Morgunblaðið - 21.09.2019, Blaðsíða 16

BAKSVIÐ
Baldur Arnarson
baldura@mbl.is
Óvíst er hvenær hægt verður að
ljúka niðurrifi rússneska togarans
Orlik í Njarðvíkurhöfn. Niðurrifið
var nýhafið þegar það var stöðvað 3.
september sl. eftir fyrirvaralausa
úttekt Umhverfisstofnunar.
Skipasmíðastöð Njarðvíkur hefur
starfsleyfi frá Heilbrigðiseftirliti
Suðurnesja til niðurrifs skipa allt að
500 tonn. Orlik vegur hins vegar yfir
500 tonn og þurfti því að sækja um
leyfi til Umhverfisstofnunar.
Fram kemur í greinargerð Skipa-
smíðastöðvar Njarðvíkur að togar-
inn Orlik hafi staðið í Njarðvíkur-
höfn frá 2014 en hann sé í eigu
Hringrásar. Skipið hafi ekki verið í
rekstri frá árinu 2012. Til hafi staðið
að flytja það til niðurrifs erlendis en
ekki orðið af því. Því hyggist skipa-
smíðastöðin rífa skipið á athafna-
svæði í samráði við stjórn Reykja-
neshafnar og Hringrás.
Hentaði ekki fyrir skipið
Daði Jóhannesson, framkvæmda-
stjóri Hringrásar, segir félagið hafa
sótt um undanþágu vegna niður-
rifsins til umhverfisráðuneytisins.
„Fyrst þarf að sækja um breyt-
ingar á leyfinu þannig að það nái yfir
núverandi staðsetningu. Við ætluð-
um að fara með skipið inn á fjöru við
skipasmíðastöðina. Leyfið var til
þess sem sagt. Síðan þegar við ætl-
uðum að fara að grafa rennuna til að
koma skipinu fyrir kom í ljós að það
er klöpp þar undir. Því var ekki hægt
að fara með skipið þar inn. Því var
tekin sú ákvörðun í samráði við höfn-
ina í Njarðvík að færa skipið innan
hafnarinnar, þar sem allar aðstæður
eru mjög góðar, en þá þarf að breyta
starfsleyfinu svo það nái yfir þá stað-
setningu. Þess vegna stöðvaði Um-
hverfisstofnun verkefnið meðan það
er verið að klára þau mál,“ segir
Daði.
Spurður hvort ekki sé óheppilegt
að verkið tefjist, með hliðsjón af því
að veturinn nálgast, segir Daði að
lykilatriðið hafi verið að koma skip-
inu fyrir á öruggum stað áður en
haustlægðirnar koma. „Það er búið
að því. Skipið er nú við bryggjugarð-
inn en eins og komið hefur fram í
fréttum hefur það nokkrum sinnum
verið nærri því að sökkva í höfninni,
sem hefði verið mjög vont mál. Nú er
togarinn kominn á fast fyrir innan
höfnina. Hann er í rauninni kominn á
þurrt land og búið að afstýra því að
það verði slæmt tjón.
Það er kappsmál hjá öllum sem
koma að þessu verkefni að rífa hann
eins fljótt og auðið er. Það er lýti að
honum í þessu ástandi. Við vonumst
til að fá leyfi frá Umhverfisstofnun
mjög fljótlega þannig að þetta
vandamál verði úr sögunni.“
Verða tíu þegar mest lætur
Daði segir aðspurður að um tíu
manns muni starfa við niðurrifið
þegar mest lætur. Tveir til tíu muni
starfa við niðurrifið á mismunandi
stigum. Framkvæmdir hafi verið
skammt á veg komnar þegar þær
voru stöðvaðar í byrjun mánaðar. Þá
segir Daði sjó hafa verið dælt úr
skipinu sl. sumar. Síðan hafi verið
sótt um neyðarleyfi til að koma því á
öruggan stað fyrir veturinn.
„Það hefur verið löng og ströng
þrautaganga að fá að farga skipinu
hér heima. Við fengum synjun frá
Umhverfisstofnun fyrir rúmlega
tveimur árum um að flytja skipið í
Helguvík og rífa það þar, enda hafi
stór skip verið rifin þar áður. Í synj-
uninni var vísað í Evrópureglur sem
heimila ekki niðurrif með þeim hætti
á skipum sem eru yfir 500 tonn. Við
töldum að reglugerðin hefði ekki
verið innleidd á Íslandi og kærðum
þessa synjun. Málið hefur síðan farið
hringi í kerfinu og það er ekki komin
niðurstaða þar. Það eru allir fegnir
að komin sé undanþága og að málið
verði leyst fljótt og vel,“ segir Daði.
Orlik bíður nú örlaga sinna
 Umhverfisstofnun stöðvaði í byrjun mánaðarins niðurrif rússneska togarans Orlik í Njarðvíkurhöfn
 Ástæðan var að skipið var flutt frá fyrirhuguðum niðurrifsstað  Hringrás hefur sótt um undanþágu
Gröfurnar klárar Orlik liggur við bryggjuna í Njarðvíkurhöfn. Engin smásmíði Eins og sjá má gnæfir Orlik yfir fleyin í höfninni. Skipið var smíðað fyrir um 36 árum.
Ljósmyndir/Ingvar Jóel/Birt með leyfi
Ryðskemmdir Það leynir sér ekki að Orlik hefur ekki fengið mikið viðhald á síðustu árum. Hann er mjög ryðgaður.
Frá 9. áratugnum
» Orlik var smíðaður 1983.
» Hann er 63,3 metrar á
lengd, 13,8 metrar á breidd
og nettóþyngd hans er 669
tonn.
» Leki kom að skipinu í júlí í
sumar sem leið og kallaði
það á björgunaraðgerðir.
» Skipið er skemmt af ryði
en það hefur árum saman
legið ónotað við bryggju.
16 FRÉTTIRInnlent
MORGUNBLAÐIÐ LAUGARDAGUR 21. SEPTEMBER 2019
Íslensk kona hefur verið úrskurð-
uð í gæsluvarðhald og einangrun í
eina viku vegna kókaínsmygls, en
hún var handtekin á Keflavíkur-
flugvelli 16. september með 50
pakkningar með samtals 401,24
grömmum af kókaíni og 0,49
grömmum af amfetamíni. Lands-
réttur staðfesti í fyrradag úr-
skurð héraðsdóms í máli kon-
unnar.
Í greinargerð lögreglustjórans
á Suðurnesjum, sem fer með
rannsókn málsins, kemur fram að
grunur hafi komið upp um að
konan hafi verið að smygla fíkni-
efnum.
Hins vegar hafi ekki komið til
líkamsleitar, þar sem hún viður-
kenndi við tollgæslu að vera með
fíkniefni meðferðis og fjarlægði
hún 50 pakkningar af ætluðum
fíkniefnum úr nærfötum sínum.
Taldi hún sjálf að pakkning-
arnar innihéldu kókaín.
Rannsókn málsins er á frumstigi
og segir í greinargerðinni að lög-
reglan þurfi að rannsaka aðdrag-
anda ferðar konunnar hingað til
lands og tengsl við hugsanlega vit-
orðsmenn hér á landi eða erlendis.
Héraðsdómur tók undir með
lögreglunni að konan væri undir
rökstuddum grun um brot sem
varðaði fangelsi og að með óskertu
frelsi gæti hún torveldað rannsókn
málsins. Landsréttur staðfesti
niðurstöðu héraðsdóms.
50 kókaínpakkn-
ingar í nærfötunum
 Íslensk kona úrskurðuð í gæslu-
varðhald og einangrun í eina viku
GRÆNT ALLA LEIÐ