Morgunblaðið - 14.08.2019, Blaðsíða 8

8 FRÉTTIRInnlent
MORGUNBLAÐIÐ MIÐVIKUDAGUR 14. ÁGÚST 2019
Verslun Tunguhálsi 10 | Sími 415 4000 | www.kemi.is | kemi@kemi.is
Tæki sem lesa sjálf ástand rafgeyma og
tryggja að ekki er hægt að tengja rangt.
Neistafrí og hættulaus.
STARTTÆKI
FYRIR ÖLL ÖKUTÆKI
ER RAFGEYMIRINN DAUÐUR
Eins og Eyþór Arnalds, oddvitisjálfstæðismanna í borg-
arstjórn, bendir á hér í blaðinu í
gær er aukinn umferðarþungi fram
undan í höfuðborg-
inni. Skólarnir eru
að byrja og þá eykst
morgunumferðin.
  
Hann nefnir að ístærri borgum
gangi umferð betur
og að í „öllum helstu borgum er
ljósum stýrt með nútímatækni“.
  
Hvernig stendur á því að um-ferðarljósastýring í Reykja-
vík er í ólagi?
  
Eyþór nefnir mörg dæmi umóþarfar tafir og orsakir þeirra
í höfuðborginni og spyr: „Af hverju
eru þessi mál komin í öngstræti á
tækniöld árið 2019? Getur verið að
það sé viljandi gert?“
  
Von er að spurt sé og því miðurvirðist svarið blasa við. Þær
aðgerðir sem farið hefur verið út í
benda allar til að ætlun borgaryfir-
valda sé að tefja umferð og reyna
með því að fá fólk til að aka minna.
  
Líklega er tilgangurinn að komafólki úr einkabílum og inn í
strætó, en það hefur mistekist
hrapallega.
  
Einkabílum fækkar ekki þráttfyrir tafirnar, sem sýnir hve
almenningur telur þann ferðamáta
miklum mun þægilegri en annan
sem í boði er. Og notkunin á strætó
hefur ekkert breyst.
  
Umferðartafirnar í Reykjavíkeru allar heimatilbúnar og
umferðarhnútana mætti auðveld-
lega leysa. Ef vilji stæði til þess.
Eyþór Arnalds
Óþarfar
umferðartafir
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Einar Grétar Svein-
björnsson fiðluleikari
lést í Trelleborg í Sví-
þjóð 6. ágúst síðastlið-
inn, 82 ára. Hann
fæddist í Reykjavík
22. desember 1936.
Foreldrar hans voru
hjónin Sveinbjörn
Einarsson (1895-
1966), útgerðarmaður
frá Sandgerði, af
Járngerðarstaðaætt,
og Guðmunda Júlía
Jónsdóttir (1902-1972)
frá Eyrarbakka, af
Garðsætt.
Einar lauk einleiksprófi í fiðlu-
leik frá Tónlistarskólanum í
Reykjavík 1955 og Diploma frá
The Curtis Institute of Music í
Filadelfíu í Bandaríkjunum 1959.
Hann var fiðluleikari í Sinfóníu-
hljómsveit Íslands 1959-64;
konsertmeistari í Malmö Symfoni-
orkester 1964-1990; konsertmeist-
ari við Kungliga Hovkapellet í
Stokkhólmi 1988-2000. Hann
kenndi við Tónlistarskólann í
Reykjavík 1961-64, var lektor við
Musikhögskolan í Stokkhólmi í
Malmö 1964-1992 og kennari og
prófdómari við Musikhögskolan í
Stokkhólmi og Musikaliska Aka-
demien frá 1988.
Hann hlaut heiðurs-
laun Sænsku tón-
listarakademíunnar.
Einar kom fram sem
einleikari á Norður-
löndunum, Englandi,
Írlandi, Þýskalandi
og Kanada. Þá lék
hann inn á fjöldann
allan af hljómplötum
og geisladiskum.
Einar kvæntist
Hjördísi Vilhjálms-
dóttur (1936-1985)
íþróttakennara. Börn
þeirra: Auður, f.
1958, Margrét, f. 1959, Svein-
björn, f. 1961, og Jón Ingi, f.
1969.
Einar kvæntist Manúelu
Wiesler (1955-2006) flautuleikara
en þau skildu. Börn þeirra: María
Lind, f. 1986, og David Berg, f.
1987.
Einar bjó um hríð með Ingrid
Léonie Ribbing sjúkraþjálfara, f.
1947 í Stokkhólmi. Síðasta ára-
tuginn átti Einar heima í Trelle-
borg, eigi langt frá börnum sín-
um.
Útför Einars Grétars verður
gerð hinn 6. september nk. frá
Bara-kirkju í Svíþjóð.
Andlát
Einar Grétar
Sveinbjörnsson
Guðrún Erlingsdóttir
ge@mbl.is
Í ljósi umræðna um skort á upplýs-
ingagjöf um hugsanlegar afleiðingar
meðgöngueitrunar fyrir konur segir
landlæknir að upplýsingagjöf til sjúk-
linga sé almennt í höndum heilbrigð-
isstarfsmanna sem sinna viðkomandi
sjúklingi og ekki hægt að svara fyrir
slíka upplýsingajöf eða öllu heldur
skort á upplýsingum og ráðgjöf heilt yf-
ir. „Mikilvægt er að heilbrigðisstarfs-
fólk bregðist við umræðunni sem nú er
uppi og efli upplýsingagjöf í tengslum
við meðgöngueitrun og ráðgjöf varð-
andi lífsstílsbreytingar eins og þörf er á
í hverju tilviki,“ segir Alma D. Möller
landlæknir. Hún mun fara yfir málið
með sérfræðingum Landspítala og
heilsugæslunnar á næstu mánuðum.
Skoðað verður hvort ekki sé ástæða
til að taka saman fræðsluefni sem af-
hent yrði konum við útskrift.
„Helstu sérfræðingar landsins á
þessu sviði vita ekki til þess að í öðrum
löndum sé sérstakt langtímaeftirlit með
konum sem fengið hafa meðgöngu-
eitrun,“ segir Alma og bendir á að félög
bandarískra fæðingarlækna og hjarta-
lækna hafi tekið fram að háþrýstingur
á meðgöngu sé áhættuþáttur fyrir
snemmkomnum hjarta- og æða-
sjúkdómi en ekki liggi fyrir næg þekk-
ing um skimun fyrir sjúkdómnum og
hvernig eigi að haga eftirliti. Almenn
tilhneiging í skimunum og eftirliti sé að
byggja á áhættu og án efa gæti verið
ástæða til að skipuleggja eftirlit í vissum
tilvikum. Ráðgjöf um heilbrigðan lífsstíl
sé mikilvægust og slík ráðgjöf og/eða
hugsanlegt eftirlit gæti farið fram í
kvennamóttökum sem fyrirhugaðar eru
innan heilsugæslunnar og verði vonandi
komið á laggirnar von bráðar. Þar eigi
einstaklingar með byrjandi heilsufars-
vandamál að geta fengið viðeigandi ráð-
gjöf og eftirlit. ge@mbl.is
Þarf að skoða fræðsluefni við útskrift
 Mikilvægt að heilbrigðisstarfsfólk bregðist við umræðu um meðgöngueitrun