Skessuhorn - 10.01.2018, Qupperneq 4

MIÐVIKUDAGUR 10. JANúAR 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Áfram hangir skóflan
á veggnum
Í kjölfar mikillar slysaöldu sem varð á vegum landsins árið 2006 fóru liðs-
menn áhugahóps um tvöföldun Reykjanesbrautar að láta meira í sér heyra
varðandi umferðaröryggismál og á breiðari grunni en þeir höfðu gert fram
að því. Hópurinn hafði þá í fjöldamörg ár barist fyrir tvöföldun Reykjanes-
brautar og náð undraverðum árangri í áheyrn stjórnvalda og fjárveitinga-
valdsins. Reykjanesbraut var þá að mestu komin með tvær aðskildar akreinar
í báðar áttir. Aldrei hefur orðið alvarlegt slys á þeim hluta Reykjanesbraut-
ar eftir tvöföldun. Ég minnist vígsluathafnar tvöföldunar Reykjanesbrautar
í október 2008, rúmum fimm árum eftir að framkvæmdir hófust. Mér var
boðið til þeirrar athafnar sem fulltrúa Vesturlands en auk þess fulltrúa Sunn-
lendinga. Þar var okkur afhent sitthvor stunguskóflan. Skóflan er árituð en á
henni stendur: „Íbúar Vesturlands. 2+2=0. Baráttukveðjur frá áhugahóp um
tvöföldun Reykjanesbrautar.“ Af mér var tekið loforð um að afhenda þessa
skóflu þegar ljóst þætti að tvöföldun Vesturlandsvegar yrði innan seilingar.
Skófla þessi hefur hangið uppi á vegg síðan. Tækifærið er enn ókomið.
Þeim orðum fylgdi skóflugjöfinni, frá Steinþóri Jónssyni hótelstjóra og
baráttujaxli þeirra Reyknesinga, að þeim bæri siðferðileg skylda til að miðla
til íbúa annarra landshluta, þeim árangri sem orðið hefði af því að standa
fast á baráttumálum sínum. Suðurnesjamenn stofnuðu grasrótarsamtök fyrir
bættri umferðarmenningu og samgöngubótum hér á landi og kölluðu hóp-
inn Samstöðu. Lögðu áherslu á að krafist yrði afmarkaðra verkefna hjá bar-
áttuhópum um allt land sem myndu með þeim hætti vinna markvisst að bar-
áttumálum á sínum svæðum. Töldu menn farsælast að horfa lengra fram í
tímann og hafa markmiðin skýr. „Fyrir hverju vilt þú berjast og hvað ger-
um við sjálf til þess að ná fram þeirri breytingu? Fyrir þessu stendur Sam-
staða.” Þetta sagði Steinþór Jónsson í skilaboðum sínum til Vestlendinga í
samtali við Skessuhorn fyrir tæpum áratug. En við þessari áskorun hafa íbúar
og stjórnmálamenn hér á Vesturlandi ekki brugðist. Eitthvað mikið hefur
brugðist í hagsmunabaráttu fyrir okkur sem eigum allt undir að vegasam-
göngur séu fólki bjóðandi.
Hvernig eigum við annars að útskýra, en með fullkomnum þegjandahætti,
að ekki hefur verið barist af einurð fyrir til dæmis tvöfalduðum og öruggum
vegi um Kjalarnes og upp í Borgarnes? Hafa menn tekið undir áeggjan um
að byrjað verði að skoða tvöföldun Hvalfjarðarganga í ljósi þess að þar stefnir
í umferð yfir hættumörkum? Nei, menn hafa þagað þunnu hljóði með þeim
árangri að vegurinn frá Borgarnesi og suður í Mosfellsbæ er nánast eins og
hann var fyrir fjörutíu árum, bara miklu verri og mun hættulegri þar sem um-
ferðin um hann hefur margfaldast og hjólförin dýpkað. Þessir vegir standast
því ekki kröfur um lágmarks öryggi og fólk sem þarf að aka þar daglega um
til vinnu eða skóla er hrætt við að verða að aka um þá. Það verður að segjast
eins og er að við Vestlendingar erum í mörgu betri en að taka höndum saman
og berjast fyrir sjálfsögðum réttindamálum okkar.
