Fréttablaðið - 13.05.2016, Blaðsíða 4

Álfurinn 2016
- fyrir unga fólkið
LögregLumáL Foreldrar unglings-
stúlku sem varð fyrir líkamsárás á
lóð Langholtsskóla í síðustu viku
segja hana ekki enn hafa mætt
í skólann, eða allt frá því fyrir
páskafrí.
Þau hafa gagnrýnt úrræðaleysi
Austurbæjarskóla, sem stúlkan
gengur í, vegna langvarandi eineltis
sem aðrir nemendur skólans leggja
dóttur þeirra í. Þau segja stjórn-
endur skólans ekki hafa sett sig í
samband við þau frá því að árásin
var gerð.
Líkamsárásin telst upplýst hjá
lögreglu. Þrjár stúlkur eru gerendur,
tvær eru ósakhæfar og því var mál
þeirra sent til barnaverndarnefnda
en ein stúlka er sakhæf og liggur mál
hennar á borði lögreglu. Ekki feng-
ust upplýsingar hjá skólayfirvöldum
um hvernig tekið yrði á málum
innan skólans en hvorki skólastjóri
Austurbæjarskóla né upplýsinga-
fulltrúi skóla- og frístundasviðs geta
tjáð sig um einstök mál.
Skóla- og frístundaráð samþykkti
á fundi sínum á þriðjudag að óháð-
ur aðili yrði fenginn til að fara yfir
verkferla vegna eineltis og sam-
skiptavanda barna. Skúli Helgason,
formaður ráðsins, segir atvikið hafa
verið áfall en að þessi ákvörðun sé
ekki tekin í vantrausti á kerfið eins
og það er. „Það er mjög mikilvægt að
viðhalda trausti og skapa traust. Því
viljum við skoða ferlana og athuga
hvað við getum gert betur.“
Þarf að vinna með gerendur
Vanda Sigurgeirsdóttir er ráðgjafi
í eineltismálum og rannsakar sér-
staklega eineltismál í doktorsrann-
sókn sinni. Hún segir skólayfirvöld
vinna flott starf að mörgu leyti og
að foreldrar séu orðnir mun með-
vitaðri um einelti. Aftur á móti séu
nokkur atriði sem þurfi að bæta.
„Inngripin eru ekki nógu lang-
varandi og ítarleg. Það þarf að vinna
meira með hópinn og sérstaklega
þarf að vinna lengur með gerendur.
Það dugar ekki að tala einu sinni
eða tvisvar við þá og meira að segja
getur það gert eineltið verra. Það
þarf að lágmarki tíu skipta sam-
skiptavinnu með gerendum.“
Vanda segir afar mikilvægt að
beina frekari sjónum að gerendum.
Því án gerenda séu vissulega engir
þolendur. Hún segir að hægt sé að
vinna með hegðun gerenda strax í
leikskóla.
„Það er hægt að koma auga á
þessa hegðun mjög snemma og
það þarf að vinna með félagsfærni
og vináttuþjálfun þeirra barna.
Ef maður nær að breyta þessari
hegðun við ungan aldur þá sparast
heilmikið. Við spörum sársauka
þolenda og fjölskyldna þeirra, tíma
skólakerfisins og annarra kerfa sam-
félagsins. Því rannsóknir sýna að
mörgum gerendum líður verr, þeir
eru með kvíða og þunglyndi og leita
í andfélagslega hegðun, fara í afbrot,
neyslu og beita ofbeldi.
Vanda segir mikilvægt að muna
eftir þessum atriðum þegar alvar-
leg atvik koma upp.
„Við megum ekki gleyma að ger-
endur eru líka börn og auðvitað
þyrfti að hjálpa þeim áður en eitt-
hvað svona alvarlegt gerist.“
erlabjorg@frettabladid.is
Þolandi þorir ekki enn að fara í skólann
Líkamsárás gegn unglingsstúlku telst upplýst. Mál gerenda á borði barnaverndarnefnda og lögreglu. Engar upplýsingar fást hjá skól-
anum þar sem stúlkurnar stunda nám. Eineltissérfræðingur vill beina sjónum að gerendum og uppræta hegðun þeirra strax í leikskóla.
Kennarar kalla eftir fræðslu
Í rannsókn Sjafnar Kristjánsdóttur á mati kennara á fræðslu og þjálfun í ein-
eltismálum í kennaranámi, frá árinu 2011, kemur skýrt fram að kennarar
vilja fá meiri fræðslu og þjálfun í því að bregðast við og takast á við einelti.
Nær öllum þátttakendum rannsóknarinnar fannst vanta sérhæfða kennslu
um eineltismál í kennaranámi. Eingöngu er boðið upp á valáfanga um
einelti í náminu. Því sögðust margir vera illa undirbúnir til að takast á við
eineltismál í starfi sínu sem kennarar.
