Fréttablaðið - 19.01.2019, Qupperneq 2

Veður
Víða rigning eða slydda fyrri part
dags, einkum vestan til, en snýst í
suðvestan 5-13 með éljum síðdegis,
fyrst vestast. Hiti 0 til 5 stig sunnan-
og vestanlands, en annars frost 1 til
7 stig. Yfirleitt vægt frost í kvöld.
SJÁ SÍÐU 44
Spegilslétt tjörn
Ölduhæðin var ekki mikil þegar ljósmyndari Fréttablaðsins átti leið fram hjá Reykjavíkurtjörn. Tjörnin var fallega spegilslétt í þessu sæmilegasta
veðri sem lék við höfuðborgarbúa í gær. Veðurstofa spáir rigningu og slyddu í borginni í dag en ágætu veðri fyrripartinn á morgun. FRÉTTABLAÐIÐ/ERNIR
Prótínríkt og gott
hvenær sem er!
MENNING Ákvörðun hefur verið
tekin um að fjarlægja alfarið nektar­
málverk eftir Gunnlaug Blöndal
af veggjum Seðlabanka Íslands.
Verkin hafa verið sett í geymslu um
ókomna tíð eftir að gerð var athuga­
semd við hina ósæmilegu nekt.
Fréttablaðið fjallaði um það síð­
astliðið sumar að til skoðunar væri
með hvaða hætti ætti að bregðast
við kvörtun starfsmanns sem var
misboðið af málverkunum sem
innihalda nekt. Fréttin vakti verð­
skuldaða athygli og sitt sýndist
hverjum. Nú liggur fyrir niðurstaða
þessarar skoðunar og var hún að
myndirnar skyldu fjúka.
„Ákveðið var að þessi málverk
yrðu ekki á almennum vinnu­
svæðum eða á skrifstofum yfir­
manna, þ.e. á þeim svæðum þar
sem almennir starfsmenn vinna
eða þurfa að leita með erindi,“ segir
Stefán Jóhann Stefánsson, ritstjóri
Seðlabanka Íslands, í skriflegu svari
við fyrirspurn blaðsins um lyktir
málsins.
Í Seðlabanka Íslands er að finna
nokkurt safn klassískra myndlistar­
verka eftir meðal annars marga af
meisturum íslenskrar málaralistar.
Á einhverjum þeirra, nánar tiltekið
myndum eftir Gunnlaug Blöndal, er
að finna nekt. Líkt og Fréttablaðið
greindi frá í júní gerði starfsmaður
athugasemd við myndirnar, taldi
þær ósæmilegar og fór fram á að
þær yrðu fjarlægðar. Kvörtunin kom
í kjölfar mikillar MeToo­umræðu í
þjóðfélaginu og var hún tekin föst­
um tökum af stjórnendum bankans
sem settu málið í ferli til að ákveða
örlög nektarverkanna.
Ljóst er að listunnendur munu
margir súpa hveljur yfir morgun­
kaffinu í dag yfir svörum Stefáns
Jóhanns.
„Þau eru um þessar mundir í
geymslu og ekki hefur verið tekin
ákvörðun um aðra notkun þeirra.“
Listamaðurinn og prófessorinn,
Guðmundur Oddur Magnússon, oft
kallaður Goddur, gagnrýnir það sem
hann kallar púrítanastefnu Seðla­
bankans í þessu máli.
„Þá mætti alveg eins pakka hálfri
listasögunni ofan í geymslu. Manns­
líkaminn, bæði karla og kvenna,
hefur lengi verið viðfangsefni
listamanna,“ segir Goddur og fer á
flug. Hann viti til þess að það séu
styttur af berum karlmanni eftir
Bertel Thorvaldsen í borginni, fullt
af brjóstum í verkum Ásmundar
Sveinssonar líka.
„Það þarf aldeilis að taka hér til.
