Morgunblaðið - 02.09.2019, Page 4

4 FRÉTTIRInnlent
MORGUNBLAÐIÐ MÁNUDAGUR 2. SEPTEMBER 2019
Bir
tm
eð
fyr
irv
ar
au
m
pr
en
tvi
llu
r.
He
im
sfe
rð
ir
ás
kil
ja
sé
rr
étt
til
lei
ðr
étt
ing
aá
slí
ku
.A
th.
að
ve
rð
ge
tur
br
ey
st
án
fyr
irv
ar
a.
595 1000
60+
meðGunnari Svanlaugs
Frá kr.
194.995
17. september í 19 nætur
Benidorm
Teitur Gissurarson
teitur@mbl.is
Ragnar Bjarnason, betur þekktur
sem Raggi Bjarna, hélt stórtónleika
í Eldborgarsal Hörpu í gærkvöldi
þar sem hann „kvaddi stóra sviðið“.
Hann var í góðum gír þegar
hann tók á móti blaðamanni fyrir
tónleikana, enda stór tímamót í lífi
manns sem hefur heillað þjóðina
með látúnsbarka sínum undanfarin
sjötíu ár. Vitaskuld er skemmti-
krafturinn farinn að finna fyrir aldr-
inum, verður 85 ára síðar í mán-
uðinum. Röddin virðist hins vegar
halda velli og er það því að þakka að
ferillinn hefur gengið jafn lengi og
raun ber vitni.
Hrifinn af Hauki og Alfreð
„Það veit ég ekki!“ svaraði
Raggi hress, spurður númer hvað
tónleikarnir í gærkvöld væru á ferl-
inum, enda má telja víst að giggin
séu orðin óteljandi. „Ég byrjaði átta-
níu ára í stofunni heima að þykjast
vera „singer“. Byrjaði að spila á
trommur snemma. Og svo byrjaði ég
að syngja.“
Hann sagðist ekki hafa haft
neinar sérstakar fyrirmyndir sem
söngvari en nefndi þó Hauk Morth-
ens heitinn. „Ég þekkti hann því
hann söng með pabba, Bjarna Bö.
En ég hafði enga sérstaka fyrir-
mynd. Ég stældi aldrei neinn en var
bara hrifinn af söngvurum eins og
Sinatra, Dean Martin, Hauki Morth-
ens og líka Alfreð Clausen. Það var
svona Bing Crosby-stæll á honum.“
Það voru því ekki draumar um
að verða eins og stjörnurnar sem
ýttu Ragga út í tónlistina. „Ég var
bara alinn upp við músík,“ sagði
hann. „Mamma söng í Dómkirkjunni
í þrjátíu-fjörutíu ár. Pabbi spilaði
mikið og strax og ég var orðinn
fimmtán ára var ég farinn að spila á
trommur með Hljómsveit Bjarna
Böðvarssonar.“
Þakkar Guði
Hann þorir ekki að fullyrða um
hvenær hann kom fyrst fram á tón-
leikum. „Ég var ekki einn,“ sagði
hann spurður um fyrstu skrefin á
ferlinum. „Ég fór fljótlega yfir í KK
sextettinn. Svo var ég hjá Svavari
Gests lengi.“ Og svo hafi honum ver-
ið boðið að „taka við Sögu“. „Svo að
ég réð nýja menn og var þar í nítján
vetur,“ sagði Raggi, og á þar vita-
skuld við tímann sem hann sá um
skemmtanahald á Hótel Sögu, sem
landsmenn muna margir eftir.
Spurður hvort það hafi verið
skemmtilegasti hluti ferilsins svar-
aði Raggi að allir hlutar hans hafi
verið skemmtilegir, en á þessum
tíma hafi verið mest að gera.
Spurður hver sé galdurinn á
bak við velgengnina, sjötíu ár af
söng og stuði, var svarið:„Ég bara
þakka Guði fyrir að halda röddinni.
Maður finnur fyrir þessu og hinu
hvað skrokkinn varðar, en röddin
heldur. Svo lengi sem hún gerir það
syng ég.“
Raggi byrjaði átta ára
að þykjast vera „singer“
Morgunblaðið/Eggert
Í Eldborg Raggi og Lay Low voru einlæg á að líta er þau hölluðu sér hvort
að öðru og sungu saman hið hugljúfa lag „Þannig týnist tíminn“.
 Tónleikar
Ragga Bjarna
orðnir óteljandi
Stórar stundir
» Um fimmtán ára byrjar
Ragnar Bjarnason að leika á
trommur með hljómsveit föður
síns.
» 1954 koma út fyrstu plöt-
urnar sem hann syngur inn á.
» 1960 kemur „Vertu ekki
að horfa svona alltaf á mig“ út.
» 1965 byrjar Hljómsveit
Ragnars Bjarnasonar að spila á
Hótel Sögu.
» 2019 kveður hann stóra
sviðið í Eldborgarsal Hörpu.
Teitur Gissurarson
teitur@mbl.is
Dragist útför á langinn getur þurft
að bíða með að jarðsetja þann látna
til næsta dags.
