Morgunblaðið - 04.09.2019, Blaðsíða 17

MINNINGAR 17
MORGUNBLAÐIÐ MIÐVIKUDAGUR 4. SEPTEMBER 2019
✝ Bjarni Gíslasonfæddist í
Reykjavík 17. júlí
1929. Hann lést 25.
ágúst 2019 á Land-
spítalanum.
Foreldrar hans
voru Gísli Ingi-
mundarson, f.
21.10. 1897, d. 5.5.
1976, og Helga
Bjarnadóttir, f.
17.3. 1905, d. 12.6.
1980. Bjarni var elstur af fjór-
um systkinum. Þau eru María
Gísladóttir, f. 1.12. 1930, d.
2.1. 1994, Trausti Gíslason, f.
10.6. 1936, og Emil Gíslason, f.
9.8. 1940, d. 22.8. 1996.
Hinn 18. nóvember 1950
kvæntist Bjarni Erlu Þorvalds-
dóttur, f. 9.11. 1931, d. 10.3.
2014. Foreldrar Erlu voru
Kristín Súsanna Elíasdóttir, f.
11.7. 1896, d. 22.10. 1985, og
Þorvaldur R. Helgason, f.
3.10. 1893, d. 26.10. 1974.
Börn Erlu og Bjarna eru: 1)
Helga Bjarnadóttir, f. 17.3.
1951, d. 24.6. 2009. Maki Egg-
ert Valur Þorkelsson. Börn
Helgu eru: Sigríður Margrét
Einarsdóttir, f. 13.10. 1972.
Maki Einar H. Rögnvaldsson.
Börn: Fjölnir Þór Einarsson, f.
10.1. 1996, Einar Örn
Daníel Freyr f. 21.8. 2018.
Fanney Ósk Þórisdóttir, f.
25.10. 1991. Maki Sigurður
Rósant Júlíusson. Börn: Þórir
Jökull, f. 26.3. 2013, og Leó
Rósant, f. 3.10. 2018. Börn
Sigrúnar fyrir eru: Hulda
Dagbjört, f. 18.5. 1968, Sóley,
f. 21.10. 1973, og Davíð, f.
21.1. 1979. 3) Anna Kristín
Bjarnfoss, f. 18.1. 1964. Maki
Carsten Frøslev. Börn Önnu:
Brynjar Árni Heimisson
Bjarnfoss, f. 29.6. 1986. Maki
Adina Semanek. Benjamin
Frøslev Bjarnfoss, f. 9.5. 2006.
Börn Carstens fyrir eru Mattí-
as, f. 28.1. 1991, Sebastían, f.
7.7. 1995, Magnús, f. 8.6. 1997.
Bjarni ólst upp í Reykjavík
og lauk meistaraprófi í mál-
araiðn 28. mars 1950 frá Iðn-
skólanum í Reykjavik. Hann
starfaði sem málarameistari
um langt árabil. Síðustu 16 ár-
in af starfsferlinum starfaði
hann sem húsvörður í Frímúr-
arahúsinu í Reykjavík. Bjarni
var lengi liðtækur félagi í
Málarameistarafélagi Íslands,
Karlakór Reykjavíkur og Frí-
múrarareglunni á Íslandi.
Bjarni bjó alla ævi í Reykjavík
með eiginkonu sinni fyrir utan
árin 1972-1984 er þau bjuggu
í Silfurtúni í Garðabæ.
Útför Bjarna fer fram frá
Vídalínskirkju í dag, 4. sept-
ember 2019, og hefst athöfnin
klukkan 13.
Steinarsson, f.
25.8. 1999, Emilía
Ósk Stein-
arsdóttir, f. 17.2.
2003. Einar Geir
Einarsson, f. 20.9.
1974. Maki María
Ósk Einarsdóttir.
Börn: Rebekka
Lind, f. 20.6.
2005, Máni Geir,
f. 27.3. 2015.
Bjarni Þór
Einarsson, f. 20.9. 1974. Maki
Guðlaug Jóhannsdóttir. Börn:
Aron Þór, f. 18.2. 2008, og
Helga, f. 22.10. 2010. Erla Rut
Eggertsdóttir, f. 17.7. 1994,
maki Ingi Óli Andersen. Barn:
Óliver Leó, f. 2.8. 2018. Börn
Eggerts fyrir eru: Sunneva, f.
