Skessuhorn - 07.01.2015, Page 18

18 MIÐVIKUDAGUR 7. JANÚAR 2015
Sóknargjaldið síðast er - sama fyrir alla
Vísnahorn
Gleðilegt ár lesendur
mínir.
Eitt af því sem ein-
kennir nýliðið ár, ásamt
reyndar mörgum öðrum
liðnum árum, er sannfær-
ing þjóðarinnar um að ráðamennirnir hafi á
röngu að standa. Ekki hef ég orðið var við að
þessi grunnhugsun breytist mikið þó skipt sé
um stjórn. Í hæsta lagi að það verði einhverj-
ir aðrir sem hafa hærra fyrstu dagana á eft-
ir. „Enginn viðbættur sykur“ segir stundum í
innihaldslýsingum matvæla en Hjálmar Frey-
steinsson lagði út af þessari setningu í limru:
Þótt menntunar margur nyti,
metorð og vegtyllur hlyti,
finnast hér enn
Framsóknarmenn
með engu viðbættu viti.
Um líkt leyti mun það hafa verið sem Hall-
mundur Kristinsson kvað:
Ráðin eru lögð með leynd.
Lengi er hægt að neita.
Svokallaðri sýndargreind
sumir þurfa að beita.
Hreinn Guðvarðarson orti í tíð síðustu rík-
isstjórnar um einhverja heiðurspersónu:
Hún sögð er mikil kjarna kona
og kann að skipa í öndvegin
þó hún kannski svona og svona
sé,- og jafnvel hinsegin.
Ármann Þorgrímsson fann hinsvegar fyr-
ir jólastemningunni nú á dögunum og fylltist
hlýju og mannkærleika:
Heilög færist hátíð nær
hætta skal að yrkja níð.
Jafnvel gamla Framsókn fær
frá mér ósk um betri tíð.
Jólaundirbúningurinn tekur gjarnan tölu-
vert á orkuna og jafnvel budduna líka. Spurn-
ing samt hvort áherslurnar lenda alltaf á rétt-
um stöðum enda kvað Jón Arnljótsson:
Hjá flestum er alltaf svo feikilegt puð,
framundir jólanna gleði,
því fólk er að reyna að gleðja sinn Guð,
með gjöfum og ljósum og streði.
Mörgum þótti veðrið heldur rysjótt fyrir
jólin og kannske ekki að ástæðulausu. Ýmsum
varð þetta tíðarfar að yrkisefni og þar á með-
al var hefðarlæðan lafði Jósefína Dietrich sem
leit út um glugga sinn og malaði fyrir munni
sér:
Í lofti vaka veður grimm,
– vindar haf’að dyrum barið.
Gnauða himindjúpin dimm,
drungalegt er skýjafarið.
Það er ógaman að vera veðurfræðingur
í svona tíðarfari og ýmsar áhyggjur sem því
fylgja. Um þá sómamenn og þeirra sérfag
kvað Hjálmar Freysteinsson:
Veðurfræðin er fag
um furðulegt háttalag
sem enginn skilur:
Kemur iðulaus bylur
einn góðan veðurdag?
Á sólstöðum orti þó Magnús Halldórsson
þetta bjartsýnisljóð:
Laus er ég við leið´og angur,
lítið þarf að óttast slig.
Svo er það aukinn sólargangur
sem að kætir fleiri en mig.
Svo þegar líður lengra frammá byrjar aft-
ur ný hringferð þegar kemur enn á ný að boð-
unardegi Maríu en í tilefni hans orti Kristján
Runólfsson:
„Hey!“ sagði Mæja við heilagan anda.
„Haltu vel áfram, ég tel upp að þremur.
Finn ég vel kraft þinna frelsandi handa,
en... Fýttu þér áður en Jósep minn kemur.“
Á líkum nótum og trúlega svipuðum árs-
tíma kvað Jónas Friðrik Guðnason:
Hann Jósep var fýldur í framan,
engin furða: Það telst varla gaman
að dómi ungs manns,
að María hans
og Guð, séu að gera það saman.
Svo koma nú blessaðir páskarnir með
pínslum frelsarans og krossfestingu, upprisu
og öllu því og þar tilheyrandi. Ragna Guð-
varðardóttir frétti af því að kross hefði verið
festur á mann nokkurn og velti fyrir sér sam-
henginu milli þess atburðar og krossfestingar
krists fyrir mörgum árum:
Frétt ein hefur glatt mitt geð.
Það gefst ei öllum mönnum
að bera krossinn Kristi með
í kærleiksanda sönnum.
Að einhver sé ,,krysstur“ merkir að kross
hafi verið festur á viðkomandi frekar en að
viðkomandi sé líkt við frelsarann beinlínis.
Ber að hafa þetta í huga og gæta vel að staf-
setningunni til að forðast misskilning. Atburð
sem gerðist skömmu fyrir jól batt Hjálmar
Freysteinsson í stuðla með eftirfarandi hætti:
Ársins merkustu atburðir ske
oft þegar dagur er stystur.
Mér finnst ósköp sanngjarnt að sé
Sigmundur Davíð krysstur.
Öllu fer aftur hér á jörð og hefur svo verið
að minnsta kosti svo lengi sem ritaðar heim-
ildir ná og trúlega lengur. Allavega virtist Jóni
Gissurarsyni augljós afturför á ferðum þegar
hann kvað:
Íslendinga dáðir digna
drekki þeir vín úr staupinu
einnig virðist alltaf hnigna
áramótaskaupinu.
Það er ljóst og víst að ekkert er ókeypis í
heimi hér. Ekki einu sinni þjónusta sóknar-
prestsins því sóknargjöldin eru þó rukkuð af
okkur með öðrum okkar sköttum og skyld-
um og eru reyndar aðeins í umræðunni núna.
