Skessuhorn - 08.03.2017, Blaðsíða 16

MIÐVIKUDAGUR 8. MARS 201716
Birgitta Rán Ásgeirsdóttir er tækni-
fræðingur hjá Vegagerðinni í Borg-
arnesi. Þar hannar hún vegi og
vinnur að því að bæta umferðar-
öryggi á Vestursvæði, sem nær yfir
Vesturland og Vestfirði. Þegar hún
er ekki í vinnunni þykir henni gam-
an að grípa í spaða og spila badmin-
ton, eða hnit eins og íþróttin hef-
ur verið kölluð á íslensku. Íþrótt-
in hefur lengi verið eitt af hennar
helstu áhugamálum og hefur hún
tekið virkan þátt í starfi Badmin-
tonfélags Akraness nær alla ævi.
Fyrst sem iðkandi frá barnsaldri og
fram á fullorðinsár og síðast sem
formaður félagsins. Skessuhorn
hitti Birgittu að máli og ræddi við
hana um vegagerð og badminton.
Byrjaði ung að æfa
Birgitta er uppalin á Akranesi frá sex
ára aldri og hefur búið þar lengst af
sinni ævi, þar til hún flutti nýver-
ið í Borgarnes ásamt manni sínum
Bjarna Tryggvasyni og sonunum
tveimur, Tryggva Snæ og Bjarka
Fannari. „Ég hef eiginlega alltaf
verið á Akranesi, keyrði á milli þeg-
ar ég var í háskólanum og við fjöl-
skyldan erum nýlega flutt í Borg-
arnes. Þegar ég byrjaði að vinna
hjá Vegagerðinni ætlaði ég bara að
keyra á milli. En eftir að ég varð
fjórum sinnum veðurteppt eina
vikuna, vegna lokana undir Hafn-
arfjalli, þá sagði ég við Bjarna að
nú skyldum við flytja í Borgarnes.
Hann vinnur í Norðurál þannig að
það skiptir hann engu máli á hvor-
um staðnum við búum. Við ákváð-
um því að flytja og líkar vel í Borg-
arnesi,“ segir Birgitta.
Á æskuárum sínum á Akranesi
kynntist Birgitta badmintoníþrótt-
inni. Varð hún fljótt helsta áhuga-
mál hennar. Hefur badminton
spilað stóra rullu í lífi hennar all-
ar götur síðan. „Ég byrjaði að æfa
bandmingon þegar ég var 11 ára .
Ég æfði af fullum krafti þar til ég
var 21 árs gömul en þá fór ég að að
fækka æfingunum og hætti á end-
anum. Ég sé eftir því í dag,“ segir
hún. „Þetta var eins og með marga
aðra sem hætta í íþróttum. Ég var
komin í skóla, hafði áhuga á öðrum
hlutum og fannst ég ekki hafa tíma
til að æfa af fullum krafti,“ segir
hún. „Það var leiðinlegt því þeg-
ar þessir betri spilarar, eins og ég
var sjálf, fara að æfa minna en áður
þá auðvitað hætta þeir að vera jafn
góðir,“ segir Birgitta.
40 ára félag
Þó hún hafi hætt að æfa af full-
um krafti þá hefur nú langt því frá
sagt skilið við badmintoníþrótt-
ina. Gegndi hún til að mynda for-
mennsku í Badmintonfélagi Akra-
ness í tæp fimm ár, eða allt þar til
síðastliðinn miðvikudag. Eitt af
síðustu verkum Birgittu sem for-
maður var að fagna með 40 ára af-
mæli félagsins. Afmælisdagurinn
sjálfur var reyndar í nóvember en
haldið var upp á tímamótin laugar-
daginn 25. febrúar síðastliðinn sam-
hliða Landsbankamóti. „Það þurfti
reyndar að fresta keppni sunnu-
dagsins vegna veðurs. Mótið var
því klárað síðasta sunnudag. En að
öðru leyti heppnaðist afmælið vel.
Áhorfendum var boðið upp á kaffi
og köku. Hörður Ragnarsson og
Laufey Sigurðardóttir voru sæmd
heiðursviðurkenningu á afmælishá-
tíðinni fyrir störf sín í þágu félags-
ins,“ segir Birgitta. „Þá fékk félagið
veglega afmælisgjöf frá Tennis- og
badmintonfélagi Reykjavíkur, 40
nýja badmintonspaða, einn fyr-
ir hvert ár. Það var ákaflega fallegt
af þeim að færa okkur þessa gjöf og
við erum vinum okkar í TBR mjög
þakklát fyrir hana,“ segir hún.
