Skessuhorn - 10.01.2018, Page 20

MIÐVIKUDAGUR 10. JANúAR 201820
Vísnahorn
Gleðilegt ár lesendur
mínir. Nú að afloknum
jólum og eftir hátoppinn
á „metoo“ umræðunni
væri ekki úr vegi að rifja upp Maríukvæði Guð-
mundar Stefánssonar:
Nei þýðir nei,
já þýðir já.
María mey
máttirðu tjá
hug þinn til hans
þess huldumanns
sem kom til þín víf
og kveikti nýtt líf?
Ég virði þinn burð
- en varstu spurð?
Ja, nú veit enginn hvernig þeir atburðir
gerðust þó menn geri sér ýmsar hugmyndir.
Misvel rökstuddar. Tryggvi Magnússon lýsir
sínu sjónarhorni á málið:
Járna hlynur Jósep hét
Júða einn í landi,
nýtur bjó í Nasaret
nauða firrtur grandi.
Snikkari var og mund þess manns
mun til verks ei spöruð.
María nefndist heitmey hans,
hyggin væn og fjöruð.
Það bar til í þennan mund,
- þannig sagan kenndi -,
alein heima auðs var grund,
engill til hennar vendi.
Sendur háum Himni frá
helgur mælti engill:
Hafa náir hug þér á
Himna stæltur þengill.
Orðaskiptum þeirra lýsir Tryggvi svo nánar
með þessum hætti:
Þú munt fæða arfa einn,
átt hann Ésú kalla,
sá Éhóva sonur hreinn
synd mun þekkja valla.
Lofts nam ferðalangurinn
ljósust svörin spjalla:
„Seggir munu soninn þinn
son hins æðsta kalla.“
Helgum anda væri í vil
við þig leik að eiga.
Sikling hæða hlakkar til
hjá þér hvíla mega.
Illa trúa eg má þér,
auðs kvað fögur spraka,
því að enginn maður mér
meydóm frá réð taka.
En við skulum ekki fara lengra út í þann
sálm. Það gæti bara misskilist. Hins vegar
höfum við trúlega flest haft þokkalega nær-
ingu nú um hátíðarnar. Kannske aðeins mis-
góða eða jafnvel bara misdýra en samt von-
andi aðeins betri en heildarársmeðaltalið gæfi
til kynna. Eysteinn Gíslason í Skáleyjum orti:
Silfurföt með sauðakjöt
sjást í mötuneyti.
En kelling sjötug leið og löt
leggur skötu í bleyti.
Hvort heldur er nú, sauðakjöt eða skötus-
tappa er hinn mesti prýðismatur og bráð-
þægilegt til nestis ef svo slæst. Bjarni Jónsson
frá Gröf orti svo um kunningja sinn sem ég tel
alveg fráleitt að hafi átt þetta skilið:
Allt þig brestur eðli manns,
ekkert sést af viti.
Einhver besti andskotans
ert þú nestisbiti.
Margir hafa dundað sér við að yrkja með
erfiðu innrími og tekist misjafnlega. Sumum
vel en öðrum ekki alveg eins vel. Mér finnst
þó að Guttormi J. Guttormssyni hafi tekist
þokkalega:
Ég átti ekki stélfrakka í eigu til,
aðeins þelstakk og hettu,
að etja við helblakkan hríðarbyl
á heimsins Melrakkasléttu.
Aðalsteinn Svanur Sigfússon hafði þetta að
segja um þessa innri þörf Íslendinga til stuðl-
aðra tjáskipta:
Að yrkja „rétt“ um ekki neitt
mun Íslendingum tamt.
Hjá andleysi fær enginn sneitt
– við yrkjum bara samt.
Rafn Júlíus Símonarson faðir Jóns Rafns-
sonar verkalýðsfrömuðar hefur verið prýði-
lega hagmæltur eins og sonur hans og koma
hér nokkrar ósamstæðar vísur eftir hann:
Meinin verstu margur sér,
menn þó flestu hæli
En þó mest af öðru ber
andans pestarbæli.
Þynnast skæði þurfamanns,
þrauta mæðast varnir,
gegnum klæði keppast hans
kuldanæðingarnir.
Marga sá ég meinakind
metum á hjá flónum
uppi á háum heillatind
hampa gljáum krónum.
Met ég fátt við mannkynið,
má þó sáttur una,
mér er grátt í geði við
guð og - náttúruna.
Þessi eltingaleikur við hin veraldlegu verð-
mæti hefur stundum ruglað okkur aðeins í
ríminu. Sérstaklega hafi okkur ekki þótt nóg
ganga. Á fundi útgerðarmanna á Hólmavík
kvað Brynjólfur Sæmundsson og hefur þetta
vafalaust verið afburðasúpa (eða annað fljót-
andi fæði):
Það er aðall þessa máls:
Þetta er allt á kúpu.
Látum renna létt um háls
lausaskuldasúpu.
Það hefur verið sagt um Engeyinga að þeir
séu góðir heim að sækja og yfirhöfuð almenni-
legir við þá útlendinga sem hingað leggja sín
kolefnisfótspor. Í orðastað þeirra ættmenna
kvað Magnús Halldórsson:
Býsn má hérna brask´og pretta.
Bí mæ gest and fill jour tank.
Hér má líka hitt og þetta.
Há dú jú læk æsland bank?
Ætli við látum þessu svo ekki lokið með
þessari vísu sem hefur verið eignuð séra Sig-
urði Norland Hindisvíkurklerki:
Það eru sjálfsagt átján ár
eða lengra síðan.
