Skessuhorn - 31.05.2017, Blaðsíða 19

MIÐVIKUDAGUR 31. MAÍ 2017 19
Alltaf eru einhverjir sem
skara framúr í námi. Nýver-
ið voru útskrifaðir nýstúdent-
ar frá þremur framhaldsskól-
um á Vesturlandi. Allir nefna
skólarnir þá sem bestum ár-
angri náðu í námi. Skessuhorn
heyrði hljóðið í þessu unga
fólki sem og Dalamanni sem
náði ótrúlegum árangri við út-
skrift úr Tækniskólanum í síð-
ustu viku.
Besti leikmaður
Snæfells dúxaði í FSN
Dúx Fjölbrautaskóla Snæfellinga
í Grundarfirði á vorönn var Árni
Elmar Hrafnsson sem útskrifaðist
af náttúrufræðibraut með með-
aleinkunina 9,32. „Nám liggur
vel fyrir mér og ég á oft auðvelt
með það en maður þarf að leggja
mikla vinnu á sig til að ná góðum
árangri. Ég vil gera hlutina vel og
það er líklega ástæðan fyrir því
hvað þetta gekk vel hjá mér,“ seg-
ir Árni aðspurður um hver sé lyk-
illinn að svo hárri meðaleinkun.
Árni Elmar er mikill íþrótta-
maður og lék hann með liði Snæ-
fells í vetur í Dominosdeildinni í
körfubolta en hann er uppalinn
hjá Fjölni. Árni er mjög efnilegur
körfuboltamaður og hefur leikið
með yngri landsliðum Íslands og
í vetur var hann valinn besti leik-
maður meistaraflokks Snæfells. Í
FSN eiga nemendur að skila inn
lokaverkefni en viðfangsefni Árna
í lokaverkefninu var að skrifa um
markmiðasetningu í íþróttum
sem hann þekkir nokkuð vel.
„Ég ætla ekki í nám strax í
haust, ég ætla allavega að bíða í ár
með það. Eins og staðan er núna
stefni ég að því að fara í stærð-
fræði í háskóla. Það liggur ekkert
fyrir eins og er en ég hef alltaf lit-
ið til þess að fara á íþróttastyrk til
háskóla í Bandaríkjunum. Ef ég
fæ tækifæri til þess mun ég líklega
grípa það en eins og ég segi þá
liggur ekkert fyrir í þeim efnum,“
segir Árni að endingu.
Náði besta árangri
skólans í Gettu betur
Anna Chukwunonso Eze útskrif-
aðist með hæstu meðaleinkun
nemenda Fjölbrautaskóla Vestur-
lands á Akranesi á vorönn 2017
en Anna útskrifaðist af náttúru-
fræðibraut. „Ég bjóst í raun ekki
við þessu. Ég legg mig samt allt-
af alla fram þegar ég tek mér
eitthvað fyrir hendur. Í mínum
huga er bara tvennt í stöðunni,
annaðhvort að gera hlutina vel
eða sleppa því að gera þá,“ seg-
ir Anna.
Anna var alla sína skólagöngu í
FVA tengd Gettu betur liði skól-
ans. Hún kom inn í liðið á fyrsta
ári en það ár náði FVA sínum besta
árangri í sögu skólans þegar liðið
komst í undanúrslit. Með Önnu í
liðinu voru þeir Elmar Gísli Gísla-
son og Jón Hjörvar Valgarðsson.
„Það var mjög skemmtileg og góð
reynsla að vera í Gettu betur. Það
voru einhverjar svefnlausar næt-
ur tengdar því en ótrúlega gaman
samt sem áður,“ segir Anna en hún
var formaður Viskuklúbbs síðustu
tvö árin í FVA en sá klúbbur heldur
m.a. utan um Gettu betur.
Anna ætlar strax aftur í skóla
í haust. „Ég er búin að skrá mig í
Háskóla Íslands og ætla að læra raf-
magns- og tölvunarverkfræði með
áherslu á læknisfræðilega verkfræði.