14.10. 1975, Hulda Margrét, f.
18.2. 1979, Gísli Valur f. 11.9.
1981, og Gunnar Örn, f. 3.2.
1983. 2) Þórir Bjarnason , f.
8.6. 1956. Maki Sigrún Gunn-
laugsdóttir. Börn Þóris eru:
Ása Lára Þórisdóttir, f. 5.7.
1978, maki Sigurður Hervins-
son. Börn: Ólöf Erla, f. 10.12.
2004, og Gabríel Þór, f. 24.12.
2007. Erla Súsanna Þór-
isdóttir, f. 17.2. 1982. Maki
Freyr Alexandersson. Börn:
Alexandra Ósk, f. 17.9. 2008,
Embla Marín, f. 7.9. 2010, og
Í dag kveðjum við elsku
pabba sem glaður náði að fagna
níræðisafmæli sínu sl. júlí í blíð-
skaparveðri. Fyrir það erum við
þakklát í dag. Pabbi var traust-
ur maður og stóð með sínu fólki.
Oft hrjúfur á yfirborðinu og lá
ekki á skoðunum sínum ef hon-
um mislíkaði eitthvað. En það
var líka stutt í glettnina, og var
þá blikkað með öðru auganu og
brosið læddist fram. Hann var
alla tíð mikill vinnuþjarkur og
allt sem hann tók sér fyrir
hendur var gert af mikilli
atorku. Hugur og minni voru í
góðu lagi til hins síðasta. Hann
fylgdist vel með þjóð- og heims-
málum og hafði skoðanir á
reiðum höndum þegar nýjustu
fréttir bárust í tal. Hann var
með eindæmum músíkalskur og
þurfti einungis að heyra lag
einu sinni til að geta spilað það
á píanóið af fingrum fram. Við
eigum margar minningar af
honum við píanóið með fjöl-
skyldu og vinum. Djass var
hans uppáhald en hann spilaði
líka vinsælustu lögin hverju
sinni, jólalögin i jólaboðunum og
yfirleitt öll þau lög sem hlust-
endaskarinn bað um. Pabbi
elskaði að syngja. Með sinni
djúpu bassarödd söng hann í yf-
ir 40 ár í Karlakór Reykjavíkur.
Þeir eru fjölmargir tónleikarnir
sem hann tók þátt í í gegnum
árin og hafði alltaf jafn gaman
af. Félagsskapurinn í kórnum
var honum og mömmu mikils
virði og tóku þau virkan þátt í
félagsstarfinu í mörg ár.
Það var stór viðburður á
bernskuárum okkar þegar ferð
til útlanda var á döfinni og
gjarnan kallað í þá daga „að
fara í siglingu“. Mamma og
pabbi fóru í mörg ferðalögin
með kórfélögunum og þess utan
var hin fræga Baltica-ferð til
Miðjarðarhafsins 1966 lengi í
minnum höfð. Þvílíkar framandi
gjafir sem okkur börnunum
voru færðar úr þeirri ferð. Við
fórum „í siglingu“ með mömmu
og pabba í fyrsta skipti þegar
við vorum 10 og 18 ára. Þar á
undan voru það útilegur á suð-
vesturhorni landsins sem mynd-
uðu rammann um ferðalög
fjölskyldunnar. Leiðin lá til
Bandaríkjanna og Kanada og
var það ógleymanleg ferð. Árin
eftir fórum við saman til Norð-
urlandanna, Búlgaríu og Spánar
og nutum hvers augnabliks.
Seinna meir lá leiðin oft til Dan-
merkur til yngstu dótturinnar
og ótaldar eru ferðirnar upp í
sumarbústað þeirra Þóris og
Sigrúnar a Þingvöllum sem
heitir Birkihóll eftir bústað
gömlu hjónanna í Reykjaskógi
til margra ára. Birkihóll var líf
þeirra og yndi. Alltaf voru verk-
efni í gangi. Byggja við og bæta
og gera land og bústað fallegri
með hverju árinu. Margar voru
þær haldnar grillveislurnar á
Birkihóli með ljúffengu lamba-
læri og tilheyrandi meðlæti. Þá
voru þau gömlu í essinu sínu.