Stúlkan hlaut meiðsl á baki og hálsi og var rispuð og marin eftir árásina. Myndband af atvikinu fór víða á samfélagsmiðlunum
og vakti óhug. NordicPhotoS/Getty
Það er mjög mikil-
vægt að viðhalda
trausti og skapa traust.
Skúli Helgason,
formaður skóla- og
frístundaráðs
Við megum ekki
gleyma að gerendur
eru líka börn og auðvitað
þyrfti að hjálpa þeim áður en
eitthvað svona
alvarlegt
gerist.
Vanda Sigurgeirs-
dóttir eineltis-
sérfræðingur
StjórnmáL Meirihluti Íslendinga
er andvígur því að Ísland gangi í
Evrópusambandið. Alls segjast 51,4
prósent vera andvíg eða mjög andvíg
inngöngu. Þá segist 27,1 prósent vera
hlynnt eða mjög hlynnt. Þetta kemur
fram í nýrri könnun MMR.
Niðurstöðurnar benda til að
litlar breytingar hafi orðið á afstöðu
almennings gagnvart inngöngu í
ESB á undanförnum tveimur árum.
Sé hins vegar litið til samanburðar
alveg til ársins 2012 hefur andvígum
fækkað um rúmlega 10 prósentustig
frá seinnihluta ársins 2012 þegar
milli 60 og 65 prósent Íslendinga
kváðust andvíg inngöngu Íslands í
Evrópusambandið. Á sama tímabili
hefur hlynntum fjölgað um allt að
10 prósentustig.
Greinilegt er að fólk sem búsett
er á höfuðborgarsvæðinu er mun
hlynntara inngöngu en fólk sem býr
á landsbyggðinni. Þá er eldra fólk og
konur einnig líklegri til að vera and-
víg inngöngu.
Könnunin var gerð dagana 6. til
9. maí. Í úrtaki voru einstaklingar,
18 ára og eldri, valdir handahófs-
kennt úr hópi álitsgjafa MMR. Alls
svöruðu 947 einstaklingar spurn-
ingunni. – skó
Yfir helmingur á móti inngöngu
Íslendingar virðast hafa takmarkaðan áhuga á því að ganga í evrópusambandið og
skipta um gjaldmiðil. NordicPhotoS/Getty
FrakkLand François Hollande,
forseti Frakklands, stóð af sér van-
trauststillögu stjórnarandstöð-
unnar í gær. Ástæða tillögunnar er
umdeildar breytingar á vinnulöggöf
sem Hollande ber ábyrgð á, að því er
Wall Street Journal greinir frá.
Alls greiddu 246 þingmenn í neðri
deild franska þingsins atkvæði með
vantrauststillögunni en 288 greiddu
atkvæði gegn henni. Tillagan var
lögð fram af íhaldsmönnum í stjórn-
arandstöðu. Wall Street Journal segir
að niðurstöður atkvæðagreiðsl-
unnar sýni að Hollande hafi mikinn
stuðning frá eigin flokki. Engu að
síður sæti hann gagnrýni fáeinna
þingmanna sósíalistaflokksins fyrir
lögin sem þykja draga úr réttindum
franskra verkamanna.
Hollande segir að lagabreytingin
muni auka frelsi í frönsku efnahags-
lífi og vinnuveitendur og launþegar
losni við flóknar reglur á vinnumark-
aði. „Við verðum að gefa fyrirtækj-
unum meira frelsi til þess að taka
ákvarðanir sem eru praktískar fyrir
þau,“ sagði Manuel Valls, forsætis-
ráðherra Frakklands, í umræðum á
þinginu áður en atkvæðagreiðslan
um vantrauststillöguna fór fram.
Breska blaðið Guardian segir
að Hollande sé umdeildur meðal
fransks almennings, vegna laganna,
sem hafi mótmælt á götum í París.
Það sem fer helst fyrir brjóstið á
gagnrýnendum er sú aðferð sem
Hollande nýtti sér við að setja lögin.
Hann nýtti sér ákvæði í frönsku
stjórnarskránni sem gefur forset-
anum tækifæri til að setja lög án þess
að þau fari fyrir franska þingið. - jhh
Hollande Frakklandsforseti stóð af sér vantrauststillögu
FranÇois hollande, forseti Frakklands,
sætir talsverðri gagnrýni heimafyrir
þessa dagana. NordicPhotoS/AFP
Við verðum að gefa
fyrirtækjunum
meira frelsi til þess að taka
ákvarðanir sem eru
praktískar fyrir þau.
Manuel Valls, forsætisráðherra Frakk-
lands
1 3 . m a í 2 0 1 6 F ö S t u d a g u r4 F r é t t i r ∙ F r é t t a B L a ð i ð