunar eru borgir um allan heim
almennt að gefa fólki meira pláss í
borgunum og minnka rýmið sem
einkabíllinn fær. Það er gegnum-
gangandi þema hjá fulltrúum borga
á þessari ráðstefnu.“
Sjálfbærni að leiðarljósi
Sigurborg Ósk útskrifaðist árið
2012 með meistaragráðu í lands-
lagsarkitektúr frá Arkitektaskólan-
um í Ósló. Hún segir margar
áherslur í náminu hafa verið að birt-
ast í uppbyggingu Óslóar á síðustu
árum.
„Verkefni sem nemendur lögðu til
urðu að bæta umhverfið og vera
sjálfbær. Það opnaði augu mín þeg-
ar ég var í náminu. Þá hafði maður
tíma til að sökkva sér í ýmis fræði,
meðal annars loftslagsfræðin. Mér
fannst það sláandi þegar ég áttaði
mig á stöðunni og hvert stefnir í
þeim málum.
Lokaverkefni mitt var að þróa
sjálfbært samgöngukerfi á höfuð-
borgarsvæðinu. Gekk út frá því að í
framtíðinni hefðum við ekki einka-
bílinn eins og við þekkjum hann í
dag heldur myndu flestir ferðast
með almenningssamgöngum. Að
samgöngukerfið og innviðir væru
ekki skilgreind eftir því hvort
ferðast væri með bíl eða hjóli, held-
ur eftir ferðahraðanum. Þá lagði ég
til að hámarkshraðinn yrði 40 km í
þéttbýli. Það er mjög gaman að sjá
að það sama er nú í gangi í Ósló.
Innan ákveðinna þéttbýlismarka í
borginni fer hámarkshraðinn ekki
yfir 40 km á klukkustund,“ segir
Sigurborg Ósk. Hún vann áður sam-
bærilegt verkefni fyrir Lillestrøm,
sem er lítil borg utan Óslóar.
í Ósló
Sigurður Bogi Sævarsson
sbs@mbl.is
Brúarvinnuflokkur Munck á Ís-
landi ætlaði nú með morgninum að
hefjast handa við að koma nýju
brúnni yfir Eldvatn í Skaftártungu
fyrir á stöplum sínum. Það var í
febrúar síðastliðnum sem brúin
kom tilsniðin á staðinn og und-
anfarna mánuði hafa pólskir járn-
iðnaðarmenn verið að setja bitana
saman. Því verki er nú lokið og
næst er að draga stykkið út yfir
ána og til þess verða notaðir stórir
vökvatjakkar. Frágengin mun brú-
in sem er 80 metra löng, hvíla á
landstöplum á sínum hvorum enda.
Í tilfæringum dagsins verður hún
lögð á tvo bráða-
birgðastólpa sem
eru úti í miðju
fljótinu en verða
fjarlægðir að
framkvæmdum
loknum.
Hægt verð-
ur að fylgjast
með framvindu
mála við Eldvatn
um helgina.
Vegagerðin hefur sett upp mynda-
vél á verkstað þar sem hægt verð-
ur að fylgjast með hverning miðar,
og nýjar myndir fara í loftið á 5-10
mínútna fresti.
„Gangurinn í þessu verkefni
er góður gangur, en þessu á að
verða lokið í september næstkom-
andi,“ segir Einar Már Magnússon,
umsjónarmaður Vegagerðarinnar
á verkstað, þegar Morgunblaðið
ræddi við hann eystra í gær.
Munck Íslandi ehf. er verktaki
við brúarsmíðina en Framrás hf. í
Vík hefur vegagerð með höndum.
Nýja brúin kemur, sem kunnugt er
í stað eldri brúar sem lakaðist mik-
ið í Skaftárhlaupi haustið 2015. Þá
gróf mikið undan eystri landstólpa
svo brúin var lokuð allri umferð
fyrst á eftir, en síðar þyngri öku-
tækjum. Nýja brúin er kippkorn
neðar en sú eldri og tekur stað-
arval hennar mið af árflóðum sem
koma nokkuð regulega á þessum
slóðum.
Brúin sett á stöpla um helgina
Morgunblaðið/Sigurður Bogi
Eldvatn Svona var umhorfs á verkstað í gærdag. Brúin er á syðri bakkanum og verður nú dregin út á gulu stöplana.
Framkvæmdum við nýja brú yfir Eldvatn í Skaftártungu miðar vel
Einar Már
Magnússon