Skessuhorn - 16.09.2015, Blaðsíða 24

MIÐVIKUDAGUR 16. SEPTEMBER 201524
ÍA tryggði sér á dögunum sæti í
úrvalsdeild kvenna í knattspyrnu
á nýjan leik eftir eins árs fjarveru.
Blaðamaður settist niður og ræddi
við Þórð Þórðarson, þjálfara liðs-
ins og þeir byrjuðu á að spjalla
um viðureignina á móti Grinda-
vík, sem ÍA sigraði samanlagt 4-2.
Í byrjun síðari leiksins átti liðið þó
erfitt uppdráttar, þrátt fyrir 3-0
sigur í fyrri leiknum á Akranes-
velli.
„Við beittum hápressu í heima-
leiknum og lögðum upp með að
leyfa þeim að spila út frá markinu
og ráðast á þær þá. Það virkaði vel
og við höfðum undirtökin í þeim
leik í 90 mínútur. Þegar við vor-
um búin að skora þrjú mörk þá var
þetta aldrei spurning og ég hélt að
við myndum bæta við mörkum í
lok leiksins en það gekk því mið-
ur ekki. En engu að síður mjög vel
spilaður leikur hjá liðinu og sig-
urinn verðskuldaður,“ segir Þórð-
ur. ÍA leiddi því viðureignina með
þremur mörkum gegn engu fyr-
ir síðari leik liðanna í Grindavík
miðvikudaginn 9. september síð-
astliðinn.
„Í leiknum í Grindavík voru að-
stæður auðvitað mjög erfiðar og
það var brjálað rok sem stóð á
annað markið og gekk á með rign-
ingu, ekta íslenskt slagveður. En
fyrirfram lögðum við leikinn samt
upp mjög svipað og heimaleikinn.
Við ætluðum að pressa þær hátt en
hafa miðjumennina samt aðeins
bundnari í varnarleik, þeir hefðu
þá ekki jafn mikið frelsi til að sækja
og í fyrri leiknum. Stefnan var að
skora snemma og reyna að gera út
um viðureignina. En það gekk því
miður ekki alveg eins og við von-
uðum. Við áttum í vandræðum
með rokið og gekk illa að ná upp
spilinu á móti rokinu,“ segir Þórð-
ur. „Kannski var líka eitthvað und-
irliggjandi stress í liðinu sem hafði
áhrif á okkur. Ef leikmenn eru
stressaðir á vellinum þá birtist það
oft í því að menn vilja ekki fá bolt-
ann og eru að fela sig.“
Honum fannst að leikur liðs-
ins hafi batnað þegar um það bil
hálftími var liðinn af leiknum, þá
hafi verið farið að draga aðeins af
Grindavíkurliðinu. Það hafi komið
betur og betur í ljós eftir því sem
leið á leikinn að leikmenn ÍA væru
í betra formi en flestir leikmenn
andstæðinganna.
Eftir að málin voru rædd í leik-
hléi og farið yfir stöðuna mætti ÍA
liðið ákveðið og af krafti til síð-
ari hálfleiks. „Þegar um 10 mín-
útur voru liðnar af seinni hálfleik
fannst mér þetta ekki vera spurn-
ing um hvort við myndum skora
heldur hvenær. Eftir að við skor-
um var þetta aldrei í hættu og við
spiluðum bara mjög öruggan leik
það sem eftir var. Þær ógnuðu okk-
ur kannski tvisvar allan seinni hálf-
leikinn og í bæði skiptin réði vörn-
in okkar vel við það. Mér fannst
við mun líklegri til að jafna metin
en þær að bæta við,“ segir Þórður.
„En þetta var nóg, ég held við get-
um ekki verið annað en verið mjög
ánægð með það,“ bætir hann við.
Árangur okkar byggist
á góðum varnarleik
„Við spiluðum góða vörn í allt
sumar, það var lykilatriði í leik okk-
ar. Við lögðum mikla áherslu á að
það væru allir að verjast á vellin-
um og að allir væru duglegir. Það
er ekki í boði að vera með farþega
í varnarleik. Það fer enginn langt
án þess að spila góða vörn,“ segir
Þórður. Úr varð að liðið fékk að-
eins á sig fimm mörk í allt sumar og
þá eru mörkin tvö sem liðið fékk á
sig í Grindavík talin með.
