Skessuhorn - 31.01.2018, Blaðsíða 26

MIÐVIKUDAGUR 31. jANúAR 201826
Soroptimistaklúbbur Akraness vill
koma á framfæri þökkum til allra
þeirra fjölmörgu fyrirtækja sem
studdu félagið í starfi sínu með
því að kaupa pönnukökur í tilefni
bóndadagsins 19. janúar síðast-
liðinn. Á Íslandi eru 19 soroptim-
istaklúbbar. „Klúbburinn á Akra-
nesi var stofnaður 1983 og í dag
eru klúbbfélagar 40. Klúbburinn
hefur styrkt ýmis góð málefni bæði
í heimabyggð og á alþjóðavett-
vangi. Í dag er okkar aðalverkefni
að styrkja konur og börn í Malaví
og Kenýa, námskeið fyrir stúlkur
í FVA, starfsemi Endurhæfingar-
hússins HVER, ásamt öðrum til-
fallandi verkefnum. Helsta fjáröfl-
un klúbbsins er sala á pönnukökum
í fyrirtæki í tilefni bóndadagsins og
svo kaffihlaðborð á Vökudögum,“
segir í tilkynningu.
„Soroptimistar eru framsækin
og sveigjanleg alþjóðasamtök fyr-
ir konur í stjórnun og öðrum sér-
hæfðum störfum. Soroptimistar
stuðla að heimsmynd þar sem kon-
ur og stúlkur ná í sameiningu fram
því besta sem völ er á, bæði sem
einstaklingar og sem hópur. Heimi
þar sem þær geta látið drauma sína
rætast og til jafns við aðra skapað
sterk og friðsöm samfélög um allan
heim.“ mm
Víkingur Ólafsvík hefur samið við
spænska leikmanninn Gonzalo Za-
morano Leon um að spila með lið-
inu í Inkasso deildinni næsta sum-
ar. Þorsteinn Haukur Harðar-
son, framkvæmdastjóri félagsins,
segir að Gonzalo, sem er fæddur
árið 1995, hafi leikið með Hug-
in á Seyðisfirði á síðasta tímabili
þar sem hann skoraði 16 mörk í
22 leikjum i 2. deildinni. Gonzalo
var vikutíma til reynslu hjá Vík-
ingi Ó. fyrr í þessum mánuði þar
sem hann lék tvo leiki með lið-
inu á Fótbolta.net mótinu og þótti
standa sig vel. „Víkingur Ó. býð-
ur Gonzalo hjartanlega velkom-
inn til Ólafsvíkur,“ segir Þorsteinn
Haukur.
mm
Spánverjinn Gonzalo
til liðs við Víking Ó
Sorptimistar þakka góðar
viðtökur við pönnukökusölu
Pönnukökur voru í þúsundatali bakaðar aðfararnótt bóndadags og runnu þær
ljúflega niður.
Lilja Líndal Aðalsteinsdótt-
ir, stjórnarmaður í Sjóbaðsfélagi
Akraness, hefur stundað sjósund í
rúmlega fimm ár. Hún segist ekki
sjá fyrir sér að hætta því í bráð enda
allra meina bót. „Einu sinni horfði
ég á aðra fara í sjósund og hugs-
aði með mér hvað mér þætti þetta
undarlegt og að þetta gæti ég aldrei
gert. Í dag er þetta það besta sem ég
geri og hefur sjósundið bætt bæði
andlega og líkamlega heilsu mína,“
segir Lilja í samtali við blaðamann.
Lilja fer í sjóinn allt árið um kring
og segir fátt stoppa sig. „Það eina
sem stoppar mig er myrkrið. Við
hittumst alltaf og förum saman í
sjóinn klukkan 18 á miðvikudög-
um og klukkan 11 á laugardögum
og sunnudögum. Yfir veturinn fer
ég ekki á miðvikudögum því mér
þykir vont að fara í myrkri,“ seg-
ir Lilja og bætir því við að allir
séu velkomnir með í sjóinn á þess-
um tímum. „Við hittumst alltaf við
jaðarsbakka og förum saman niður
á Langasand. Við förum svo í pott-
inn á jaðarsbökkum þegar við erum
búin í sjónum,“ segir Lilja.
Góð áhrif á sál
og líkama
Aðspurð hvort ekki sé of kalt að fara
í sjóinn yfir háveturinn segir Lilja
svo ekki vera. „Það er alltaf kalt
rétt á meðan maður fer ofan í. Við
erum bara styttri tíma yfir veturinn
og miðum við svona eina mínútu
fyrir hverja gráðu sem sjórinn er,
allavega fyrir þá sem eru ekki van-
ir. Ég held að það sé líka bara mis-
jafnt eftir fólki hvernig kuldinn fer
í mann. Sumir þola kuldann nokk-
uð vel á meðan aðrir skjálfa bara.
Eflaust er hægt að byggja upp eitt-
hvað þol en ég held að þetta sé líka
að stórum hluta bara í hausnum á
manni,“ segir hún.
Áður en Lilja fór að stunda sjó-
sund var hún slæm í liðum og var
alltaf að glíma við fótkulda. Hún
segir að nú finni hún enga slíka
kvilla og þakkar sjósundinu það.
„Ég er viss um að þetta hafi gríðar-
lega góð áhrif á líkamann. Ég hef
heyrt margar reynslusögur þar sem
fólk hefur losnað við kvilla eins og
fótapirring, verki og svo andlega
kvilla,“ segir Lilja. „Ég finn það
sjálf hversu góð áhrif þetta hefur
haft á andlega heilsu mína. Eflaust
hefur félagsskapurinn í kringum
þetta haft eitthvað með það að
gera en ég held að sjósundið sjálft
spili líka stóran þátt í þessu,“ bætir
hún við.
Huga þarf
að búnaðinum
Fyrir þá sem hafa áhuga á að prófa
sjósund segir Lilja mikilvægt að
hafa réttan búnað og gefa sér jafn-
framt góðan tíma. „Fólk verður að
vera í sérstökum skóm og hönsk-
um, það er lágmarks búnaður.
Annað er ekki jafn mikilvægt þó
auðvitað sé gott að hafa til dæm-
is góða hettu. Fólk verður líka að
gefa sér tíma í þetta. Það er ekk-
ert víst að þú komist alla leið ofan
í sjóinn í fyrstu tilraun en ég mæli
með að fólk bara haldi áfram. Þeg-
ar fer að vora hvet ég endilega alla
til að koma með okkur og prófa.
Þetta er rosalega skemmtilegur
hópur og við tökum vel á móti öll-
um sem vilja reyna,“ segir Lilja að
endingu.
arg/ Ljósmyndir: Guðni Hann-
esson
Hvetur alla til að prófa sjósund