Ég kynntist tölvunarfræði aðeins í
skólanum og þetta nám heillaði mig
alveg á Háskóladeginum. Ég hlakka
mikið til að byrja.“
Útskrifaðist með
meðaleinkunina 9,93
Benedikt Máni Finnsson frá Háa-
felli í Dölum útskrifaðist af raf-
virkjabraut Tækniskólans í síðustu
viku. Benedikt gerði sér lítið fyr-
ir og varð dúx frá skólanum með
meðaleinkunina 9,93. „Það virk-
aði mjög vel fyrir mig að fylgjast vel
með í tímum og vinna meira í skól-
anum en heima. Ég sat oft lengur í
skólanum til að þurfa ekki að læra
eins mikið heima. Ég stefndi ekki að
því að verða dúx heldur reyndi ég
bara að sinna náminu samviskusam-
lega. Námið var skemmtilegt sem
og skólinn svo það hjálpar,“ segir
Benedikt Máni.
Benedikt og fjölskylda fögnuðu
áfanganum í höfuðborginni en gátu
ekki staldrað lengi við því sauð-
burður var að klárast heimafyrir og
þurftu þau að sinna því verkefni.
„Það var nú svosem ekki mikið eft-
ir af sauðburðinum. Hann var alveg
að klárast.“
Aðspurður um hvort hann ætli
sér í frekara nám segir Benedikt það
vera óljóst enn. „Ég hef ekki ákveð-
ið hvort ég ætli að fara í frekara nám
strax. Ég ætla bara að reyna átta mig
á því hvað ég vil gera í framtíð-
inni áður. Núna er ég að vinna
hjá Rarik fyrir vestan og kann vel
við það,“ segir Benedikt að end-
ingu.
Stefnir á læknisfræði
Þóranna Hlíf Gilbertsdóttir heit-
ir dúx Menntaskóla Borgarfjarð-
ar skólaárið 2016-2017. Þóranna
útskrifaðist af náttúrufræðibraut
með meðaleinkunina 9,58. „Ég
var ekki með það sem markmið
að verða dúx. Ég hugsaði fyrst
og fremst um að standa mig vel
í náminu; ég vildi læra af nám-
inu og græða á því. Ég er mjög
sátt með tíma minn í MB það var
bæði gaman og lærdómsríkt. Ég
þroskaðist mikið á þessum árum
og þá sérstaklega námslega,“ seg-
ir Þóranna í samtali við Skessu-
horn.
Þóranna veit enn ekki hvað
komandi vetur ber í skauti sér.
„Nú er ég að undirbúa mig und-
ir það að taka inntökuprófið fyr-
ir læknisfræðina í júní. Ég stefni
að því að fara í læknisfræði hvort
sem ég þurfi að taka prófið einu
sinni, tvisvar eða þrisvar. En von-
andi kemst ég inn sem fyrst,“
segir Þóranna en það virðist vera
nokkuð ljóst að læknisfræði er
henni hugleikinn því lokaverkefni
hennar úr MB fjallaði um Alzhei-
mer‘s sjúkdóminn. „Ég var aðal-
lega að skoða líffræðilega þætti
sjúkdómsins og hvað gerist í heil-
anum en fjallaði lítið um andlega
þætti.“
Þóranna tók virkan þátt í
félagslífi MB meðan hún var í
námi og sat meðal annars sem
gjaldkeri nemendafélagsins þegar
hún var á öðru ári. „Það er gaman
að taka þátt í félagslífi skólans og
það getur einnig þroskað mann
líkt og námið,“ segir Þóranna að
endingu.
bþb
Dúxar úr fjórum
framhaldsskólum
Árni Elmar Hrafnsson dúx skólans
fær hér viðurkenningu fyrir góðan
námsárangur. Sólrún Guðjóns-
dóttir aðstoðarskólameistari er með
honum á myndinni. Ljósm. tfk.
Anna Chukwunonso Eze hlaut verðlaun fyrir bestan árangur á stúdentsprófi.
Hér er hún ásamt Ágústu Elínu Ingþórsdóttur skólameistara.
Ljósm. Myndsmiðjan
Benedikt Máni Finnsson frá Háafelli í
Dölum var dúx Tækniskólans.
Ljósm. Tækniskólinn.
Þóranna Hlíf Gilbertsdóttir hlaut
hæstu meðaleinkunn á stúdents-
prófi. Hér er hún ásamt Guðrúnu
Björg Aðalsteinsdóttur skóla-
meistara. Ljósm. MB.
