Skessuhorn - 18.01.2017, Blaðsíða 4

MIÐVIKUDAGUR 18. JANÚAR 20174
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Auglýsingar og dreifing:
Emilía Ottesen emilia@skessuhorn.is
Lísbet Sigurðardóttir lisbet@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Þórarinn Ingi Tómasson toti@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Um lán- og toppleysi
Sífellt eru að koma í ljós kostir þess að hafa fleiri reglur en færri þegar
kemur að málum sem samfélagsins þegnar geta ekki komið sér sam-
an um hjálparlaust. Um síðustu helgi varð atvik í sundlaug á Akra-
nesi sem varð að frétt sem fór eins og eldur í sinu um gjörvalla heims-
byggðina að minnsta kosti. Kona ein á öndverðum barneignaaldri
hafði nefnilega farið berbrjósta í sund. Særði það blygðunarkennd
annars sundlaugargests sem samstundis gerði viðvart. Sundlaugar-
vörðurinn greip hins vegar í tómt þegar hann ætlaði að lesa sig til
um reglur sundstaðarins, þegar slík neyðartilvik koma upp, og kaus
til öryggis að senda þennan fáklædda gest í sturtu. Kona þessi hafði
alls ekki gleymt að klæðast efri hluta hefðbundins kvensundfatnaðar.
Hún þvert á móti kvaðst mæta fáklædd í sund af skyldurækni í barátt-
unni fyrir jafnri stöðu kynjanna. Hafði á orði að kominn væri tími til
að normalísera mannréttindin. Það er nokkuð til í þessu.
Það mun hafa verið fyrst fyrir um tveimur árum sem íslenskar kon-
ur blésu til sóknar og hófu að mótmæla þeirri staðreynd að í almenn-
ingssundlaugum mega geirvörtur karla sjást en ekki kvenna. Þetta eru
náttúrlega fullkomin ólög. Skorið var upp herör gegn hefndarklámi
og kröfðust konur jafnréttis og fullveldis yfir eigin líkama. Fjöldi ís-
lenskra kvenna birti á Twitter mynd af sér berbrjósta undir alþjóðlega
myllumerkinu #freethenipple.
Frelsi geirvörtunnar er náttúrlega ekkert annað en táknræn að-
gerð til að benda á þann ójöfnuð sem blasir við og er kannski óvíða
jafn mikill og hér á landi, nema ef vera kynni í ríkjum þar sem helst
má ekkert sjást í kvenmannshold. Er þá borið við trúarskoðunum
og harla líklegt að karlar hafi samið þær reglur. Fyrir tveimur árum
sýndu konur hér á landi mikinn kjark með því að bera á sér brjóst-
in því óneitanlega voru þær að fara út fyrir þægindarammann. Ekki
stóð á áhuga blaða- og myndatökumanna sem óðara voru mættir til
að festa gjörninginn á filmu. Þar eins og í ýmsu öðru ruddu íslenskar
konur brautina.
Þrátt fyrir að ég sé af þeirri kynslóð sem seint verður hægt að kenna
við frjálslyndi, get ég ekki skilið þau viðbrögð sem gjörningur af þessu
tagi vekur. Mér finnst að það eigi að vera sjálfsagt mál að konur rétt
eins og karlar hafi val um það hvort þær hylji nekt sína ofan mittis í
almenningssundlaugum. Brjóst eru nefnilega ekki kynfæri þótt þau
hafi óspart verið notuð í klámvæðingu síðustu tveggja alda til að örva
kenndir. Í dag er það í hæsta máta gamaldags að karlar geti sprangað
um berir að ofan, en það skuli vera frétt ef kona gerir slíkt hið sama.
