Skessuhorn - 14.06.2017, Blaðsíða 18

MIÐVIKUDAGUR 14. júNÍ 201718
Sjómannadagurinn var haldinn hátíðlegur víðast hvar um
landshlutann síðastliðinn sunnudag í blíðskaparveðri. Skipu-
lögð dagskrá var alla helgina í Snæfellsbæ og í Grundarfirði,
líkt og hefð gerir ráð fyrir. Hátíðahöld í Ólafsvík hófust á
skemmtisiglingu á föstudag og í framhaldinu tók við hver við-
burðurinn á fætur öðrum. Keppt var í hinum ýmsu keppnis-
greinum á laugardeginum og um kvöldið fór fram sjómanna-
hóf í félagsheimilinu Klifi. Á sunnudag söfnuðust gestir saman
í Sjómannagarðinum í Ólafsvík þar sem sjómennirnir Víkingur
Halldórsson, fyrrum skipstjóri, og Pétur jóhann Bogason vél-
stjóri voru heiðraðir.
Í Grundarfirði var margt til gamans gert til að fagna hátíð
sjómanna. Meðal annars var keppt í skotfimi og golfi og var nóg
um að vera fyrir bæði börn og fullorðna alla helgina. Á sunnu-
dag var messað í Grundarfjarðarkirkju og lagður blómsveigur
við minnismerkið við kirkjuna til minningar um látna sjómenn.
Karlakórinn Kári söng við athöfnina.
Hefðbundin dagskrá var í Stykkishólmi á sjómannadaginn.
Líf og fjör var á bryggjunni þar sem keppt var í hinum ýmsu
greinum og þyrla Landhelgisgæslunnar mætti á svæðið og
sýndi björgun úr sjó. Þá var sjómaðurinn Hermann Bragason
heiðraður í Stykkishólmskirkju.
grþ
Sjómannadagurinn á Snæfellsnesi
Kappróður í Snæfellsbæ. Ljósm. af. Karlakórinn Kári söng við minningarathöfn við Grundarfjarðarkirkju. Ljósm. sk.
Menn í keppnisskapi. Þeir Rúnar Hallgrímsson og Aron Baldursson kepptu í því að þræða nál, drekka kók og borða kókosbollu. Svo þurfti
að fara í ískarið og ná í bjór sem var þar ofan í. Ljósm. af.
Áhöfnin á Stakkhamri SH frá Rifi bauð upp á fiskisúpu og brauð og
var löng biðröð gesta til þess að fá að smakka fiskisúpuna. Ljósm. af.
Í Snæfellsbæ var vel tekið á í reiptogi. Ljósm. af. Krakkasprell var í Vélsmiðju Grundarfjarðar. Ljósm. sk.
Mikið fjör var á bryggjunni í Grundarfirði í blíðskaparveðri.
Ljósm. sá.
Í Stykkishólmi var Hermann Bragason heiðraður. Matthías Þor-
grímsson formaður Sjómannadagsráðs afhenti honum merki og
blóm og Dagbjört Höskuldsdóttir fór yfir sjómannsferil Hermanns.
Ljósm. sá. Nóg var um að vera í Stykkishólmi á sjómannadaginn. Hér má sjá tvo unga menn etja kappi í róðri. Ljósm. sá.
Sjómannadagsmót í skotfimi var haldið í Grundarfirði. Í fyrsta sæti
í karlaflokki lenti Unnsteinn Guðmundsson, Gísli Valur Arnarson
í öðru og Guðmundur Andri Kjartansson í þriðja. Í fyrsta sæti í
kvennaflokki var Mandy Nachbar, Karen Ósk Þórisdóttir í öðru og í
þriðja lenti Heiða Lára Guðmundsdóttir. Ljósm. sk.
Sjómenn hlutu farandbikarinn á sjómannadagsmóti í skotfimi í
Grundarfirði. Ljósm. sk.