Síðasta ríkisstjórn átti stutt líf. Tæpt ár. Engu að síður sat í henni ráðherra
sem heitir Jón Gunnarsson. Sem ráðherra samgöngumála lét hann verkin
tala. Hann beitti sér af krafti í undirbúningi þess að allir helstu stofnvegir út
á land frá höfuðborgarsvæðinu yrðu stórbættir. Tvöldun þjóðvegar í Borgar-
nes og austur fyrir Selfoss og að ljúka við tvöföldun Reykjanesbrautar. Fram-
kvæmdirnar yrðu kostaðar með hóflegri gjaldtöku, en framkvæmdatíminn
einungis sex ár. Eftirmaður hans sló þetta út af borðinu, án vitrænna skýr-
inga. Málið er því á byrjunarreit, eina ferðina enn.
Áfram hangir því skóflan, gjöf Reyknesinga, uppi á vegg á skrifstofu rit-
stjórans. Áminning um að við höfum ekki farið að áeggjan þeirra sem létu
verkin tala og börðust eins og fullorðið fólk fyrir sjálfsögðum réttindamálum
sínum. Þess vegna náðu þeir árangri, ekki við.
Magnús Magnússon.
Leiðari
Héraðsdómur Reykjavíkur kvað
skömmu fyrir áramót upp þann
dóm að íslenska ríkinu bæri að
greiða Hafliða Páli Guðjónssyni
6,5 milljónir króna auk dráttar-
vaxta og málskostnaðar, vegna
ólögmætrar uppsagnar úr starfi
aðstoðarskólameistara Fjölbrauta-
skóla Vesturlands haustið 2015.
Hafliði hafði starfað sem kennari
við skólann allt frá árinu 1998 en
árið 2015 sótti hann um og fékk
stöðu aðstoðarskólameistara eft-
ir að hafa verið metinn hæfast-
ur af 14 umsækjendum. Í septem-
ber 2015 komu upp samstarfsörð-
ugleika milli Hafliða og Ágústu
Elínar Ingþórsdóttur sem þá hafði
tekið við starfi skólameistari FVA
og enduðu þau samskipti með því
að í kjölfar fundar þar sem Hafliði
við annan mann mætti á skrifstofu
skólameistara, ákvað skólameistari
að víkja Hafliða úr starfi aðstoð-
arskólameistara 28. september og
síðan úr starfi kennara tíu dögum
síðar.
Fyrir dómi gerði Hafliði kröfu
um ríflega 63 milljónir króna í
bætur vegna ólögmætrar uppsagn-
ar hans sem kennari og aðstoðar-
skólameistari. Dómurinn dæmdi
honum ríflega tíunda hluta þeirrar
upphæðar samkvæmt ofansögðu. Í
niðurstöðu dómsins sagði m.a. að
hvorki væri fallist á kröfu stefn-
anda um skaðabætur né miskabæt-
ur vegna uppsagnar hans úr starfi
kennara. „Hins vegar hefur ver-
ið fallist á að uppsögn hans sem
aðstoðarskólameistara hafi verið
ólögmæt og því á stefnandi rétt á
bótum vegna þess,“ segir í niður-
stöðu héraðsdóms.
mm
Fyrrum aðstoðarskólameistara
dæmdar bætur vegna uppsagnar
Um áramót hækkaði persónuaf-
sláttur til samræmis við hækkun á
verðlagi undanfarið ár en efri tekju-
mörk hækkuðu til samræmis við
launavísitölu, eins og lög gera ráð
fyrir. Alþýðusamband Íslands hefur
ítrekað vakið athygli á þessu ósam-
ræmi í framkvæmd skattkerfisins,
sem leiðir kerfisbundið til aukins
tekjuójafnaðar. Þannig nam hækk-
un persónuafsláttur 1,9% um ára-
mótin, fór úr 52.907 kr. í 53.895 kr.