Í útför sem fór fram í Reykjavík
í síðustu viku
var ekki farið
með kistuna á
brott að henni
lokinni heldur
þurfti að jarð-
setja daginn
eftir.
Í samtali við
Morgunblaðið
segir Þórsteinn
Ragnarsson, for-
stjóri Kirkju-
garða Reykjavíkurprófastsdæma,
að slíkt heyri til undantekninga, en
geti komið upp þegar jarðarfarir
eru haldnar í eftirmiðdaginn og
dragist þá fram yfir hefðbundinn
dagvinnutíma í kirkjugörðunum,
sem sé til klukkan 16.00.
Ekki um annað að ræða
„Þetta byggist allt á því að það sé
rætt um hlutina fyrir fram. Ef útför
dregst eitthvað verulega fram yfir
venjulegan dagvinnutíma starfs-
manna Kirkjugarða Reykjavíkur-
prófastdæma eru þeir náttúrulega
ekki til staðar. Þá er ekki um neitt
annað að ræða en að jarðsetja dag-
inn eftir.“
Segir hann þó að vitanlega sé
hægt að haga útförum með mismun-
andi hætti, en allt þurfi það að ger-
ast í samráði við starfsmenn. „Segj-
um sem svo að einhver myndi vilja
hafa útför í einhverri sóknarkirkju
klukkan fjögur. Þá er auðvitað ekki
komið í garðinn fyrr en upp úr
fimm eða hálfsex. Þá er náttúrulega
enginn til staðar til að taka á móti,
nema um það sé sérstaklega samið.
Þá er greitt sérstaklega fyrir það.“
Þetta heyrir til algerra undan-
tekninga að sögn Þórsteins, lang-
flestar útfarir séu haldnar um
miðjan daginn. Útfarir séu haldnar
klukkan ellefu, eitt eða þrjú. „Þá er
þetta í góðu lagi, en hugsanlega
gæti útför klukkan þrjú dregist á
langinn. Ef ekki hefur verið um
það samið að það yrði komið seinna
í garðinn getur náttúrulega komið
upp sú staða að það þurfi að jarð-
setja daginn eftir. Þetta er allt háð
samkomulagi.“
Með vinnutíma eins og aðrir
Ítrekar hann að þessi atvik séu
fá og segir að þau gerist einungis
þegar ekki hafi verið samið um,
eða gengið þannig frá málum, að
hægt sé að koma síðar í kirkju-
garðinn.
„Auðvitað eru þessir starfsmenn
bara með ákveðinn vinnutíma eins
og aðrir og ef þeir eru ekki til stað-
ar er ekkert hægt að gera.“
Þurftu að jarðsetja daginn eftir útförina
 Enginn til staðar eftir hefðbundinn vinnutíma og þá þarf að bíða  Heyrir til undantekninga en
getur gerst  „Allt háð samkomulagi“  Ef starfsmenn eru ekki til staðar er ekkert hægt að gera
Morgunblaðið/Árni Sæberg
Garður Ef athöfn dregst á langinn og ekki hefur verið samið um að einhver
doki við getur gerst að enginn sé á staðnum til að taka á móti eftir útför.
Þórsteinn
Ragnarsson
Hræ háhyrningsins sem strandaði
við höfnina við Þórshöfn á Langa-
nesi á föstudagskvöldið liggur enn í
fjöruborðinu þar.
Til stóð að draga hræ háhyrnings-
ins, sem félagar í björgunarsveitinni
Hafliða á Þórshöfn kölluðu Hibba, á
haf á háflóði í gær og átti báturinn
Gunnar KG að draga það. Frá því
þurfti að hverfa vegna slæmra
veðurskilyrða en takist ekki að fara
nógu langt út með hræið getur það
rekið aftur upp í fjöru.
Fyrst varð vart við háhyrninginn
á föstudagskvöldið við grjótgarð í
Þórshafnarhöfn. Illa gekk að stugga
honum úr höfninni því hann leitaði
aftur inn í hana. Að lokum tókst
björgunarsveitinni að stugga honum
úr höfninni og út fyrir varnargarð-
inn sem þar er. Morguninn eftir
fannst hann dauður í fjörunni.
Matvælastofnun tekur sýni úr
hvalnum og sagði Elías Pétursson,
sveitarstjóri Langanesbyggðar, í
samtali við mbl.is um helgina að
mikilvægt væri að skera hann þann-
ig upp að hann flyti ekki þegar hann
tæki að rotna.
Reyna á að draga hræið á haf út
einhvern næstu daga þegar veður-
skilyrði leyfa.
Gísli Arnór Víkingsson, hvala-
sérfræðingur á Hafró, sagði í sam-
tali við mbl.is að ekki væri algengt
að háhyrninga ræki hingað á land,
enda stofninn mun minni en margar
aðrar hvalategundir.
Hibbi bíður þess að
vera dreginn á haf út
Morgunblaðið/Líney Sigurðardóttir
Strandaður Háhyrningurinn, sem kallaður hefur verið Hibbi, liggur í fjör-
unni og bíður þess að vera dreginn á haf. Beiðið er hagstæðs veðurs.