Skessuhorn - 03.01.2018, Blaðsíða 17

MIÐVIKUDAGUR 3. JAnúAR 2018 17
Bandaríkjunum í tvær vikur og átti enga vini ákvað ég að fara og
labba um húsið og heilsa öllum þeim sem voru með opnar dyr.
Þannig hitti ég eina stelpu sem tók mér opnum örmum og við
urðum perluvinkonur. Bæði það að taka þetta skref fyrir mig,
að fara og heilsa fólki, og svo að hafa hitt þessa stelpu sem var
svona vinaleg var líklega besta augnablikið á árinu fyrir mig,“
bætir Marta við. Árið var stórt fyrir Mörtu. „Ég gerði ótrúlega
marga frábæra hluti á árinu og var meðal annars kjörin formað-
ur Bandalags íslenskra skáta, sem hefur breytt ótrúlega miklu
fyrir mig,“ segir Marta.
„Á næsta ári vona ég að skátastarf á Vesturlandi eflist,“ segir
Marta aðspurð hvaða væntingar hún hefur fyrir nýja árið.
Þórður Gylfason, Akranesi:
Opnaði fyrirtækið Sansa
Þórður Gylfason hóf rekstur á eigin fyrirtæki á árinu. „Fyrir mig
persónulega stendur helst upp úr að hafa opnað fyrirtækið mitt,
Sansa,“ segir Þórður. „Þetta hefur gengið alveg vonum framar
og Skagamenn, og aðrir, hafa tekið alveg ótrúlega vel í þetta. Já,
ég myndi segja að þetta væri svona potturinn og pannan á þessu
ári fyrir mig.“ Þórður segist ekki geta annað en minnst á árang-
ur íslenska karlalandsliðsins þetta árið. „Þessi árangur er þvílíkt
afrek og örugglega eitt merkilegasta fótboltaafrek í heiminum.
Ég verð meira að segja að viðurkenna að þetta er mun merki-
legra afrek en fyrirtækið mitt,“ segir Þórður og hlær. „Ég er bara
enn að hugsa út í hvernig strákarnir fóru að þessu, hvernig var
þetta bara hægt.“
Þórður er jákvæður fyrir nýju ári. „Fyrir árið 2018 hef ég þær
væntingar að Ísland komist upp úr þessum riðli í Rússlandi. Ég
vona líka að ég eigi hamingjusamt líf þetta árið, þannig hefur
það verið fram að þessu og heldur vonandi áfram,“ segir Þórð-
ur.
Veronika Sigurvinsdóttir Eyja- og
Miklaholtshreppi:
„Við eignuðumst
barnabarn á árinu“
Veronika Sigurvinsdóttir segir árið 2017 hafa verið sérstak-
lega gott ár fyrir hana persónulega. „Ég var mjög ánægð með
veðrið þetta árið og ég hafði það mjög gott í sveitinni. Ég
ferðaðist töluvert innanlands, helst hér á nesinu bara og hafði
það mjög ljúft. Við maðurinn fórum saman til Kanarí í tilefni
þess að hann varð fimmtugur á árinu. Þetta var fyrsta utan-
landsferðin sem við förum í bara tvö saman,“ segir Veronika.
„Jú, svo er aldeilis vert að minnast á að við eignuðumst barna-
barn á árinu, svo það bættist í hópinn þar. Og svo útskrifaðist
sonurinn,“ bætir hún við. Veronika byrjaði einnig að vinna á
Gestastofu sem var opnuð á Breiðabliki á árinu. „Mér finnst
mikilvægt að eitthvað svona sé gert við þessi félagsheimili
sem standa víða auð megnið af árinu. Ég er mjög spennt fyrir
þessu verkefni og er viss um að þetta eigi bara eftir að stækka,
umferðin hefur í það minnsta verið mjög mikil hjá okkur,“
segir hún.
Um næsta ár segir Veronika að hún sé nokkuð bjartsýn og
voni að frekari uppbygging eigi sér stað á landsbyggðinni.
„Mig langar að sjá fleiri búa í sveitunum, það langar eflaust
mörgum að gera það þó þeir stundi ekki búskap. Svo vona
ég bara að ríkisstjórnin haldi svo við þurfum ekki að vera að
henda peningum í kosningar strax aftur. Ég hvet því alla til
að styðja ríkisstjórnina svo hún haldi næstu fjögur árin,“ seg-
ir Veronika og hlær. „Ekki má heldur gleyma sveitarstjórna-
kosningunum í vor, kannski gerist eitthvað skemmtilegt þá.“
Fanney Dóra Sigurjónsdóttir,
Ólafsvík:
Kokkalandslið og nýr veitingastað
Fanney Dóra Sigurjónsdóttir segir árið 2017 hafa verið sér-
lega gott fyrir sig persónulega. „Ég átti mjög stórt ár. Það sem
stendur helst upp úr er að ég útskrifaðist sem kokkur, mig hef-
ur langað að gera það í tíu ár. Ég var líka valin í kokkalands-
liðið og tók svo þátt í að opna veitingastaðinn Skál á Hlemmi,
þar sem ég er yfirkokkur,“ segir Fanney Dóra. „Mér þótti líka
mjög skemmtilegur árangur karlalandsliðsins í fótbolta, þó ég
sjálf sé ekki mikil fótboltaáhugamanneskja,“ bætir hún við.
