Morgunblaðið - 07.06.2019, Blaðsíða 13

FRÉTTIR 13Erlent
MORGUNBLAÐIÐ FÖSTUDAGUR 7. JÚNÍ 2019
Talið var líklegt að Mette Freder-
iksen, formaður danskra jafnaðar-
manna, yrði næsti forsætisráðherra
eftir að vinstriflokkarnir fengu
meirihluta þingsæta á danska
þinginu, eða 91 af 179 sætum.
Frederiksen hafði áður gefið út að
hún vildi mynda minnihlutastjórn
jafnaðarmanna, en þeir fengu 25,9%
atkvæða í kosningunum og 48 þing-
menn.
Lars Løkke Rasmussen forsætis-
ráðherra baðst í gær lausnar fyrir
hönd ríkisstjórnar sinnar, en stuðn-
ingsflokkar hennar töpuðu flestir
fylgi á kjördag. Venstre, miðhægri-
flokkur Rasmussens, fékk hins veg-
ar meira en spáð hafði verið í könn-
unum, og hlaut hann 43 þingsæti og
23,4% atkvæða. Rasmussen lýsti því
yfir daginn fyrir kosningar að hann
vildi mynda samstjórn Venstre og
jafnaðarmanna, en ekki þótti líklegt
að það yrði að veruleika nema við-
ræður Frederiksen við aðra flokka
um stuðning við minnihlutastjórn
færu illa, en hún hefur sagst vilja
leita eftir samstarfi til bæði hægri
og vinstri um ýmsa málaflokka.
Segir af sér eftir afhroð
Anders Samuelsen, formaður
Frjálslynda bandalagsins, sagði af
sér í gær, en flokkur hans missti níu
þingsæti og endaði með einungis
fjóra þingmenn. Sagðist Samuelsen
bera alla ábyrgð á hörmulegu gengi
flokksins og lýsti yfir að hann væri
hættur í stjórnmálum. sgs@mbl.is
Vill mynda minnihlutastjórn
 Rasmussen vill samstarf við Frederiksen  Samuelsen hættir sem formaður
AFP
Gleði Mette Frederiksen fagnaði
úrslitunum vel á kosninganótt.
Forsetahjón Bandaríkjanna og Frakklands horfa hér saman á flugsýningu
yfir ströndum Normandí, en þess var minnst í gær að 75 ár voru liðin frá
innrásinni miklu, sem var upphafið að endalokum síðari heimsstyrjaldar.
Mikið var um dýrðir í tilefni dagsins og voru hermenn sem lifðu orr-
ustuna sérstaklega hylltir fyrir hugprýði sína. Rúmlega 150.000 hermenn
frá Bandaríkjunum, Bretlandi og Kanada tóku þátt í innrásinni.
AFP
Minntust
D-dags
Ríkisstjórn Antt-
is Rinnes, for-
manns finnskra
jafnaðarmanna,
tók formlega við
stjórnartaum-
unum í Finnlandi
í gær, en stjórn-
arsáttmáli jafn-
aðarmanna, Mið-
flokksins, Græn-
ingja, Vinstra
bandalagsins og Sænska þjóðar-
flokksins var samþykktur fyrr í vik-
unni.
Þetta er fyrsta vinstristjórnin í
Finnlandi í 16 ár, en hún nýtur
stuðnings 117 þingmanna af 200 á
finnska þinginu. Þá er þetta fyrsta
ríkisstjórnin þar sem konur eru í
meirihluta embætta, en ellefu af
ráðherrunum 19 eru kvenkyns.
Kosið var í Finnlandi 14. apríl
síðastliðinn og fengu jafnaðarmenn
þar 17,73% fylgi og 40 þingmenn.
Finnaflokkurinn, sem áður hét
Sannir Finnar, fékk næstflest at-
kvæði, en aðrir flokkar lýstu því yf-
ir að þeir vildu ekki mynda stjórn
með honum.
Konur í meirihluta
ráðherraembætta
Antti
Rinne
FINNLAND
Friðar- og ör-
yggisráð Afríku-
sambandsins
ákvað á fundi
sínum í gær að
vísa Súdan tíma-
bundið úr sam-
bandinu, eða þar
til borgaralegri
bráðabirgða-
stjórn hefði verið
komið á. Væri
það eina lausnin á þeirri stöðu sem
komin væri upp eftir að herinn
leysti upp mótmæli í höfuðborginni
Khartoum á mánudaginn með þeim
afleiðingum að meira en hundrað
manns létust.
Patrick Kapuwa, formaður ráðs-
ins, sagði að ráðið myndi refsa þeim
einstaklingum og stofnunum sem
stæðu í veginum fyrir að borgara-
leg öfl fengju aftur völd í Súdan.
Vísað úr Afríku-
sambandinu
Patrick
Kapuwa
SÚDAN
Vladimír Pútín Rússlandsforseti
sagði í gær að Rússland og Bretland
ættu að leita sátta eftir að eitrað var
fyrir rússneska gagnnjósnarann
Sergei Skrípal á síðasta ári, en sam-
skipti ríkjanna sködduðust mjög eft-
ir að eiturvopnaárás var gerð á heim-
ili Skrípals í bænum Salisbury í
suðurhluta Englands.
„Við þurfum að snúa þessu blaði
endanlega við,“ sagði Pútín við fjöl-
miðla, sem saman voru komnir í St.
Pétursborg vegna ráðstefnu um
efnahagsmál sem þar var haldin.
Sagði Pútín að heimsbúskapurinn og
öryggismál skiptu meira máli en
„leyniþjónustuleikir“.
Sagðist Pútín einnig vonast til að
samskipti ríkjanna gætu batnað með
nýjum forsætisráðherra Bretlands.
„Ég myndi gjarnan vilja fá leiðtoga
ríkisstjórnar sem hugsar um hags-
muni þeirra 600 bresku fyrirtækja
sem starfa í Rússlandi,“ sagði Pútín.
Talskona Theresu May, forsætis-
ráðherra Bretlands, sagði hins vegar
að bætt samskipti við Rússa gætu
eingöngu orðið að veruleika ef rúss-
nesk stjórnvöld skiptu um kúrs.
Sagði hún að árásin á Skrípal hefði
verið „viðurstyggileg aðgerð“.
Skrípal starfaði fyrir rússnesku
leyniþjónustuna en seldi Bretum
þjóðarleyndarmál. Fékk hann að
flytja til Bretlands árið 2010 í skipt-
um fyrir rússneska njósnara sem
starfað höfðu í Bretlandi.
Eitrað var fyrir Skrípal og dóttur
hans í fyrra með taugaeitri, og var
það fyrsta notkun efnavopna í Evr-
ópu frá lokum síðari heimsstyrjald-
ar. Bretar hafa sagt að árásin hljóti
að hafa verið framin með vitund og
vilja rússneskra stjórnvalda, sem
aftur hafa þvertekið fyrir þátttöku
sína í ódæðinu. Tveir Rússar hafa
verið sakaðir um aðild að málinu af
Evrópusambandinu.
Vill bæta sam-
skiptin við Breta
 Segja Rússa
þurfa að breyta
hegðun sinni
AFP
Rússland Pútín sat fyrir svörum
fjölmiðla í St. Pétursborg í gær.