Morgunblaðið - 19.06.2019, Page 11

FRÉTTIR 11Innlent
MORGUNBLAÐIÐ MIÐVIKUDAGUR 19. JÚNÍ 2019
Álfheimum 74, 104 Rvk, sími 568 5170
Verið velkomin
• Kjólar
• Bolir
• Buxur
• Tunikur
• Peysur
• Skyrtur
• Klútar
• Töskur
Fallegar
sumarvörur
NýttNýtt
Fulltrúar stjórnvalda, stóriðjunnar
og Orkuveitu Reykjavíkur (OR)
skrifuðu í gær undir viljayfirlýsingu
um kolefnishreinsun og -bindingu.
Samkvæmt yfirlýsingunni verður
kannað til hlítar hvort aðferð sem
kölluð er „CarbFix“ geti orðið raun-
hæfur kostur til þess að draga úr los-
un koldíoxíðs frá stóriðju á Íslandi.
Bjarni Bjarnason, forstjóri OR,
sagði í ávarpi sínu við undirritunina
að aðferðin væri bæði ódýr og örugg
og kostaði ekki meira en kolefnis-
kvóti og það væri því borðleggjandi
fyrir íslenska stóriðju að eyða frem-
ur fjármagni í kolefnishreinsun en
kvóta.
„Þetta segir okkur að vísindi
borga sig. Fé sem varið er í vísindi
og þróun er ekki kastað á glæ. Þetta
er eina aðferð sinnar tegundar og al-
veg einstök á heimsvísu,“ sagði
Bjarni, en aðferðin er hugarsmíð
OR, Háskóla Íslands og erlendra að-
ila. Felst hún í því að koldíoxíð, CO2,
er fangað úr jarðhitagufu, gasið
leyst upp í vatni undir þrýstingi og
vatninu dælt niður á 500-800 m dýpi í
basaltjarðlög, þar sem CO2 binst
varanlega í berggrunninum í formi
steinda.
Orka náttúrunnar, dótturfélag
OR, hefur rekið lofthreinsistöð og
niðurdælingu við Hellisheiðar-
virkjun samfellt í 5 ár. Nú hreinsar
lofthreinsistöðin við Hellisheiðar-
virkjun um 75% af brennisteinsefn-
um og koltvísýringi frá virkjuninni.
Hefur OR tekið ákvörðun um að
stækka lofthreinsistöðina svo að
hreinsa megi virkjunina að fullu á
næstu árum.
„Við erum að reyna að finna ís-
lenskt orð yfir CarbFix, er það
kannski gaströll?“ sagði Katrín Jak-
obsdóttir forsætisráðherra eftir að
Rannveig Rist, forstjóri Rio Tinto á
Íslandi, líkti umbreytingu gassins í
stein við tröll sem verður sólinni að
bráð.
Auk Rio Tinto skrifuðu fulltrúar
Elkem, Fjarðaáls og Norðuráls und-
ir viljayfirlýsinguna. Til stendur að
PCC á Bakka undirriti síðar.
Viljayfirlýsing um kolefnishreinsun
Morgunblaðið/Hari
Viljayfirlýsing Fulltrúar ríkisstjórnarinnar, stóriðjufyrirtækja og OR skrifa undir viljayfirlýsinguna.
Dýralæknarnir Sandhólaferju ehf.
hafa flutt dýraspítalann og alla þjón-
ustuna að Rauðalæk. Þar eru þeir að
koma sér fyrir í húsnæði sem áður
hýsti Kaupfélag Rangæinga.
„Við erum vel staðsett hér, við
þjóðveginn. Við vorum aðallega að
horfa til þess,“ segir Jakobína Vals-
dóttir sem starfar við dýralækna-
þjónustuna með manni sínum, Guð-
mari Aubertssyni dýralækni. Þau
eru með tvo dýralækna í vinnu um
þessar mundir.
Húsnæðið er rúmgott. Þar eru
þau að koma fyrir dýraspítala með
skoðanastofum fyrir gæludýr og stór
dýr, aðgerðastofum, rannsóknastofu
og apóteki auk afgreiðslu. Þá eru
þau að koma sér upp verslun með
ýmsar vörur fyrir dýrin.
Rauðilækur er smár þéttbýlis-
kjarni við Suðurlandsveg, um fimm
kílómetra vestan við Hellu. Í hús-
næðinu sem dýralæknirinn keypti
hefur verið rekið þvottahús síðustu
ár en áður var þar útibú Kaupfélags
Rangæinga á Hvolsvelli.