Fanney hefur miklar væntingar til nýja ársins og ætlar m.a.
að læra almennilega að brugga viskí. „Í október fór ég í skóla
að læra að brugga viskí en mér finnst viskíið ekki alveg nægi-
lega gott hjá mér ennþá svo ég ætla að fullkomna það á árinu,“
segir Fanney Dóra og hlær. „Ég hef bara miklar væntingar til
nýja ársins. Ég hlakka til að halda áfram að byggja upp Skál og
svo er ég að fara með kokkalandsliðinu á heimsmeistaramót
næsta haust,“ segir Fanney Dóra.
Katrín Huld Bjarnadóttir, Borgarnesi
Metoo byltingin
Líkt og mörgum öðrum þykir Katrínu Huld Bjarnadóttur í
Borgarnesi metoo byltingin standa upp úr á liðnu ári. „Þessi
bylting er í mínum huga virkilega mikilvæg og jákvæð. Ég
var sjálf í sjö vikur í Bandaríkjunum síðastliðið haust og
fyrstu fimm vikurnar var ég eingöngu með mér eldri kon-
um. Ég veit ekki af hverju en ég tengi þessa dvöl að hluta til
við metoo byltinguna, ekki vegna þess að þar hafi ég upp-
lifað eitthvað sérstakt sem tengist byltingunni beint, held-
ur vegna þess hvernig mér leið að vera svona eingöngu inn-
an um konur. Félagsskapur karla er alls ekki verri en að vera
svona lengi aðeins með konum gaf mér tilfinningu sem ég
finn ekki alla daga. Ég upplifði öryggi og svo mjúka og góða
orku í þessum félagsskap, þó karlaorkan sé vissulega góð líka
þá er það bara öðruvísi,“ segir Katrín. „Þennan tíma drakk
ég líka í mig visku og fróðleik þessara kenna og lærði eitt og
annað,“ bætir hún við.
Væntingar Katrínar fyrir nýja árið eru helst að umræðan
sem hefur verið áberandi í samfélaginu haldi áfram. „Ég vona
að umræðan um samfélagsmein sem hafa verið þögguð niður
haldi áfram að vera dregin fram í ljósið og að fólk ræði þessa
hluti. Ég vona að fólk taki líka til sín umræðuna og breyti því
sem þarf og lagi samfélagið okkar,“ segir Katrín. „Ég er líka
mikill aðdáandi kærleikans og ævintýra og vona að árið 2018
gefi allir og þiggi kærleika og lendi í ævintýrum sem gefa líf-
inu skemmtilegan lit,“ bætir hún við að endingu.
Áslaug Þorvaldsdóttir, Borgarnesi:
„Ég gaf syni mínum nýra“
„Það sem stendur helst uppúr hjá mér árið 2017 var að ég
gaf syni mínum nýra. Þetta er það stærsta sem hefur gerst hjá
mér á árinu. Þetta gekk allt mjög vel og við erum bæði mjög
hress núna. Ég var bara í góðu formi sem gerði mér kleift að
gera þetta svo ég er mjög sátt,“ segir Áslaug Þorvaldsdótt-
ir í Borgarnesi. „Ég bjó líka í tvo mánuði í upphafi árs í litlu
hvítu þorpi í Andalúsíu á Spáni, Cómpeta heitir það. Það
var alveg einstök lífsreynsla og algjört ævintýri. Þetta er lít-
ið þorp uppi í fjöllunum og ég fann það bara í gegnum Go-
ogle earth og bókaði svo ferð þangað,“ bætir hún við. Í sam-
félaginu þykir Áslaugu metoo byltingin helst standa upp úr
á árinu. „Mér finnst metoo byltingin alveg frábær og mjög
jákvæð, eitthvað sem toppaði árið í samfélaginu okkar,“ seg-
ir hún.
Um væntingar til nýja ársins segist Áslaug vona að fólk
lifi í núinu og njóti hverrar stundar. „Ég vona að fólk átti sig
á að hver stund telur og við þurfum alltaf að njóta eins og
hægt er og takmarka leiðindi og vesen eins og við getum,“
segir Áslaug. „Ég vil líka hvetja alla til að hugsa um og draga
ekki að taka afstöðu til líffæragjafar, bæði meðan þeir lifa og
eftir andlátið.“
arg