Við þurfum að gerast aftur alvöru
púritanar og fara með hálft lista­
safn þjóðarinnar og allra þjóða
og læsa það í geymslum! Ég styð
púrítanisma. Lengi hann lifi!“ segir
listspekúlantinn kaldhæðinn að
lokum. mikael@frettabladid.is
Nektarlist í Seðlabanka
komið fyrir í geymslu
Eftir skoðun innan Seðlabankans varð niðurstaða stjórnenda sú að málverk
sem innihalda nekt eftir Gunnlaug Blöndal skuli fjarlægð úr almennum vinnu-
svæðum og skrifstofum yfirmanna. Sett í geymslu þar til annað er ákveðið.
KJARAMÁL „Þetta er algjört auka­
atriði og skiptir engu máli en það
virðist hafa verið ógurlegur titringur
hjá SA út af þessu,“ segir Vilhjálmur
Birgisson, formaður Verkalýðsfélags
Akraness (VLFA), um fjölda félags­
manna sinna sem heyri undir kjara­
viðræðurnar við SA.
Ríkissáttasemjari kallaði eftir
fjölda félagsmanna sem samning­
arnir ná til frá stéttarfélögunum.
Samkvæmt upphaflegu svari VLFA
voru félagsmenn alls 2.509 en sam­
kvæmt leiðréttu svari eru þeir 1.102.
„Ég sendi tölvupóst á SA og sagði
að ef þetta væri nú það sem SA
hefðu mestar áhyggjur af þá væru
áhyggjurnar sem við þyrftum að
hafa ekki miklar.“
Vilhjálmur segir að vegna mis­
skilnings hafi verið tekinn saman
listi þar sem einnig var að finna
félagsmenn sem heyra undir sér­
kjarasamninga. Stærstur hluti þeirra
starfar í stóriðju á Grundartanga.
„Það fór vitlaus tala til Ríkissátta­
semjara en ég er búinn að leiðrétta
það. Við erum aldrei að spá í þetta
fyrr en við þurfum að láta kjósa um
verkfall eða samning. Þetta hefur
aldrei verið gert á meðan viðræður
eru í gangi þannig að þetta eru ný
vinnubrögð hjá sáttasemjara.“
Vilhjálmur vill á móti vita hversu
mörg fyrirtæki eigi aðild að SA.
„Ég ætla að senda erindi og spyrja
að því hvað það séu mörg fyrir­
tæki sem tengjast SA
á mínu félagssvæði.
Við höfum ekki hug­
mynd um það hvort
fyrirtæki sem félags­
menn okkar vinna
hjá tilheyra SA
eða ekki. Ég kalla
e f t i r þ e ssu m
upplýsingum og
að þetta verði
greint niður á
félagssvæði.“
– sar
Fækkaði um
1.400 hjá VLFA
Þau eru um þessar
mundir í geymslu
og ekki hefur verið tekin
ákvörðun um aðra notkun
þeirra.
Stefán Jóhann
Stefánsson,
ritstjóri Seðla-
banka Íslands
Seðlabankinn á mikið málverkasafn en nekt líkt og á meðfylgjandi mynd eftir
Gunnlaug Blöndal fær ekki að prýða veggi bankans. FRÉTTABLAÐIÐ/ANTON BRINK
Vilhjálmur
Birgisson.
VIÐSKIPTI Stefnt er að því að viðræður
um kaup Indigo Partners á 49 pró­
sentum í WOW air klárist í febrúar.
Þetta segir Skúli Mogensen forstjóri.
Þeir fjárfestar sem tóku þátt í
skuldabréfaútboði WOW í fyrra og
eignuðust þannig kauprétti að hluta­
bréfum í félaginu hafa samþykkt að
falla frá kaupréttunum, samkvæmt
tilkynningu frá WOW air í gær.
Niðurfelling umræddra kauprétta,
sem samið var um í 60 milljóna dala
skuldabréfaútboði flugfélagsins sem
lauk í september í fyrra, er skilyrði
þess að fjárfesting bandaríska félags­
ins Indigo Partners í WOW air gangi
eftir. – þea / kij
Stefna á að klára
fyrir lok febrúar
Skúli
Mogensen.
1 9 . J A N Ú A R 2 0 1 9 L A U G A R D A G U R2 F R É T T I R ∙ F R É T T A B L A Ð I Ð