Morgunblaðið - Sunnudagur - 16.06.2019, Blaðsíða 4

Það er ótrúlegt hve mikil áhrif veður get-ur haft á fólk. Eða öllu heldur sól og svoaftur skortur á henni. Fyrir okkur á
suðvesturhorninu er minningin um síðasta
sumar nánast eins og frostaveturinn mikli var
fyrir aldamótakynslóðina. Mögulega fullmikil
dramatík en þetta var raunverulegur skellur.
Við hreinlega trúðum því ekki að það gæti
rignt svona mikið. Og lengi.
Við stóðum við eldhúsgluggann og horfðum
útí garð á niðurrignd garðhúsgögn á milli þess
sem við opnuðum endalaus sólarsnöpp að
norðan. Þar gat fólk ekki farið út í búð án þess
að taka mynd af veðurblíðunni.
Við gátum ekki einu sinni bókað okkur í sól-
arlandaferðir því við vorum svo illa haldin af
séríslenskum hvaðefviðmissumafgóðaveðr-
inukvíða. Hann lýsir sér í stuttu máli í þeim
ótta að vera í útlöndum (og mögulega í rign-
ingu) þegar sumarið kæmi loksins hér á suð-
vesturhorninu.
En það er varla hægt að segja að það hafi
komið. Stanslaus pípandi rigningin hélt áfram.
Og það hjálpaði okkur ekki í sinninu að hafa
alla þessa tækni og geta séð norsku veðurstof-
una spá meira af því sama alla næstu viku. Og
jafnvel þarnæstu.
Svo gerist það í vor að okkar fremsti veður-
fræðingur er fenginn til að spá í sumarið.
Hann nefnir þann möguleika að þetta verði
svipað og það var í fyrra. Landsbyggðin fékk á
sig kunnulegan svip sem rann á Liverpool-
menn þegar United hætti að kunna fótbolta.
Það stefndi í landflótta.
Svo bara gerðist eitthvað. Sólin fór að skína.
Fyrst vorum við óörugg eins og við vissum
ekki alveg hvernig við ættum að taka þessu.
Vildum ekki vera of fljót að taka út grillið til að
„jinxa“ þessu ekki, en vildum heldur ekki
missa af þessum dögum. Hvað ef það kæmu
ekki fleiri?
Svo komu bara fleiri og fleiri. Rigning varð
fjarlæg minning og bændur grétu brunnin tún.
Okkur var alveg sama. Við höfðum sól. Ekki
varð það til að spilla fyrir að á sama tíma virt-
ist sem allt Norðurlandið hefði gleymt lyk-
ilorðum sínum inn á alla samfélagsmiðlana.
Áhrifin hafa verið meiriháttar. Við getum
nánast ekki talað um neitt annað en veðrið. Við
eigum í erfiðleikum með að búa til setningar
sem innihalda ekki orðið sól. Jafnvel unglingar
vakna fyrir hádegi og allir gleðjast saman í sól-
inni. Nema mögulega þingmenn Miðflokksins
sem hafa sofið hana af sér eftir að hafa vakað á
nóttunni við að fræða okkur um allskonar mik-
ilvæg mál.
En þetta kostar. Og þar komum við aftur að
þjóðareinkennum okkar. Það er borgaraleg
skylda okkur hér á norðurhjara að nýta sól-
ardaga. Við verðum hreinlega að vera úti í
góða veðrinu. Uppistaða fæðu okkur er grill-
kjöt og dagdrykkja er fullkomlega eðlilegt
ástand.
Við komum engu í verk af því að við erum
svo upptekin af því að kraftnjóta þessarar sól-
ar sem enginn veit hvenær kemur aftur og
safna í okkur D-vítamíni sem við vitum ekkert
hvað við eigum að gera við.
En kannski förum við að ná einhverju jafn-
vægi. Sumarið er komið um allt land og mögu-
lega kominn tími til að tala um eitthvað annað
en veðrið. Hvað segið þið um þriðja orkupakk-
ann?
’Svo komu bara fleiri og fleiri.Rigning varð fjarlæg minningog bændur grétu brunnin tún.Okkur var alveg sama. Við höfð-
um sól. Ekki varð það til að spilla
fyrir að á sama tíma virtist sem
allt Norðurlandið hefði gleymt
lykilorðum sínum inn á alla
samfélagsmiðlana.
