Skessuhorn - 16.09.2015, Blaðsíða 18

MIÐVIKUDAGUR 16. SEPTEMBER 201518
„Ég hef verið formaður núna í
bráðum tvö ár. Kom ekki inn í
þetta sem neinn sérfræðingur um
fótbolta heldur vegna þess að ég
hafði góða reynslu og þekkingu
á rekstri,“ sagði Magnús Guð-
mundsson, formaður Knattspyrnu-
félags ÍA, í samtali við Skessuhorn.
„Við byrjuðum á sama tíma, ég og
Sævar Freyr Þráinsson varafor-
maður og eitt af fyrstu markmið-
um okkar var að vinna á grundvelli
jafnréttis kynjanna. Það skyldi vera
sú meginstefna sem unnið yrði eft-
ir í framtíðinni,“ segir Magnús.
„Fótboltaheimurinn hefur í gegn-
um tíðina verið mjög karllægur.
Við rákum okkur á þetta strax í
upphafi, auk þess sem við fengum
ábendingar bæði frá stelpum og
strákum í félaginu. Sem lítið dæmi
má nefna mismunandi aðstöðu
í búningsklefum meistaraflokks
karla og kvenna. Strákarnir höfðu
allir læsta skápa en stelpurnar voru
bara með snaga. Við höfðum sam-
band við Regínu bæjarstjóra, sýnd-
um henni þetta og í kjölfarið voru
keyptir skápar sem verða settir upp
innan tíðar. Þetta er lítið dæmi en
lýsandi og þetta skiptir máli. Við
verðum líka að reyna að gera um-
gjörðina í kringum leiki stelpnanna
veglegri til jafns við leiki hjá strák-
unum,“ segir hann.
Í því samhengi nefnir hann
gott og óeigingjarnt sjálfboðastarf
heimaleikjahóps ÍA. Eins og kom
fram í Skessuhorni fyrr í sumar
kom sá hópur í upphaflega saman
með það að markmiði að vekja at-
hygli og auka áhuga á kvennaknatt-
spyrnunni. Það gerði hann með-
al annars með því að bjóða upp á
kaffiveitingar í hálfleik, safna vinn-
ingum í aðgangsmiðahappdrætti
og færa manni leiksins, að mati
stuðningsmanna ÍA, listaverk eft-
ir listamann af Skaganum. „En enn
finnst mér vanta fleiri Skagamenn
á kvennaleiki þó það sé ákveðinn
kjarni sem mætir á hvern einasta
leik og styður við bakið á liðinu.“
Þær ætluðu sér upp aftur
Magnús telur að fyrir sumarið hafi
fæstir átt von á að ÍA færi strax upp
aftur. Liðið sjálft hafi verið stað-
ráðið í því að komast aftur í deild
þeirra bestu. „Eftir að þær féllu
heyrði maður strax á hópnum að
þær ætluðu sér upp. Ég held að
væntingar hér í bænum hafi ekki
verið miklar. Við misstum marga
leikmenn en ég veit til þess að þær
sögðu við Þórð þjálfara að þær
ætluðu sér að fara beint upp aft-
ur. Þórður á auðvitað stóran þátt í
þessu öllu saman,“ segir hann.
Úr því Magnús minntist á þátt
þjálfarans í árangri liðsins stenst
blaðamaður ekki mátið að spyrja
hann út í þjálfaramál næsta sum-
ars þar sem samningur félagsins
við Þórð renni út innan skamms
og viðræður hafi ekki átt sér stað
enn. „Ég á von á því að rætt verði
við Þórð á næstu dögum. Við setj-
umst niður og förum yfir stöðuna
eftir að landsliðsverkefninu lýkur,“
segir Magnús, en Þórður er einn-
ig þjálfari U19 ára landsliðs Íslands
heldur til undankeppni fyrir EM
2016 í Sviss dagana 15.-20. sept-
ember næstkomandi.
„En Þórði hefur tekist að byggja
upp góða liðsheild og stemningu
úr góðum efnivið af heimamönn-
um. Ég tel að það sé einn mesti
styrkleiki félagsins hvað það er
góður efniviður yngri leikmanna,
bæði hjá konunum og körlunum.
Það hefur verið unnið mjög gott
og markvisst yngri flokka starf hér
á Skaganum á síðustu tíu árum.
Þannig starf er langtímaverkefni,
hugsað til að byggja á í framtíðinni
og við erum að sjá afraksturinn af
því núna,“ segir Magnús.
