Dagblaðið Vísir - DV - 06.12.2019, Page 8

8 UMRÆÐA
Sandkorn
6. desember 2019
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
Aðalnúmer: 512 7000
Auglýsingar: 512 7050
Ritstjórn: 512 7010
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson
Framkvæmdastjóri: Karl Garðarsson Ritstjóri: Lilja Katrín Gunnarsdóttir
Prentun: Torg prentfélag Dreifing: Póstdreifing
Suðurlandsbraut 14
2. hæð
FRÉTTASKOT
512 7070
ABENDING@DV.IS
Kerfið sem gerir menn að goðum
E
f ég segði upp vinnunni
minni í dag væri ég bund­
in ráðningarsamningi.
Hann kveður á um þriggja
mánaða uppsagnarfrest. Ef
vinnuveitandinn minn færi fram
á að ég legði strax niður störf fengi
ég þessa þrjá mánuði greidda.
Síðan tæki við erfið atvinnuleit og
hugsanlega skráning á atvinnu­
leysisbætur í framhaldinu, alla­
vega miðað við núverandi ástand
á vinnumarkaði. Ofan á hvað það
er glatað að missa vinnuna bætast
við fjárhagsáhyggjur, óvissa, óör­
yggi og depurð. Sært stolt. Sjálfs­
efi. Andlegt þrot í margar vikur,
sem bitnar á einkalífinu.
Nokkurn veginn svona er
það svona pöpulinn að missa
vinnuna, eins og fjölmargir hafa
þurft að upplifa síðustu mánuði.
Mörg hundruð manns hefur verið
sagt upp undanfarið og fjölmargir
eru enn án vinnu. Ástandið á
vinnumarkaði er heldur ekki lík­
legt til að lagast á næstunni og
búa því margir við það ástand að
hafa ekki hugmynd um hvenær
þeir komast aftur út á vinnu­
markaðinn og ná að sjá fjöl­
skyldu sinni farborða.
Svo eru það þeir sem
eru á sérdíl. „Special prize
for you my friend,“ eins
og braskararnir segja
þegar þeir reyna að selja
grandalausum, sólar­
þyrstum Íslendingum
alls konar drasl sem
engan í veröldinni
vantar. Menn eins og
ríkislögreglustjóri sem
virðist vera rót alls kyns
deilna og sundrungar innan lög­
reglunnar. Menn sem taka um­
deildar ákvarðanir en þurfa aldrei
að svara fyrir neitt. Menn sem eru
bendlaðir, trekk í trekk, við alvar­
leg mál en þurfa enga ábyrgð að
axla. Þeir, af öllum, fá sérdílinn.
Þeir fá að hætta í sínu starfi
með reisn og fá fína ráðgjafa­
stöðu í þrjá mánuði. Þeir
halda óskertum laun­
um eftir starfslok í
tvö ár. Þeir fá fjöru­
tíu milljónir fyrir að
sitja heima að drekka
kaffi, spila golf, leika
við barnabörnin,
kaupa í matinn.
Þeir þurfa ekki að
skrá sig á atvinnu­
leysisbætur. Þeir
þurfa ekki að lifa í
óöryggi og óvissu.
Þeir þurfa engar
áhyggjur af fjárhagnum að hafa.
Ef einhver efaðist einhvern
tímann um að stéttaskipting
væri á Íslandi, að hér byggju þau
og við, þá kristallast það í þess­
um galna starfslokasamningi við
mann sem skilur heilt embætti
eftir í rjúkandi rúst, að svo virðist.
Og af hverju gerist svona lagað?
Hvernig er hægt að réttlæta þetta?
Jú, út af því að hér á Íslandi erum
við með úrelt embættismanna­
kerfi sem býður upp á spillingu og
frændhygli. Kerfi sem gerir emb­
ættismenn að goðum sem eru
ósnertanleg. Kerfi sem tryggir að
það þarf stjarnfræðilega alvar­
lega kvörtun, kæru eða klögun
til að koma þessum mönnum úr
embætti að það jaðrar við að vera
sturlun. Þess vegna sitja þeir sem
fastast. Og fá svo feitan starfsloka­
samning. Sem við, pöpullinn,
þurfum að borga. n
Spurning vikunnar Hver er besta jólamyndin?
„Ég horfi alltaf á Polar Express til að
koma mér í jólaskapið, þótt Tom Hanks
sé pínu „creepy“ svona „animated“.“
Eyja Sigríður Gunnlaugsdótt-
ir, nemi og skemmtikraftur.
„Ég er meira í bókunum yfir jólin, en
þegar ég horfi á mynd verður það Home
Alone 1.“
Hrói Hróbjartur Höskuldsson,
nemi.
„Ég verð að segja Elf með Will Ferrel, ég
ligg í kasti yfir henni hver einustu jól.“
Hali Hallgrímur Þorsteins-
son, athafnamaður.
„Það hafa ekki liðið jól þar sem ég
hef ekki horft á How the Grinch Stole
Christmas, sem á svo sem vel við þar
sem ég er svoddan Grinch sjálf .“
Sara, nemi og
handavinnukona.
Jæja RÚV, hvað er að
frétta?
Ríkisútvarpið, ríkisrekinn fjöl­
miðill okkar allra, hefur verið
kærður til úrskurðarnefndar
um upplýsingamál því menn
þar á bæ ætla ekki að greina
frá því hvaða einstaklingar
sækja um stöðu útvarpsstjóra.
Gott og vel. Fyrir þessari
ákvörðun hljótum við sem Ís­
lendingar að trúa því að góð
og gild rök liggi að baki. Eða
hvað? Ástæðan er sem sagt sú
að með þessu vilja þeir laða
að betri umsækjendur. Því
eins og allir vita þá eru það
allra bestu umsækjendurnir
sem ekki vilja gangast við
umsókn sinni opinberlega
þótt þeir séu að sækja um hjá
opinberu hlutafélagi í ríkis­
eigu. Auk þess hefur RÚV
bent á að Capacent, sem sér
um ráðninguna, hafi ráðlagt
það. Leyndarhyggja strax við
ráðningu. Þetta verður líklega
vel valinn og farsæll útvarps­
stjóri. Ekki að við getum tek­
ið afstöðu til þess, enda fáum
við ekki að vita hvort hann
eða hún var hæfasti umsækj­
andinn. En það þekkist vart í
íslensku þjóðfélagi að menn
séu ráðnir án þess að vera
hæfastir. Nei, það hefur aldrei
gerst.
Þrot hjá múm-liðum
Félagið Krakkalakkar ehf. hef­
ur verið tekið til gjaldþrota­
skipta og verður skiptafund­
ur haldinn í mars á næsta
ári. Eigendur félagsins eru
þeir Gunnar Örn Tynes og Örvar
Smárason. Eiga þeir helmings­
hlut í félaginu hvor um sig en
þeir eru hvað þekktastir fyr­
ir að slá í gegn með hljóm­
sveitinni Múm sem þeir stofn­
uðu árið 1997. Hljómsveitin
er enn starfandi og hefur not­
ið gífurlegrar hylli um allan
heim. Félagið Krakkalakkar
ehf. sá til að mynda um útgáfu
krakkatímaritsins Krakkalakk­
ar, en ritstjóri þess var Guðbjörg
Gissurardóttir.
Vetrargleði Réttu græjurnar skipta öllu máli.
Leiðari
Lilja Katrín Gunnarsdóttir
lilja@dv.is