Skessuhorn - 15.02.2017, Blaðsíða 16

MIÐVIKUDAGUR 15. FEBRÚAR 201716
Margar iðn- og verkgreinar hér á
landi eru afar karllægar og skortur
er auk þess á fagmenntuðu fólki í
ýmsum þeirra. Heildarfjöldi karl-
manna sem lokið hafa sveins-
prófi í löggildri iðngrein á Íslandi
er 32.641. Heildarfjöldi kvenna er
5.151, eða innan við 16%. Nú hef-
ur Tækniskólinn, í samstarfi við alla
iðn- og verkmenntaskóla á land-
inu, ákveðið að standa fyrir átakinu
„Kvennastarf“ sem vísar til orðróms
um að starfsgreinar séu flokkaðar í
kvennastörf og karlastörf. Á vefsíðu
átaksins segir að kynferði eigi ekki
að þurfa að hafa áhrif á námsval eða
starfsvettvang. Hefðbundin verka-
skipting kynjanna sé úrelt og eigi
ekki lengur við í nútíma samfélagi.
Slíkt má til sannsvegar færa. En til
að breyta þessu þarf átak þar sem
margir þurfa að koma við sögu. Til
marks um kynjahalla í iðngreinum
hér á landi má nefna sem dæmi að í
pípulögnum hafi 1.159 einstakling-
ar lokið námi frá upphafi og þar af
eru fjórar konur, eða 0,35%. Þetta
hefur lítið breyst því í dag eru 55
manns við nám í pípulögnum og
þar af er ein kona. Í til þess að gera
nýjum iðngreinum er sviðað uppi á
teningnum. Í forritun á tölvubraut í
Tækniskólanum eru 260 manns við
nám og þar af eru 8 stúlkur, eða 3%
nemenda.
Burt með staðalímyndir
Hlutfall kynja er snöggtum skárra
í nokkrum öðrum iðngreinum. Í
matreiðslunámi eru til að mynda
87 nemendur á vorönn 2017 í MK
og VMA. Þar af eru 23 konur eða
um 35%. Meðal þeirra er ung-
ur Snæfellingur, Lilja Hrund Jó-
hannsdóttir, frá Rifi. Hún stefn-
ir á að ljúka námi í matreiðslu frá
MK fyrir lok þessa árs. Lilja Hrund
segir að henni líki matreiðslunám-
ið vel en hún býr að góðum grunni
því auk þess að hafa stundað námi
í Fjölbrautaskóla Snæfellinga dreif
hún sig í Hússtjórnarskólann á
Hallormsstað áður en hún hóf hóf
að nema kokkinn. „Þrátt fyrir að
kokkurinn sé alveg eins fyrir okk-
ur konurnar eins og karlana, þá er
kynjahallinn mikill í náminu hjá
okkur. Við erum til dæmis fimm
stelpurnar af 25 sem erum á öðru
ári í námi í MK. Þess vegna vil ég
hvetja aðrar stelpur til að kynna sér
þetta nám vel. Ekki hika við að inn-
skrá sig í skólann eða í það iðnnám
sem heillar þrátt fyrir allar staðalí-
myndir,“ segir hún.
Lilja Hrund segir að mjög al-
gengt sé að fólk sem lokið hafi bók-
námi í háskóla vendi sínu kvæði
í kross og byrji iðnnám, sæki sér
menntun þar sem augljós skortur
er á starfsfólki. „Það er algengt að
fólk fari í iðnnámið þegar það sér
hversu mikil tækifæri felast í því.
Við í skólanum stöndum núna sam-
an að vitundarvakningu sem miðar
að því að breyta þeirri staðalímynd
í samfélaginu að allir verði að fara
í bóknám. Það er ekki jafnvægi í
þessu í þjóðfélaginu og því viljum
við breyta. Það er skortur á iðn-
menntuðu fólki en að sama skapi
eru alltof margir í bóknámi þar sem
atvinnumöguleikar eru jafnvel tak-
markaðir.“
Getur vel hugsað sér að
kokka á heimaslóðum
Lilja Hrund segir að hún hafi ver-
ið búin að prófa að vinna á veit-
ingastað áður en hún innritaði
sig í skólann. „Auk námsins í hús-
stjórnarskólanum vann ég um tíma
á Hótel Hellissandi og á Hraun-
inu í Ólafsvík. Mér líkaði sú vinna
vel. Eina sem truflaði mig áður en
ég innritaði mig til náms var að
matreiðslu fylgir óneitanlega mikil
vaktavinna. Það er hins vegar eitt-
hvað sem allir eiga að geta tekist
á við. Svo skemmir ekki að laun-
in eru býsna góð í mörgum þessara
greina.“ Lilja Hrund er í verknámi
sínu á Vox Hilton og segir stór-
an hóp matreiðslunema og kokka
starfa þar, eða um tuttugu manns.
