Morgunblaðið - 19.08.2019, Blaðsíða 20

Nú ertu horfinn í
himnanna borg
og hlýðir á englanna
tal.
Burtu er kvíði,
sjúkdómur, sorg
í sólbjörtum himnanna sal.
Þeim öllum sem trúa og treysta á Krist
þar tilbúið föðurland er.
Þar ástvinir mætast í unaðarvist
um eilífð, ó, Jesú, hjá þér.
(Ingibjörg Jónsdóttir)
Jón Guðmundur
Halldórsson
✝ Jón Guð-mundur Hall-
dórsson fæddist 6.
júní 1936. Hann lést
31. júlí 2019.
Útför Jóns fór
fram 8. ágúst 2019.
Elsku afi hefur
fengið hvíldina og
munum við minnast
þín með ást, hlýju
og umhyggju.
Umhyggju og ástúð þína
okkur veittir hverja
stund.
Ætíð gastu öðrum gefið
yl frá þinni hlýju lund.
Gáfur prýddu fagurt
hjarta,
gleðin bjó í hreinni sál.
Í orði og verki að vera sannur
var þitt dýpsta hjartans mál.
(Ingibjörg Sigurðardóttir)
Hvíldu í friði, elsku afi.
Máni Örvar, Tindur Örvar
og Þuríður Kristín.
20 MINNINGAR
MORGUNBLAÐIÐ MÁNUDAGUR 19. ÁGÚST 2019
Sumarhús
Sumarhús – Gestahús –
Breytingar
 Framleiðum stórglæsileg sumarhús
í ýmsum stærðum.
 Tökum að okkur stækkun og
breytingar á eldri húsum.
 Smíðum gestahús – margar
útfærslur.
 Sjáum um almennt viðhald á
sumarhúsum og sólpöllum.
 Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Félagsstarf eldri borgara
Árskógum 4 Opin smíðastofa kl. 9-15, opin handavinnustofa kl. 9 -
12, handavinnuhópur kl. 12-16, félagsvist með vinningum kl. 12.45,
opið fyrir innipútt og 18 holu útipúttvöll, hádegismatur kl. 11.40-12.50
kaffisala kl. 14.45-15.30. Heitt á könnunni, allir velkomnir. S. 535-2700
Boðinn Félagsvist kl. 13:00.
Dalbraut 18-20 Brids kl.13.
Félagsmiðstöðin Hæðargarði 31 Kaffi, spjall og blöðin við hring-
borðið kl. 8.50. Frjálst í Listasmiðju kl. 9-16. Hugmyndabankinn alltaf
opinn kl. 9-16. Þátttökulistarnir liggja frammi. Hádegismatur kl. 11.30.
Félagsvist kl. 13. Handavinnuhornið kl. 13-15. Gáfumannakaffi kl.
14.30. Allir velkomnir óháð aldri. Nánari upplýsingar í síma 411-2790.
Gjábakki kl. 9.00 Handavinna, kl. 13.15 Canasta.
Gullsmári Handavinnuhópur kl.9:00-11:30. Félagsvist kl.20:00.
Hvassaleiti 56-58 Félagsmiðstöðin er opin frá kl. 8-16, blöðin og
púsl liggja frammi. Morgunkaffi kl. 8.30-10.30, útvarpsleikfimi kl. 9.45
Hádegismatur er kl. 11.30, frjáls spilamennska kl. 13, liðleiki á stólum
með Önnu kl. 13.30 og eftirmiðdagskaffi kl. 14.30. Allir velkomnir.
Korpúlfar Morgunleikfimi kl. 9:45, gönguhóipar kl. 10:00 gengið frá
Borgum og Grafarvogskirkju. Hádegisverður kl. 11:30 til 12:30 og
kaffiveitingar kl. 14:30 til 15:30. Gleðjums saman og höfum gaman,
allir velkomnir í Borgir.
Norðurbrún 1 Morgunkaffi kl. 8.30, morgunleikfimi kl. 9.45,
upplestur kl. 11, ganga með starfsmanni kl. 14. Uppl. í s. 4112760.
Seltjarnarnes Krossgátur og kaffi í króknum kl. 10.30. Vatnsleikfimi í
sundlauginni kl. 18.40. Dagskrá félags- og tómstundarstarfsins verðu
borin í hús nú í vikunni. Kynningarfundur og vöfflukaffi verður í
Félagsheimili Seltjarnarness fimmtuaginn 29. september kl. 15.