Meðan Jakob á Varmalæk var oddviti sinn-
ar sveitar þurfti hann að ganga frá uppgjöri á
sóknargjöldum og sleppti aurunum í útreikn-
ingi. Sóknarprestur gerði athugasemd við
þessa útreikninga enda tapaði kirkjan örfá-
um krónum á þessu samanlagt. Eitthvað þótti
Jakobi þetta óþarfa smámunasemi af klerki og
skrifaði á frumrit reikningsfærslunnar:
Mér hefur löngum orðið á
eins og víða má dæmin sjá
í meðferð á kirkjunnar maurum.
En uppi í háum himnasal
sem hvelfist yfir vorn táradal
er aldrei reiknað í aurum.
Annar sómamaður, Þorsteinn Guðmunds-
son á Skálpastöðum, orti á seinni árum sín-
um og ætli við látum það ekki verða lokavís-
una að sinni:
Lauf af björkum falla fer,
feigðarspárnar kalla,
sóknargjaldið síðast er
sama fyrir alla.
Með kærri þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Laugardaginn 10. janúar klukk-
an 13.00 verður opnuð sýning á
verkum Michelle Bird í Safnahús-
inu í Borgarnesi. Litir Borgarness
er fyrsta sýning listakonunnar hér
á landi, en hún er nýflutt til Ís-
lands og býr í Borgarnesi. Í verk-
um hennar má sjá hvernig hún
sem listamaður og nýr íbúi upplif-
ir mannlíf og umhverfi nýs fram-
andi staðar. Ennfremur hefur Mic-
helle stillt upp vinnustofu í anddyri
sýningarrýmisins þar sem hægt er
að sjá helstu verkfæri, liti og fleira.
Sýningin er í Hallsteinssal í Safna-
húsi, en sýningarrýmið er nefnt
eftir Hallsteini Sveinssyni sem var
mikill listunnandi sem gaf ævisöfn-
un sína á listaverkum til íbúa Borg-
arness árið 1971. Vonast er til að
skólar geti nýtt sér sýninguna til
fræðslu fyrir nemendur um mynd-
list og vinnuaðferðir við hana.
Michelle Bird er fædd í San
Francisco árið 1965. Hún er ætt-
uð frá Bandaríkjunum og Kína en
ólst upp í San Francisco, Hawai og
víðar í Kaliforníu. Hingað kem-
ur hún frá Sviss þar sem hún hef-
ur haft vinnustofu síðustu árin.
Hún lærði myndlist í Bandaríkjun-
um og í Hollandi þar sem hún var
búsett um tíma. Þar lærði hún við
Rietveld listaháskólann. Michelle
Bird hefur sýnt víða um Evrópu og
í Bandaríkjunum. Hún hefur hald-
ið fyrirlestra um myndlist og haldið
vinnustofur („workshops“) og auk
málaralistarinnar hefur hún lagt
stund á listrænt handverk. Nánar
er hægt að fræðast um listakonuna
í heilsíðuviðtali sem birtist í síðasta
tölublaði Skessuhorns.
Sýningin Litir Borgarness stend-
ur til 25. febrúar. Hún verður opin
til kl. 16.00 á opnunardaginn og
listakonan verður á staðnum þann
tíma. Eftir það verður sýningin
opin á virkum dögum 13.00 – 18.00
eða á öðrum tímum eftir samkomu-
lagi. Aðgangur er ókeypis.
mm/gj
Krossgáta Skessuhorns
Hér er krossgáta fyrir lesendur að spreyta sig á að leysa. Þeir
sem vilja geta sent Skessuhorni lausnarorð/in á netfang-
ið: krossgata@skessuhorn.is Dregið verður úr réttum inn-
sendum lausnum og fær vinningshafinn bókagjöf frá Skessu-
horni. Athugið að lausnir þurfa að berast fyrir klukkan 15:00
á mánudögum. 33 lausnir bárust við krossgátu síðustu viku.
Lausnarorðið var: „Hátíðablys.“ Vinningshafi er Auður
Sveinsdóttir, Hólabergi 84, 111 Reykjavík.
Menn
For-
tjald
Hugað-
ur
Upphr.
Laust
Bæra
Droll
Góðgæti
Örn
Fórn
Rusl
Gjöful
Spurn
Lof
Alltaf
Lausn
Kona
Troðn-
ingar
14
Gleið-
gosi
Lag
9 2
Ílát
Óttast
Góð
Kven-
fugl
Fróm
Öku-
menn
Skáld-
skapur
Njörva
Sk.st.
Höfð-
ingi
Dreif
Áflog
Laun
Átt
1001
Blekk-
ing
11 Felur
Hrönn
Stillir
Sáð-
lönd
Skafinn
5 Mjór
Fiskar
Kuldi
Hagur
Gruna
Kvaka
Haka
Lin-
kind
Hvol
Skessu
Ójafna
Heppni
Tvíhlj.
10
Korn
Garma
Tónn
Egndi
Ekki
12
Tæmt Hár
Keyrir
Innan
15 Suddi
Vernd
Sund
Leik-
svið
Hlynnir
3 Voði
Svall
Pípa
Fugl
Hólmi
Kássu
Skræða
7 1 Atlaga
Býli
Iðka
Goð
Kvæði
Svar
Þreyta
Botn-
fall
Svik
Svif
Leit
Suð
Kropp
Á fæti
4 13 Samhlj.
500
Blaður
Flan
Gelt
8 Súr-
efni
6
1 2 3 4 5 6 7 8 9 10 11 12 13 14 15
Litir Borgarness nefnist
sýning Michelle Bird