Fréttablaðið - 07.06.2017, Blaðsíða 8

Rekstrarland er hluti af Olís
NILFISK VINNUR
VERKIÐ Á
METHRAÐA
Nilfisk fæst í verslun Rekstrarlands, Vatnagörðum 10 og hjá útibúum Olís um land allt.
OPIÐ ALLA
VIRKA DAGA
KL. 8–17.Nilfisk háþrýstidælur eru til í ýmsum stærðum og styrkleikum jafnt fyrir
heimili sem til iðnaðar- og fyrirtækjanota. Með öflugri háþrýstidælu vinnur
þú verk á svipstundu sem annars tæki mun lengri tíma.
STJÓRNMÁL „Það er engin launung á
því að við Sjálfstæðismenn í Eyjum
erum mjög ósátt við framgöngu Páls
í aðdraganda sveitarstjórnarkosn-
inganna,“ segir Jarl Sigurgeirsson,
formaður fulltrúaráðs Sjálfstæðis-
flokksins í Vestmannaeyjum, um
oddvita flokksins í Suðurkjördæmi,
Pál Magnússon. Jarl segir Pál launa
illa þá vinnu sem hann sjálfur og
margir Sjálfstæðismenn lögðu á sig
fyrir Pál og flokkinn í aðdraganda
síðustu þingkosninga.
Klofningsframboð úr Sjálf-
stæðisflokknum, Fyrir Heimaey,
vann góðan sigur í kosning-
unum, fékk þrjá menn kjörna
og myndaði nýjan meirihluta
með Eyjalistanum en Sjálf-
stæðismenn töpuðu meiri-
hluta sem þeir hafa haft
undanfarin tólf ár og fengu
einnig þrjá menn kjörna.
Vináttusamband er milli Páls
og Írisar Róbertsdóttur, oddvita
k l o f n i n g s f r a m -
boðsins og nýs
bæjarstjóra í Vest-
m a n n a e y j u m .
Þau hafa verið
samherjar í pólitík
um árabil og hafa til
dæmis lengi setið
saman í stjórn
ÍBV. Íris
studdi Pál dyggilega í prófkjöri Sjálf-
stæðismanna fyrir síðustu þing-
kosningar og þótt Páll hafi ekki stutt
klofningsframboð Írisar opinberlega
eru viðmælendur Fréttablaðsins í
flokknum á einu máli um að hann
stóð með Írisi og félögum hennar
í baráttunni og veitti framboði
Sjálfstæðisflokksins í Eyjum engan
stuðning.
Einn viðmælandi blaðsins bendir
á hve mjótt hafi verið á munum milli
flokksins og klofningsframboðsins
og því hafi atkvæði Páls sjálfs og hans
nánustu í raun gert útslagið og meiri-
hluti flokksins fallið á atkvæðum
þeirra.
Annar viðmælandi blaðsins telur
einsýnt að Páll muni aldrei aftur
sigra í prófkjöri fyrir flokkinn í kjör-
dæminu. Þessi afstaða tilheyrir ekki
eingöngu Eyjamönnum heldur hafi
sveitarstjórnarmenn flokksins um
allt kjördæmið snúið baki við Páli.
Samherjar Páls í Sjálfstæðisflokkn-
um, þeir Janus Arn Guðmundsson
og Þengill Björnsson, munu einnig
hafa beitt sér óformlega fyrir klofn-
ingsframboðið. Þeir unnu báðir með
Páli í aðdraganda síðustu alþingis-
kosninga og Janus í framhaldinu
sem kosningastjóri flokksins í kjör-
dæminu.
Nokkurs titrings gætir í Valhöll
vegna málsins en Janus og Þengill
sitja báðir í miðstjórn Sjálfstæðis-
flokksins og Janus er nýráðinn fram-
kvæmdastjóri borgarstjórnarflokks
Sjálfstæðisflokksins. Til eru þeir í for-
ystu flokksins sem vilja helst losna
við þá Janus og Þengil úr flokknum
enda þrífist þeir á innanflokksátök-
um og margir telja fráleitt að þeir geti
setið í trúnaðarstöðum fyrir flokkinn
og um leið beitt sér gegn flokknum
í kosningum. Hins vegar eru þeir
sem vilja ekki þann óvinafögnuð að
taka hart á þeim sem beita sér gegn
flokknum.
Elliði Vignisson, fráfarandi bæjar-
stjóri í Vestmannaeyjum, hefur verið
nefndur sem mögulegur eftirmaður
Bjarna Benediktssonar á formanns-
stóli, hann hefur einnig íhugað að
hella sér út í landsmálin og vitað er
að hann lá undir feldi fyrir síðustu
þingkosningar. Gæfi Elliði kost á
sér í landsmálin má gera ráð fyrir að
hann etji kappi við Pál sem er odd-
viti flokksins í kjördæminu og í því
ljósi má halda því fram að Páll hafi
hagsmuni af því að koma Elliða á kné
áður en hann nær of langt. Árangur-
inn kann hins vegar að vera of dýru
verði keyptur ef orðspor Páls sjálfs í
kjördæminu fylgir með.
Sjá nánar á frettabladid.is.
adalheidur@frettabladid.is
Páll rúinn trausti í kjördæminu
Mikil reiði er innan flokksins vegna meintrar framgöngu Páls
gegn eigin flokki í aðdraganda kosninga. FRÉTTABLAÐIÐ/VILHELM
Elliði er líklegur helsti
keppinautur
Páls um for-
ystu í Suður-
kjördæmi.
