Skessuhorn - 17.10.2018, Blaðsíða 7
MIÐVIKUDAGUR 17. OKTÓBER 2018 7
Bræðurnir Hafþór og Sævar Bene-
diktssynir hjá fyrirtækinu BB &
sonum í Stykkishólmi sóttu sér
nýjan vörubíl á föstudaginn. Sá er
af gerðinni Mercedes Benz og er
sérútbúinn snjómokstursbíll, með
snjómokstursbúnaði frá Tellefs-
dal sem Aflvélar sáu um að setja
á bílinn. Verður bíllinn notað-
ur við snjómokstur á Snæfellsnesi
í vetur, á þeim leiðum sem BB &
synir munu moka fyrir Vegagerð-
ina samkvæmt nýju útboði. „Bíll-
inn verður notaður við mokst-
ur yfir Vatnaleið, að Heydalsaf-
leggjara annars vegar og Staðar-
stað hins vegar, auk þess sem við
mokum Álftafjörð að Narfeyri,“
segir Hafþór í samtali við Skessu-
horn. „Þetta er í fyrsta sinn sem
við mokum fyrir Vegagerðina en
áður vorum við með snjómokst-
ur í Stykkishólmi í 15 ár eða svo,“
segir hann og kveðst fullur bjart-
sýni fyrir nýju verkefni. „Við mok-
um eftir því sem Vegagerðin metur
og kallar eftir. Nú þegar höfum við
farið eina ferð í söltun og líst bara
vel á þetta. Við erum smám saman
að átta okkur á því hvernig þetta
gengur fyrir sig,“ segir hann.
Með því að taka að sér mokstur
áðurnefndra leiða eftir útboð Vega-
gerðarinnar bætist snjómokstur
við fjölbreytta verkefnaflóru BB &
sona. Fyrirtækið annast nú þegar
hvers kyns flutninga, sinnir jarð-
vinnu, löndun og fleiri verkefn-
um. „Við vorum einmitt að koma
frá Raufarhöfn þar sem Þórsnesið
landaði í gær. Við fylgjum skipinu
hvert á land sem er, löndum úr því
og flytjum aflann í vinnslu Þórsness
sem er hérna við hliðina á okkur í
Stykkishólmi,“ segir Hafþór. „Auk
þess tökum við að okkur alls kon-
ar önnur verkefni, svo sem stein-
brot, sögun, múrbrot og fleira. Við
höfum meira að segja verið að tína
þökur, byrjuðum á því tíu ára gaml-
ir bræðurnir en ákváðum að hætta í
fyrra þegar við vorum búnir að vera
að því í 30 ár. Það var komið gott,“
segir hann léttur í bragði.
Eini Benzinn
í flotanum
Hafþór segir að 13 til 14 manns
starfi að jafnaði hjá BB & sonum
við hin ýmsu verkefni, hvort sem
er við flutninga, jarðvinnu, lönd-
un eða annað. Hann segir af nógu
að taka í starfi fyrirtækisins. „Það
er brjálað að gera og búið að vera
þannig síðan 2007,“ segir hann.
„Snjómokstursbíllinn er þriðji
bíllinn sem við kaupum á þessu ári
og tólfti bíllinn í flotanum okkar.
Það er eiginlega verst að hann er
vitlaus tegund,“ segir Hafþór kím-
inn, en nýi bíllinn er eini Benzinn
í bílaútgerð fyrirtækisins. Aðrir
bílar eru MAN. „Við vorum með
Benz einu sinni fyrir mörgum
árum en hann reyndist svo illa að
við enduðum á að skila honum,“
segir hann í léttum dúr. Hann
tekur þó fram að það sé fyrst og
fremst hagræði af því að hafa alla
bílana frá sama framleiðandanum
og kveðst ánægður með nýja bíl-
inn. „Benzinn er mjög vel útbú-
inn, með öllum þeim fullkomn-
ustu tækjum sem þarf til snjó-
moksturs. Hann er auk þess með
þrjár myndavélar, tvær sem snúa
aftur og eina sem tekur upp það
sem gerist fyrir framan bílinn. Við
erum búnir að setja myndavélar í
alla trukkana okkar, það er mik-
ilvægt öryggisatriði fyrir bílstjór-
ana,“ segir Hafþór að endingu.
kgk/ Ljósm. Bílaumboðið Askja.
BB & synir kaupa snjómokstursbíl
Fyrirtækið mun annast snjómokstur á Snæfellsnesi í vetur
Bíllinn er af gerðinni Mercedes Benz, útbúinn fullkomnum snjómoksturstækjum.
Hafþór og Sævar Benediktssynir ásamt Eiríki Þór Eiríkssyni hjá bílaumboðinu
Öskju þegar bræðurnir sóttu nýja snjómokstursbílinn á föstudag.