Heimsmynd - 01.05.1993, Blaðsíða 86

að búkurinn virki lengri og grennri. Þegar
um er að ræða fjórar tölur á tvíhnepptum
jakka skal ætíð hneppa neðstu tölunni. Ef
sex tölur eru á tvíhnepptum jakka ná
boðungarnir yfirleitt að miðtölunum eða
þeim neðstu og þá skal hneppa þeim.
Jakkar með boðungum sem ná niður að
neðstu tölunum eru klæðilegir fyrir lág-
vaxna menn og virka að auki mjög þægi-
legir.
Vilji menn nota axlabönd er ráðlegt að
biðja klæðskera að færa út mittismálið svo
buxurnar liggi hærra upp og falli beint nið-
ur en síddin á að ná niður að skóm. Séu
uppbrot á buxum er vanalega miðað við
tæpa fjóra sentímetra.
Hafa ber í huga þegar fatnaður er mát-
aður að taka mið af persónulegum þörfum
hvers og eins. Noti menn stór armbandsúr
til dæmis, þarf jafnvel að víkka ermina
öðru megin við úlnlið svo pláss sé fyrir
úrið. Noti maður innri vasann öðru megin
undir seðlaveski er rétt að biðja klæðsker-
ann að taka mið af því og aðlaga sniðið
veskinu svo það myndist ekki bunga á
jakkanum. Loks skal á það minnt að engin
föt passa nokkrum fullkomlega. Það eru
alltaf einhvers staðar brot eða hrukkur sem
menn verða að sætta sig við nema þeir vilji
líta út eins og plastdúkkur. Þegar keypt eða
saumuð eru jakkaföt er æskilegt að þau
falli að líkama þess sem klæðist þeim og
haldi sniði sínu sem lengst. Eini
mælikvarðinn á gæðin er sá að hægt sé að
nota sömu jakkafötin árum
ef ekki áratugum saman. ■
Bylting varð á sjöunda
áratugnum eins og sést á
óhefðbundnum jakkafötum
valdsmannslegum jakkafötum í viðskipta-
lífinu innleiddi Armani afslappaða línu,
rúnnaðar axlir og frjálslegri liti sem efni.
Jakkaföt nútímans taka mið af þessari
þróun sem hefur orðið á ólíkum tíma-
bilum. Sígild snið eru sambland af því
besta sem hannað hefur verið á karlmenn,
almennt eru fötin lausari í sniðum,
áherslan er á vönduð efni sem eru bæði
mikil að gæðum og auðveld í meðförum.
Þægindin sitja í fyrirrúmi og litirnir eru
náttúrulegir.
En hvað ber að hafa í huga þegar valin
eru jakkaföt? Þegar sniðið, efnið, mynstrið
og litur hafa verið valin er að sjálfsögðu
mikilvægast að fötin passi og þau verða að
vera þægileg. Til dæmis verður jakkinn að
fylgja útlínum líkamans frá herðum og
niður að mitti. Þegar jakkanum er hneppt á
kraginn að snerta hálsinn laust en ekki að
gapa frá eins og jakkinn sé of rúmur.
Jakkakraginn á einnig að liggja nægilega
langt niðri þannig að skyrtukraginn sjáist
að aftan. Efnið í bakinu á að vera mjúkt og
hvergi að þrengja að né vera með sylgjum
eða bindingum. Að framanverðu á jakkinn
að vera nægilega rúmur til að hægt sér að
hreyfa handleggina án þess að jakkinn sé
of víður yfir axlirnar eða undir hand-
veginum. Það á ekki að nota hann í
kringlukasti. Boðungarnir eiga að liggja
flatir, hvergi að fettast eða brettast. Sá sem
þekkir vel sniðin jakkaföt sem passa veit
að það er í lagi ef jakkinn kemur inn í
mittinu þegar honum er hneppt, sem er
klæðilegt og þægilegt. Jakkinn má aldrei
koma of mikið inn í mittinu því þá er hætt
við að hann gapi að
aftan, sem er vísbending um að hann passi
ekki.
Hvað varðar jakkasídd þá er sú almenna
regla höfð til viðmiðunar að jakkinn eigi
að hylja afturendann þegar maður stendur
eða beygir sig fram. Varast skal að stytta
jakka og gæta þess að vasarnir verði ekki
of neðarlega í slíku tilviki. Ermasíddin fer
eftir ósk hvers og eins og algengt viðmið er
að láta ermina ná niður á úlnliðinn. Hvað
varðar tölur á einhnepptum jökkum er sú
regla í gildi að efsta talan sé tæpum sentí-
metra fyrir ofan mittið. Margir hönnuðir
hafa þó freist-
ast til þess að
færa efstu töl-
una neðar til
Kennedy forseti, með
Harold Macmillan,
forsœtisráðherra
árið 1961, innleiddi
engar nýjungar í tísk-
unni en gœddi jakka-
fötin ákveðnum þokka.
Ihalds-
semin réð
smekknum á
sjötta áratugnum eins og
sést á penumfatnaði Bobby
Darins (til vinstri) og Gregorys
Pecks í gráumflannelfatnaði
(að neðan).
Réttar stærðir
JAKKAFÖT
Bandaríkin 36 38 40 42 44 46
Evrópa 46 48 50 52 54 56
SKYRTUR
Bandaríkin 14 15 16 17
Evrópa 36 38 41 43
SKÓR
Bandaríkin 6 7 8 9 10 11
Evrópa 39 40 41 42 43 44
Ath. Enskar stœrðir eru svipaðar þeim
bandarísku en skónúmer hálfu eða jafnvel einu
númeri minni.