Á sama tíma hækkuðu tekjumörk í
efra skattþrepi um 7,1% og greiðist
tekjuskattur í efra skattþrepi nú af
tekjum yfir 893.713 krónur á mán-
uði í stað 834.707 kr. áður.
„Þróun persónuafsláttar hefur
meiri áhrif á skattbyrði eftir því sem
tekjur eru lægri og myndar í raun
skattleysismörk að óbreyttu skatt-
hlutfalli, sem líta má á sem fyrsta
þrep tekjuskattskerfisins. Tekju-
mörk í efra skattþrepi hafa hins
vegar einungis áhrif á skattbyrði
tekjuhærri hópa. Þannig má segja
að tekjumörkin í fyrsta þrepi (skatt-
leysismörkin) hafi um áramót hækk-
að úr 143.224 krónum á mánuði í kr.
145.899 eða um 1,9% á sama tíma
og tekjumörkin í efra þrepi hækk-
uðu úr 834.707 kr. í 893.713 kr. eða
um 7,1%,“ segir í tilkynningu frá
ASÍ.
Þá segir að þetta misræmi valdi
því að ráðstöfunartekjur hátekju-
fólks aukast mun meira en þeirra
tekjulægri. „Þannig lækkaði sem
dæmi staðgreiddur tekjuskattur og
útsvar hjá einstaklingi með 350.000
krónur í mánaðarlaun um áramót-
in úr 71.211 krónum á mánuði í kr.
70.223 krónur og ráðstöfunartekjur
þessa einstaklings jukust þannig um
988 krónur á mánuði eða 11.800
krónur á ári sem samsvarar 0,3%
aukningu ráðstöfunartekna. Ef litið
er á hag þeirra sem eru með tekjur
yfir efri tekjumörkunum skattkerfis-
ins, þ.e. yfir 893.713 kr., lækkar stað-
greiddur tekjuskattur og útsvar hins
vegar mun meira hjá þeim eða um
6.476 krónur á mánuði. Ráðstöfun-
artekjur þeirra hækka því um ríflega
77.700 krónur á ári, sem samsvarar
t.a.m. 0,9% aukningu ráðstöfunar-
tekna hjá einstaklingi sem hefur eina
milljón króna í mánaðarlaun.“
mm
Skattbreytingar um áramót bæta hag
hátekjuhópa sexfalt meira en annarra
Sigurður Guðmundsson hefur ver-
ið ráðinn framkvæmdastjóri Ung-
mennasambands Borgarfjarð-
ar (UMSB). Hann tekur til starfa
1. febrúar næstkomandi af Pálma
Blængssyni sem er á förum úr
Borgarnesi.
Sigurður er Hvanneyringur að
uppruna og býr þar. Hann starfaði
síðast sem verkefnastjóri Íþrótta-
bandalags Reykjavíkur (ÍBR) og
hefur þar komið að skipulagn-
ingu stórra viðburða á borð við
Reykjavíkurmaraþonið. Hann hef-
ur áður starfað sem tómstunda-
fulltrúi Borgarbyggðar fyrir hönd
UMSB og unnið hjá UMFÍ, m.a.
sem framkvæmdastjóri Landsmóta
UMFÍ 50+ og ýmissa lýðheilsu-
verkefna. Því til viðbótar hefur
hann setið í Æskulýðsráði ríkisins
sem m.a. vinnur að stefnumótun
æskulýðsmála í landinu. Hann er
með B.Sc. gráðu í íþrótta-, kennslu-
og lýðheilsufræðum frá Háskól-
anum í Reykjavík. Þá hefur hann
einnig menntað sig í leiðtoga- og
frumkvöðlafræðum og almennum
íþróttum auk þess að hafa sveins-
próf í húsasmíði. mm
Sigurður tekur við starfi
framkvæmdastjóra UMSB