Skráning á námskeiðin í leir, gleri og bókbandi. Einnig er skráning í
gangi fyrir leikhúsferð á Brúðkaup Fígarós föstudaginn
20. september. Allar nánari uppl. í s. 8939800.
Sléttuvegur 11-13 Selið á Sléttuvegi er opið frá kl. 10–16. Heitt á
könnunni frá kl. 10–11 og hægt er að líta í blöðin. Hádegismatur er frá
kl. 11.30–12.15, panta þarf matinn daginn áður. Spiluð er félagsvist
sem byrjar kl. 13.15. Kaffi og meðlæti er til sölu frá kl. 14.30–15.30.
Allir velkomnir. Síminn í Selinu er: 568-2586.
Smá- og raðauglýsingar
Vantar þig
fagmann?
FINNA.is
Elsku amma.
Það var gott að
fá að hitta þig, að-
eins nokkrum dög-
um áður en frétt-
irnar bárust um að
þú værir nú farin. Þetta var
okkur svolítið áfall, því þrátt
fyrir að vera komin yfir nírætt
varst þú hin sprækasta þegar
við bönkuðum upp á, gantaðist
og varst glöð að fá heimsókn.
Krafðist þess reglulega að við
fengjum okkur súkkulaðimola
því þú vildir vera góður gest-
gjafi, en minnið átti til að bregð-
ast þér og þú hélst áfram að
stinga upp í okkur. Þú hélst
lengi í höndina á mér, alnöfnu
þinni, og vildir helst ekki sleppa,
en varst þó eflaust undrandi á
hvað barnabarnið væri ellilegt!
Eitt sinn var tekið merkilegt
viðtal við þig um hvernig það
væri að vera einstæð móðir í
Reykjavík. Þetta var langt viðtal
og beindi sjónum mínum að því
hvernig staða þín var á þessum
tíma, löngu vinnudagarnir á lág-
um launum til að ná endum
saman svo þú gætir séð fyrir
börnunum, eftir erfið veikindi og
andlát afa okkar. Þú misstir
marga nána ástvini og þetta
setti allt eflaust mark sitt á þig
en þú hafðir í það minnsta ekki
hátt um það við mig og systkini
mín. Mig grunar að þú hafir
borið harm þinn í hljóði og ekki
þótt mikið til um afrek þín á erf-
iðum tímum. Þú sóttir styrk til
trúar þinnar, sem við fjölskyld-
an áttum erfitt með að skilja, en
mér þótti þú oft leita leiða til að
koma til móts við okkur trúleys-
ingjana, enda skilur þú eftir þig
nokkrar kynslóðir af börnum og
barnabörnum (og svo fram-
Fjóla
Loftsdóttir
✝ Fjóla Lofts-dóttir fæddist
14. júlí 1927. Hún
lést 30. júlí 2019.
Útförin fór fram
8. ágúst 2019.
vegis), sem öll áttu
kærleiksríkt sam-
band við þig.
Fyrir okkur
systkinunum varstu
kæra Fjóla amma
sem okkur fannst
gaman að heim-
sækja á Laugarnes-
veginum og fá
kökusneið og
mjólkurglas. En
þetta viðtal við þig
er mér svo kært því ég áttaði
mig enn frekar á hvað þú værir
mikil ofurkona. Ég er þakklát
og stolt að vita sögu þína, að
minnsta kosti þennan hluta
hennar, og vil að hún gleymist
aldrei. Við systkinin hugsum til
þín með hlýju og óskum þér
góðrar hvíldar.
Fjóla, Kristján og Hulda.
Elsku amma. Þín verður sárt
saknað en við yljum okkur við
allar góðu minningarnar sem við
eigum um þig. T.d. jóladagurinn
á Laugarnesveginum með allri
fjölskyldunni, gómsætum kræs-
ingum og heita kakóinu sem
maður fékk aldrei nóg af. Aldrei
voru spilin heldur langt undan
og var mikið hlegið og haft gam-
an.
Þú tókst alltaf á móti okkur
með útbreiddan faðminn, fallega
brosinu þínu, gleði og æðruleysi.
Þú vildir allt fyrir okkur gera og
aldrei fór maður frá þér án þess
að vera með fullan maga af kök-
um og kandís, hlýju í hjartanu
og jafnvel nýja lopasokka eða
vettlinga.
Nú færðu að hvíla við hlið
pabba og erum við viss um að
gripið verði í spil og mikið
skrafað yfir vænni tertusneið og
kaffibolla.
