Morgunblaðið - Sunnudagur - 11.08.2019, Qupperneq 15
11.8. 2019 MORGUNBLAÐIÐ SUNNUDAGUR 15
nútímafólk oft ekki bera nægilega mikla virð-
ingu fyrir því gamla. Eins og áður sagði þá
hafa árekstrar gamalla íslenskra gilda við nú-
tímasamfélagið eða kapítilsmann oft verið mér
yrkisefni,“ segir hann og bætir við:
„En ég er enginn áróðursmaður og leyfi
áhorfandanum að draga sínar eigin ályktanir.
Í Héraðinu fær kaupfélagið gott pláss til að
koma sínu sjónarmiði til skila. En þar sem
Inga er aðalpersónan þá heldur maður alltaf
með henni. Hún hefur ákveðna sýn og ákveðna
pólitík og það má segja að sjónarhorn mitt sé í
gegnum aðalpersónuna. Inga er hugsuð sem
persónugervingur nýja Íslands sem var talað
um eftir hrun en aldrei varð neitt úr. Hún er að
berjast fyrir lýðræði, valddreifingu, frelsi. Hér
er einokun á mörgum sviðum, klíkuskapur,
þöggun og spilling. Héraðið er bara smækkuð
mynd af Íslandi.“
Miklar væntingar
Héraðið verður frumsýnd 14. ágúst og segist
Grímur spenntur. „Ég á kannski erfitt með að
lesa fyrirfram í viðbrögðin. Erfiðara en oft áð-
ur,“ segir Grímur og viðurkennir að eftir vel-
gengni Hrúta sé búist við miklu af honum.
„Ég er ekki búinn að sýna Héraðið neins
staðar annars staðar. Þegar Hrútar var sýnd í
bíóum á Íslandi var hún búin að vera á Cannes
og fá góð viðbrögð. Sýningin hérlendis á Hér-
aðinu er frumsýningin,“ segir hann.
„Svo er auðvitað ákveðin pressa að koma með
mynd eftir Hrúta, sem gekk alveg fáránlega vel.
Maður á eftir að lenda í samanburði en mér
finnst að fólk eigi að fókusera á Héraðið sem
sjálfstætt verk. Þessar myndir eru mjög ólíkar,
þótt þær gerist báðar í sveit,“ segir Grímur.
„Ég vil heldur ekki vera að gera það sama
aftur. Það var ákveðin áskorun að gera mynd
um konu fyrir mig sem karlmann. Hrútar er
meiri karlamynd. Mér fannst áhugavert að
ögra sjálfum mér með því að setja mig inn í
hugarheim konu.“
Dreymdi ekki um Hollywood
Grímur hefur þegar selt Héraðið víða um heim
og er hún að fara á kvikmyndahátíðir í haust.
Hann mun þá leggjast í flakk en segist þó ætla
að stilla því í hóf þar sem hann eignaðist frum-
burð sinn, dótturina Myrru Sigríði, í vor með
sambýliskonu sinni Margréti Seema Takyar.
Eftir margra ára þrotlausa vinnu við kvik-
myndagerð er loks svo komið að Grímur getur
lifað af listinni.
„Lengi vel var maður í harkinu og ég þurfti
oft að taka upp eina og eina giftingu eða ferm-
ingarveislu til að framfleyta mér. En síðustu
árin hefur það breyst,“ segir hann.
Grímur segir The Fence vera næst á dag-
skrá en hann stefnir einnig á að gera fljótlega
aðra íslenska mynd en gefur ekki mikið upp
um efni hennar. Blaðamaður þurfti að ýta á
hann að segja frá tækifærinu stóra sem bíður
hans í Ameríku.
„Þetta er í fyrsta skipti sem ég segi frá The
Fence. Það eru nokkrir þekktir leikarar að
lesa handritið,“ segir Grímur dularfullur og
segist ekki vilja nefna nein nöfn enn.
Ertu að fara að meika það í Hollywood?
„Tja, ég veit ekki. Það verða Hollywood-
leikarar í myndinni að minnsta kosti, en þetta
er evrópsk framleiðsla. Ég losna samt ekki við
Hollywood-stimpilinn. Í fullri hreinskilni hefur
það aldrei verið draumur hjá mér að komast til
Hollywood. Ég er í grunninn evrópskur kvik-
myndagerðarmaður en ég fékk þetta tækifæri
upp í hendurnar. Ég ákvað að láta á það
reyna.“
Morgunblaðið/Ásdís
Á tökustað skín einbeitingin af þeim Grími og framleiðandanum Grímari Jónssyni, en myndin er
tekin upp á Erpsstöðum í Dölum og á Hvammstanga snemma vors árið 2018.
Ljósmynd/Margrét Seema Takyar
Arndís Hrönn Egilsdóttir leikur Ingu í Héraðinu en Grímur skrifaði handritið með hana í huga.
Hrútar fóru með sigur af hólmi með ellefu Eddur árið 2016 og var meðal annars valin besta mynd-
in. Grímur og hans teymi tóku stolt við styttunum. Myndin vann einnig til verðlauna í Cannes.
Morgunblaðið/Styrmir Kári
Sena úr Héraðinu; Arndís Hrönn, sem leikur Ingu, og Siggi Sigurjóns, sem leikur kaupfélagsstjórann
Eyjólf, ræða málin við eldhúsborðið. Myndin verður frumsýnd á miðvikudaginn kemur.