Skessuhorn - 14.12.2016, Qupperneq 2

MIÐVIKUDAGUR 14. DESEMBER 20162
Um næstu helgi, bæði föstudagskvöld og
á laugardag, verður Jólagleði í Garðalundi
á Akranesi og ýmislegt um að vera, allt í
anda jólanna. Gleðin byrjar með „Leitinni
að jólasveininum“ að kvöldi föstudags og
síðan verður haldinn ilmandi jólamark-
aður á laugardaginn. Lesa má nánar um
dagskrána í Skessuhorni vikunnar.
Upphleypingar eru í kortunum og röð
lægða mun hafa áhrif á veðráttuna. Á
morgun, fimmtudag, gengur í austan- og
suðaustanátt 18-23 m/s með töluverðri
rigningu og hita 1 til 6 stig. Lengst af úr-
komulítið á Norðurlandi. Snýr í vestan
18-23 m/s með skúrum og éljum með
kvöldinu og kólnar í veðri. Á föstudag spá-
ir suðvestan 15-23 m/s og skúrum eða
éljum. Hvassast við sjávarsíðuna en úr-
komulítið á Norðausturlandi. Hægara og
úrkomuminna um kvöldið. Hiti 0 til 5 stig.
Sunnan- og suðvestan strekkingur og
skúrir eða él á laugardag, en þurrt að kalla
austanlands. Hitastig kringum frostmark.
Á sunnudag og mánudag er útlit fyrir suð-
vestanhvassviðri eða -storm með slyddu
eða rigningu, en síðar snjókomu og hægt
kólnandi veðri.
Í síðustu viku var spurt á vef Skessuhorns:
„Hvað verða bakaðar margar smáköku-
sortir fyrir jólin á þínu heimili?“ Flestir ætla
að rífa fram kökukeflið, hveitið og sykur-
inn og baka 1-5 sortir, eða 55%. Næstflest-
ir, 28%, ætla enga smákökusort að baka,
en hvort þær verða keyptar skal ósagt lát-
ið. „6-10 tegundir“ sögðu 13%, „fleiri en
15“ sögðu 3% og sagði aðeins 1% ætla að
baka 10 til 15 smákökusortir.
Í næstu viku er spurt:
Kaupirðu einhverjar
jólagjafir á netinu?
Ungir körfuknattleiksiðkendur úr ÍA léku
með bleiku og bláu slaufurnar í öllum
leikjum sínum í október og nóvember.
Síðan seldu krakkarnir slaufurnar og létu
félagið Englaforeldra á Akranesi. Körfu-
knattleikskrakkarnir eru Vestlendingar
vikunnar.
Spurning
vikunnar
Til minnis
Veðurhorfur
Vestlendingur
vikunnar
Ýmis óhöpp en
án meiðsla
VESTURLAND: Sex um-
ferðaróhöpp urðu í umdæmi
Lögreglunnar á Vesturlandi
í liðinni viku, öll án teljandi
meiðsla á fólki að því best er
vitað. Í fyrrinótt fór fólksbíll
útaf Snæfellsnesvegi í hálku
undir Búlandshöfða. Öku-
maðurinn var einn í bílnum
og slapp hann ómeiddur en
bíllinn var óökufær. Maðurinn
þurfti að ganga smá spöl frá
bílnum til að komast í síma-
samband. Nokkuð harður
árekstur varð á Borgarfjarð-
arbraut síðastliðinn laugardag
þegar bíll rann í hálku yfir á
rangan vegarhelming og í veg
fyrir bíl sem að kom úr gagn-
stæðri átt. Ekki urðu teljandi
meiðsl á fólki enda allir í ör-
yggisbeltum. Bílarnir voru
báðir óökufærir. Fólksbíl var
ekið inn í hóp af ungnautum
sem voru á Snæfellsnesvegi
síðdegis á laugardaginn. Lenti
bíllinn utan í gripunum. Bíll-
inn var ökufær en ungnaut-
in hlupu skelkuð út í myrkr-
ið og virtust hafa sloppið með
skrekkinn, en bóndinn ætlaði
að huga betur að þeim í birt-
ingu. „Mikilvægt er að bændur
og búalið hugi vel að gripum
sínum og girðingum, ekki síst
núna í skammdeginu og komi
í veg fyrir lausagöngu á veg-
svæðum. Stórgripir geta vald-
ið miklum skaða verði þeir fyr-
ir bílum eins og dæmin sanna
í gegnum tíðina,“ segir Theó-
dór Þórðarson yfirlögreglu-
þjónn. Þá kemur fram í dag-
bók lögreglu að um liðna helgi
hafi fólksbíll runnið útaf veg-
inum í sunnanverðri Bröttu-
brekku og undirvagn bílsins
skemmst nokkuð. Ökumað-
urinn fann til eymsla í baki og
var ráðlagt að fara í læknis-
skoðun. Loks fundust nokkur
grömm af kannabisefnum við
leit sem gerð var í húsi á Akra-
nesi um liðna helgi. Grunur
hafði vaknað um kannabis-
neyslu vegna mikillar kanna-
bislyktar sem lagði frá íbúð
mannsins. -mm
Grunnskóla-
kennarar
samþykktu
LANDIÐ: Skrifað var und-
ir nýjan kjarasamning í húsa-
kynnum ríkissáttasemjara
29. nóvember síðastliðinn.
