Skessuhorn - 17.10.2018, Blaðsíða 2

MIÐVIKUDAGUR 17. OKTÓBER 20182
Fjölmenningarhátíð verður haldin í
Frystiklefanum Rifi næstkomandi laug-
ardag, 20. október milli klukkan 14 og
16. Þar verður fjölmenningunni fagnað
með skemmtilegum tónlistaratriðum,
skemmtiatriðum, fræðslu og mat.
Á fimmtudaginn gengur í sunnan 10-15
m/s og rigningu víða um land, einkum
á suðausturlandi en úrkomulítið verð-
ur norðaustanlands. Hiti verður á bilinu
5-10 stig. Á föstudag er útlit fyrir suð-
vestanátt 10-15 m/s og skúrir verða á
vestanverðu landinu en bjart eystra.
Snýst í suðaustanátt og rigningu á suð-
vesturlandi um kvöldið og hiti verður á
bilinu 2-17 stig. Á laugardag er gert ráð
fyrir allhvassri eða hvassri suðaustanátt
og rigningu. Úrkomulítið á Norðaustur-
landi og hiti 3-10 stig og hlýjast á Aust-
urlandi. Á sunnudag er útlit fyrir áfram-
haldandi suðvestanátt og skúri eða él
en bjart verður fyrir austan. Það kólnar í
veðri og frystir inn til landsins þegar líð-
ur á kvöldið. Útlit er fyrir vaxandi suð-
vestanátt með rigningu og hlýnandi
veðri á mánudaginn.
Spurning vikunnar á vef Skessuhorns
var heldur óhefðbundin í síðustu viku
en þá voru lesendur beðnir um að
botna málsháttinn sem byrjar svo: „Ber
er hver...“ Réttur botn á málshættinum
var „að baki nema sér bróður eigi“ og
voru lesendur langflestir, eða 92%, svar-
enda með þetta rétt. Aðrir voru ekki
með rétta lausn. 3% sögðu: „Í rúminu“
og 2% með „og sér er hver“. Þá fengu
botnarnir „nema einhver,“ „aðeins einu
sinni“ og „bróður- og systralaus“ allir
eitt prósent atkvæða hver.
Í næstu viku er spurt:
Gengur þú með armbandsúr?
Röskur brúarvinnuflokkur frá Vestfirsk-
um verktökum og borgfirskir vega-
vinnukarlar hafa á liðnum dögum lagt
veg að og brú yfir Norðlingafljót á Arn-
arvatnsheiði. Eru þessir vösku sveinar
Vestlendingar vikunnar að þessu sinni.
Spurning
vikunnar
Til minnis
Veðurhorfur
Vestlendingur
vikunnar
Ekki í fyrsta
skipti svona
kvenlægt
BORGARBYGGÐ: Í kjöl-
far fréttar í síðasta tölublaði
um að byggðarráð Borg-
arbyggðar væri nú í fyrsta
skipti skipað konum ein-
göngu, hefur verið bent á
að það sé ekki alls kostar
rétt. Þannig var að í októ-
ber árið 1999, þegar Guð-
mundur Guðmarsson hætti í
sveitarstjórn Borgarbyggðar,
var þáverandi bæjarráð ein-
göngu skipað konum. Hélst
það svo fram yfir kosning-
ar 2002. Þær sem skipuðu
ráðið voru Guðrún Fjelds-
ted, Kolfinna Jóhannesdóttir
og Guðrún Jónsdóttir. Þrátt
fyrir að þá hafi ráðið heitað
bæjarráð, en byggðarráð nú,
er talin ástæða til að árétta
þetta til að sögulegum stað-
reyndum sé sem réttast til
haga haldið. -mm
Akstursstyrk-
ir til foreldra í
dreifbýli
SNÆFELLSBÆR: Íbúar í
dreifbýli Snæfellsbæjar geta
sótt um sérstakan aksturs-
styrk til að mæta kostnaði
við akstur barna til Ólafsvík-
ur í íþrótta- og tómstunda-
iðkun. Vakin er athygli á
þessu á vefsíðu sveitarfélags-
ins. Árlegur akstursstyrkur
nemur 30 þús. kr. og skulu
umsóknir berast bæjarritara
í tölvupósti. Í umsókninni
þarf að koma fram nafn for-
eldris/forráðamanns, nafn
barns eða barna, kennitala og
númer bankareikninga þar
sem leggja á styrkinn inn. Þá
þarf einnig að fylgja staðfest-
ing þjálfara um að barnið sé
skráð í íþróttir. -kgk
Kvikmyndataka
í gangi
AKRANES: Næstu vik-
ur verður tökulið frá fram-
leiðslufyrirtækinu Vintage
pictures við tökur á Akranesi.