Hart barist um leikmenn
Aðspurður hvort standi til að
styrkja liðið fyrir átökin í úrvals-
deildinni næsta sumar segir Magn-
ús það ekki hafa verið rætt enn. Það
verði hins vegar skoðað í samráði
við þjálfara hvaða leikmenn lið-
ið vanti og hvaða leikmenn félagið
hafi efni á, því það kosti peninga að
styrkja knattspyrnulið. Samkeppn-
in um leikmenn sé hörð við efnaðri
félög á höfuðborgasvæðinu. Bæði
sé barist um að fá leikmenn og eins
að halda efnilegum leikmönnum
hjá félaginu. „Mín skoðun er sú að
við þurfum að skapa okkur sérstöðu
til þess að fá leikmenn til félags-
ins og halda þeim hér. Eitt tæki-
færi til þess er ný afreksbraut FVA,
hún gæti orðið ein stoð til þess
að fá leikmenn til að koma hing-
að fyrr en þeir hefðu kannski gert
og kannski vera hér áfram. Það er
nefnilega liðin tíð, eins og var einu
sinni, að góðir leikmenn utan af
landi áttu það til að stoppa hér,
fara ekki alla leið til Reykjavíkur,“
segir hann og nefnir Ólaf Adolfs-
son sem dæmi, en hann kemur
einmitt frá Ólafsvík. „Við verðum
að búa til umgjörð sem hefur sér-
stöðu og laðar að ungt íþróttafólk.
Við ætlum að komast enn lengra í
að efla faglegt vinnubrögð í þjálf-
un og styrkja yngri flokkana og sú
vinna er þegar hafin.“
Samfélagslegt verkefni
að reka íþróttafélag
„Akraneskaupstaður er stóri sam-
starfsaðilinn okkar auk ýmissa fyr-
irtækja á svæðinu. Það er í sam-
vinnu við Akraneskaupstað sem
við höfum beint athyglinni að því
að jafnréttis verði að gæta varðandi
aðstöðu að aðgengi að mannvirkj-
um í eigu bæjarins,“ segir Magn-
ús og bætir því við að unnið sé að
áætlun varðandi aðstöðumálin til
næstu ára, bæði með tilliti til þess
að bæta aðstöðuna og eins vegna
nauðsynlegs viðhalds mannvirkja.
„Núverandi bæjarstjórn hefur tek-
ið vel í aukið samstarf,“ segir hann
og fagnar um leið auknu samstarfi
félagsins við bæjaryfirvöld. „Það
eru um 500 iðkendur í félaginu
og knattspyrna er því stór hluti af
æskulýðsstarfinu í bænum.“
Aðspurður hvort einhver kostn-
aðaráætlun liggi fyrir varðandi
umbætur og viðhald og hve stór-
an hluta hans bærinn komi til með
að reiða af hendi segir Magnús að
þessa dagana sé verið að reikna það
út og enginn geti svarað því að svo
stöddu.
„Rekstur félagsins kostar um 170
milljónir á ári. Fyrir utan æfinga-
gjöld iðkenda treystum við á styrki
fyrirtækja og frá bænum og vissu-
lega er Akraneskaupstaður mikil-
vægur samstarfsaðili. Það er sam-
félagslegt verkefni að reka íþrótta-
félag og mikilvægur hluti þess að
Akranes sé góður staður til að alast
upp á. Mér finnst ég finna aukinn
skilning á því hjá bænum að náið
samstarf sé mikilvægt,“ útskýrir
Magnús.
„En það þarf meira fjármagn til
að efla knattspyrnuna svo að meist-
araflokksliðin okkar fari aftur að
vinna titla og það á ekki síst við um
kvennaknattspyrnuna,“ segir hann
og bætir því við að í undirbúningi
sé að setja saman hóp til að styðja
sérstaklega við kvennaknattspyrn-
una á Akranesi. Enn fremur veltir
hann upp möguleika þess að sækja
styrki til fyrirtækja sem verði sér-
staklega ætlaðir til að efla kvenna-
boltann. „Við verðum að leita allra
leiða til að halda áfram að efla
kvennaknattspyrnuna og uppfylla
þá kröfu stuðningsmanna að vera
meðal þeirra bestu í bæði karla- og
kvennaboltanum,“ segir Magnús.
Góð liðsheild mun halda
liðinu uppi
Aðspurður um næsta sumar telur
Magnús að kvennalið ÍA eigi erfitt
verkefni fyrir höndum næsta sumar
í deild þeirra bestu. „En ég hef trú
á því að þær haldi sér uppi á sam-
heldni og dugnaði,“ segir hann.
Þær hafi sýnt það í sumar að þær
séu tilbúnar að leggja mikið á sig
til að ná árangri og hafi skapað
góða liðsheild sem skiptir öllu máli
þó að ef til vill þurfi að styrkja lið-
ið með utanaðkomandi leikmönn-
um. „Eftir næsta sumar held ég að
það verði sagt að þær hafi haldið
sér uppi á góðri liðsheild og góð-
um stuðningi baklandsins á Akra-
nesi því það skiptir máli að liðið
finni stuðning alla leið. Því hvet ég
alla til að vera duglega að mæta á
leiki og styðja liðið,“ segir Magnús
Guðmundsson að lokum.
kgk
Mikilvægt að starf knattspyrnufélagsins
sé unnið á grundvelli jafnréttis
spjallað við Magnús Guðmundsson, formann KFÍA
Magnús Guðmundsson, formaður Knattspyrnufélags ÍA
Ljósm. Guðmundur Bjarki Halldórsson.