Meirihluti félagsmanna í Fé-
lagi grunnskólakennara sam-
þykkti nýgerðan kjarasamning
við Samband íslenskra sveitar-
félaga í atkvæðagreiðslu sem
hófst mánudaginn 5. desemb-
er og lauk klukkan 16:00 í dag.
Niðurstaða atkvæðagreiðsl-
unnar var sú að 55,12% sögðu
Já, en 42,9% sögðu Nei. Auð-
ir seðlar komu frá 1,98%. Á
kjörskrá voru 4.521 og greiddu
4.100 atkvæði, eða 90,69%.
Nýi samningurinn gildir frá 1.
desember 2016 til 30. nóvem-
ber 2017.
-mm
Jólalegar ljósmæður
Það er orðið jólalegt um að lit-
ast á kvennadeild Heilbrigðis-
stofnunar Vesturlands á Akranesi.
Deildin er fallega skreytt og jóla-
tréð var sett upp í fullum skrúða
síðastliðinn fimmtudag. Ljós-
mæður deildarinnar eru einnig
ansi jólalegar að sjá, en þær eiga
margar hverjar skemmtilega jóla-
sloppa sem þær klæðast í vinnunni
á þessum árstíma. Á vaktaskipt-
um í síðustu viku rakst blaðamað-
ur Skessuhorns á nokkrar jólaleg-
ar ljósmæður. Frá vinstri: Hafdís
Rúnarsdóttir, Valgerður Ólafs-
dóttir, Ásthildur Gestsdóttir og
Helga Höskuldsdóttir.
grþ..
Stofnmæling botnfisks að haust-
lagi, eða svokallað haustrall Haf-
rannsóknastofnunar, fór fram í
tuttugasta sinn dagana 29. septem-
ber til 9. nóvember síðastliðinn.
Rannsóknasvæðið var umhverf-
is Ísland allt niður á 1500 m dýpi.
Alls var togað með botnvörpu á 375
stöðum. Helsta markmið haust-
rallsins er að styrkja mat á stofn-
stærð helstu botnlægra nytjastofna
á Íslandsmiðum með sérstakri
áherslu á djúpkarfa, grálúðu og
aðra djúpfiska. Auk þess er mark-
miðið að fá annað mat, óháð afla-
gögnum, á stofnstærð þeirra nytja-
stofna sem stofnmæling botnfiska
á Íslandsmiðum nær yfir í vorralli,
safna upplýsingum um útbreiðslu,
líffræði og fæðu tegundanna.
Rannsóknaskipið Árni Friðriks-
son RE og togarinn Ljósafell SU
voru notuð til rannsóknarinnar.
„Niðurstöðurnar eru mikilvægur
þáttur árlegrar úttektar Hafrann-
sóknastofnunar á ástandi helstu
nytjastofna við landið sem lýkur
með ráðgjöf í júní 2017,“ segir í
tilkynningu frá Hafró.
