Heimsmynd - 01.05.1993, Page 23

samlyndi.
Frá því að stríðið í fyrrum
Júgóslavíu hófst er talið að
um 50 þúsund konum og
stúlkum frá Bosníu og
Króatíu hafi verið nauðgað.
Samkvæmt upplýsingum
kvennasamtakanna Kareta í
Zagreb eru til um 40 fanga-
búðir á yfirráðasvæðum
Serba í Bosníu-Herse-
góvínu, Króatíu og Serbíu.
Margar konur lifa vistina í
nauðgunarbúðunum ekki af.
Þess eru dæmi að sjö og átta
ára smátelpum sem var
nauðgað blæði út.
Þær konur og stúlkur sem
verða vanfærar í kjölfar
þessara nauðgana njóta
skárri aðbúnaðar en hinar.
Þær fá mjólk og leyfi til að
þvo sér. Það er reynt að
halda þeim í búðunum þar
til orðið er of seint að gera
fóstureyðingu. Þær eiga að
fæða serbnesk börn. Og þó
er fóstureyðing eina raun-
hæfa leiðin til þess að hjálpa
þessum konum andlega. Það
verður því að mati margra
að rýmka lög um fóstur-
eyðingar undir slíkum
kringumstæðum.
Fóstureyðing, sem er
gerð innan þriggja mánaða,
er frekar einföld aðgerð, en
um leið og komið er fram
yfir þann tíma, er
þörf á hormóna-
lyfjum til þess að
fósturlát geti átt sér
stað.
Flestar kvenn-
anna, sem
eru komnar
fram yfir
þriggja mán-
aða mörkin,
óska sér slíkrar
aðgerðar, en
því hefur ekki verið
auðveldlega komið við
hingað til. Læknar á
sjúkrahúsum í Zagreb segja
að konur sem eru komnar á
sjötta og sjöunda mánuð
grátbiðji um fóstureyðingu.
Stjórnvöld í Króatíu þegja
þetta mál í hel vegna þess að
hinn kaþólski flokkur
Tudjmans forseta, HDZ, vill
banna fóstureyðingar.
Þyngra vegur samt að hingað
til hefur skort nauðsynleg lyf
til að gera slíkar fóstur-
eyðingar. Allri meðferð og
ráðgjöf fyrir fórnarlömb
kynferðislegs ofbeldis er því
enn mjög ábótavant, þótt
ýmis samtök hafi á
undanförnum mánuðum
hleypt meðferðar- og ráð-
gjafarþjónustu af stokkunum.
Eitt aðkallandi vandamál
eru nýfædd börn kvennanna
sem hefur verið nauðgað.
Flestar konurnar eru haldnar
slíkum viðbjóði eftir marg-
endurteknar nauðganir að
þær geta ekki hugsað sér að
ala og hvað þá elska barn
óvinarins, þó að það sé hold
af þeirra holdi. „Viðbjóður-
inn er móðurástinni yfirsterk-
ari,“ segir Nazisa Sarajilic,
flóttamannafulltrúi króatísku
ríkisstjórnarinnar. Og
hvernig er hægt að ætlast til
að sextán ára stúlka, sem
hefur verið nauðgað marg-
sinnis, geti vitað hvað
móðurást er. Margar
kvennanna yfirgefa því
fæðingardeildina eftir barns-
burð án þess að hafa litið
barnið augum.
Ekki er hægt að fá þessi
börn ættleidd, þó að
mikill áhugi sé fyrir því í
löndum eins og Þýska-
landi. Mæður þessara
óskilgetnu barna hafa
ekki króatískt ríkisfang
og Króatía getur þess
vegna ekki veitt leyfi til
ættleiðingar barnanna.
Þeirra bíður því heldur
ömurlegt hlutskipti á
vanbúnum stofnunum
í stríðshrjáðu landi.
Börn fara heldur
ekki varhluta af
stríðshörmungun-
um. I Sarajevo hafa
um það bil þrjú
þúsund börn látið
lífið í átökunum og
sagt er að
leyniskyttur sæti
færis að skjóta
drengi. ■
HEIMS
23
MYND