Skessuhorn - 08.03.2017, Blaðsíða 25

MIÐVIKUDAGUR 8. MARS 2017 25
Leikdeild Ungmennafélagsins
Dagrenningar í Lundarreykja-
dal hefur frá því um áramótin æft
leikverkið Hafið eftir Ólaf Hauk
Símonarson. Æfingar og sýningar
fara fram í félagsheimilinu Braut-
artungu og verður verkið frum-
sýnt næstkomandi föstudagskvöld.
Leikstjóri er Halla Margrét Jó-
hannesdóttir. Í uppfærslunni taka
þátt sautján leikarar en alls er á
fjórða tug sem kemur að uppfærsl-
unni með einum eða öðrum hætti.
Hafið var fyrst sýnt í Þjóðleikhús-
inu fyrir 25 árum. Það hefur síðan
verið sett upp bæði hér heima og
erlendis og auk þess var kvikmynd-
in Hafið, sem byggð er á leikrit-
inu, frumsýnd 2002. Verkið hef-
ur hlotið ýmsar viðurkenningar og
verðlaun m.a. menningarverðlaun
DV og einnig var það tilnefnt til
norrænu leikskáldaverðlaunanna.
Í verkinu segir frá Þórði, út-
gerðarmanni í ótilgreindu plássi
sem leikinn er af Sigurði Hall-
dórssyni á Gullberastöðum. Þórð-
ur hefur kallað börnin sín heim í
tilefni áramóta en einnig til að til-
kynna þeim önnur skil og ráðstöf-
un sem hafa munu afgerandi áhrif
á framtíð þeirra. Þó svo að farið sé
að halla undan fæti hjá fyrirtæki
Þórðar og hann ekki fylgt nýjum
vinnsluaðferðum eins og að færa
vinnsluna út á sjó líkt og tíðkaðist í
auknum mæli á níunda áratugnum,
þá er hann enn með sín lögmál á
hreinu: „Þeir sem ekki vilja vinna,
eiga ekki fá að éta.“ Börnum hans
finnst þau eigi tilkall til síns hlut-
ar eftir föður sinn og kappkosta að
gera sem mest úr honum. Í verk-
inu endurspeglast því valdabar-
átta innan systkinahópsins þar sem
gömul mynstur verða ekki umflú-
in og goggunarröðin breytist ekki
þótt árin líði. Gamlir taktar eru
enn slegnir þó svo hrynjandin sé
farin að hökta. Og vald Þórðar
vomir yfir þó svo að mátturinn sé
farinn að dvína.
Þetta 25 ára gamla verk tal-
ar enn í dag sterkt til áhorfenda
bæði á pólitískum en ekki síður á
mannlegum nótum. „Við sjáum
skýr hlutverk einstaklinga í fjöl-
skyldunni þar sem margir vilja
ráða yfir því sem þeir ekki einu
sinni eiga og tilætlunarsemin fer
langt út fyrir allt það sem kalla má
kurteisismörk. Þær kringumstæð-
ur kallast svo sannarlega á dag-
inn í dag þegar kvótaeigendur selja
burt kvótann úr byggðarlaginu og
skilja ævistarf og búsetu fólks eftir
í rúst,“ segir í kynningartexta leik-
deildar Dagrenningar.
Eins og fyrr segir verður verk-
ið frumsýnt næstkomandi föstu-
dagskvöld klukkan 20:30. Næstu
sýningar eru svo ráðgerðar 11.,
12. 16. og 17. mars og hefjast all-
ar á sama tíma. Miðapantanir eru í
síma 892-9687.
mm/ Ljósm. Þór Þorsteinsson.
Frumsýna Hafið í Brautartungu
á föstudagskvöldið
Sigurður Halldórsson og Hildur Jósteinsdóttir í hlutverkum sínum.
Nýverið birti vefsíðan Buisiness
Insider samantekt yfir 25 faldar
perlur í Evrópu. Samantekt mið-
ilsins bar yfirskriftina „25 secret
European villages you should visit
in your lifetime“. Þar segir grein-
arhöfundur frá dvöl sinni og fjöl-
skyldu sinnar í friðsælu smáþorpi á
Ítalíu, þar sem fáir voru á ferli og
allt umhverfi í senn afslappað og
fallegt. Telur greinarhöfundur að
ferðalangar nútímans sækist í stöð-
ugt auknum mæli eftir því að heim-
sækja slíka staði og tók því saman
umræddan lista yfir 25 faldar perlur
Evrópu. Einn þeirra staða sem hann
nefnir sem falda perlu eru Hellnar á
Snæfellsnesi.
Segir greinarhöfundur að þrátt
fyrir að við fyrstu kynni kunni
ferðalöngum að virðast sem þorpið
hafi ekkert breyst frá því það tók að
myndast á 11. öld, þá sé það að sumu
leyti nútímalegasta þorp landsins.
„Hinir fáu íbúar, sem allir eru smá-
bátasjómenn, eiga það sammerkt að
vera afar meðvitaðir um umhverf-
ið og varðveislu þess,“ segir hann.
Miðað við þessi ummæli verður að
teljast líklegt að greinarhöfundur
geri ekki greinarmun á þéttbýli Arn-
arstapa og Hellna og telji staðina
eitt og sama plássið. Þá nefnir hann
varðandi umhverfisvitund íbúa að
öll hús þorpsins séu hituð með jarð-
varma. Hótel Hellnar hafi þannig
verið fyrsta hótelið á Íslandi sem
hlaut viðurkenningu Green Globe
fyrir sjálfbærni.
kgk
Hellnar ein af földum
perlum Evrópu
Horft yfir Hellna með jökulinn í baksýn. Ljósm. Mats Wibe Lund.
Mörg skip og bátar eru á sjó þessa
dagana vestan við landið, enda
hefur veðrið verið með ágætum.
Loðnuveiðar og vinnsla hafa gengið
að óskum en frysting loðnuhrogna
hófst á Akranesi í síðustu viku og er
unnið á vöktum allan sólarhring-
inn. Stutt er á miðin og skiptust
uppsjávarveiðiskip HB Granda;
Víkingur AK og Venus NS, á um
að landa. Hrognafylling er góð og
gengur vinnslan vel.
Meðfylgjandi myndir voru tekn-
ar í Akraneshöfn síðastliðinn föstu-
dag en síðan þá hafa bæðin skipin
siglt og sótt meiri loðnu í tveimur
til þremur ferðum hvort skip. Að
sögn skipstjóra bætist stöðugt við
loðnuna á miðunum en þrátt fyrir
það telja menn hina árlegu vestan-
göngu ekki komna enn sem komið
er.
mm
Loðnufrysting
í fullum gangi