Pabbi og mamma bjuggu á
Dvalarheimilinu Grund síðustu
ár ævinnar. Þar undu þau hag
sínum vel þrátt fyrir hrakandi
heilsu mömmu, sem lést fyrir
fimm árum. Pabbi saknaði
hennar fram á síðasta dag og er
það huggun harmi gegn að vita
að þau eru nú sameinuð á ný
ásamt Helgu systur okkar og
öðrum góðum sálum. Við viljum
þakka öllu starfsfólkinu á Dval-
arheimilinu Grund fyrir þeirra
góðu umönnun og hlýju í garð
foreldra okkar. Blessuð sé
minning þín, elsku pabbi.
Þórir og Anna Kristín.
Elsku afi.
Ég lygndi aftur augunum og
hönd þín vermdi mína. Minning-
arnar streyma að og birtast mér
ljóslifandi fyrir sjónum. Ég sá
hólinn við Ingólfsfjall þegar leið
okkar lá í sumarbústaðinn í
Biskupstungum en þú spurðir
mig alltaf hvað þessi hóll héti og
ég svaraði um hæl stolt í bragði
Kögunarhóll. Ég heyrði hljóðið í
brjóstsykrinum sem hristist í
krukkunni í hanskahólfinu og
man brosið hennar ömmu Erlu
þegar hún rétti mér og Brynjari
frænda krukkuna og bauð okk-
ur mola. Þegar við renndum í
hlað var keppst um að fá að
opna hliðið og ég sé fyrir mér
bílinn keyra varlega inn í hlaðið.
Ég sé fyrir mér langan grasstíg
að fallega himinbláa sumarbú-
staðnum Birkihól og mér hlýnar
um hjartarætur. Það voru góðar
minningar af ferðum okkar upp
í sumarbústað með ömmu og
afa. Þar var ýmislegt brallað og
þú iðulega að bardúsa við hitt
og þetta. Stundum fékk ég að
vera með þér í þeim verkum og
það var heiður að fá að hjálpa
afa. Hugsanirnar streyma og nú
færast þær yfir í heimahagana
ykkar ömmu þar sem þú varst
húsvörður en mér fannst þú
alltaf vera konungur þessa kast-
ala sem nefndist Skúlagata. Í
hvert skipti sem ég keyrði
framhjá sagði ég stolt í bragði
að afi minn og amma byggju
þarna. Skúlagatan var sannkall-
að völundarhús og einstaklega
spennandi staður fyrir forvitna
krakka. Ég finn lyktina þegar
ég kem inn í rúmgott anddyrið
og horfi á fallegar vistarverur
þínar og ömmu. Ég opna dyrnar
inn í sal og þar situr þú og spil-
ar á píanóið og syngur hástöfum
fallegt lag. Þú varst tónelskur
og ljómaðir á bak við píanóið.
Við fjölskyldan nutum góðs af
því á jólunum og það var sungið
og dansað í kringum stórt
jólatré í sal Frímúrarareglunn-
ar og ekki má gleyma kræsing-
unum sem voru á boðstólum en
þið amma voruð sannarlega
höfðingjar heim að sækja. Þú
hafðir allmarga mannkosti sem
ber að nefna. Þú varst einstak-
lega stríðinn og mikill húmor-
isti. Þú varst skemmtilegur
karl. Þér var annt um fólkið þitt
og sérstaklega barnabörnin og
barnabarnabörnin og spurðir
alltaf einlæglega hvernig okkur
gengi og tókst það nærri þér ef
eitthvað bjátaði á. Stelpurnar
mínar kölluðu þig djúsafa því
það var alltaf í boði að fá djús
hjá þér á Grund en það var líka
alltaf í boði að knúsa þig og gefa
koss og þú tókst vel á móti slík-
um gjöfum. Sérstaklega varstu
hrifinn af yngstu meðlimum
fjölskyldunnar og ég er þakklát
fyrir að yngsta barn okkar
Freys hafi fengið að hitta þig.
Ég trúi því að ferðalag þitt sé
rétt að byrja og handan við hól-
inn sé eitthvað stórkostlegt sem
bíður þín og þegar þú rennur í
hlað mun gott fólk taka á móti
þér. Það er hins vegar komið að
kveðjustund hjá okkur og ég
kveð þig með söknuði og í þetta
skipti loka ég hliðinu og fer ekki
með þér í sumarlandið. Að lok-
um sé ég þig fyrir mér þar sem
þú þenur út bringuna og hefur
raust þína og syngur:
Blátt lítið blóm eitt er,
ber nafnið: Gleymdu ei mér.