Tekin verður upp íslenska
kvikmyndin „Hey hó Agnes
Cho“ sem gerist að mestu
leyti á Akranesi. Tökur hóf-
ust 15. október og standa til
9. nóvember og þær víðsveg-
ar um Akranes. Í tilkynningu
á vef Akraneskaupstaðar seg-
ir að íbúar geti orðið eitthvað
varir við tökuliðið í bænum.
Til dæmis verður tekið upp
í Jaðarsbakkalaug nú í vik-
unni, en laugin verður samt
sem áður opin. Aðrir töku-
staðir eru við Kirkjubraut,
Suðurgötu, Þjóðbraut, Sem-
entsverksmiðjuna og á fleiri
stöðum. Myndin Hey hó Ag-
nes Cho á að vera dramatísk
kvikmynd með húmor. Leik-
stjóri er Silja Hauksdóttir.
-klj
Áform eru uppi um stækkun Foss-
hótels Stykkishólmi í vetur. Ætl-
unin er að byggja ofan á miðbygg-
ingu hússins, þar sem inngangur
og mótttaka hótelsins er. Stækk-
unin nemur tólf herbergjum, þar
af einni svítu. Breytingar á annarri
hæð hússins vegna stækkunarinnar
gera það hins vegar af verkum að
tvö herbergi sem þar eru fyrir þurfa
að víkja, að sögn Maríu Ólafsdótt-
ur hótelstjóra. Raunstækkun hót-
elsins nemur því tíu herbergjum.
Verða þau 89 að breytingum lokn-
um í stað 79 áður. Þar að auki verð-
ur stóri salur hótelsins tekinn í
gegn. María segir tímabært að ráð-
ast í þessar framkvæmdir. „Það þarf
að stækka hótelið. Síðustu ár hefur
verið fullt hjá okkur alveg frá sum-
arbyrjun til sumarloka og nýtingin
mjög góð á öðrum árstímum,“ seg-
ir hún. „Það hefur gengið rosalega
vel hér í lengri tíma og útlit fyrir að
svo verði áfram. Bókanir eru mjög
góðar fram í tímann, bæði fyrir vet-
urinn og allt fram á næsta sumar,“
segir María.
Aðspurð segir hún stefnt að hefja
framkvæmdir snemma á næsta ári.
„Það er búið að gera teikningar
að stækkuninni og stefnt að því að
hefjast handa í febrúar. Það er eig-
inlega eini tíminn sem hægt er að
fara í svona stórar framkvæmdir. Í
nóvember og desember eru jóla-
hlaðborðin, þorrablót í lok janú-
ar og því hentar febrúarmánuð-
ur langbest,“ segir hún en kveðst
ekki geta sagt til um hvenær lokið
verði við stækkunina. „Ég veit ekki
hversu langan tíma þetta gæti tekið.
Fyrst verður lokið við framkvæmdir
á neðri hæðinni fyrir sumarið 2019.
En nýju herbergin verða ekki tekin
í notkun fyrr en 2020,“ segir María
Ólafsdóttir að endingu. kgk
Fosshótel Stykkishólmi
verður stækkað í vetur
Fosshótel Stykkishólmi. Ljósm. sá.