Nonnabörn,
Halldóra G. Jónsdóttir-
Scales,
Jóhann Jónsson,
Snædís Jónsdóttir.
Mig langar að
minnast Sillu
frænku minnar með
fáum orðum. Silla
var glæsileg kona, glaðlynd og
greind og talaði alltaf af hlýju og
virðingu til annarra. Hún var ró-
leg og yfirveguð, átti gott með að
koma fyrir sig orði og var stál-
minnug.
Sumarið 1976 var ég svo heppin
að fá að dvelja hjá Sillu og Týra
manni hennar, að Ásavegi 18 í
Vestmannaeyjum, þar sem ég
hafði fengið sumarvinnu við fisk-
vinnslu þar í bæ. Heimili þeirra
var mjög fallegt, það var sveipað
hlýju og bar vott um þann mynd-
arskap sem einkenndi frænku
mína.
Ég fékk sérherbergi uppi á lofti
og leið svolítið eins og prinsess-
unni á bauninni, svo vel hugsaði
hún um mig og var mér svo góð.
Síðan liðu árin, þar sem sam-
skiptin lágu að mestu niðri. Und-
anfarin þrjú ár hef ég heimsótt
hana af og til inn á Hraunbúðir í
Vestmannaeyjum. Ég hef setið
með henni og spurt hana meðal
annars um gamla tíma, sem hún
lýsti ótrúlega vel fyrir mér. Það
voru alltaf ánægjustundir að sitja
hjá frænku minni og spjalla við
hana.
Nú, þegar leiðir skilja vil ég
þakka fyrir þær stundir, þakka
fyrir sumarið sem ég dvaldi hjá
þeim hjónum, þakka henni fyrir að
koma draum um nafn mitt á fram-
færi og vera Guðmóðir mín.
Drottinn blessi minningu
mætrar konu.
Birna Ólafía Jónsdóttir.
Í dag kveðjum við fjölskyldan
ástkæra tengdamóður mína sem
ég kynntist fyrir um 50 árum. Ég
man enn hvað mér fannst Silla
stórglæsileg kona, með uppsett
kolsvart hárið og fatnaðurinn sem
hún klæddist stórglæsilegur. Frá
fyrsta degi var mér tekið einstak-
lega vel af verðandi tengdaforeldr-
um, þar sem aldrei hefur borið
skugga á öll þessi ár. Við Edda
giftum okkur á afmælisdeginum
hennar Sillu, hinn 8. apríl 1972, og
hélt Silla okkur Eddu stórkostlega
brúðkaupsveislu á heimili fjöl-
skyldunnar í Grænuhlíð 8. Silla
hafði einstaklega gaman af að taka
á móti fólki og var afskaplega fær í
eldhúsinu. Allar stórhátíðir eru
mér eftirminnilegar því þá buðu
Silla og Týri alltaf stórfjölskyld-
unni í glæsilegar veislur. Þarna
Sigríður
Björnsdóttir
✝ SigríðurBjörnsdóttir
fæddist 8. apríl
1923. Hún lést 30.
júlí 2019.
Útför Sillu fór
fram 10. ágúst
2019.
naut Silla sín við að
gera fólkinu gott og
góða skapið sem ein-
kenndi hana alla tíð
kom aldrei betur
fram en í gleðinni
þegar hún var með
öllu sínu fólki. Silla
hélt alltaf upp á af-
mælið sitt og þá komu
öll systkini hennar
sem voru á eyjunni og
vinafólk. Þá var kátt
enda samband þeirra systkina ein-
staklega gott og fallegt.
Við Edda stofnuðum verslunina
Vöruval í maí 1993. Strax frá upp-
hafi tók Silla þá ákvörðun að leggja
okkur lið við reksturinn með því að
vinna í búðinni einn til tvo daga í
viku við pökkun. Hún hafði afskap-
lega gaman af þessari vinnu og það
að hafa dóttur sína með sér og Sillu
og Hörpu í þessari litlu fjölskyldu-
búð gaf henni mikla lífsfyllingu, að
geta hjálpað til við að koma búðinni
yfir fyrsta hjallann.
