Morgunblaðið - 14.08.2019, Qupperneq 2

2 FRÉTTIRInnlent
MORGUNBLAÐIÐ MIÐVIKUDAGUR 14. ÁGÚST 2019
Njóttu þess að hlakka til
Tel Aviv,
Jerúsalem og Eilat
18. til 29. október 2019
Ferðakynning hjá VITA
Kynningarfundur um ferð til Landsins helga þann
15. ágúst kl. 17:30 á skrifstofu VITA, Skógarhlíð 12.
Bílastæði og inngangur neðan við húsið.
Fararstjóri: sr. Þórhallur Heimisson
ÍS
L
E
N
S
K
A
/
S
IA
.I
S
V
IT
9
2
3
8
9
0
8
/
19
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Ragnhildur Þrastardóttir
ragnhildur@mbl.is
Ófullnægjandi fitusprenging olli því
að mjólk í nýmjólkurfernum án
tappa, sem framleidd var með best-
fyrir-dagsetningu 13. ágúst 2019, var
í sumum tilfellum súr og kekkjótt
þegar viðskiptavinir keyptu fernurn-
ar í síðustu viku.
Mjólkin er frá Mjólkursamsölunni
og segir Sunna Gunnars Marteins-
dóttir, verkefnastjóri í upplýsinga-
og fræðslumálum hjá Mjólkursam-
sölunni, að tólf ábendingar hafi bor-
ist vegna hennar.
„Ástæðan er ófullnægjandi fitu-
sprenging þar sem fitan leggst ofan
á mjólkina í fernunni með tímanum,
eftir að henni er pakkað og hún farin
í sölu. Óhætt er að neyta innihalds-
ins, það er í raun ekkert að mjólk-
inni, en neytendur sem eiga nýmjólk
í fernu án tappa með best fyrir 13.
ágúst 2019 eru velkomnir með
mjólkina til Mjólkursamsölunnar og
fá smá glaðning í staðinn fyrir óþæg-
indin,“ segir Sunna.
Það er ekki algengt að fituspreng-
ing í mjólk frá Mjólkursamsölunni sé
ófullnægjandi, að sögn Sunnu.
„Við pökkum 25 milljónum mjólk-
urferna á ári svo þetta er bara brota-
brot af okkar fernum. Þetta kom
bara fyrir mjög takmarkað magn af
mjólk og þetta eru ekki allar fern-
urnar sem pakkað var með best-fyr-
ir-dagsetningu 13. ágúst. Þetta er
bara lítill hluti af þeim,“ segir Sunna.
Ófullnægjandi fituspreng-
ing í nýmjólkurfernum
 Mjólk í einhverjum fernum kekkjótt áður en hún rann út
Morgunblaðið/Kristinn Magnússon
Nýmjólk Einungis lítill hluti var
ekki nógu vel fitusprengdur.
Höskuldur Daði Magnússon
hdm@mbl.is
„Þetta er dýr dropi og það er allra
hagur að það sé rétt magn í glas-
inu,“ segir Bjarni Bentsson, sér-
fræðingur hjá Neytendastofu.
Neytendastofa tók á síðasta ári til
skoðunar nokkra veitingastaði á
höfuðborgarsvæðinu vegna ábend-
inga um að notkun vínmála væri
ábótavant. Dæmi eru um að fólk
telji sig ekki hafa fengið rétt magn
afgreitt auk þess sem veitingamenn
óskuðu eftir leiðbeiningum stofnun-
arinnar.
Bjarni segir í samtali við Morg-
unblaðið að í gegnum tíðina hafi ver-
ið fylgst með því að sjússamælar og
annar mælibúnaður við sölu á áfengi
væri í lagi. Áður fyrr þurfti löggild-
ingu á hvern og einn mæli en í dag
er stuðst við Evrópureglur.
„Við höfum í sjálfu sér ekkert
formlegt eftirlit með þessum málum
en höfum verið að fara þegar tími
hefur gefist til og fræða þá sem
selja þennan varning. Þetta er
þannig bransi að það er ekki nóg að
fara einu sinni, það er skipt ansi oft
um rekstraraðila. Þetta hefur smám
saman verið að þokast í þá átt að
menn séu með þessa skammtara.
Þeir kaupa þau rök að með því að
mæla komi þeir í veg fyrir að of
mikið fari í glösin.“
Það flækir hins vegar málin eilítið
að veitingamönnum er frjálst að
hafa það magn sem þeir vilja í
hverjum drykk. Aðeins er gerð
krafa um að viðskiptavinum sé gerð
grein fyrir því hvað þeir séu að
kaupa. Og á því virðist oft verða
misbrestur.