Vetrargaddur svo var sár
þeir sátu við að þíð´ann.
Með þökk fyrir lesturinn,
Dagbjartur Dagbjartsson
Hrisum, 320 Reykholt
S 435 1189 og 849 2715
dd@simnet.is
Býsn má hérna brask´og pretta - Bí mæ gest and fill jour tank
Þorrablót Skagamanna verður hald-
ið með pompi og prakt í Íþrótta-
húsinu við Vesturgötu laugardag-
inn 20. janúar. Að vanda er blótið
í höndum Club 71 og er þetta ní-
unda blótið sem hópurinn sér um
að skipuleggja. „Við lofum frábærri
skemmtun og dúndrandi stuði eins
og alltaf og gerum ráð fyrir að hús-
ið verði troðfullt líkt og síðustu
sex ár,“ segir Hörður Svavarsson,
talsmaður Club 71, í samtali við
Skessuhorn.
Hljómsveitin Bland sér um tón-
listina, bæði á þorrablótinu sjálfu
og ballinu síðar um kvöldið. Meist-
arakokkarnir á Galito sjá um mat-
inn líkt og síðustu ár, veislustjórn
verður í höndum Sólmundar Hólm
og fiðlusveitin Slitnir strengir
verður með atriði. Þá munu stór-
söngvararnir Stefán Hilmarsson
og Sigga Beinteins skemmta á ball-
inu. „Skemmtiatriðin verða í hæsta
gæðaflokki og annállinn verður
auðvitað á sínum stað og er hann
að þessu sinni í höndum ´77 ár-
gangsins,“ segir Hörður en vill
ekki ljóstra upp meiru varðandi
skemmtiatriðin. „Það er alltaf smá
leynd yfir þeim, en ég get þó lofað
rífandi stemningu sem enginn má
missa af.“
Þeir sem vilja tryggja sér miða á
blótið verða að hafa hraðar hendur
því undanfarin ár hafa færri komist
að en vildu. Miðasala verður í Ís-
landsbanka við Dalbraut fimmtu-
daginn 11. janúar og hefst hún á
slaginu klukkan 9. „Ég mæli með
að fólk mæti strax til að tryggja
sér miða. Á síðasta ári seldist upp
á einni og hálfri klukkustund,“ seg-
ir Hörður. „Í fyrra komum við 670
manns í sæti en við vonum að með
smá tilfæringum verði hægt að bæta
við fleiri sætum í ár,“ bætir hann
við.
Líkt og á síðustu árum mun allur
ágóði af blótinu renna til íþróttafé-
laga og Björgunarfélags Akraness.
Félagsmenn taka að sér vinnu á
blótinu og hjálpa til við undirbún-
ing og fá fyrir styrk í hlutfalli við
unnar vinnustundir. „Þetta er okkar
leið til að láta gott af okkur leiða og
stefnum við alltaf á að byggja blótið
upp með þeim hætti að geta gefið
sem mest til þessara félaga,“ segir
Hörður. „Ég vil líka þakka öllum
Skagamönnum sérstaklega vel fyrir
að sjá til þess að þessi kvöld verða
alltaf ógleymanleg.“ arg
Þorrablót Skagamanna á næsta leiti
Þorrablót Skagamanna verður laugardaginn 20. janúar. Ljósm. úr safni Skessuhorns/ Kristinn Pétursson.
Matvælastofnun hefur borist til-
kynning um veirusmit á tveimur
búum í agúrkurækt á Suðurlandi.
Óljóst er hve útbreidd veiran er eða
hve mikið tjón getur hlotist af sýk-
ingu á þessum tímapunkti. Mat-
vælastofnun skipuleggur nú sýna-
tökur til að kanna frekari útbreiðslu
og beinir þeim tilmælum til rækt-
enda að gæta ítrustu smitvarna.
Veiran sem um ræðir nefn-
ist cucumber green mottle mosa-
ic virus (CGMMV) og er af ætt-
kvísl Tobamoveira. Veiran hefur
greinst víða í Evrópu. Hún smit-
ar ekki menn og stafar almenningi
ekki hætta af neyslu agúrka. Veir-
an getur smitast milli plantna með
snertingu (hendur, föt og áhöld) og
getur einnig dreifst með fræi. Aðr-
ar smitleiðir eru sýktar ungplöntur,
afskornir plöntuhlutar, pökkunar-
efni og ávextir. Veiran getur lifað
á fatnaði í allt að mánuð. Ekki er
ástæða til að ætla að veiran breiðist
út fyrir gróðurhúsarækt.
Einkenni sýkingar eru breyti-
leg milli árstíða en meðal einkenna
eru gulleit laufblöð, gult og grænt
mósaík munstur á laufblöðum, mis-
vöxtur ávaxta og dauði plantna.
„Mikilvægt er að takmarka út-
breiðslu veirunnar eins og mögulegt
er og vill Matvælastofnun beina því
til ræktenda, sem og annarra sem
við á, að gæta fyllsta hreinlætis þeg-
ar komið og farið er frá ræktunar-
stöðum. Forðast skal allan samgang
milli ræktunarstaða. Matvælastofn-
un birti nýlega leiðbeiningar um
sóttvarnir við ræktun garðyrkjuaf-
urða og hvetur stofnunin alla rækt-
endur til að kynna sér sóttvarnir og
innleiða þær eftir fremsta megni,“
segir í tilkynningu.
mm
Veira greinist í agúrku-
rækt á Suðurlandi