Á meðan ég man
Logi Bergmann Eiðsson
logi@mbl.is
Sumarið sem kom
HEIMURINN
4 MORGUNBLAÐIÐ SUNNUDAGUR 16.6. 2019
Vatnadans á
Vestfjörðum
Hinn 15. júní klukkan 15:00munu dansarar á 170 stöð-um um heim allan fram-
kvæma dansgjörning. Hér á landi
mun gjörningurinn fara fram á
Listasafni Samúels í Selárdal, en
listamennirnir eru meðlimir lista-
hópsins Core Dance.
„Global Water Dances er dans-
gjörningur sem haldinn er á tveggja
ára fresti út um allan heim. Þar vekja
dans- og hreyfilistamenn athygli á
vandamálum sem varða vatn og
vatnsskort og mikilvægi vatns í heim-
inum. Viðburðurinn er haldinn út um
allan heim á laugardaginn klukkan
þrjú á öllum tímasvæðum,“ segir Sue
Schroeder, stofnandi og listrænn
stjórnandi danslistahópsins Core
Dance. Hópurinn, sem var stofnaður
í Houston í Bandaríkjunum fyrir
fjörutíu árum, sérhæfir sig í nútíma-
dansi, nánar tiltekið dansstíl sem þau
kalla „nýtt og frumlegt“ (e. new and
original). „Við líkjum ekki eftir neinu
öðru,“ segir Sue, „heldur sköpum við
allt ásamt meðlimum hópsins. Þau
eru meira en dansarar, við köllum
þau danslistamenn, því þeirra rödd
er hluti af sköpunarferlinu.“
Markmið gjörningsins, eins og áð-
ur var nefnt, er að vekja athygli á
vandamálum er varða vatn og vatns-
skort, auk mikilvægis vatns í heim-
inum, en hann er á vegum þrýsti-
hópsins Global Water Dances, sem
haldið hefur slíka gjörninga frá
árinu 2011.
Sue kom fyrst til Íslands síðasta
sumar og vann að myndatökum fyrir
listrænt verkefni tengt náttúru Ís-
lands. „Við vildum ná myndböndum af
hinum ýmsu öflum náttúrunnar,“ seg-
ir Sue, „en einn tökudaginn fundum
við [Listasafn Samúels] fyrir tilviljun.“
Áhorfendur hvattir til
þátttöku
Gjörningurinn fer fram á Listasafni
Samúels í Selárdal, en áhorfendur
munu fá tækifæri til að stíga spor
ásamt danshópnum. „Áhorfendur
munu geta tekið þátt, bæði með því
að horfa og með því að gera hluti
með okkur,“ segir Sue. „Hreyfing-
arnar eru mjög einfaldar.
Einnig verður hægt að horfa á
gjörninginn á netinu, en út um allan
heim munu flytjendur streyma
gjörningum sínum á heimasíðu
Global Water Dances. „Okkur er
ófært að streyma gjörningnum
beint vegna þess að netsambandið
hér er slæmt, en við munum hlaða
upp myndbandi nokkrum dögum
síðar,“ segir Sue.
Core Dance-danslista-
hópurinn á Jekyll Island.
Ljósmynd/Simon Gentry
Bandarískur danslistahópur mun flytja gjörning á
Listasafni Samúels í Selárdal til að vekja athygli á
vatnstengdum vandamálum á vegum Global Water
Dances. Dansað verður á sama tíma um allan heim.
Pétur Magnússon petur@mbl.is
Listasafn Samúels er í Selár-
dal við Arnarfjörð á Vest-
fjörðum. Árið 1998 var
stofnað félag um endurreisn
og viðhald á listaverkum og
byggingum listamannsins
Samúels Jónssonar, sem bú-
settur var í Selárdal og lést
árið 1969. Samúel reisti
safnið sjálfur, auk kirkju,
íbúðarhúss og fjölda lista-
verka, allt frá högglista-
verkum og trélíkönum til
olíumálverka.
Enn í dag vinna sjálfboða-
liðar hörðum höndum við
viðhald á verkum Samúels,
en danslistahópurinn Core
Dance frá Houston mun,
auk þess að framkvæma
dansgjörning, leggja hönd á
plóg við sjálfboðavinnu á
listasafninu.
Listasafn
Samúels
BAKARÍ / KAFFIHÚS / SALATBAR
Sunnumörk 2, Hveragerði, sími 483 1919, Almar bakari • Opið alla daga kl. 7-18
SÉRBAKAÐfyrir þig
SALATBAR
ferskur allan
daginn