Þegar settar verða almennar reglur um sundfatnað legg ég því til að
þær verði þannig að allir skuli klæðast skýlu í sundi. Varðandi nánari
útfærslu skuli skýlan hylja að minnsta kosti ríflega rassaskoruna og
allt það svæði sem réttilega fellur undir kynfæri. Þá kann að vera ráð-
legt að innleiða Evróputilskipun um takmörkun á teygjanleika efnis í
sundfatnaði, einkum sundfatnaði karlmanna.
Ég treysti því að nýr menningar- og menntamálaráðherra beiti sér
fyrir lausn þessa erfiða máls og skipi tafarlaust nefnd um nánari út-
færslu reglna um sundfatnað. Að öðru leyti segi ég ekki meir, því ég
er kominn langt út fyrir mitt sérsvið, hvað sem það nú er.
Magnús Magnússon.
Leiðari
Barnaheill - Save the Children á
Íslandi, hafa sent þingmönnum
og nýjum ráðherrum áskorun um
að uppræta barnafátækt á Íslandi.
Áskorunin hefst þannig: „Við vilj-
um hvetja þig til að hafa velferð og
hagsmuni barna að leiðarljósi við
allar ákvarðanatökur. Sérstaklega
viljum við hvetja þig til að vinna
að því að uppræta barnafátækt á Ís-
landi.“
Hér á landi eiga um 11.000 börn
á hættu að búa við fátækt eða félags-
lega einangrun samkvæmt nýrri
skýrslu Barnaheilla. „Fátækt og
félagsleg einangrun kemur í veg fyr-
ir að börn njóti þeirra réttinda sem
þau eiga samkvæmt barnasáttmála
Sameinuðu þjóðanna, takmarkar
möguleika þeirra á að rækta hæfi-
leika sína sem aftur skerðir tækifæri
þeirra og getu til að brjótast út úr
fátæktinni. Auk þess hefur fátækt
ekki einungis áhrif á þau börn sem
við hana búa heldur á samfélagið í
heild sinni,“ segir í ályktuninni.
Þá segir að Barnaheill skori á
stjórnvöld að tryggja gjaldfrjálsa
gæðamenntun fyrir öll börn,
minnka brottfall úr skólum með
raunhæfum aðgerðum sem virka,
styrkja mennta- og velferðarkerfið
ásamt beinum inngripum fyrir þau
börn sem eiga við einhvers konar
erfiðleika að etja. Mennta- og vel-
ferðarkerfin eru helstu tæki jöfnun-
ar og félagslegs réttlætis fyrir börn.
Samtökin segja að tryggja skuli að-
gang allra barna að tómstundum,
listum og skemmtunum, tryggja að
öll börn á Íslandi geti vænst þess að
hafa tækifæri til menntunar, heilsu
og lífsfyllingar og að ekkert barn
muni búa við fátækt. Loks að líta
beri á fjármagn í þjónustu við börn
sem útgjöld heldur fjárfestingu.
mm
Skora á nýja ráðamenn að uppræta barnafátækt
Fasteignin við Kirkjubraut 28 á
Akranesi er nú auglýst til sölu. Um
er að ræða stórt skrifstofuhúsnæði
á þremur hæðum, ásamt þakrými
og kjallara. Alls er eignin 1.652 fer-
metrar að stærð. „Þetta eru í dag
fimm rými sem eru í útleigu en á
efstu hæðinni er tómt rými sem
væri hægt að stúka niður. Þetta er
hús sem hefur góða nýtingarmögu-
leika og er hentugt fyrir fjárfesta,
því þetta er stór fjárfesting,“ seg-
ir Daníel Rúnar Elíasson hjá fast-
eignasölunni Hákoti. Í húsinu er nú
rekin tannlæknastofa, bókhaldsfyr-
irtæki, sjúkraþjálfun, augnlækna-
stofa og fyrirtækið Spölur ehf. Að
sögn Daníels er fasteignin nú í eigu
fasteignafélagsins LF11 ehf. og er
þetta eina fasteign félagsins á Akra-
nesi. grþ
Kirkjubraut 28 til sölu
Fasteignin við Kirkjubraut 28 er nú til sölu en um er að ræða stórt skrifstofuhús-
næði á þremur hæðum. Ljósm. Fasteignasalan Hákot.