Á fundi bæjarstjórnar Akranes-
kaupstaðar í síðustu viku voru stað-
fest drög að kaupsamningi bæjarins
á 35,58% eignarhluta Golfklúbbs-
ins Leynis í vélageymslu á starfs-
svæði klúbbins. Skemma þessi var
byggð árið 2013 og átti bærinn fyr-
ir 64,42% hlut í henni og eignast
hana því að fullu. Kaupverð á eign-
arhlutnum er 38,4 milljónir króna,
en fasteignasalan Valfell hafði verið
fengin til að verðmeta húsið. Greið-
ast 20 milljónir kaupverðsins með
peningum við undirritun samnings,
en eftirstöðvarnar með skuldajöfn-
un við Leyni vegna kostnaðar sem
til hefur fallið við hönnun, upp-
gröft, smíði og fleira sem tengist
framkvæmdum við byggingu nýrr-
ar frístundamiðstöðvar við golf-
völlinn. mm
Bærinn eignast
vélaskemmu að fullu
Vegagerðin hefur birt niðurstöðu
frumathugunar á vænleika þess
að leggja Vestfjarðaveg um Reyk-
hóla og með brú yfir utanverðan
Þorskafjörð, en að öðrum kosti að
fara svokallaða Þ-H leið um Teigs-
skóg. „Niðurstaða könnunar Vega-
gerðarinnar á svokallaðri R-leið um
Reykjanes og utanverðan Þorska-
fjörð er að hún er töluvert dýrari en
Þ-H leiðin sem Vegagerðin mæl-
ir með. Umferðaröryggi er minna á
leið R, sú leið er lengri en Þ-H og
sú leið, eða leið svipuð henni, myndi
tefja framkvæmdir um 2-3 ár, sé
horft framhjá hugsanlegum kæru-
málum á báðum leiðum,“ segir í til-
kynningu Vegagerðarinnar.
Í skýrslu Vegagerðarinnar er leið
R tekin til skoðunar og gerð grein
fyrir þeim breytingum sem stofn-
unin telur nauðsynlegt að gera til að
uppfylltar séu þær kröfur sem gilda
um hönnun nýrra stofnvega á vega-
kerfi Íslands. „Er sú leið nefnd leið
A3 til aðgreiningar frá leið Multi-
consult [R-leið, innsk. blm]. Í skýrsl-
unni er jafnframt að finna saman-
burð leiðar A3 og leiða Þ-H og D2
þar sem tekið er á helstu þáttum sem
skipta máli varðandi ákvörðun um
leiðarval. Afstaða Vegagerðarinn-
ar eftir að hafa unnið þessa skýrslu
er sú að leið Þ-H sé besta leiðin til
bættra vegasamganga á sunnanverð-
um Vestfjörðum.“
Rökin fyrir því segja starfsmenn
Vegagerðarinnar helst eftirfar-
andi í samanburði við leið A3:
Umferðaröryggi er að öllum •
líkindum minna á leið A3.
Leið A3 er töluvert lengri en •
leið Þ-H eða 4,7 km.
Kostnaður við leið A3 er veru-•
lega meiri en við leið Þ-H sem
nemur tæpum 4 milljörðum kr.
Ljóst er að umhverfisáhrif eru •
töluverð á leið A3. Kanna þarf
matsskyldu og líklegt að gerð
verði krafa um umhverfismat.
Efnisþörf fyrir leið A3 er meiri •
og opna þarf fleiri námur.
Verði farin leið A3 mun það lík-•
lega tefja framkvæmdir um tvö
til þrjú ár.
Skýrsluna í heild sinni og teikn-
ingar má finna á vef Vegagerðar-
innar.
mm
Vegagerðin mælir áfram með leið Þ-H um Reykhólasveit
Telur Þ-H leið ódýrari kost, öruggari og styttri
Leið Þ-H um Þorskafjörð, Djúpafjörð og Gufufjörð. Horft frá Reykjanesi. Teikning: Vegagerðin.