Skessuhorn - 15.02.2017, Blaðsíða 26

MIÐVIKUDAGUR 15. FEBRÚAR 201726
„Hver er þinn eftirlætis
tónlistarmaður/tónlistarkona?“
Spurning
vikunnar
(Spurt á Akranesi)
Ásta Jenný Magnúsdóttir:
„Freddy Mercury.“
Anton Kristjánsson:
„Í svörtum fötum.“
Ásgeir Salberg:
„Bob Dylan.“
Ingþór Bergmann Þórhallsson:
„Ingi Björn Róbertsson.“
Vestlenskir körfuknattleiksáhuga-
menn fylgdust spenntir með gangi
mála í Maltbikar kvenna í liðinni
viku. Á miðvikudaginn fylltu Borg-
nesingar og Hólmarar Laugardals-
höllina þegar Skallagrímur og Snæ-
fell mættust í undanúrslitum. Leik-
urinn var hnífjafn og æsispennandi,
en alls 14 sinnum í leiknum voru
liðin jöfn að stigum. Það var því við
hæfi að leikurinn fengi hádrama-
tískan endi. Úrslitin réðust ekki
fyrr en á lokasekúndunum. Snæfell
leiddi með einu stigi, 67-68 þeg-
ar 20 sekúndur voru eftir. Skalla-
grímskonur tóku leikhlé og stilltu
upp í skot. Með um tíu sekúnd-
ur eftir á klukkunni fór leikkerfi
þeirra af stað sem endaði með því
að boltinn barst á Sigrúnu Sjöfn
Ámundadóttur fyrir utan þriggja
stiga línuna. Hún gerði sér lítið
fyrir og setti niður sitt eina þriggja
stiga skot leiksins þegar 4,6 sek-
úndur voru eftir. Þar með skaut
hún Skallagrími í úrslit bikarsins í
fyrsta sinn í sögu félagsins.
Tap í spennandi
úrslitaleik
Í úrslitaleiknum á laugardag mættu
Skallagrímskonur liði Keflavík-
ur, sem bar sigurorð af Haukum í
hinum undanúrslitaleiknum. Úr-
slitaleikurinn fór sömuleiðis fram
í Laugardalshöllinni í Reykja-
vík. Þar urðu Skallagrímskonur
að játa sig sigraðar eftir spennandi
leik. Keflavík hóf leikinn af mikl-
um krafti og hafði átta stiga forskot
eftir fyrsta leikhluta, 22-14. Skalla-
grímur lék betur í öðrum leikhluta,
varnarleikur liðsins var öflugri og
þrjú stig skildu liðin að í hálfleik en
þá var staðan 37-34 fyrir Keflavík.
Jafnræði var með liðunum í þriðja
leikhluta sem einkenndist af mikilli
baráttu. Keflavík náði síðan heldur
yfirhöndinni og skipti sköpum góð
hittni fyrir utan þriggja stiga lín-
una. Staðan að loknum leikhlutan-
um var 52-46 fyrir Keflavík.
Mikil spenna einkenndi lokaleik-
hlutann sem Keflavík leiddu fram-
an af. Þegar um þrjár mínútur voru
eftir var Keflavík komið með þægi-
lega átta stiga forystu, 62-54. Þá
kom góður kafli hjá Skallagrími.
Fanney Lind Thomas setti nið-
ur þriggja stiga körfu sem kveikti
í stuðningsmönnum Skallagríms.
Næsta sókn Keflvíkinga rann út í
sandinn og Sigrún Sjöfn Ámunda-
dóttir náði að minnka muninn í
þrjú stig með góðri tveggja stiga
körfu, 62-59.
Keflavíkingar náðu ekki að
svara þessu í næstu sókn og því
fékk Skallagrímur boltann. Það
nýtti Tavelyn Tillman sem skoraði
góða körfu um leið og brotið var
á henni. Vítaskotið setti hún niður
í kjölfarið og því var staðan orðin
jöfn í fyrsta skipti í leiknum 62-62
og aðeins 90 sekúndur eftir.
Keflvíkingar náðu ekki að nýta
næstu sókn og fengu Skallagríms-
konur gott tækifæri til að komast
yfir þegar mínúta var eftir. Þriggja
stiga skot Tavelyn Tillman geigaði
hins vegar og fór svo að Keflvík-
ingar höfðu betur á lokametrun-
um. Lokatölur leiksins urðu 65-62,
Keflavík í vil.
Stigahæst í liði Skallagríms var
Tavelyn Tillman með 26 stig, en
að auki tók hún sjö fráköst og gaf
sex stoðsendingar. Næst kom Sig-
rún Sjöfn Ámundadóttir með 13
stig og ellefu fráköst.
Þrátt fyrir að hafa verið grátlega
nærri sigri geta Skallagrímskon-
ur borið höfuðið hátt eftir glæsi-
lega frammistöðu í Maltbikarnum.
Framundan er áframhaldandi bar-
átta um Íslandsmeistaratitilinn.
hlh/kgk
Skallagrímur fór alla leið í úrslitin
Skallagrímskonur urðu að sætta sig við silfurverðlaunin en mega vel við una. Aldrei hefur liðið komist jafn langt í bikarkeppninni. Ljósm. jho.
Sigrún Sjöfn Ámundadóttir setur niður sigurkörfuna í undanúrslitaleiknum gegn
Snæfelli. Ljósm. jho.
Skallagrímskonur nutu góðs stuðnings Borgnesinga sem létu vel í sér heyra í
stúkunni bæði í undanúrslita- og ekki síður í úrslitaleiknum. Ljósm. kgk.
Tavleyn Tillman gerir atlögu að körf-
unni í úrslitaleiknum gegn Keflavík.
Ljósm. jho.
Aaryn Ellenberg átti góðan leik fyrir
Snæfell í undanúrslitum en það dugði
ekki til. Ljósm. sá.
Stuðningsmenn Snæfells eiga einnig hrós skilið fyrir framlag sitt til undanúrslita-
leiks Vesturlandsliðanna á miðvikudag. Ljósm. jho.