Silla hafði mjög gaman af að
ferðast. Hún og Týri fóru í nokkr-
ar utanlandsferðir en eftir að Týri
féll frá árið 1991 fylgdi hún okkur
Eddu í flest ferðalög okkar, bæði
innanlands og utan. Betri ferða-
félaga er ekki hægt að hugsa sér,
alltaf glöð og þakklát. Á ferðalagi
árið 1998 á Vesturlandi fékk hún
alvarlegt heilablóðfall þar sem
hún var flutt til Reykjavíkur og
dvaldi á Grensás þar sem hún fékk
góða hjálp. Hún missti talsverðan
mátt í vinstri hendi og fæti var-
anlega og það háði henni talsvert í
hreyfingum, en viljinn, dugnaður-
inn og gleðin komu bara þeim mun
sterkar fram.
Árið 1999 byggðum við Edda
okkur sumarhús í Vörðufelli í Blá-
skógabyggð og nefndum það
Grænuhlíð. Grænahlíð hefur verið
draumastaðurinn hennar Sillu í 19
ár. Á hverju ári dvaldi hún þar í
einn til tvo mánuði á sumrin með
Eddu. Þessi sælureitur okkar gaf
henni mikið. Hún rölti um landið
og snerti trén, tyllti sér á „brúðar-
bekkinn“ eða fór upp í hring til að
horfa til Skálholtskirkju sem hún
hafði svo gaman af að heimsækja.
Þegar ég kom um helgar vildi hún
skreppa á veitingahús. Oft var
skroppið upp í sumarbústað til
Soffu og Arnars á Laugarvatni og
einn daginn var boðið til systra-
kaffis í Grænuhlíð sem aldrei
gleymist.
Nú í ár var Silla að bíða eftir
nýjum Herjólfi til að sigla til fasta-
landsins og heimsækja Grænuhlíð
en var farin að gera sér grein fyrir
að það yrði með síðustu ferðum
sínum í sumarbústaðinn.
Ég þakka Sillu fyrir góða sam-
fylgd í 50 ár og mun sakna hennar
og minnast hennar með hlýju í
hjarta.
Sigmar Georgsson.
Besta amma í
heimi.
Jú, það segja allir
að þeir eigi eða hafi
átt bestu ömmu í heimi, en amma
mín var raunverulega besta amma
í heimi.
Það var ekkert sem amma lét
stoppa sig í að gera. Amma mín
fékk lömunarveiki þegar hún var
lítil og lamaðist á öðrum helmingi
líkamans. Hún lét það ekki stoppa
sig. Hún fékk smátt og smátt aftur
mátt í líkamann og lærði að beita
sér upp á nýtt. Hægri höndin var
þó ennþá lömuð og þegar hún
komst á vinnualdur gat hún ekki
unnið við síldina á Siglufirði eins og
margir aðrir. En hún lét það ekki
stoppa sig. Hún fór suður í nám,
lærði kennarann og hóf störf við
kennslu á Siglufirði. Þegar ömmu
var sagt að hún myndi aldrei ná í
mann eins og afa lét hún það ekki
stoppa sig. Hún giftist honum og
eignaðist með honum fjögur börn.
Amma var kona sem hjálpaði
öllum sem hún hjálpað gat. Hún
kallaði alla barnabörnin sín af því
að henni þótti það vænt um svo
marga að þau gætu bara alveg
eins verið hennar eigin barnabörn.
Mínar bestu minningar með
ömmu eru allar þær stundir sem
við áttum í berjamó við sumarbú-
Valey Jónasdóttir
✝ Valey Jónas-dóttir fæddist
21. nóvember 1931.
Hún lést 28. júlí
2019.
Útför Valeyjar
fór fram 10. ágúst
2019.
staðinn okkar inni í
Fljótum rétt hjá
Sigló. Þá sat amma
og tíndi af fullum
krafti ofan í dollu svo
hún gæti borið berin
fram með afaskyri
fyrir okkur barna-
börnin og aðra gesti.
Á meðan sátum við
systurnar og tíndum
eitt ber í dolluna og
tvö upp í okkur og
koll af kolli. Við skiluðum því yf-
irleitt ekki jafn miklum ágóða úr
berjamó eins og amma gerði.
Einnig fannst mér hvað
skemmtilegast þegar amma kom
og gisti hjá okkur í bænum. Þá
dundaði hún sér heima á meðan
heimilisfólkið var í skóla og vinnu.
Það var alltaf mikil tilhlökkun að
koma heim, fá sér einn kaffibolla
með ömmu og bæði slúðra og
fræðast um lífssögu hennar.