Þannig er gamli íslenski sjússinn
3 cl en víða erlendis er miðað við 2 cl
í sjússnum. Það getur því verið
nokkur munur á styrkleika drykks-
ins eftir því hvað miðað er við. Sama
gildir um léttvín og bjór. Léttvíns-
glasið getur innihaldið allt frá 15 og
upp í 18 cl hverju sinni. Nær algilt
var að stór bjór væri 500 ml en nú
er hann víða seldur í 400 ml glösum.
„Við höfum fengið margar at-
hugasemdir út af þessu. Það hefur
sérstaklega aukist með léttvínið eft-
ir að „happy hour“ fór að njóta vin-
sælda. Það má segja neytendum til
hróss að þeir eru duglegir að láta í
sér heyra ef þeir eru ósáttir,“ segir
Bjarni
„Við leggjum á það áherslu þegar
við höfum samband við veitinga-
menn vegna þessa að þeir upplýsi
neytendur. Það er frjáls álagning en
það er æskilegt að menn geti séð
hvað þeir eru að kaupa. Það er allur
gangur á því hvernig veitingamenn
standa sig. Sumir eru með þetta til
fyrirmyndar en þetta er lélegt hjá
öðrum. Og allt þar á milli.“
Kvartað yfir léttvíni á „happy hour“
 Neytendastofa fær margar athugasemdir vegna magns í glösum  Víða skortur á upplýsingum
Morgunblaðið/Eggert
Skálað Neytendur eru vel á verði
og kvarta ef ekki er nóg í glösunum.
Maðurinn sem leitað hefur verið að á
og við Þingvallavatn með hléum frá
því á laugardag heitir Bjorn
Debecker, er 41 árs gamall og frá
Belgíu. Greint er frá þessu í belgíska
fréttamiðlinum HLN, en þar segir
einnig að skilríki Bjorns, sem er verk-
fræðingur að mennt og tveggja barna
faðir, hafi fundist í bakpoka hans.
Fjölskylda mannsins hefur ekki heyrt
í honum síðan á laugardag.
Hlé var í fyrradag gert á leit björg-
unarmanna að ferðamanninum og
ekki var leitað í gær. Til stendur að
hefja leit aftur í dag. Lögreglan segir
„yfirgnæfandli líkur“ vera á því að
maðurinn hafi farið á báti sínum út á
vatnið og fallið útbyrðis. Strekkings-
vindur var á svæðinu þennan dag og
aðstæður því erfiðar.
HLN segir Bjorn mikinn heims-
hornaflakkara og er hann sagður hafa
heimsótt um 50 lönd víðsvegar um
heim.
Morgunblaðið/Sigurður Bogi
Leit Bátur mannsins fannst á reki á
Þingvallavatni sl. laugardag.
Leit haldið
áfram í dag
 Skilríki fundust
í bakpokanum
Ný íslensk kvikmynd, Héraðið, var frumsýnd í
gærkvöldi í Háskólabíói. Myndin er eftir Grím
Hákonarson, kvikmyndaleikstjóra, sem flestum
íslenskum kvikmyndaáhugamönnum ætti að
vera kunnur, en fá ár eru frá því hann leikstýrði
verðlaunamyndinni Hrútum.
Líkt og Hrútar segir Héraðið sögu úr íslenskri
sveit, en aðalsöguhetjan er kúabóndinn Inga sem
gerir uppreisn gegn kaupfélaginu á staðnum og
reynir að fá aðra bændur í lið með sér. Það reyn-
ist erfitt þar sem kaupfélagið hefur sterk ítök í
sveitinni. Auk Arndísar Hrannar Egilsdóttur,
sem leikur kúabóndann Ingu, fara með aðal-
hlutverk þau Hannes Óli Ágústsson, Sigurður
Sigurjónsson, Sveinn Ólafur Gunnarsson, Hinrik
Ólafsson og Edda Björg Eyjólfsdóttir.
Frumsýningin á Íslandi var heimsfrumsýning,
en í framhaldinu verður kvikmyndin sýnd á
kvikmyndahátíðum og sýnd í kvikmyndahúsum í
um þrjátíu löndum.
Héraðið, ný íslensk kvikmynd, frumsýnd í Háskólabíói í gærkvöldi
Ánægð Auður Stefánsdóttir og Sigurður Guðmundsson stöldruðu við í
anddyri kvikmyndahússins er þau mættu ljósmyndara Morgunblaðsins.
Kát Katrín Jakobsdóttir forsætisráðherra og Gunnar Örn Sigvaldason, eig-
inmaður hennar, létu sig ekki vanta á frumsýninguna í gærkvöldi.
Saga kúabóndans
Ingu frumsýnd
Morgunblaðið/Arnþór Birkisson
Frumsýning Grímar Jónsson framleiðandi, Arndís Hrönn Egilsdóttir aðalleikkona og Grímur
Hákonarson leikstjóri, voru kát í bragði á frumsýningarkvöldinu í Háskólabíói.