Fréttablaðið - 29.11.2019, Side 72

TÓNLEIKAR
Verk eftir Hjalta Nordal, Þorkel
Nordal og Jón Nordal
Hallgrímskirkja
Sunnudaginn 24. nóvember
Flytjendur: Dómkórinn í Reykja-
vík, Björn Steinar Sólbergsson,
Frank Aarnink, Hávarður Tryggva-
son, Inga Rós Ingólfsdóttir og
Tinna Þorsteinsdóttir
Einsöngvarar: Harpa Ósk Björns-
dóttir og Jón Svavar Jósefsson
Stjórnandi: Kári Þormar
Særingamaðurinn, The Exorcist,
er ein magnaðasta hrollvekja allra
tíma. Á Netflix er að finna heim­
ildarmynd eftir sama leikstjóra,
William Friedkin, sem fjallar um
raunverulegar andasæringar. Þær
virðast talsvert saklausari en í skáld­
skapnum og eru að minnsta
kosti mjög frábrugðnar
Umbót eftir Hjalta Nordal, en verkið
var flutt í Hallgrímskirkju á sunnu­
daginn. Umbót byggir á einhverju
orðljótasta særingakvæði sem um
getur, Snjáfjallavísum hinum síðari.
Jón lærði Guðmundsson orti þær í
viðureign við einstaklega illskeyttan
draug. Kvæðið samanstendur af for­
mælingum: „Far niður, fýla, fjand­
ans limur og grýla … Fúll fjandans
bolur …“
Of einsleitt
Tónlistin var flutt af Dómkórnum
og nokkrum hljóðfæraleikurum,
en Kári Þormar stjórnaði. Í takt við
kvæðið var músíkin brjálæðisleg,
ómstríð og fráhrindandi. Auðvitað
er ekkert að því, listaverk eiga síður
en svo að vera alltaf sæt og huggu­
leg. Vandamálið hér var að ekkert
gerðist annað en skrækir í kórnum
og barsmíðar hljóðfæraleikaranna,
án merkjanlegrar stígandi. Fyrir
bragðið var tónlistin aðeins hávaði,
það vantaði í hana einhvers konar
framvindu og dýpt. Hún var of eins­
leit. Þess ber þó að geta að Hjalti, sem
er ungur að árum, er enn að læra, og
krafturinn í tónmálinu bendir að
minnsta kosti til þess að hann sé
efnilegt tónskáld.
Heillandi dulúð
Þorkell Nordal átti hina tón­
smíðina fyrir hlé. Hún bar
nafnið Orðfæri, og var mun
skáldlegri en hin fyrri. Sveim­
kennt andrúmsloft í upphafi
var grípandi, og orð á stangli
sem ómuðu eins og úr fjar­
lægð, voru heillandi dulúðug.
Kaflar verksins voru fjórir, og
í síðustu tveimur söng kórinn meira
„hefðbundið“. Það var ekki alveg eins
spennandi, laglínurnar voru aldrei
það bitastæðar að tónlistin kæmist á
flug. Helsti galli verksins var samt að
organistinn, Björn Steinar Sólbergs­
son, þurfti að gefa kórnum tóninn
í byrjun kafla þrjú og fjögur, sem
eyðilagði stemninguna. Af hverju
gat Þorkell ekki bara samið millispil
sem hefði tengt kaf lana betur og
verið tóngjöf í leiðinni?
Í ágætu jafnvægi
Eftir hlé var komið að Jóni Nordal,
afa tónskáldanna á fyrri hluta tón­
leikanna. Fluttir voru Óttusöngvar
að vori. Meginuppistaðan í textan­
um er Sólhjartarljóð eftir Matthías
Johannessen, sem er innblásið af
Sólarljóðum, en einnig kemur hefð­
bundinn kaþólskur messutexti
við sögu. Óttusöngvar eru sá hluti
tíðabæna sem beðnar eru snemma
morguns, og eftir því er tónlistin full
af andakt og helgi. Hún er mjög víð­
feðm, allt frá dökkum ómstríðum
yfir í dáleiðandi hendingar, ákaflega
fagrar. Hér loksins gat Dómkórinn
sýnt hvað í honum býr, söngurinn
var í ágætu jafnvægi, tær og þéttur,
tilfinningaþunginn og innilegur.
