Morgunblaðið - 14.08.2019, Blaðsíða 40

Reynir Lyngdal verður leikstjóri Ára-
mótaskaupsins í ár og höfundar
þess auk Reynis verða Vala Kristín
Eiríksdóttir, Þorsteinn Guðmunds-
son, Dóra Jóhannsdóttir, Sævar Sig-
urgeirsson, Jakob Birgisson, Lóa
Hlín Hjálmtýsdóttir og Hugleikur
Dagsson. Tónlistin í Skaupinu verður
í umsjá Árna plús eins úr FM Belfast
og Prins Pólós.
Dóra mun leiða handritsvinnuna,
eins og hún gerði fyrir Skaupið 2017.
Reynir leikstýrir
Áramótaskaupinu
MIÐVIKUDAGUR 14. ÁGÚST 226. DAGUR ÁRSINS 2019
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 670 kr.
Áskrift 7.240 kr. Helgaráskrift 4.520 kr.
PDF á mbl.is 6.420 kr. iPad-áskrift 6.420 kr.
„Þetta var frábær byrjun hjá
okkur og það er alltaf ákveðin
spenna í manni þegar nýtt tímabil
hefst,“ segir Jóhann Berg Guð-
mundsson, landsliðsmaður í knatt-
spyrnu, meðal annars í samtali við
Morgunblaðið í dag. Jóhann skoraði
fyrir Burnley í 3:0 sigri á South-
ampton í 1. umferð ensku úrvals-
deildarinnar á laugardaginn. »33
ÍÞRÓTTIR FÓLK Í FRÉTTUM
Breiðablik er komið áfram í 32ja
liða úrslit Meistaradeildar kvenna í
knattspyrnu eftir sigur á
Sarajevó í gær, 3:1, í
lokaleik sínum í und-
anriðlinum sem leikinn
var í Bosníu. Blikar
unnu alla þrjá leiki sína
í riðlinum og markatala
liðsins var 18:2.
Berglind Björg Þor-
valdsdóttir skoraði tvíveg-
is fyrir Blika í gær og
Heiðdís Lillýj-
ardóttir einu
sinni. »35
Breiðablik vann alla
leikina í Bosníu
Steinþór Guðbjartsson
steinthor@mbl.is
Hreiðar Grímsson, bóndi á Gríms-
stöðum í Kjós, hefur verið hringjari
með hléum í Reynivallakirkju í nær
50 ár. „Ég hef verið stöðugt í þessu
starfi í rúm fjörutíu ár,“ áréttar hann.
„Það vill enginn taka við á meðan ég
er til, það er bara þannig, en ég lifi
ekki endalaust.“
Reynivellir eru forn kirkjustaður.
Nafn kirkjunnar er í kirknaskrá Páls
biskups Jónssonar frá því um 1200.
Núverandi kirkja var byggð 1859 og
miklar endurbætur voru gerðar á
henni fyrir um 20 árum. Í turninum
eru tvær stórar og hljómmiklar
klukkur, önnur frá 1728 og hin frá
1795, og voru þær áður í annarri
kirkju á svæðinu. „Eins og þið sjáið
eru þetta stórar og þykkar kopar-
klukkur sem þola ýmislegt,“ segir
Hreiðar um leið og hann togar af afli í
kaðlana og áður en hvellur hljómur-
inn yfirgnæfir allt annað.
Fæddist á næsta bæ
Hreiðar fæddist á Valdastöðum og
áður en hann var orðinn eins árs flutti
hann með foreldrum sínum á næsta
bæ, Grímsstaði, þar sem hann hefur
búið síðan, en hann tók við búinu af
foreldrum sínum 1966. Eiginkona
hans er Ásta Sigrún Einarsdóttir úr
Þingvallasveit. „Ég stundaði vinnu
hér og þar á mínum yngri árum, bæði
til sjós og lands, eins og gerðist til
sveita, en annars hef ég alltaf verið
hérna og þetta hefur alla tíð verið lög-
heimili mitt.“ Til að byrja með voru
hjónin með kýr og sauðfé en síðan
förguðu þau kúnum og fóru út í ali-
fuglarækt og eggjaframleiðslu. „Við
vorum með um 5.000 hænur, en nú er-
um við hætt framleiðslunni en leigjum
húsin. Ég leysi bara af í hænsnahús-
inu og er í eftirliti. Við eigum enn
nokkrar kindur en erum farin að
draga saman.“ Heyskapurinn gekk
vel í sumar, en Hreiðar segir að alltaf
sé nóg að gera. „Það þarf að halda
húsakostinum við,“ segir hann og
dásamar veðrið. „Þetta er annað en
það var fyrir norðan um helgina, þar
var varla hundi út sigandi vegna rign-
ingar.“
Kirkjan togaði snemma í Hreiðar
og hún hefur verið stór hluti af nær 83
ára lífi hans. „Ég hef verið kirkjusæk-
inn í gegnum tíðina, byrjaði snemma
að starfa með afa mínum, Steina Guð-
mundssyni á Valdastöðum, og fleirum
í kirkjunni og eitt leiddi af öðru,“ seg-
ir hann um hringjarastarfið. Steini
var meðhjálpari og formaður sókn-
arnefndar um árabil og þegar hringj-
ara vantaði eftir að Eiríkur Sigur-
jónsson í Sogni flutti í burtu voru hæg
heimatökin. „Þegar ég var meðhjálp-
ari var annar fenginn sem hringjari,
en ég hringdi samt alltaf af og til í af-
leysingum og hef því verið viðloðandi
starfið í nær hálfa öld.“
Samfara fólksfækkun í sveitinni
hefur messum fækkað og ná þær ekki
að vera mánaðarlega, að sögn Hreið-
ars. Hann er alltaf til taks, en allir
nema presturinn og orgelleikarinn
vinna launalaust í kirkjunni. „Ég held
að ég hafi bara sleppt einni messu á
síðasta ári og tel ekki eftir mér að
grípa í klukkurnar þegar á þarf að
halda,“ segir hann um gönguna upp í
turninn, þar sem hann lætur klukk-
urnar hringja þrisvar fyrir og eftir
messu. Hann er léttur á fæti og hirðir
ekki um að vera með heyrnartól.
„Nei, blessaður vertu. Ég er hvort eð
er orðinn heyrnarlaus.“
Hringjari í hálfa öld
Reynivallakirkja Hreiðar Grímsson hringjari í kirkjuturninum.
 Hreiðar Grímsson hefur búið á Grímsstöðum í Kjós í um 82 ár
 Hringjarinn hefur unnið fyrir Reynivallakirkju frá barnsaldri
Morgunblaðið/RAX
Kraftur Einn, tveir og toga með báðum, hugsar Hreiðar hringjari.
... stærsti
uppskriftarvefur
landsins!
Stórmótin hafa setið í
Jóhanni yfir veturinn