Skessuhorn - 31.01.2018, Blaðsíða 15
MIÐVIKUDAGUR 31. jANúAR 2018 15
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Setjum undir á staðnum
Dráttarbeisli
Fyrirbyggjandi vörn gegn eyrnabólgu
og nauðsynlegt fyrir þá sem eru með
rör í eyrum eða viðkvæm eyru.
Til í þremur stærðum.
Njóttu þess að fara
í sund / sjósund
Verndaðu eyrun með Ear Band-It Ultra
eyrnaböndum og eyrnatöppum
Fæst í apótekum,
barnavöruverslunum
og Útilíf
Tekið var á móti fyrstu gest-
um Krauma, náttúrulauganna við
Deildartunguhver, í byrjun nóv-
embermánaðar. Síðan þá hafa íbúar
og gestir Borgarfjarðar getað laug-
að sig í pottunum þar, farið í vatns-
gufur og slakað á í slökunarher-
berginu. jónas Friðrik Hjartarson,
framkvæmdastjóri Krauma, segir
vel hafa gengið frá opnun og við-
tökurnar hafa verið góðar. „Laug-
arnar voru opnaðar í nóvember en
veitingastaðurinn í vikunni fyrir jól.
Það hefur gengið framar vonum,“
segir jónas í samtali við Skessu-
horn. „Nú er auðvitað rólegasti
tíminn í ferðamennskunni en engu
að síður höfum við fengið töluvert
af gestum, bæði innlendum sem er-
lendum. En viðtökurnar sem við
höfum fengið eru afar góðar. Til
dæmis komu til okkar erlend hjón á
dögunum, fóru í laugarnar, slökuðu
á og fengu sér að borða. Þau voru
svo ánægð að þau ákváðu að stytta
næstu heimsóknir sínar til að geta
komið aftur til okkar um kvöldið.
Það fannst mér virkilega ánægju-
legt að heyra og betra hrós er varla
hægt að fá,“ segir hann ánægður.
Aðspurður lætur jónas vel af því
að staðurinn hafi verið opnaður að
vetri, utan háannatíma ferðaþjón-
ustunnar. „Þetta er náttúrulega al-
veg nýtt og við sem vinnum hérna
erum öll að læra á hlutina í samein-
ingu, það tekur smá tíma. Við erum
mjög heppin með fólk á öllum víg-
stöðvum, hvort sem er í eldhúsi eða
afgreiðslu. Það er jákvæðni með-
al starfsfólksins, bæði ferðaskrif-
stofur og einstaklingar hafa sýnt
þessu mikinn áhuga og viðtökurnar
gefa fulla ástæðu til bjartsýni,“ seg-
ir hann.
Staður með
sterka sérstöðu
Með opnun Krauma fyrr í vetur
lauk ferli sem hófst með skóflu-
stungu fyrir bráðum þremur árum
síðan. „Ferlið er búið að standa
yfir síðan vorið 2015. Það vita all-
ir af þessu og því var mikill áhugi
fyrir opnuninni,“ segir jónas. „En
útkoman er að mínu viti mjög vel
heppnuð. Húsið er mjög flott,
hannað af Brynhildi Sólveigar-
dóttur og Arnhildi Pálmadóttur og
hugmyndin sjálf er auðvitað æðis-
leg. Hér er meira en nóg af heitu
vatni og að opna náttúrubaðstað í
svona fallegu umhverfi er frábær
hugmynd sem ánægjulegt er að hafi
verið hrundið í framkvæmd,“ segir
hann. Raunar standa framkvæmdir
enn yfir, því verið er að byggja nýja
búningsklefa við núverandi hús-
næði. „Núna eru búningsklefarn-
ir tveir, karla- og kvennaklefi, með
50 skápum hvor. Við erum að bæta
við öðru eins og verða nýju klefarn-
ir tilbúnir fyrir sumarið,“ segir jón-
as og telur það ekki minna mega
vera. „Ég hef enga trú á öðru en að
hingað muni koma töluvert mik-
ill fjöldi á háannatímanum í sumar
og því verði nýju búningsklefarn-
ir nauðsynleg viðbót,“ segir hann.
„Staðurinn hefur mjög sterka sér-
stöðu og ég tel að aðdráttarafl hans
eigi aðeins eftir að vaxa með tíð og
tíma. Heita vatnið í laugarnar er
fengið úr Deildartunguhver, vatns-
mesta hver í Evrópu. Það er kælt
með vatni sem á upptök sín við ræt-
ur Oksins. Gestir munu því baða
sig úr hveravatni og jökulvatni, sem
ég held að sé einstakt á heimsvísu,“
segir hann. „Pottarnir eru sex tals-
ins, fimm heitir og einn kaldur.
Auk þess eru hér tvö vatnsgufuböð
og slökunarherbergi þar sem gest-
ir geta lagst á legubekk við arin-
eld og slakað á við ljúfa tóna. Síð-
an geta gestirnir fengið sér góð-
an mat að lokinni laugarferð. Við
munum bæta útisvæði við veitinga-
staðinn um leið og veður leyfir og
við verðum ekki í vandræðum með
að taka á móti góðum fjölda gesta,“
segir jónas.
Ferðaskrifstofur
spenntar
Aðspurður segir jónas að kynning-
arstarf sé efst á baugi hjá Krauma
um þessar mundir. „Við höfum ver-
ið að funda með ferðaskrifstofum og
kynna fyrir þeim það sem við höf-
um upp á að bjóða. Fulltrúar þeirra
ferðaskrifstofa sem hafa komið og
prófað staðinn eru mjög jákvæð-
ir og spenntir fyrir Krauma. Einn-
ig höfum við fundað með fulltrúum
ferðaþjónustufyrirtækja í nágrenn-
inu með það að markmiði að koma
á samstarfi. Það eru svo mörg fyrir-
tæki í uppsveitunum að gera góða
hluti; Hótel Húsafell, Fosshótel í
Reykholti, Ísgöngin og Víðgelmir
svo aðeins fáeinir staðir séu nefnd-
ir,“ segir hann. „Ég hef trú á því að
ferðamannastraumurinn eigi eftir
að koma inn á Vesturland í auknum
mæli á næstu árum. Hér í uppsveit-
unum er orðið mikið við að vera og
vonandi getum við orðið liður í því
að lengja dvöl ferðamanna í Borg-
arfirði,“ segir jónas Friðrik Hjart-
arson að endingu.
kgk
Gestir njóta sín í náttúrulaugunum fyrr í vetur. Ljósm. Krauma.
„Viðtökurnar gefa fulla ástæðu til bjartsýni“
- segir Jónas Friðrik Hjartarson, framkvæmdastjóri Krauma við Deildartunguhver
Jónas Friðrik Hjartarson, framkvæmdastjóri Krauma.
Krauma við Deildartunguhver, séð ofan frá. Ljósm. Krauma.
Slökunarherbergið þar sem gestir geta lagst á legubekki við arineld og látið
streituna líða úr sér við ljúfa slökunartóna.