Fréttablaðið - 01.06.2007, Blaðsíða 64

Kvikmyndir hafa allt-
af haft mikil áhrif á
mig. Þegar ég hef
horft á myndir um
ofurhetjur finnst mér
ég fullur af nýupp-
götvuðum kröftum
og fær í flestan sjó.
Þegar ég hef horft á
mynd um heimshorna-
flakkara er ég sjálfur
farinn á flakk í huganum með bak-
pokann og kompásinn í hendinni. Í
nokkrar mínútur eftir að ég horfði
á The Devil Wears Prada var ég
þess fullviss að framtíð mín lægi í
tískubransanum. En eins og kvik-
myndir eiga auðvelt með að fanga
mig er merkilegt að ég hef alveg
sloppið við raunveruleikaþætt-
ina. Eflaust er það vegna þess að
ég gef mér ekki mikinn tíma til að
horfa á sjónvarp. Reyndar er það
svo að ég er mjög fordómafull-
ur í garð raunveruleikaþátta. Ef
svo vill til að þeir koma á skjáinn
þegar ég er að horfa er ég fljótur
að skipta um stöð.
Í kvöld verður sýndur raunveru-
leikaþáttur í Hollandi sem mun að
ég tel slá öll met. Hugmyndin er
líka svo út úr kú, að meira að segja
mig langar til að fylgjast með.
Í þættinum munu hollensk-
ir sjúklingar keppa um nýra úr
37 ára dauðvona konu. Hún mun
hlusta á sögu sjúklinganna og með
aðstoð SMS-kosningar ákveða hver
hlýtur nýrað í beinni útsendingu.
Eins og við var að búast vöktu
fréttir af þættinum misjöfn við-
brögð og hafa hollensk stjórnvöld
skorað á framleiðendur þáttar-
ins að hætta við útsendinguna. Al-
menningur í Hollandi hefur held-
ur ekki setið á skoðunum sínum,
hvort sem menn eru fylgjandi eða
á móti þættinum.
Framleiðendurnir voru hins
vegar ekki lengi að benda á ágæti
þáttarins. Með honum væri nefni-
lega verið að vekja upp þarfa um-
ræðu um stöðu líffæraþega. Þessi
rök þykja mér ekki góð. Með sama
móti má réttlæta svo margt. Lík-
amsárásir í miðbæ Reykjavíkur
hafa vakið þarfa umræðu um of-
beldi. Ég vona að sú umræða verði
ekki notuð sem réttlæting fyrir
frekara ofbeldi.
Stæsta bloggsamfélagið á Íslandi
Viltu sei’eikkað?
Ný útlit · Myndaalbúm · Símablogg
Bloggaðu með
símanum!
Hvar sem er og
hvenær sem er!