Eftir að Guðmar og Jakobína
keyptu húsnæðið hafa þau endurnýj-
að það að utan jafnt sem innan og er
þeirri vinnu raunar ekki að fullu lok-
ið. Jakobína reiknar með formlegri
opnun í haust, þegar allt verður
tilbúið.
Vorið er mikill annatími hjá dýra-
læknum. Allir þrír dýralæknarnir
voru að vinna úti á mörkinni þegar
blaðamaður kom við. „Já, það er
mikið að gera, eins og alltaf. Ekki að-
eins við hesta, nautgripi og kindur
heldur einnig hunda, ketti og önnur
gæludýr,“ segir Jakobína sem var
ein á skrifstofunni. helgi@mbl.is
Dýraspítali
á Rauðalæk
 Gamla kaupfélagið fær nýtt hlutverk
Morgunblaðið/Helgi Bjarnason
Starfsfólk Sandra Líf Þórðardóttir dýralæknir, Andrea Rummele dýra-
læknanemi, Katrin Wagner dýralæknir og Isabell Henss dýralæknanemi.
Punktur á röngum
stað
Í töflu yfir 10 fjölmennustu trú- og
lífsskoðunarfélögin í grein um þjóð-
kirkjuna í Sunnudagsmogganum 16.
júní var punktur í röngu sæti. Stóð í
töflunni að 23.4215 manns væru í
þjóðkirkjunni en punkturinn á að
vera í þriðja sæti og talan rituð
234.215.
LEIÐRÉTT
Starfsmenn búnaðarstofu Matvæla-
stofnunar hafa verið á faraldsfæti í
stjórnkerfinu og enn ein vistaskiptin
verða um áramót. Þá renna þeir inn í
atvinnuvegaráðuneytið.
Verkefni búnaðarstofu voru upp-
haflega unnin í Framleiðsluráði
landbúnaðarins sem stofnað var á
árinu 1947. Þau færðust til Bænda-
samtaka Íslands á árinu 1999 en þau
samtök urðu til við sameiningu Bún-
aðarfélags Íslands og Stéttarsam-
bands bænda. Síðar var stofnuð þar
sérstök eining, búnaðarstofa, sem
færð var í heilu lagi til Matvæla-
stofnunar í byrjun árs 2016. Búnað-
arstofa var áfram í Bændahöllinni
eins og starfsemin hafði verið frá
byggingu hússins en á síðasta ári var
hún flutt í Hafnarfjörð og er þar í
sambýli með fleiri stofur Mast. Um
næstu áramót flytja starfsmennirnir
í sjávarútvegshúsið á Skúlagötu þar
sem ráðuneytið er til húsa.
Framkvæma búvörusamninga
„Þetta er ekkert til að lítast á. Við
förum aftur út í óvissuna. Það kallar
á breytingastjórnun og í því felast
einnig tækifæri,“ segir Jón Baldur
Lorange, framkvæmdastjóri búnað-
arstofu, þegar hann er spurður að
því hvernig honum lítist á enn eina
flutningana. Starfsemin rennur inn í
skrifstofu matvæla og landbúnaðar
sem fyrir er í ráðuneytinu.
Búnaðarstofa annast framkvæmd
á verkefnum sem kveðið er á um í
búvörusamningum og lögum, meðal
annars framleiðslustjórnun og bein-
greiðslur til bænda. Einnig safnar
búnaðarstofa hagtölum fyrir land-
búnaðinn. Þessum verkefnum tengj-
ast viðamiklir gagnagrunnar og
tölvukerfi: Greiðslukerfi landbúnað-
arins. Hefur búnaðarstofa verið að
byggja upp rafræna stjórnsýslu. Þau
kerfi flytjast til ráðuneytisins.
Sex starfsmenn eru hjá búnaðar-
stofu og þar af eru tveir sem hófu
störf hjá Framleiðsluráði.
Í greinargerð með frumvarpi ráð-
herra um flutninginn sem samþykkt
var á Alþingi fyrir helgi kemur fram
að megintilgangur frumvarpsins sé
að efla stjórnsýslu á sviði landbún-
aðar- og matvælamála með fjölgun
starfsmanna sem þeim málum sinna
í ráðuneytinu. helgi@mbl.is
Búnaðarstofa á faraldsfæti
 Flyst nú inn í atvinnuvegaráðuneytið
Morgunblaðið/Styrmir Kári
Kýr Búnaðarstofa annast greiðslur
samkvæmt búvörusamningum.