Væri ég fleygur fugl
flygi ég til þín.
Svo mína sálu nú
sigraða hefur þú,
engu ég unna má
öðru en þér.
(Þýsk þjóðvísa)
Takk fyrir samfylgdina, elsku
afi.
Erla Súsanna Þórisdóttir
og fjölskylda.
Elsku afi.
Þú hefur nú fengið hvíldina,
laus við þjáningar og ég trúi því
að þú sért sáttur. Ég trúi því að
nú hafir þú hitt ömmu og
mömmu á ný. Það var það sem
þú þráðir heitast. Það er ekki
hægt að setja sig í þau spor að
missa maka sinn eftir að hafa
verið samferða í tugi ára. Sárs-
auki þinn var mikill.
Þakklæti er mér efst í huga
þegar ég hugsa til allra þeirra
góðu minninga sem ég á með
ykkur ömmu. Þær voru margar
stundirnar sem ég eyddi með
ykkur í Faxatúninu sem barn og
svo þegar þið amma keyptuð
sumarbústaðinn, Birkihól. Þar
eyddi fjölskyldan miklum tíma
saman og ég elskaði að vera þar
með ykkur. Man alltaf eftir því
þegar ég fékk að mála skúrinn
fyrir utan bústaðinn og þú varst
að kenna mér handtökin, enda
mikill fagmaður í þinni iðn. Ég
var afar stolt af mér því ég fékk
mikið hrós frá afa.
Það voru ófáar ferðirnar sem
við fórum á smá flakk saman.
Man sérstaklega eftir því þegar
við fórum í Ikea saman og eins
og oft þegar maður fer þangað
ætlar maður jafnvel bara að
skoða eða í mesta lagi kaupa
sprittkerti. Ég sannfærði þig
um að það væri best að ég rúll-
aði þér bara í hjólastólnum og
þú samþykktir það. Þegar við
vorum komin í gegnum búðina
sást varla í þig fyrir handklæð-
um, kertapökkum og einhverj-
um kössum því kaupin urðu að-
eins meiri en áætlað var og
engin innkaupakarfa og því öllu
dótinu hlaðið í fangið á þér. Yfir
þessu fengum við algjört hlát-
urskast og rifjuðum við þetta
oft upp.
Kórsöng og músík og þá sér-
staklega djassmúsík hafðir þú
mikla ástríðu fyrir og fékk ég
eins og margir að njóta þess.
Ég hef aldrei þekkt neinn sem
spilaði eins flott á píanó bara
eftir eyranu, aldrei með nótur.
Allir tónleikarnir með Karlakór
Reykjavíkur sem þú varst í, í
yfir 40 ár. Ég fékk stundum að
vera með ykkur ömmu á tón-
leikunum og fékk ég að vera í
því hlutverki að labba inn á
sviðið og gefa blóm að loknum
tónleikum. Það var erfitt fyrir
þig sem elskaðir að syngja í kór
og spila á píanó þegar heyrnin
fór að gefa sig. Þú áttir skilj-
anlega erfitt með að sætta þig
við það.
Það verður tómlegt að hafa
þig ekki hér hjá okkur lengur.
Þitt sæti verður nú autt á jól-
unum, það verður skrýtið. Það
gaf okkur svo mikið að hafa þig
hjá okkur. Þú fylgdist vel með
því hvað var að gerast hjá okk-
ur barnabörnunum og varst
áhugasamur að vita hvað við
værum að gera og spurðir oft
frétta. Langafabörnin eru nú
orðin stór hópur og þú fylgdist
vel með þeim líka. Það er ekki
svo langt síðan þú mættir á
handboltaleik með okkur til að
sjá Emilíu Ósk okkar keppa,
varst svo stoltur af henni og
áhugasamur. Einar Örn okkar,
elsta langafabarnið þitt, náði
þeim áfanga að útskrifast sem
stúdent sl. vor, þeim viðburði
vildir þú ekki missa af og mætt-
ir í veisluna þó að þú hafir verið
hálfslappur.