Einsöngvararnir, þau Harpa Ósk
Björnsdóttir sópran og Jón Svavar
Jósefsson kontratenór, stóðu sig
prýðilega, frammistaða þeirra var
örugg og markviss í hvívetna. Hljóð­
færaleikurinn var sömuleiðis snyrti­
legur og heildarmyndin sterk. Bravó.
Jónas Sen
NIÐURSTAÐA: Tónlistin var misáhuga-
verð, verk Jóns Nordal stóð upp úr.
Far niður … fjandans limur
Hjalti og Þorkell Nordal.
FRÉTTABLAÐIÐ/ANTON BRINK
BJARNI ARA
LATIBÆR
SIGGA KLINGJÓLASVEINAR
HELGA MÖLLER
ÍRIS LIND & SJONNI
INGÓ VEÐURGUÐ
Ljósaskiltið Velkomin er verk eftir Katrínu I. Jónsdóttur Hjördísardóttur.
Í desember taka fulltrúar Nýlista­safnsins höndum saman og efna til listaverkabasars í Nýlista­
safninu þar sem listaverk yfir 50
listamanna verða til sölu. Verkin
eru jafn fjölbreytileg og þau eru
mörg en eiga það öll sameiginlegt
að tengjast ljósi á skapandi hátt:
Verk um ljós, verk sem lýsa, ljósa­
innsetningar, neonljós, kertaljós,
ljósmyndir, huglæg ljós og áfram
má telja. Markmiðið er að lýsa upp
skammdegið.
Basarinn fer fram í húsakynn­
um Nýlistasafnsins í Marshall­
húsinu dagana 1.–22. desember.
Fjölbreyttir viðburðir fyrir fólk á
öllum aldri verða haldnir á meðan
á basarnum stendur, meðal annars
bókakynning, föndurvinnustofur
fyrir yngstu kynslóðina og vínyl­
hlustunarpartí.
Ljósabasar Nýló er fjáröf lunar­
viðburður til stuðnings Nýlistasafn­
inu. Nýlistasafnið, eða Nýló eins
og safnið er nefnt í daglegu tali, er
listamannarekið safn og sýningar­
rými. Markmið Nýló er að varðveita
og sýna samtímalist og vera vett­
vangur fyrir tilraunir og alþjóðlega
umræðu um myndlist. Nýló hefur
verið einn helsti vettvangur fyrir
samtímalist á Íslandi og á einstakt
safn verka eftir íslenska og alþjóð­
lega listamenn frá sjötta áratugnum
til dagsins í dag. – kb
Ljósabasar Nýlistasafnsins
2 9 . N Ó V E M B E R 2 0 1 9 F Ö S T U D A G U R58 M E N N I N G ∙ F R É T T A B L A Ð I Ð
2
9
-1
1
-2
0
1
9
0
5
:3
5
F
B
0
9
6
s
_
P
0
7
3
K
.p
1
.p
d
f
F
B
0
9
6
s
_
P
0
7
2
K
.p
1
.p
d
f
F
B
0
9
6
s
_
P
0
2
4
K
.p
1
.p
d
f
F
B
0
9
6
s
_
P
0
2
5
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
4
5
F
-5
9
4
4
2
4
5
F
-5
8
0
8
2
4
5
F
-5
6
C
C
2
4
5
F
-5
5
9
0
2
7
5
X
4
0
0
.0
0
1
8
B

F
B
0
9
6
s
_
2
8
_
1
1
_
2
0
1
C
M
Y
K