Við áttum í sérstöku sambandi
þessi síðustu ár áður en hún
kvaddi okkur. Eftir að afi dó
hringdi ég reglulega í ömmu. Við
spjölluðum yfirleitt saman minnst
einu sinni í viku um allt á milli
himins og jarðar. Þá voru samtölin
lengri á þeim dögum sem henni
leið sem best og voru það samtöl
sem gátu lífgað upp á daginn minn
eftir erfiðan dag. Í mörgum af
þessum samtölum spurði hún mig
hvort ég væri trúlofuð og passaði
hún sig að minna mig reglulega á
hvað það væri nú gott að eiga
„vin“ og að íbúðin mín væri svo
sannarlega nógu stór fyrir tvo. Ég
var svo heppin að fá að kynna „vin
minn“ fyrir henni rétt áður en hún
kvaddi okkur og hann fékk að
kynnast léttilega þeirri einstöku
og hjartahlýju manneskju sem
hún amma mín var.
Takk fyrir að vera besta amma
í heimi, elsku amma mín. Þín verð-
ur sárt saknað.
Eir Arnbjarnardóttir.
Við systurnar eigum svo frá-
bærar minningar með ömmu. Allt
frá æsku og fram á fullorðinsárin.
Amma fylgdi alltaf reglunum
og gaf okkur aldrei nammi nema á
laugardögum og þá var það yfir-
leitt eitthvað óspennandi eins og
suðusúkkulaði og extra tyggjó.
En öll kvöld sem við gistum hjá
ömmu og afa var boðið uppá
kvöldsnarl og urðu appelsínur
skornar í báta yfirleitt fyrir valinu.
Þær voru einhvern veginn alltaf
bestar þegar maður fékk þær hjá
ömmu.
Amma var kennari í skólanum
á Siglufirði og fengum við stund-
um að koma til Siglufjarðar á
skólaönn og sitja í tíma hjá ömmu
og svo hjálpaði hún okkur með öll
verkefni og lærdóm sem þurfti að
leysa. Hún var alveg frábær kenn-
ari og man ég svo vel þegar ég var
að læra að lesa hvað það var gott
að lesa með ömmu.
Amma var rosalega klár í eld-
húsinu bæði í eldamennsku og
bakstri. En fiskibollurnar hennar
fannst mér alveg hræðilegar. Auð-
vitað borðaði ég þær alltaf og
sagði ekki neitt enda vildi ég ekki
særa ömmu.
Þegar við vorum átta ára kom
amma til Reykjavíkur að passa
okkur systur. Við fórum út að
leika og þegar við komum inn
sagði amma okkur að hún hefði
bakað hátt upp í 100 fiskibollur
sem hún ætlaði að frysta svo við
gætum átt þegar hún væri farin.
Amma var að fara heim eftir tvo
daga og yrðu fiskibollur í matinn
einn daginn og pizza hinn daginn
og við fengum að velja hvað við
fengjum fyrst.
Ég sagði að ég vildi fiskibollur
fyrst og missti svo út úr mér „illu
er best aflokið“.
Ömmu brá svolítið og ég þurfti
auðvitað að segja henni sannleik-
ann.
Hún sem betur fer tók þetta
ekkert inn á sig eins og ég hefði
haldið öll þessi ár heldur hló hún
sig máttlausa og hefur aldrei hætt
að segja frá þessari fyndnu sögu
síðan.
Á fullorðinsárum okkar systra
hefur amma alltaf verið svo þægi-
leg og skemmtileg að tala við.
Hún og Eir spjölluðu svo oft í
símann um allt og ekkert. Þær töl-
uðu um allt frá æsku, námi, um
stráka ofl. Amma var alltaf forvit-
in hvort að Eir væri komin með
kærasta eða kærustu. Hún vildi
alltaf það besta fyrir okkur og
vildi bara sjá okkur hamingjusam-
ar. Ekki fyrir svo löngu fékk hún
svo að hitta frábæra kærastann
sem Eir hafði nælt sér í.
Amma var alltaf svo góð við alla
og kallaði alla barnabörnin sín.
Allir voru velkomnir í heimsókn
og öllum var velkomið að kalla
hana ömmu.
Elsku amma mín, ég mun
sakna þess innilega að fá að
hringja í þig og koma í heimsókn
og kyssa þig og knúsa og heyra
allar æskusögurnar þínar.
Ég mun halda minningum um
þig lifandi enda höfum við systur
alltaf hvor aðra til að rifja upp
gamlar sögur.
Ég elska þig, elsku amma mín.
Elfa.