Nú ertu kominn í faðm ömmu
á ný og ég veit að hún og
mamma hafa tekið vel á móti
þér. Þú ferð eflaust brátt að
spila djass á flygilinn þar og
munt syngja annan bassa í ein-
hverjum englakórnum, hver
veit.
Elska þig afi minn. Hafðu
þökk fyrir allt, hvíl í friði.
Þín
Sigríður Margrét
Einarsdóttir (Sirrý).
Á góðum stundum hjá Karla-
kór Reykjavíkur og síðar hjá
eldri félögum var eins og til-
veran lyftist á annað stig þegar
bassinn raddmjúki, Bjarni
Gíslason, settist við píanóið og
tók að sveifla djassinum. Brátt
var allt á iði og gleðin skein úr
andlitum viðstaddra. Til varð
eftirminnileg stund. Svona verð-
ur ljóslifandi, minningin um
þennan góða félaga, þegar
stundaglasið hefur verið tæmt.
Bjarni gekk í raðir Karlakórs
Reykjavíkur árið 1964 og átti
sinn stað í fremstu röð annars
bassa, áratugum saman. Síðan
bættist hann í hóp eldri félaga
kórsins og átti þar góð ár í ára-
tug. Sannarlega eins og bjargið
traust.
En minningin um Bjarna er
nátengd hans góðu konu – Erlu
Þorvaldsdóttur sem alla tíð var
eins og hluti af Karlakór
Reykjavíkur, enda formaður
kvenfélags kórsins um skeið og
virk í öllu starfi. Bjarni var
einnig í stjórn Karlakórs
Reykjavíkur um tíma og hafði
örugglega góð áhrif á blóðþrýst-
inginn.
Stundum er það þannig með
hjón, að þau eru nefnd bæði í
sömu andrá. Þannig var það
með Bjarna og Erlu en hún lést
fyrir fimm árum.
Við eldri félagar í Karlakór
Reykjavíkur minnumst góðs fé-
laga og vottum aðstandendum
samúð okkar.
Fyrir hönd eldri félaga,
Reynir Ingibjartsson.
Bjarni Gíslason HINSTA KVEÐJA
Elsku langafi minn
þú ert æðislegur, fynd-
inn, skemmtilegur og sæt-
ur.
Þú færð mig alltaf til að
hlæja og brosa.
Vonandi líður þér vel
þarna uppi.
Ástarkveðja, þín
Alexandra Ósk Freysdóttir.
Elskulegur eiginmaður minn, faðir okkar,
tengdafaðir og afi,
INGÓLFUR ÁRMANNSSON
frv. skóla- og menningarfulltrúi,
Furulundi 3c, Akureyri,
lést 1. september á öldrunarheimilinu Hlíð,
Akureyri.
Jarðarför verður auglýst síðar.
Hrefna Hjálmarsdóttir
Ásgeir H. Ingólfsson
Auður H. Ingólfsdóttir
Ármann Ingólfsson Erla Colwill Anderson
Vala Pauline Ingolfsson Ari Dalmann Ingolfsson
Eiginmaður minn, faðir okkar, tengdafaðir
og afi,
SIGURGESTUR INGVARSSON
múrarameistari,
Sævangi 14, Hafnarfirði,
lést að morgni 1. september á
Landspítalanum Fossvogi.
Jarðarförin verður auglýst síðar.
Sigrún Erlendsdóttir
Þórdís Björk Sigurgestsd. Þorsteinn Þorsteinsson
Áslaug Sigurgestsdóttir Dagbjartur Jónsson
Frosti Sigurgestsson Sigurlín Hrund Kjartansdóttir
og barnabörn
Ástkær móðir okkar, tengdamóðir, amma
og langamma,
LILJA KRISTJÁNSDÓTTIR
lést á Landakoti í faðmi fjölskyldunnar
þriðjudaginn 27. ágúst.
Útförin verður gerð frá Áskirkju
fimmtudaginn 5. september klukkan 13.
Áskell Másson Sigríður Búadóttir
Ársæll Másson Margrét Pálsdóttir
Karólína Margrét Másdóttir Stefán Jóhannsson
Þórdís Másdóttir Aðalsteinn Stefánsson
Ottó Másson
ömmubörn og langömmubörn