Miðvikudaginn 24. maí brautskráð-
ust 23 nemendur frá Fjölbrautaskóla
Snæfellinga í Grundarfirði. At-
höfnin hófst á því að Stórsveit Snæ-
fellsness flutti lag. Sveitin er skip-
uð nemendum skólans og er jafn-
an fengin til þess að koma fram við
hátíðleg tækifæri, enda stolt skól-
ans. Hrafnhildur Hallvarðsdóttir
skólameistari Fjölbrautaskóla Snæ-
fellinga brautskráði nemendur og
flutti ávarp. Sólrún Guðjónsdóttir
aðstoðarskólameistari afhenti síð-
an nemendum viðurkenningar fyrir
góðan námsárangur. Sveitarfélögin
sem standa að skólanum gáfu við-
urkenningarnar auk Arion banka,
Landsbankans, Háskólans í Reykja-
vík og danska sendiráðsins.
Nýstúdentinn Jón Glúmur
Hólmgeirsson flutti lagið Autumn
leafs ásamt kennara sínum Bent
Marinóssyni. Loftur Árni Björg-
vinsson flutti kveðjuræðu fyrir
hönd kennara og starfsfólks og Silja
Rán Arnarsdóttir flutti ræðu fyrir
hönd fimm ára stúdenta. Nýstúd-
entinn Karen Líf Gunnarsdóttir
hélt kveðjuræðu fyrir hönd nýstúd-
enta þar sem hún kvaddi skólann
og starfsfólk hans. Að lokum sleit
skólameistari skólaárinu 2016-2017
og bauð gestum í kaffi og kökur.
Viðurkenningar fyrir
góðan árangur
Árni Elmar Hrafnsson var með
hæstu einkunnina á stúdentsprófi
og var meðaleinkunn hans 9,32.
Fékk hann veglega bókagjöf frá
sveitarfélögunum og peningagjöf
frá Landsbankanum. Hann fékk
einnig viðurkenningu fyrir góðan
námsárangur í stærðfræði, raun-
greinum, ensku og þýsku. Háskól-
inn í Reykjavík veitti Árna Elmari
einnig viðurkenningu fyrir góð-
an árangur í stærðfræði og eðlis-
fræði. Karen Líf Gunnarsdótt-
ir fékk viðurkenningu fyrir góð-
an árangur í ensku og dönsku. Jón
Glúmur Hólmgeirsson hlaut við-
urkenningu fyrir góðan árangur í
list- og verkgreinum frá kvenfé-
laginu Gleym mér ei, en kvenfé-
lagið gaf einnig öllum nýstúdent-
um leiðbeiningar út í lífið. Haf-
dís Helga Bjarnadóttir fékk við-
urkenningu fyrir góðan árangur í
íslensku og sálfræði. Rakel Arna
Guðlaugsdóttir fékk viðurkenn-
ingu fyrir góðan árangur í félags-
fræði og sögu. Sanjin Horoz fékk
viðurkenningu fyrir góðan árangur
í ensku og þýsku og Cyrenn Sarah
Bernaldez Casas fékk verðlaun
fyrir góðan árangur í tungumálum.
Útskriftarhópurinn
Af félags- og hugvísindabraut braut-
skráðust: Arna Margrét Vignisdótt-
ir, Dominik Bajda, Emilía Sara
Bjarnadóttir, Hafdís Helga Bjarna-
dóttir, Harpa Lilja Knarran Ólafs-
dóttir, Kristín María Káradóttir,
Melika Sule, Patrycja Pienkowska,
Rakel Arna Guðlaugsdóttir, Sanj-
in Horoz, Styrmir Níelsson, Svan-
laugur Atli Jónsson, Særós Lilja T.
Bergsveinsdóttir og Tinna Björk
Stefánsdóttir. Af náttúru- og raun-
vísindabraut brautskráðust: Árni
Elmar Hrafnsson, Birna Sólbjört
Jónsdóttir, Brynhildur Inga Níels-
dóttir, Jón Glúmur Hólmgeirsson
og Karen Líf Gunnarsdóttir. Af
opinni braut brautskráðust: Berg-
ur Einar Dagbjartsson, Cyrenn
Miah Bernaldez Casas, Cyrenn Sa-
rah Bernaldez Casas og Lára Marý
Lárusdóttir.
mm/fsn/ Ljósm. Tómas Freyr
Kristjánsson.
Útskrifað frá
Fjölbrautaskóla
Snæfellinga
Útskriftarhópurinn ásamt skólameistara og aðstoðarskólameistara. Á myndina
vantar fjóra.
Þau fengu viðurkenningar fyrir góðan námsárangur.