Stórt félag innan
hreyfingarinnar
Á afmælinu voru rifjaðir upp gaml-
ir og góðir tímar í sögu félagsins.
Badmintonfélagið upplifði blóma-
tíma snemma á 9. áratug síð-
ustu aldar þegar félagið fékk Dipu
Ghosh, einn af bestu spilurum Ind-
lands, sem þjálfara hingað til lands-
ins. Blómstraði félagið með hann
sem þjálfara, en Dipu var einn af
bestu spilurum heims á árunum
1964-1971. Hann átti síðan eftir að
snúa aftur hingað til lands og setj-
ast að á Akranesi á 10. áratugnum.
Þjálfaði hann þá öðru sinni fyrir
badmintonfélagið. Var starf félags-
ins mjög blómlegt í bæði þau skipti
sem Dipu þjálfaði á Akranesi.
Badmintonfélag Akraness hef-
ur í mörg ár verið stórt félag inn-
an Badmintonhreyfingarinnar á Ís-
landi og hefur skilað nokkrum af
bestu spilurum landsins. Hins veg-
ar segir Birgitta algengt að spilarar
hætti hjá ÍA þegar komið er fram
yfir framhaldsskólaaldurinn. Góð-
ir spilarar á borð við Brynju Pét-
ursdóttur, Árna Þór Hallgrímsson,
Víði Bragason, Ásu Pálsdóttur og
Karitas Ósk Ólafsdóttur hafa til
dæmis allir farið þá leið í gegnum
tíðina.
Mikið framboð
íþróttagreina
Sú staða er í raun enn viðvarandi en
þar að auki fór að halla undan fæt í
fjölda félaga fyrir nokkru síðan og
erfiðlega gekk að fá nýja iðkend-
ur til félagsins. Félagið sé sem bet-
ur fer komið yfir það erfiðasta og
farið að vaxa hratt á nýjan leik. Að-
spurð hvað hún telji að hafi vald-
ið samdrættinum nefnir Birgitta að
á Akranesi sé í raun ótrúlega mik-
ið framboð íþróttagreina og í raun
hörð samkeppni aðildarfélaga inn-
an ÍA um iðkendurna. Þá telur
hún það að mestu vera liðna tíð
að krakkar æfi fleiri en eina grein.
„Áður fyrr voru krakkar oft að æfa
tvær og jafnvel þrjár greinar. Það
var mjög algengt að krakkar væru
í fótbolta, körfubolta og bandmin-
ton eða fótbolta, bandminton og
sundi. En þetta er öðruvísi í dag.
Það er orðið miklu dýrara að æfa
en hér áður fyrr. Fæstir foreldrar
hafa efni á því að láta krakkana æfa
margar greinar og þá þurfa börn-
in einfaldlega að velja,“ segir hún
en bætir því við að félagið hafi lagt
mikuð upp úr því að stilla æfinga-
gjöldum í hóf. „Badmintonfélagið
er með ein af lægstu æfingagjöldum
aðildafélaga ÍA,“ segir hún.
Framtíðin björt
Þrátt fyrir að hafa ekki gefið kost
á sér til áframhaldandi formennsku
kveðst Birgitta ganga sátt frá borði.
Félögum sé farið að fjölga á ný eftir
Sér fyrir sér að félagið komist aftur í hóp þeirra bestu
- Birgitta Rán Ásgeirsdóttir iðkar hnit og teiknar vegi eftir hnitum
Birgitta Rán Ásgeirsdóttir,
tæknifræðingur hjá Vega-
gerðinni og fráfarandi
formaður Badminton-
félags Akraness, ásamt
manni sínum Bjarna
Tryggvasyni og sonunum
tveimur, þeim Tryggva
Snæ og Bjarka Fannari.
Ljósm. úr einkasafni.
Á 40 ára afmæli Badmintonfélags Akraness fékk félagið 40 spaða að gjöf frá Tennis- og Badmintonfélag Reykjavíkur. Birgitta
tekur hér við gjöfinni úr hendi Guðmundar Adolfssonar, formanns TBR.
Ánægðir þátttakendur á Grislingamóti Badmintonfélags Akraness árið 2015.