Morgunblaðið - 01.06.2019, Blaðsíða 42

42 MORGUNBLAÐIÐ LAUGARDAGUR 1. JÚNÍ 2019
Skúli Halldórsson
sh@mbl.is
E
lliði Hreinsson, fram-
kvæmdastjóri Curio, segir
að styrkurinn hafi skipt
sköpum hvað varðar getu
til að þróa búnaðinn áfram.
Við ákvörðun ESB um styrkveiting-
una hafi vegið þungt að búnaðurinn
myndi bæta nýtingu aflans, minnka
kolefnisfótspor vinnslunnar og draga
úr matarsóun.
Elliði segir helstu markaðstæki-
færi fyrir vélina leynast í Noregi en
einnig víðar í Evrópu, svo sem í Fær-
eyjum, Litháen, Lettlandi, Póllandi,
Rússlandi, Portúgal og Ítalíu. Þá geti
hún líka komið að gagni fyrir
vinnslur vestanhafs.
Hjá fyrirtækinu starfa nú um
fimmtíu manns, en tiltölulega
skammt er síðan reist var sérstök
kennslubygging við höfuðstöðvar
Curio í Hafnarfirði. Er í byggingunni
boðið upp á námskeið fyrir starfs-
menn í þeim vinnslum sem kaupa vél-
ar Curio, svo þeir læri að stilla og
stýra vélunum.
Til viðbótar við höfuðstöðvarnar í
Hafnarfirði er Curio með útibú á
Húsavík sem Elliði segir hafa stækk-
að mikið á undanförnum árum. Nú
stendur einnig yfir stækkun útibús-
ins í Skotlandi, en verið er að setja
upp verksmiðju þar í Peterhead.
Morgunblaðið/Eggert
Styrkurinn frá sambandinu skiptir sköpum fyrir framþróun verkefnisins, segir Elliði Hreinsson, framkvæmdastjóri Curio.
Tæknifyrirtækið Curio hefur hlotið 2,3 milljóna
evra styrk frá Evrópusambandinu til að geta þróað
áfram frumgerð nýrrar klumbuskurðarvélar. Vélin
sker klumbubeinið af bolfiski fyrir flökun, en til
þessa hafa menn ýmist gert það í höndum eða
með vélum sem ekki eru hannaðar til verksins.
Bætir nýtingu, minnkar fótsporið
og dregur úr matarsóun
Þ
að segir ýmislegt um samband manns
og fisks hve oft fiskveiðar koma við
sögu í kvikmyndum. Handritshöf-
undarnir í Hollywood virðast hafa
gaman af að nota fiskveiðitúra sem
umgjörð utan um bæði gaman- og hasar-
Tim Burton tók óvænta stefnu í myndinni Big Fish árið 2003. Eins og hans er von og vísa er myndin
fantasíukennd, en þó með meiri tengsl við veruleikann en mörg önnur verk hans. Þrátt fyrir titil
myndarinnar koma fiskar og fiskveiðar ekki mikið við sögu en gegna þó mikilvægu hlutverki sem mynd-
hvörf fyrir tilveru mannsins, sem á vissan hátt er stöðugur eltingaleikur við risavaxinn feng sem virðist
ómögulegt að ná. Ewan McGregor, Billy Crudup og Albert Finney hafa aldrei verið betri á hvíta tjaldinu
og lætur þessi fallega saga um samband föður og sonar engan ósnortinn.
Nokkrar myndir um fiska sem bera af
Robert Redford fékk útrás fyrir leikstjórnarhæfileikana í kvikmyndinni A River Runs Through It sem
kom út árið 1992. Craig Sheffer, sem í dag er þekktastur sem sjónvarpsleikari, fór með aðalhlutverkið
og hinn eini sanni Brad Pitt fékk að sýna sínar krúttlegustu hliðar í aukahlutverki í þessari mynd um
uppvaxtarár tveggja prestssona í Klettafjöllum Bandaríkjanna á árunum milli fyrra stríðs og krepp-
unnar miklu. Er það mat margra að allir þeir sem hafa yndi af að renna fyrir fisk þurfi að sjá þessa mynd
og þykir hún mikil veisla fyrir augað enda hlaut A River Runs Through It Óskarsverðlaun fyrir bestu
kvikmyndatöku og tilnefningu fyrir vandaða tónlist og vel heppnað handrit.
Þökk sé hryllingsmyndinni Jaws (ísl. Ókindin) frá 1975 voru margir kvikmyndahúsagestir lengi á eftir
hræddir við að stinga litlutá í sjóinn. Steven Spielberg kom, sá og sigraði með þessari mynd um mann-
ýgan risahákarl sem hrellir íbúa smábæjar og gleypir þá einn af öðrum, með húð og hári. Hákarlar eru
merkilegar skepnur, þó flestir séu hin mestu meinleysisgrey, en kvikmyndin fangar ákveðinn ótta við
hið óþekkta og ósýnilega sem leynist undir dökkbláu yfirborði hafsins. Blessunarlega kom eitilharður
sjómaður til bjargar í Jaws – en ekki hvað – og hjálpaði við að ráða niðurlögum skrímslisins óstöðvandi.
myndir, og ófá verðlaunamyndin hefur sýnt
sjómenn í hetjuljóma.
Hér eru nokkrar góðar myndir sem væri
upplagt að hlaða niður í tölvuna og horfa á
þegar tækifæri gefst til í næsta túr.
ai@mbl.is
Þegar kvikmyndasagan er skoðuð kemur í ljós fjöldi
kvikmynda sem tengist veiðum á fiski með einum eða
öðrum hætti. Sumar segja af ævintýrum og áskorunum
grjótharðra sjómanna sem bjarga deginum, og aðrar tvinna
fisk saman við angurværar þroska- og ástarsögur.
Leitun þykir að fallegri ástarsögum en Brokeback Mountain sem Ang Lee leikstýrði og gerði eftir sam-
nefndri smásögu Annie Proulx. Enda rakaði myndin til sín Óskarsverðlaunum. Þeir Heath Ledger og
Jake Gyllenhaal náðu einstaklega vel saman í hlutverkum sínum sem elskendurnir Ennis Del Mar og
Jack Twist. Leiðir þeirra liggja fyrst saman uppi á fjalli þar sem þeir gæta kindahjarðar, og fella hugi
saman yfir varðeldinum, en síðan er það stangveiðin sem þeir nota sem afsökun til að hittast.