Keypt hefur verið snjótönn til að
festa framan á bíl áhaldahúss Borg-
arbyggðar og einnig verið saltkassi
á pall bílsins. Markmiðið er að bæta
snjómokstur og hálkuvörn í sveitar-
félaginu, ekki síst í þéttbýliskjörn-
um. „Með þessu verður unnt að
bregðast hraðar og betur við þeg-
ar ryðja þarf burt snjó og hálku-
verja plön og gangstéttir við stofn-
anir sveitarfélagsins, bæði í Borgar-
nesi en ekki síst í öðrum þéttbýlis-
kjörnum sveitarfélagsins,“ segir í
tilkynningu á vef Borgarbyggðar.
kgk
Borgarbyggð kaupir snjótönn og saltkassa
Ámundi Sigurðsson starfs-
maður Áhaldahúss er hér við
hlið nýja búnaðarins.
Ljósm. Borgarbyggð.
Skessuhorn fjallaði í síðustu viku
um þann skort sem er á íbúðum á
almennum fasteignamarkaði á suð-
vesturhorni landsins. Fjallað var
um hvernig fjárfestar hafa „hamstr-
að“ fasteignir á almennum mark-
aði og greitt jafnvel yfirverð í sam-
keppni við almenna fasteignakaup-
endur. Þannig má segja að þeir taki
um leið stöðu gegn almenningi sem
þarf að eignast þak yfir höfuðið. Á
kynningarfundi sem Íbúðalánasjóð-
ur hélt síðastliðinn fimmtudag var
þetta undirstrikað. Þar kom m.a.
fram að einungis þúsund fasteignir
eru í byggingu á höfuðborgarsvæð-
inu, en áætlað er að um fjögur þús-
und þyrftu að vera í smíðum til að
anna þörfum markaðarins. Þar var
jafnframt undirstikað að alvarlegur
skortur er á fasteignum á markaði.
„Ástandið er farið að sýna merki
þess að það séu ákveðnar hættur í
gangi. Það er alvarlegur skortur á
framboði fasteigna til sölu, hvort
sem við lítum til notaðra eigna eða
nýrra,“ sagði Sigurður Jón Björns-
son framkvæmdastjóri fjárstýring-
ar hjá Íbúðalánasjóði. Slíkt ástand
leiðir til yfirverðs og bólumynd-
unar á fasteignamarkaði sem endað
gæti illa fyrir skuldsetta kaupendur
húsnæðis. „Eðlilegar eignir, og ég
tala nú ekki um góðar eignir, seljast
jafnvel þegar þær eru fyrst boðn-
ar til sýnis og haldið opið hús. Og
jafnvel á verði sem er yfir því sem
sett var á þær fyrir mjög skömmu
síðan. Þannig að þetta er greinilega
eitthvað til að hafa áhyggjur af,“
sagði sviðsstjórinn hjá ÍLS.
Byggja leiguíbúðir
Íbúðalánasjóður kynnti jafnframt
úthlutun sína á ríflega tveggja
milljarða króna stofnframlögum til
byggingar 385 íbúða, svokallaðra
leiguheimila, um allt land. Leigu-
heimilin verða byggð á hagkvæman
hátt og leigð út á 20 til 30% lægra
verði en íbúðir á almenna leigu-
markaðinum. Þetta er fyrsta út-
hlutunin frá gildistöku laga um al-
mennar íbúðir.
Engu að síður blasir við að jafn-
vel þótt farið verði í byggingu fyrr-
greindra leiguíbúða leysir útleiga
þeirra hvergi nærri þann skort sem
nú þegar er á fasteignamarkaði.
mm
Alvarlegur íbúðaskortur á fasteignamarkaði