„Við erum nokkrar stelpur í hópn-
um, erum í minnihluta, en hér eru
vaktir tvískiptar og alltaf um fimm-
tán að störfum í einu.“ Aðspurð að
lokum segir hún hreint ekki úti-
lokað að hún ráði sig til starfa á
æskuslóðunum. „Það kemur vel til
greina. Fyrst ætla ég hins vegar að
ljúka náminu, sé svo til,“ segir hún
að lokum.
mm
Júlíana – hátíð sögu og bóka hefst
í Stykkishólmi á fimmtudag og
lýkur á sunnudaginn. Þetta er í
fimmta skipti sem hátíðin er hald-
in. Þema hennar að þessu sinni er
þorpið. Leshringur hefur verið í
gangi og er viðfangsefni hans bók-
in Englaryk eftir Guðrúnu Evu
Mínervudóttur. Sögusvið bók-
arinnar er einmitt Stykkishólm-
ur en Guðrún dvaldist í íbúðinni
í Vatnasafninu og fékk þaðan inn-
blástur að verkinu. Þá hefur ýmiss
undirbúningur átt sér stað m.a. í
grunnskólanum.
Hátíðin verður sett klukkan 21
á fimmtudaginn í Vatnasafninu.
Auk tónlistar og ljóðaflutnings
mun Haraldur Sigurðsson eld-
fjallafræðingur segja frá lífi drengs
í Hólminum. Veitt verður viður-
kenning fyrir framlaga til menn-
ingarmála. Á föstudeginum og
laugardeginum verður fjölbreytt
dagskrá á alls sex stöðum í bæj-
arfélaginu þar sem komið verður
saman á Hótel Egilsen, í gömlu
kirkjunni, á Amtsbókasafninu,
Eldfjallasafninu, Bókhlöðustíg 1
og Laufásvegi 17. Hátíðinni lýkur
í hádeginu á sunnudaginn. Nálgast
má upplýsingar um dagskrá á Fa-
cebook síðu Júlíönu - hátíð sögu
og bóka. mm
Hátíð bóka og
sögu í Hólminum
Mynd úr safni Skessuhorns af hátíðinni. Upplestur í gangi í Bókaverzlun Breiða-
fjarðar.
Háskólinn á Bifröst hefur verið
í góðri sókn síðustu árin. Alls eru
um 600 nemendur skráðir til náms
við skólann á vorönn 2017 sem er
svipaður fjöldi og var á sama tíma
í fyrra. Flestir eru nemendurnir í
grunn- og meistaranámi eða tæp-
lega 500. Undanfarin ár hefur nem-
endafjöldinn farið vaxandi við Há-
skólann á Bifröst og á það við á öll-
um skólastigum; símenntun, Há-
skólagátt, grunn- og meistaranám.
Í nýjasta fréttabréfi skólans seg-
ir að nýtt ári fari vel af stað. Nærri
40 nýir nemendur hófu skólagöngu
í janúar síðastliðnum. Flestir hófu
nám í grunn- og meistaranámi, eða
34, en aðrir byrjuðu annars vegar í
Háskólagátt og hins vegar í opnu
námi. Er þetta þriðja árið í röð sem
tiltölulega stór hópur kemur inn í
skólann á vorönn og hafa þeir ver-
ið stærri en áður tíðkaðist á vorönn.
Nú á vorönn hófst nýtt meistara-
nám í viðskiptalögfræði, MBL, og á
haustönn hefst nýtt meistaranám í
markaðsfræði innan viðskiptadeild-
ar.
„Háskólinn á Bifröst hefur alltaf
þurft að berjast fyrir tilveru sinni
en hann verður 100 ára stofnun á
næsta ári sem segir að árangur hafi
náðst í þeirri baráttu og hún hefur
líka mótað Bifrastarandann,“ sagði
Vilhjálmur Egilsson rektor m.a.
í skeleggri grein sinni um stöðu
Háskólans á Bifröst sem birtist í
Skessuhorni nýverið.
mm
Háskólinn á Bifröst í góðri sókn á nýju ári
Svipmynd frá útskriftarathöfn frá skólanum á síðasta ári. Ljósm. úr safni. HB.
Sláandi kynjahalli í hinum ýmsu iðngreinum
„Fólk á ekki að hika við að læra
það sem það langar - óháð kyni“
Lilja Hrund Jóhannsdóttir
nemi í matvælafræði tekur
þátt í vitundarvakningu
þar sem fólk er hvatt til að
skoða iðnnám með opnum
huga. Kokkar hafi til dæmi
góða atvinnumöguleika og
launin laði einnig.