En þrátt fyrir þéttan varnarleik
fór liðið hægt af stað og á köflum
gekk erfiðleg að skora mörk. „Við
mættum tveimur sterkustu liðun-
um, Augnabliki og HK/Víkingi, í
tveimur fyrstu leikjunum. Vinnum
annan og gerum jafntefli í hinum.
Svo töpum við þriðja leiknum, á
móti Haukum, mjög ósanngjarnt
að mínu mati. Við dómíneruðum
þann leik algjörlega og hefðum átt
að vinna. Svo gerum við jafntefli á
móti Keflavík eftir að hafa lent und-
ir og manni færri eftir 10 mínútur.
Þannig að það má segja að byrjun-
in hafi verið svolítið brösótt,“ seg-
ir hann.
„En frá því um verslunarmanna-
helgi hefur verið góður stígandi
í leik liðsins og við höfum spilað
mjög góðan fótbolta, bæði í síðustu
leikjum riðilsins og í úrslitakeppn-
inni á móti Fjarðabyggð og Grinda-
vík,“ bætir Þórður við.
Mikil endurnýjun frá síð-
asta sumri
Vegna þess hve margir heimamenn
skipa liðið var upplifun blaðamanns
sú að liðið sem tryggði sér sæti í úr-
valsdeild nú væri í grunninn sama
lið og fór upp fyrir tveimur árum
síðan. Þann misskilning leiðréttir
Þórður. „Ég fór að telja þetta saman
um daginn og bara síðan í júlí í fyrra
erum við búin að missa átta leik-
menn, meira en helmingur þeirra
voru byrjunarliðsmenn. Það er því
í raun risastórt afrek að hafa komist
upp í ár,“ segir Þórður en bætir því
við að vissulega séu margir heima-
menn í liðinu. „Síðustu 10 ár hefur
verið unnið markvisst í yngri flokka
starfinu og við erum að fá mjög efni-
lega leikmenn upp í meistaraflokk.
Það hafa mest verið 27 á æfingum
í sumar. Þar af eru 25 heimamenn,
allt Skagamenn. Ég sé ekkert annað
lið á landinu vera með svo hátt hlut-
fall heimamanna, hvorki í kvenna-
né karlaboltanum,“ segir hann.
Nauðsynlegt að
styrkja liðið
Samningur Þórðar sem þjálfari liðs-
ins rennur út nú í september og að-
spurður segir hann engar viðræð-
ur hafa farið fram um framhaldið.
Eflaust muni félagið þó koma að
máli við hann áður en langt um líð-
ur ef þeir hafa þar að segja áhuga á
að framlengja samstarfið. Þrátt fyr-
ir það hefur hann velt möguleik-
um liðsins á komandi sumri lítil-
lega fyrir sér. „Það er ekki spurning
að það þarf að styrkja liðið. Ef við
gerum ráð fyrir sama hóp og núna
þá þarf þrjá góða leikmenn í við-
bót ef liðið á að eiga möguleika á að
halda sér uppi. Við höfum séð það
á liðum sem hafa farið upp undan-
farin ár. Þau lið sem hafa farið upp
og ekki bætt við verulega sterkum
leikmönnum hafa farið beint niður
aftur,“ segir hann. „Við ættum að
þekkja það vel á Skaganum.“
Hvort sem Þórður verður áfram
þjálfari liðsins eða ekki telur hann
að auðvitað sé stefnt á að halda lið-
inu í deildinni, það sé markmið
allra liða sem fara upp um deild.
„En til þess verður að styrkja liðið
og það er alltaf spurning um pen-
inga. Það vantar meira fé í kvenna-
boltann á Akranesi til að hægt sé að
halda áfram að byggja upp gott lið.
Þar verður samfélagið á Akranesi að
hjálpast að ef að við viljum eiga lið í
efstu deild á komandi árum.“
kgk
„Í raun risastórt afrek að hafa komist upp í ár“
Leikmenn ÍA tóku sig til og tolleruðu Þórð í fagnaðarlátunum sem brutust út eftir að liðið tryggði sér Íslandsmeistaratitil 1. deildar síðastliðinn laugardag. Ljósm. Guðmundur Bjarki Halldórsson.
Þórður Þórðarson, þjálfari ÍA.