VELFERÐARMÁL Úrskurðarnefnd vel-
ferðarmála hefur komist að þeirri
niðurstöðu að fortakslaust ákvæði í
reglum Hafnarfjarðarbæjar um fjár-
hagsaðstoð standist ekki grundvallar-
reglur íslensks réttar um rétt til félags-
legrar aðstoðar.
Fyrrverandi fangi kvartaði til
nefndarinnar eftir synjun bæjarins
um fjárhagsaðstoð en hann hafði sótt
um aðstoð á þeim grundvelli að hann
stundaði háskólanám en þar sem
hann sé á vanskilaskrá eigi hann ekki
rétt á námsláni frá LÍN nema með
ábyrgðarmanni, en ómögulegt geti
reynst fyrir fyrrverandi fanga sem
bíða gjaldþrot að fá ábyrgðarmann
að láni. Umsókn mannsins var synjað
með vísan til fortakslauss ákvæðis
reglna bæjarins um að einstaklingar
sem stunda nám sem er lánshæft hjá
Lánasjóði íslenskra námsmanna, njóti
ekki réttar til fjárhagsaðstoðar.
Í niðurstöðu úrskurðarnefndar-
innar er á því byggt að umrætt ákvæði
leiði í reynd til þess að ekki fari fram
eiginlegt mat á aðstæðum umsækj-
enda og því hvort þeir geti séð sjálfum
sér og fjölskyldum sínum farboða án
aðstoðar. „Þar sem löggjafinn hefur
eftirlátið stjórnvöldum mat til þess að
geta tekið ákvörðun sem best hentar
hag hvers aðila, með tilliti til allra
aðstæðna, er stjórnvöldum óheimilt
að afnema matið með því að setja til
dæmis verklagsreglu sem tekur til
allra mála, sambærilegra sem ósam-
bærilegra.“
Formaður Afstöðu, félags fanga,
fagnar niðurstöðunni og segir hana
fordæmisgefandi. „Afstaða hefur
margoft bent á að þeir verst stöddu
í samfélaginu falli á milli skips og
bryggju með fortakslausum ákvæðum
sem þessu og að þau hefti möguleika
þeirra sem ljúka afplánun til að byggja
upp líf sitt að nýju. Það er því sérlega
ánægjulegt að úrskurðarnefndin taki
af allan vafa í þessu tiltekna máli og
segi að meta þurfi aðstæður allra
umsækjenda um fjárhagsaðstoð,“
segir Guðmundur Ingi Þóroddsson,
formaður Afstöðu. – aá
Óheimilt að synja fyrrverandi fanga um aðstoð
Sjálfstæðismenn í Eyjum
eru æfir af reiði vegna
framgöngu Páls Magnús-
sonar, oddvita kjördæm-
isins, í aðdraganda nýaf-
staðinna kosninga. Segja
hann bera ábyrgð á því
að meirihluti flokksins
féll í Vestmannaeyjum.
Nafngreindir fulltrúar
í miðstjórn Sjálfstæðis-
flokksins einnig sagðir
hafa unnið gegn flokkn-
um í Eyjum. Titringur er
í Valhöll vegna málsins.
Guðmundur Ingi
Þóroddsson, for-
maður Afstöðu.
DÓMSMÁL Landsréttur hefur
úrskurðað að maður sem ákærður
er í kynferðisbrotamáli gegn 14 ára
stúlku þurfi að víkja úr þingsal á
meðan hún gefur skýrslu við aðal-
meðferð málsins. Héraðsdómur
Reykjavíkur hafði áður komist að
sömu niðurstöðu.
Manninum er gefið að sök að hafa
tvisvar átt kynferðislegt samneyti við
stúlkuna, þar sem hún veitti honum
munnmök og þau höfðu samræði.
Lögmaður mannsins var mótfall-
inn þeirri kröfu réttargæslumanns
brotaþola að skjólstæðingur hans
fengi ekki að vera viðstaddur þegar
brotaþoli gæfi skýrslu.
„Brotaþoli var einungis 14 ára
gömul er ætlað brot var framið. Er
hún orðin 16 ára í dag. Ætlað brot
ákærða er alvarlegt. Af framan-
greindu og því sem fram kemur í
vottorði sálfræðingsins virtu telur
dómari að hagsmunir brotaþola, af
því að geta gefið skýrslu án nærveru
ákærða, vegi þyngra en hagsmunir
ákærða af því að vera viðstaddur
skýrslugjöf hennar,“ segir í niður-
stöðu héraðsdóms. – tg
Víkur úr sal
meðan brotaþoli
gefur skýrslu
AKUREYRI Lögreglan á Akureyri hefur
ákært konu á fertugsaldri fyrir að hafa
verið að skoða Facebook í símanum á
meðan hún ók bifreið sinni.
Lögreglan stöðvaði konuna að
nóttu til um miðja viku þar sem akst-
urslag hennar þótti skringilegt. Kom
í ljós að hún hafði verið önnum kafin
á Facebook undir stýri. Við rannsókn
málsins var tekið blóðsýni úr kon-
unni og þar fundust fimm slævandi
lyf en einnig MDMA.
Verði konan sakfelld fyrir hátta-
lagið þarf hún að sæta sviptingu öku-
réttinda og greiðslu sektar í ríkissjóð.
Einnig fer ákæruvaldið fram á að
konan greiði sakarkostnað. – sa
Dópuð undir
stýri á Facebook
7 . J Ú N Í 2 0 1 8 F I M M T U D A G U R8 F R É T T I R ∙ F R É T T A B L A Ð I Ð