Ársgamall þorskur er
öflugur árgangur
Meðal niðurstaðna er að heildar-
vísitala þorsks lækkaði talsvert frá
árunum 2014 og 2015 og er nú
svipuð og árið 2013. Hluta lækk-
unarinnar má rekja til lítils ár-
gangs frá 2013 og að meðalþyngd-
ir sumra árganga hafa lækkað frá
fyrra ári. Líklegt er að lækkun-
in sé að mestu vegna mæliskekkju
líkt og var í vorralli milli áranna
2013 og 2014. Vísitala ársgamals
þorsks í vorralli 2016 benti til þess
að árgangurinn væri stór og er
það staðfest í haustrallinu. Vísitala
tveggja ára þorsks, þ.e. árgangsins
frá 2014, er einnig há. Vísitölur
þriggja til sex ára þorsks, árgang-
anna frá 2010-2013 eru hins vegar
lágar. Fyrstu vísbendingar um ár-
ganginn frá 2016 gefa til kynna að
hann sé undir meðalstærð. Meðal-
þyngdir hækkuðu hjá 3, 4 og 6 ára
þorski en lækkuðu í öðrum aldurs-
flokkum frá fyrra ári. Hjá flestum
aldursflokkum eru þær yfir með-
altali rannsóknartímans. Mest
fékkst af þorski djúpt norðvestur,
norður og austur af landinu, líkt
og undanfarin ár. Heildarmagn
fæðu í mögum allra lengdarflokka
þorsks var það minnsta síðan mæl-
ingar hófust árið 1996. Síðan 2012
hefur magn loðnu í þorskmögum
verið mun minna en á tímabilinu
1996-2010. Líkt og undanfarin ár
var mest af loðnu í þorskmögum
út af vestanverðu Norðurlandi.
Af annarri fæðu má nefna ísrækju,
rækju, ljósátu, síld og kolmunna.
Stofnstærð ýsu
lækkar enn
Stofnvísitala ýsu lækkaði frá 2015
og er nú svipuð og hún var árin
1996-2000. Á árunum 2001-2006
hækkaði hún í kjölfar góðrar ný-
liðunar, en fór ört lækkandi næstu
fjögur árin þar á eftir. Lækkunina
í ár má rekja til lítilla árganga frá
2008-2013.
Sjá má niðurstöður fyrir aðrar
tegundir botnfisks og ýmsar fleiri
upplýsingar á vef Hafró.
mm
Dilkar vigtuðu að meðaltali 16,7
kg í nýliðinni sláturtíð, eða um
hálfu kílói þyngri en í fyrra. Er það
þyngsta meðalvigt sem sést hefur
og má því segja að um nýtt Íslands-
met sé að ræða, en fyrra Íslands-
met var sett haustið 2014. Þess fyr-
ir utan komu óvenju mörg lömb til
slátrunar, eða um tíu þúsund fleiri
en í síðustu sláturtíð, að því er fram
kemur í yfirliti kjötmats Matvæla-
stofnunar.
Þessar tvær ástæður gera það að
verkum að lambakjötsframleiðsla
hefur aukist um 460 tonn frá síðasta
ári, en í prósentum talið myndi það
vera um fimm prósenta aukning.
Meðalvigt dilka jókst í ár í öllum
landshlutum, en þyngstu lömbin
voru hjá Sláturfélagi Vopnfirðinga,
þar sem meðalvigtin var 17,05 kg.
Stærsta sláturhúsið í ár er slátur-
hús SS á Selfossi, sem slátraði tölu-
vert meira en á síðasta ári eða tæp-
lega 103 þúsund lömbum. Hafði SS
þar með sætaskipti við KS á Sauð-
arkróki sem slátraði nú 100.500
lömbum. Sláturhús SAH afurða á
Blönduósi var þriðja stærsta slátur-
húsið með tæplega 97 þúsund lömb
slátruð. kgk/ Ljósm. úr safni.
Íslandsmet í meðalvigt dilka
Haustrall gefur vísbendingu um
betra ástand þorsks en ýsu
Togstöðvar með botnvörpu í haustralli 2016. Rannsóknarsvæðinu er skipt í
grunn- og djúpslóð og sá Ljósafell SU um sýnatökuna í grunnslóð (rauð strik) og
Árni Friðriksson um sýnatökuna á djúpslóð (blá strik). Ljósgráu línurnar sýna 200,
500 og 1000 m dýptarlínur og svarta línan 200 mílna efnahagslögsögu Íslands.
Teikning: Hafró.